انا كل ماعديت بالرجم ثم مديت:

[عيد بن شده]

انا كل ماعديت بالرجم ثم مديت:
نظرعيني اللي لاعهاالبين قبل الهم

تبهذلني الافكار يامنيف لاعديت
طويل الرجوم اللي يسم الضماير سم

طويل الرجوم اللي حراويه لاطليت:
اشوف الديار اللي معي فلمها يرسم

واشوف المنازل خاليه بعد حيً ميت
تقافت سنين العمر والنوخذه يفهم

واشوف الديار اللي بها ياولد مريت
عثامير جيانً بوسط الهظاب الشم

بعد سجوا السالين في نومهم صحيت
همومي تخم الفكر لاضاق بالي خم

تذكرت وقتن فات يامنيف ثم ونيت
ونين الكسير اللي جروحه تضخ الدم

على اللي على لاماه بأول صباي اشفيت
كما شفت الضميان لاشف وبل الشم

غدت به عجاف العجف واقفى وانا قفيت
ضروف النيا تنياه والعم وابن العم

صفا لي وانا صافي على الطيب مازليت
لكن العلوم علوم والجم دونه جم:

ابو قذلتن شقراء وخدن سوات الليت
عليه الرسوم اليوسفيه ومعها كم

طويل المعنق والحجاجين فيها اريت
رموزأ تخلي راعي الحزن به يحلم

رموز الجمال اللي بها شفت مالقيت
مع البدو واهل المدن للوصف ماتعلم

حدوني على فرقاه وانا منه ماوحيت
كلامه يسر البال بالعكش لاسلهم

يسلهم بسودأ سحر هاروت فيها هيت
وثمانن سوات البرق مع مفلج المبسم

يقولون عذال المحبه تراك اخطيت:
وانا اقول للعذال ما ذقتوا البلسم:

عبادن على دبك المهابيل يابا الفيت
تسولف تبا الفاهات لكن ماتفهم:

اهل سرد هوج الهرج بعلومهم دريت
اليا خاطبوني صرت بحلوقهم علقم

انا في حقوق اهل الوفاء بالوفاء هليت
ولاني وكيل الزمزمي ياملأ لازم


عيد بجاد بن شدة

[إبن ثعلي]

صح السانك يابن شدة ولا هنت

[عيد بن شده]

الاخ ابن ثعلي لاهنت وصح بدنك