لغز جديد (محلول من ابن ثعلي )

[{ أبوفيصل }]

السلام عليكم ورحمة الله وبركاته


ياويش رجّالٍ ليا جبته خطا =يمكن يودّي صاحبه للتهلكه
وأقول يافال السعد عقب البطا =عسى الولي يسعد ليال المملكه



:)


.

[{ أبوفيصل }]

ابن ثعلي

عط سداح فرصه

:)

[إبن ثعلي]

وهذا اللغز اشوف ما احد تعرضه لكن من البيت الأخير يتبادر الى الذهن
ان اللغز يتعلق باليوم الوطني وليا جبته خطأ يمكن اذا سميته عيد يحصل اثم
والله اعلم

[{ أبوفيصل }]

ماااالك لواا

:)

[إبن ثعلي]

طيب يمكن يكون الطارق طارق القنبله اذا نزعته بطريقة الخطأ

[{ أبوفيصل }]

ماااالك لواا

اذا اردت اضافة بيت ؟ أضفته

رغم ان البيتين اشوفها وااافيه

[إبن ثعلي]

اشرح معنى ليا جبته خطأ هل هي اذا نطقته خطأ ام ان الجيبه شيء ملموس؟

[{ أبوفيصل }]

يعني قولة فلان جاب كذا

وش اقول يابوعبدالرحمن وش اوضح لو قلت شي فضح اللغز

انت سو له تحليل ووتاصل الحل

:)

[إبن ثعلي]

اذا كان المعنى نطقه خطأ فأعود لحلي الأول وأقول انه العيد الوطني
وذا كانت الجيبه ماديه فالحلول كثيره منها العلاج اذا اخذ بطريقه خاطئه

[{ أبوفيصل }]

صح فكرك يابوعبدالرحمن جبت العيد :)

الحل ( العيد ) بيض الله وجهك على الحل القاضي

وتحياتي

[إبن ثعلي]

طيب يابوفيصل انا هذه اجابتي الأولى لكنك قلت لي مالك لواء

[{ أبوفيصل }]

والله انك صادق يابوعبدالرحمن لكن انت ذكرت في رمعتك اليوم الوطني

لأني اخذت الرمعه من اول كلامك دون النظر للتفاصيل .

وابشر بالعوض

:)