لغز حصري

[{ أبوفيصل }]

السلام عليكم

ياويش بنتٍٍ بالمواري شهيره
اقولها ياشيخ واللغز حصري

من لاملكها في شبابه عسيره
تعدته تبغى لها جيل عصري

يتعب لها من لا توانا مسيره
كم ميَّزت من شخص مافيه قصري

.

[{ أبوفيصل }]

الحمد لله على التوفيق وهذا اللغز افحمنا يابو فيصل وهات اللي بعده
وهذا اللي بعده يا شايبنا

[إبن ثعلي]

لغز محكم يابو فيصل وويش رايك في تقنية علوم الحاسب الآلي او شهادته(شهادة الكمبيوتر)

[{ أبوفيصل }]

حياك الله يابوعبدالرحمن

مااااااك لوا ، اضفت بيت على اللغز

[إبن ثعلي]

ويش رايك في المشيخه اوقولة ونعم لمن يستاهلها؟

[{ أبوفيصل }]

ويش رايك في المشيخه اوقولة ونعم لمن يستاهلها؟
لاهذي ولا ذي ماااالك لواا

هذي يابوعبدالرحمن ماهيبـ لحية مشيخه ولا ظن جيلها العصري يعرفون قولة ونعم :)


تعدّته تبغاَ لها جيل عصري

[إبن ثعلي]

ويش راي أبو فيصل في شهادة الدكتوراه؟

[عامر الروقي]

ابوفيصل صح لسانك
وش رايك
اللغة الانجليزية

[{ أبوفيصل }]

ويش راي أبو فيصل في شهادة الدكتوراه؟
ماااالك لواا

[{ أبوفيصل }]

ابوفيصل صح لسانك
وش رايك
اللغة الانجليزية
صح بدنك وياهلابك يابوناجي

مااااالك لواا

[إبن ثعلي]

طيب ويش راي أبو فيصل في لعبة كرة القدم

[{ أبوفيصل }]

ماااالك لواا

[{ أبوفيصل }]

ماتوقعت اللغز يبطي

[إبن ثعلي]

هذا للغز استعصى لكن ويش رايك في النجمه (الرتبه العسكريه)
ورمعه أخرى اللغة الإنجليزيه

[{ أبوفيصل }]

مااااالك لواا

[إبن ثعلي]

يمكن تكون التجاره يابو فيصل؟

[{ أبوفيصل }]

مااااالك لواا

[إبن ثعلي]

طيب ياابو فيصل ويش رايك في البنت المزيونه؟

[{ أبوفيصل }]

مااااالك لواا

[إبن ثعلي]

رمعة يابو فيصل من زاويه ثانيه ويش رايك بلعبة البلايستيشن ؟

[{ أبوفيصل }]

مااااالك لواا

[إبن ثعلي]

اللغز هذا لازم نلقى له حل ويش راي أبو فيصل في الموضه؟

[{ أبوفيصل }]

حله مشهور عند الناس ومعروف

ماااالك لواا

[إبن ثعلي]

الوظيفه ؟ يابو فيصل

[{ أبوفيصل }]

ماااالك لوا

الحل يابوعبدالرحمن مثل مايقولون اشهر من نارٍ على علم

[إبن ثعلي]

لعلها جائزة سباق الضاحية

[{ أبوفيصل }]

مااااالك لواا

[إبن ثعلي]

نبي نعط اللغز الجديد 24 ساعه لعل احد يشاطرنا في محاولة حله
لكن انا لازلت مع هذا اللغز ما انتهيت منه
وأقول ويش رايك في المدرسه او الدراسه؟

[{ أبوفيصل }]

ودنا يكون باللغز الجديد مجال للمشاركه



المدرسه والدراسه مااااالك لواا

[المقناص]

صح لسانك ياغالي رمعه ثلاثيه لعل احد تصيب الهدف

نقول

براءة الاختراع او الموهبه او الفكره

[{ أبوفيصل }]

صح بدنك يالمقناص وياهلا حياك الله

ماذكر بعاليه غير صحيح

[المقناص]

طيب يابوفيصل

السيره الذاتيه

[{ أبوفيصل }]

مااااالك لواا

وللعلم البنت اشهر من نارٍ على علم

[المقناص]

قول تم

الكره الذهبيه التى تمنح للاعب المميز

[{ أبوفيصل }]

مير مايتم على هالوجه ظالم

ماااااااالك لواا

[المقناص]

العذر يابوفيصل على تتابع الرمعات

البعثه الدراسيه

[{ أبوفيصل }]

ماااالك لواا

[إبن ثعلي]

نسينا هذا اللغز يابو فيصل ويش رايك في رخصة القيادة

[{ أبوفيصل }]

مااااالك لواا يابن ثعلي

[إبن ثعلي]

طيب مارايك في الآلة الكاتبه؟

[{ أبوفيصل }]

مااااااالك لواا

للعلم البنت لمحت لاسمها في اللغز

[إبن ثعلي]

.............

[{ أبوفيصل }]

.................

[إبن ثعلي]

والله يابو فيصل دائم ا دقق في الفاظ اللغز قبل كل شيء
لكن هذا اللغز حجر المخ في حله

[{ أبوفيصل }]

..............