لغز ،،،،، (محلول من ابن ثعلي )

[{ أبوفيصل }]

السلام عليكم ورحمة الله وبركاته




لغزٍ نظمته نظم شاعر ودكتور =في حبكته شد انتباه النبيهي
ويش الخوان اللي كما صف طابور =طابور صفٍّ للعساكر شبيهي
لكن لهم بالوصل دورٍ ورى دور =من بينهم حبل المواصل بديهي




.


.

[إبن ثعلي]

ما ادري عن هذا للغز يابو فيصل له عدة حلول لكن ابي اختار منها جنود الفريره ما ادري هذا اسمها والا لا
لكنها لعبة تحاكي لعبة القدم على طاوله وتلعب باليد
ورمعه ثانيه اسنان الترس التي يركب عليها الجنزير في بعض الآلات
مثل السيكل او جنزير السياره
ورمعه من جنس غير رموش العين العليا والسفلى ويكون التواصل بينهما
عند الإرماش
وتحياتي لك

[عامر الروقي]

صباح الخير الجميع

صح لسانك ونظمك يابوفيصل
وش رايك
حرف (اليا)و (الها) و (اليا) في وقفة الشطر الثاني

[{ أبوفيصل }]

ماااالك لوا يابن ثعلي

[{ أبوفيصل }]

صباح النور ياعامر

صح بدنك وابيض وجه لاهنت

ماااالك لوا بالحروف

[{ أبوفيصل }]

بديهي // اللي تشكل عليه : معناها أمر طبيعي وبديهي حين يبادر ذهنك أمرٌ ما

[إبن ثعلي]

ودي يابو فيصل تشرح لي معني كلمة بالوصل فقط
وتحياتي لك

[إبن ثعلي]

وينك يابو فيصل نريد الإيضاح عن حبل الوصل هل هو مادي والا معنوي

[إبن ثعلي]

ويش رأي أبو فيصل في الأصفار على يمين الرقم واحد مثل المليون 1000000

[{ أبوفيصل }]

أهلاً بك يا أباعبدالرحمن

اعذرنا عن التأخير ابوفيصل لديه وعكه صحيه والحمدلله على كل حال

الرمعات المذكوره ماااالك لواا واللغز رداً على السؤال مادي لامعنوي

عفواً / اكمال للرد عن سؤالك الاَخر في الوصل

واضح يابوعبدالرحمن : هولاء الأخوه في اتصال مع بعضهم البعض

وأي استفسار حاضرين

[إبن ثعلي]

سلامتك ان شاء الله وتسلم يابو فيصل على الشرح الوافي وسناتي بالحل ان شاء الله

[إبن ثعلي]

وهذه يابو فيصل رمعه متوسطة الملك وولي عهده وولي ولي العهد

[{ أبوفيصل }]

ماااالك لواا

[إبن ثعلي]

طيب ويش راي أبو فيصل في فريق كرة القدم بنادي الوصل الاماراتي؟

[{ أبوفيصل }]

هذا الفريق ماكل احد يعرفه يابن ثعلي

والوصل سبق وضحت معناه وعلى فكره الحل معروف للصغير قبل الكبير ولهذا

ماااالك لوا

[إبن ثعلي]

طيب ويش رأي أبو فيصل في أعمدة الكهرباء او أبراج الجوال او أبراج الكهرباء

[{ أبوفيصل }]

طيب ويش رأي أبو فيصل في أعمدة الكهرباء

:ongue::ongue::ongue::ongue::ongue:

(( عمدان الكهرب ))

صح فكرك يابوعبدالرحمن اجابتك 100% بيض الله وجهك

تحياتي لك

[إبن ثعلي]

الحمد لله على التوفيق وهذا اللغز افحمنا يابو فيصل وهات اللي بعده

[عهود]

السلام عليكم

اخباركم

[إبن ثعلي]

السلام عليكم

اخباركم
حياك يا اخت عهود وين هالغيبه؟