لغز وينك ياللي تحله ( محلول من ابن ثعلي )

[{ أبوفيصل }]

السلام عليكم ورحمة الله وبركاته


ياملّ عينٍ ماتنام اجفونها =شوف السمار احسب حسابه وارقبه
يغشا وجيه اللي تغيَّر لونها =هاك الثَّنين اللي بهم نفس الشَّبَه
رجلٍ على اسم امه ويِعرف دونها =ورجلٍ على اسم ابوه واضح منسبه
اللي يجي لأمه ويغشا كونها =واللي يجي لأبوه ليْن يغيِّبه

[همس النسيم]

وعليكم السلام ورحمة الله وبركاته
صح لسانك يابو فيصل
لغز جيد وجزل الله يعطيك العافية
لي عوده ان شاء الله

[إبن ثعلي]

هذا لغز ماهوبصعب يالعطاوي بس لازم نفهمه اول
السمار يغشى وجه الرجلين والا الرجلين يغشون السمار
وتحياتي لك

[{ أبوفيصل }]

أهلاً بكم ياهمس عوده حميده

بانتظااار الحل

[{ أبوفيصل }]

نوعاً ما يابوعبدالرحمن لكن مايصعب عليكم ياشايبنا

المطلوب اثنين >> هذا على أسم أمه ينسب ، وهذا على اسم ابوه منسبه

[إبن ثعلي]

والله مافهمت اللغز زين يالعطاي لكن ويش رايك في برقع المراة وبرقع الطير؟
او ضوء الشمعه وضوء السراج؟

[{ أبوفيصل }]

اللغز واضح حله ولكن مايمكن تحله وانت ماعطيته بالك

ماااااالك لواا

[إبن ثعلي]

ويش رايك في نور القمر ونور الشمس ؟
او كسوف الشمس وكسوف القمر؟

[عامر الروقي]

مساء الخير الجميع
والعذر والسموحه عن الغياب الله لا يغيبنا الا في طاعته
ابوفيصل
صح لسانك ونضمك للغز
وش رايك
ربيع الارض و الربيع العربي

[{ أبوفيصل }]

ويش رايك في نور القمر ونور الشمس ؟
او كسوف الشمس وكسوف القمر؟
:ongue::ongue::ongue::ongue::ongue:

:SnipeR (37): صح فكرك يابوعبدالرحمن ماشاء الله :SnipeR (37):

(( كسوف الشمس و خسوف القمر ))

ياملّ عينٍ ماتنام اجفونها << لاتنام عين المؤمن خوفاً ورهبه عند رؤية هذه الظواهر الكونية بقدرة الله وتدبيره
شوف السمار احسب حسابه وارقبه << السمار هو السواد المظلم الذي يرتقب عند مجيئه مخافة الله سبحانه

يغشا وجيه اللي تغيَّر لونها << الكسوف والخسوف اللي يغطي وجه القمر والشمس
هاك الثَّنين اللي بهم نفس الشَّبَه << الكسوف والخسوف

رجلٍ على اسم امه ويِعرف دونها << خسوف القمر
ورجلٍ على اسم ابوه واضح منسبه << كسوف الشمس

اللي يجي لأمه ويغشا كونها << الكسوف عندما يكون كلِّي يحجب نور الشمس
واللي يجي لأبوه ليْن يغيِّبه << الخسوف عندما يكون كلياّ كذلك يحجب ضوووء القمر

تحياتي لك وللجميع

[{ أبوفيصل }]

مساء النور والسرور ياعامر وياهلابك في محلك

اللغز راح عند شايبنا أنهاه بالرمعه القاضيه

صح لسانه ولسانك

[عامر الروقي]

صباح الخير الجميع

ابوعبدالرحمن

كفووصح فكرك وتفكيرك في حل اللغز وبيض الله وجهك
وبياض الوجه كسي من نظم وحبك اللغز

تقدير واحترام
للجميع

[إبن ثعلي]

الحمد لله اني اصبت الحل ياابو فيصل وانا سألتك عن السمار وما رضيت توضح لي
وعلى العموم بيض الله وجهك وجهودك مقدره
وتحياتي لك

[إبن ثعلي]

صباح الخير الجميع

ابوعبدالرحمن

كفووصح فكرك وتفكيرك في حل اللغز وبيض الله وجهك
وبياض الوجه كسي من نظم وحبك اللغز

تقدير واحترام
للجميع



حياك الله يا اخ عامر ومرحبا بك تراحيب المطر وصح بدنك
ومن جاء ماغاب
وتحياتي لك