فيكم شده على الألغاز ( حلته همس النسيم ) صح لسانها

[{ أبوفيصل }]

السلام عليكم ورحمة الله وبركاته

كتبت لكم لغز وجبته وين ذباحه ؟؟ :rolleyes:


.


لغزي وسيع اِبطان ماضاق صدره =واللي هوَنَّه من بناتٍ لِفنَّه
بضيافته مافيه رجلٍ يِخَطْره =غير البنات اللي يهلّي بهِنّه
في سرمدي ليله مواقيد جمره =مع جرْهَدٍ مفروش كل ما يجنّه



.


.

[{ أبوفيصل }]

في يوم من الايام اذكر ابن ثعلي يقول >> اطرح اللغز ويجيونك هل الألغاز

عاد نشوف كيف الحضور والمشاركه

بعدها هذا اللي يعذرني منكم ياجماعه ، لاتقولون البوفيصل غاب

[عهود]

انا جيييييت :03jdfny13:

فيناشده نحل اللغز ان شاء الله

متحمسه وبقوه ابعدو عن طريقي ....:151: وش تقول في الشارع وبالانقلش استريت

صاحب الالغازالجميله اشكرك على هاللغز الجميل ويارب اكون جبت الحل او اكون على الاقل
قريبه من الحل ....

[عهود]

جايينك عشاق الالغاز في الطريق .....تحياتي لك ابن ثعلي هذا الانسان فيه وفاء للمنتدى يدلك على

كذا رقم عضويته خمسه ....الله يعطيه الصحه والعافيه ....واصل والله معاك ي ابن ثعلي :)

[{ أبوفيصل }]

8


أيام عز الأخضر منتخبنا >> " جاكم الاخضر جاكم وخر عن طريقه "

شدي حيلك ياعهود لايجي ابن ثعلي يضيع رصة الفوز عليكم

الشارع ماااالك لواا

[إبن ثعلي]

العقد واللمبات؟

[عهود]

جرهد والله. ماقد مرت علي لأفي حياتي العامه ولافي الفأس بك ولا طويطر :) مار وش معنى الككلمه

[عهود]

لعل إجابة ابن ثعلي صحيحه .. أعذروني أن تسان فيه أخطأااء في الكتاااابه.
إكتب من ججوااال

[{ أبوفيصل }]

8

مالك لوا

[{ أبوفيصل }]

8

جرهد = هي أرض ممتده مستويه

اي اوامر تانيه

[همس النسيم]

وعليكم السلام ورحمة الله وبركاته
صح لسانك يابو فيصل
وبيض الله وجهك على هالألغاز الجميلة والمحفزة
ولي عودة للغز

[عهود]

يمكن يكون الكحل والله أجابه متعوب فيها رأسي صدع من التفككير ...

[جااابر]

سلام عليكم ...تسلم يابو فيصل على الابداع
وش تقول في الانستقرام وضيوفة الصور

[{ أبوفيصل }]

صح بدنكم وحياكم ياهمس

شكراً لك هذا الاطراء الجميل

والحافز الاول هو مشاركتكم

[{ أبوفيصل }]

لاتعبتي ياعهود مااالك لوا

[{ أبوفيصل }]

سلام عليكم ...تسلم يابو فيصل على الابداع
وش تقول في الانستقرام وضيوفة الصور
عليكم السلام ورحمة الله وبركاته

اهلاً بك ياجااابر مرحبا عدد زخات المطر :03jdfny13:

الرمعه طال عمرك مااالك لوا

[همس النسيم]

http://img829.imageshack.us/img829/8241/23059903.jpg


وش تقول بهالصورة
وتراها ملطوشه

[إبن ثعلي]

بغيت اقول فحل الإبل مايرضى بفحل ثاني معه لكن في سرمدي ليله مواقيد جمره تنطبق على اضواء مدرج المطار واقول الجواب المدرج والبنات الطائرات وفازت به همس النسيم بنشر الصورة والعالم الله
وتحياتي لك يابوفيصل

[{ أبوفيصل }]

8

:SnipeR (37):
صح فكرك ياهمس النسيم صحيح (( المطار )) وصدره هو المدرج

نأمل يكون حاز على رضاكم تحيتي لك وللجميع

[{ أبوفيصل }]

بغيت اقول فحل الإبل مايرضى بفحل ثاني معه لكن في سرمدي ليله مواقيد جمره تنطبق على اضواء مدرج المطار واقول الجواب المدرج والبنات الطائرات وفازت به همس النسيم بنشر الصورة والعالم الله
وتحياتي لك يابوفيصل

شوّقتك البل وراح فكرك يمها :)

شكراً لمشاركاتك الجميله

[{ أبوفيصل }]

تحيتي لمن حله ولمن ساهم برمعته

واللي مرنا زاير شرف ولا كلف

:)

[عهود]

دايم تتحفنا باالغازك الجميله ....الله يسعدك ي ابو فيصل :)


اجابه موفقه ياهمس تستاهلين ..

[{ أبوفيصل }]

تستاهلون ياعهود

لكن تدرون كم تمنيت عودتكم جميع كما عهدتكم ياعهود

تحيتي للجميع

[عامر الروقي]

همس النسيم
كفو كفو كفو

وصح فكرك وتفكيرك في حل اللغز ولا هان من نظم اللغز

احترامي وتقديري
للجميع