لغز ... ( محلول من ابن ثعلي ) صح لسانه

[{ أبوفيصل }]

السلام عليكم ورحمة الله وبركاته



بنتٍ لنا فيها يأهل العرف شف ونظر =عز الطلب رغبتي لاجات أنا جايها
العمر فأربع طعش عمر الصبا يابشر =يوم أقبلت راحت السنه على اِقفايها
خواتها اللي يمرّن مقفيات العمر =مشن وهي مابعد مشت على رايها


.

.

.

[إبن ثعلي]

فريضة الحج؟

[عامر الروقي]

ابوفيصل

صح لسانك وبيض الله وجهك
وش رايك
ليلة14ذو الحجة

[همس النسيم]

وعليكم السلام ورحمة الله وبركاته
صح لسانك يابو فيصل على هاللغز الجزل
وش تقول بليلة القدر
أو ليلة رأس السنة

[{ أبوفيصل }]

ماااالك لوا يابوعبدالرحمن

[{ أبوفيصل }]

ابوناجي

صح بدنك ووجهك يا ابيض الوجه

مااالك لوا

[{ أبوفيصل }]

صح بدنك ياهمس النسيم ، لاهنتي مشكوره

الرمعه ماااالك لوا

[همس النسيم]

وش تقول بليلة النصف من شعبان

[عهود]

لغز جميل
شكرا ابو فيصل
مممكن يكون الحل سن المراهقه

[{ أبوفيصل }]

ماااالك لوا ياهمس

[{ أبوفيصل }]

حضوركم أجمل وحياك الله ياعهود

مااالك لواا

[عهود]

العطلة المدرسيه ممكن او اجازة
الصيف

[إبن ثعلي]

السيارة الجديدة موديل 14؟

[عامر الروقي]

صباح الخير الجميع
ورمعة ابن ثعلي ما عليها تعدي والعلم عند ابوفيصل

[روقي قرم]

صح لسانك وجابها ابن ثعلي

[إبن ثعلي]

العلم الأكيد عند ابو فيصل لكن هو وينه؟

[{ أبوفيصل }]

عهود مااااالك لواا

خيرها في غيرها

[{ أبوفيصل }]

السيارة الجديدة موديل 14؟
:SnipeR (37):
(( السياره الجديده موديل 14 ))


ابن ثعلي صح لسانك والله يعطيك العافيه

تحياتي لك وللجميع

[{ أبوفيصل }]

عامر الروقي نعم مثل ماتفضلت به هذا الحل

اشكر لك تأييدك ولك اجمل تحياتي

[عهود]

لغز جميل ي العطاوي بارك الله فيك مير المره الجايه نبي لغزن سهل


ماشاء الله عليك ي ابن ثعلي وشلون توصلت للحل ؟؟؟؟ اول مره اسمع بسياره موديل 14 :)

[عامر الروقي]

ابوعبدالرحمن

كفو كفو كفو

وصح فكرك وتفكيرك في حل اللغز ولا هان من نظم اللغز
احترامي وتقديري
للجميع