لغز لغز ( محلول من فهد الماو ) صح لسانه

[{ أبوفيصل }]

السلام عليكم
اليكم هذا اللغز امل يحوز على الرضى

.



ويش أربعٍ في طبعهن ياملا عوص =أربع خوات اِبكار عوصٍ معاويص
ماشفت من يمشي على دربهن صوص =غير الْيا جن يمشن معاهن وصاويص
ونكان مرّن والبلد ماهو مرخوص =هن يستبيحن البلد دون ترخيص




.


.

[عامر الروقي]

ابوفيصل
صح لسانك وبيض الله وجهك لغز متعوب عليه
والرمعه الي في مقام اللغز غايبه

[{ أبوفيصل }]

ابوفيصل
صح لسانك وبيض الله وجهك لغز متعوب عليه
والرمعه الي في مقام اللغز غايبه
ابو ناجي ياهلابك

صح بدنك ووجهك يابعدي

[الأدميرال]

مساء الخير على الجميع :wardah:

صح السانك يابوفيصل ويعطيك العافيه
جاري التفكير يالقرم تقبل تحياتي

[همس النسيم]

وعليكم السلام ورحمة الله وبركاته
صح لسانك يابو فيصل على هاللغز
ولي عودة له

[{ أبوفيصل }]

مساء النور والسرور يالادميرال

صح بدنك ،، ننتظر للحل فالحل فيصلاً :SnipeR (90):

[{ أبوفيصل }]

حياااكـ وصح بدنكم ياهمس

[همس النسيم]

وش تقول بالأشهر الحرم

[إبن ثعلي]

كفرات السيارة الأربع؟

[الأدميرال]

الظاهر ان رمعت العود صابت :biggrin:
انا مع ابن ثعلي الكفرات

[{ أبوفيصل }]

وش تقول بالأشهر الحرم
ماااالك لواا

[{ أبوفيصل }]

كفرات السيارة الأربع؟
ابن ثعلي ماااالك لواا

[{ أبوفيصل }]

الظاهر ان رمعت العود صابت :biggrin:

انا مع ابن ثعلي الكفرات

ماصابت رمعة العود ولاااااالكم لواا

[الأدميرال]

أربــع خـــوات اِبـكــار عـــوصٍ مـعـاويـص

يابوفيصل عوصٍ معاويص
بكون صادق معك والله مدري وش معناها
عطنا فكره عن عوصٍ معاويص عشان اقدر افكر
ولك تحياتي
:wardah:

[فهد الماو]

صح إلسانك وش رايك بالرياح أو الأبرديه

[عهود]

شكرا على اللغز الوصاويصي يابصطويسي :SnipeR (37):

إجابه سريعه يمكن الجهات الأربعه ...شمال جنوب ..شرق غرب وكل عام وأنتم بخير بمناسبة قرب

حلول شهر رمضان المبارك ... ماأظن أحد هناكم قبلي

قبل الزحمه ولف السمبوسه :)

[عهود]

أول مره أشارك من جوالي هاه كيف الخط زي أول

[اصايل]

صح لسانك ..

متابعه لكم وبس ..

[{ أبوفيصل }]

مساء الخير على الجميع :wardah:


صح السانك يابوفيصل ويعطيك العافيه

جاري التفكير يالقرم تقبل تحياتي


مساء النور والسرور والبلابل والطيور والجوازات والمرور :4:
صح بدنك ويعافيك يالادميرال

[{ أبوفيصل }]

صح إلسانك وش رايك بالرياح أو الأبرديه
:SnipeR (37):
صح بدنك يالماو وصح لساااانك نعم هي الهبايب او الرياح

اشكر كل من مر وشارك وحظاّ اوفر لكم ولمن لم يحالفه الحل الصحيح

تحيتي للجميع:wardah:

[عامر الروقي]

ابوفيصل
صح لسانك على نظم اللغز ولاهنت
فهد الماو
كفو وصح فكرك وتفكيرك في حل اللغز ولاهنت
تقدير واحترام
للجميع

[إبن ثعلي]

بس الهبايب ما هي بأربع أكثر أكثر من ذلك

[{ أبوفيصل }]

لالا الرياح اربع ومعروفه يابن ثعلي

[{ أبوفيصل }]

ابوفيصل

صح لسانك على نظم اللغز ولاهنت
فهد الماو
كفو وصح فكرك وتفكيرك في حل اللغز ولاهنت
تقدير واحترام

للجميع

صح بدنك ياعامر ولاتهون