لغز لكم وللجميع ( محلول من ملك الحلول ) وجودك يكفي صح لسانه

[{ أبوفيصل }]

السلام عليكم ورحمة الله وبركاته
عدنا لكم بهذا اللغز الجديد اَمل أن ينال اعجابكم

.


لاشك يأهل العرف والشك زايل =لنكان به من يقطع الشك رايه
عوْدٍ لقيته من قديم الأوايل =في طارفة بنتٍ تضم البرايه
أوْدَع سجينه عقب ذيك الهوايل =في داخله من غير ذنب وجنايه


.

.

.

[همس النسيم]

وعليكم السلام ورحمة الله وبركاته
حياك الله يابو فيصل
والحمد لله على رجوع المنتدى وألغازك
وانتظر مني رمعه

[{ أبوفيصل }]

حياكـ الله وبأنتظااار ماتؤوول لها رمعة همس النسيم

:)

[إبن ثعلي]

اشرح يابو فيصل معنى تضم البرايه

[{ أبوفيصل }]

اشرح يابو فيصل معنى تضم البرايه
تضم البرايا = تضم الخلق والناس

كما جبرت البرايا للبرايه على القافيه

[عامر الروقي]

ابوفيصل
صح لسانك ولاهنت وش رايك
الدرع العربي

[إبن ثعلي]

المتحف والسجين التراث بداخله؟

[همس النسيم]

http://t2.gstatic.com/images?q=tbn:ANd9GcTn2QoVnaxh2M1rLLcFt5m6RcOHnd97K pNeeTfndKJAiHXOnf1Q

الرباضة أو الصائدة

[عامر الروقي]

لو المطلوب مؤنث قلت
المحميه ولاكن نقول
السد

[همس النسيم]

يابو فيصل الفجر شفت لك 3 ألغاز
ولا يفتح ولا واحد منهن
والحين أشوفه واحد
يمكن من المنتدى وعدم توازنه

[وجودك يكفي]

صح لسانك يابوفيصل ولاهنت على اللغز الوافي والجزل


وش تقول ياكابتن في غار ثور


والبنت اللي في طرف العود وتضم البريه هي مكه المكرمه . والسجين اللي اودعه العود هو الرسول صلى الله عليه وسلم وابو بكر الصديق



رمعة احتياطيه / البئر الذي القي فيه يوسف عليه السلام

[فهد الماو]

صح إلسانك يأبو فيصل وش رايك في البحر والسجين يونس عليه السلام في بطن الحوت

[عامر الروقي]

الله الله الله الله
غار ثور
وجودك يكفي يبطي بيومك رمعه في محلها
والعلم عند ابو فيصل

[اصايل]

مافيه مجال للتفكير اساسا :)

صح لسانك ابو فيصل

وفيه رمعتين جازتلي ..!

[{ أبوفيصل }]

اخواني وخواتي كلٍّ له مني رد لكن اخشى يقفل الموقع وانا ماكملت ههههههه

بن ثعلي ، عامر الروقي ، فهد الماو ، همس النسيم ، أصايل

صحت أبدانكم ويامرحبابكم جميع
ولاااالكم لوااا فيما ذكرتوه

[{ أبوفيصل }]

صح لسانك يابوفيصل ولاهنت على اللغز الوافي والجزل


وش تقول ياكابتن في غار ثور


والبنت اللي في طرف العود وتضم البريه هي مكه المكرمه . والسجين اللي اودعه العود هو الرسول صلى الله عليه وسلم وابو بكر الصديق



رمعة احتياطيه / البئر الذي القي فيه يوسف عليه السلامصح بدنك ياولد ثابت وافي والجزاله وجودك معنا الله يحييك

صح لساااانك مدد ياوجودك :SnipeR (37): (( غار ثور )) :SnipeR (37): في طارفة من تشد الناس لها الرحال
ويجتمع لها المسلمون لأداء مناسكهم في الحج والعمره

وبمكة المكرمة يقع (غار ثور) في جبل معروف من جبال مكه ، ذهب اليه رسول الله الكريم وبرفقته صاحبه
عندما كان مطارداً ومستهدفاً من كفار قريش ، وعند الغار قال ابوبكر الصديق وهو يدله الطريق
عندك يارسول الله فأني أستبريء لك هذا ، يقصد هذا الغار للأختباء فيه عن عيون المشركين
فقد دخله رسول الله مختبأً هو وصاحبه ومكث به ثلاث ليال .

اشكر لكم جميعاً مشاركتكم الرائعه واشكر عامر الروقي على تأييده

[عامر الروقي]

وجودك يكفي
كفو و صح فكرك وتفكيرك في حل اللغز ولاهنت
ولاهان من نظم ولاهان من رمع
تقدير واحترام
للجميع

[وجودك يكفي]

صح بدنك يابو فيصل وبيض الله وجهك على اللغز الرائع

[وجودك يكفي]

وجودك يكفي
كفو و صح فكرك وتفكيرك في حل اللغز ولاهنت
ولاهان من نظم ولاهان من رمع
تقدير واحترام
للجميع

صح بدنك ياعامر ولاهنت يالغالي

[{ أبوفيصل }]

صح بدنك يابو فيصل وبيض الله وجهك على اللغز الرائع
مشكور ياولد ثابت على عالمرور والحل القاضي