لغز يااهل العقول الصافيه ( محلول من ابن ثعلي ) صح لسانه

[{ أبوفيصل }]

السلام عليكم ورحمة الله وبركاته

على شانكم وعلى شان شاعر الحريه وعامر وهمس النسيم وديم استلموا اللغز الجديد
.



رجلٍ في اَخر أربعه رابع =رجلٍ شذوذه خالَف اخوانه
ماحيٍّ جاه ونذكره شابع =دايم لحاله منبسط عانه
وضعه مع ربعه فالبلد تابع =ولْحاله ماله ياعرب خانه



.

.

.

[همس النسيم]

وعليكم السلام ورحمة الله وبركاته
يازين هالصباح الي تصبحنا به على لغزك يابو فيصل
بيض الله وجهك وطال عمرك على طاعته

[شاعر الحرية]

إرحب يبو فيصل أنت ولغزك .. صح لسانك وعساك دايم في الوجود
ونشكر لشخصك النبيل استجابتك .. فهذا هو المأمول فيك دائما
و إن كانت استجابة عامة ولم تجعلها خاصة كما أردنا :4:

ثم لماذا وجهت اللغز ﻷهل العقول الصافية فقط وحجرت واسعا؟ :151:

وش تقول في فصل الصيف :biggrin:

[{ أبوفيصل }]

وعليكم السلام ورحمة الله وبركاته
يازين هالصباح الي تصبحنا به على لغزك يابو فيصل
بيض الله وجهك وطال عمرك على طاعته

صباحٍ مايليق الاّ بوجودكم ومساءً مايطيب الاّ بخويانا

حيّاكـ من ممشاكـ الى ملفاكـ

وعمركـ طال عمركـ على طاعته

[{ أبوفيصل }]

إرحب يبو فيصل أنت ولغزك .. صح لسانك وعساك دايم في الوجود
ونشكر لشخصك النبيل استجابتك .. فهذا هو المأمول فيك دائما
و إن كانت استجابة عامة ولم تجعلها خاصة كما أردنا :4:

ثم لماذا وجهت اللغز ﻷهل العقول الصافية فقط وحجرت واسعا؟ :151:

وش تقول في فصل الصيف :biggrin:
ابك البقا ياصاحبي هلابك وصح بدنك حييت ياشاعر الأحرار :SnipeR (5):

وانت لك مني أكثر تشكراتي ، احب اجمعكم في قلب واحد ولا يتفرد احدٍ منكم بسمه :34:

اهل العقول الصافيه انتم وجميع من صفّا ذهنه الله يحييه واللغز بين يديكم

مااالك لواا

[شاعر الحرية]

بارك الله فيك يبو فيصل .. والله يبقيك يا راعي مرحبا
والمسألة في طلبنا لم يكن هدفها أن يتفرد أحد بسمة دون اﻵخرين
فنحن كلنا ثقة في عدالة قلبك وإنصافه :03hbdsn13:

ولكن المقصد هو وضع النابغة تحت الضغط الشديد
ﻷننا نريد أن نرى هل تركيزها في وقت الرخاء كتركيزها في وقت الشدة لنقتنع بمسألة نبوغها :151:
وإن كنت شخصيا مقتنع ولكن ليطمئن قلبي :biggrin:

على العموم جاري التفكير في الحل وعساك دايم على القوة وعلى هذا الخلق النبيل

[شاعر الحرية]

وش تقول في شهر رجب ضمن اﻷشهر الحرم اﻷربعة :icon31:

[{ أبوفيصل }]

8

قواك الله ياشاعر الحريه وياهلا وغلا
الله يعين النابغه ويعينكم و انتم وهي بدون أدنى شك راح تتوصلون للحل
واتوقع اتوقع راح ياخذ على طاري رمعتك الى شهر رجب ويمكن يحل شعبان ماوصل حله:151:

[{ أبوفيصل }]

الذيب أراه ينتظر هنا حتى يهدأ زحام الطريق
ولـــكـــــن أراه يختفي ويوييييق
ربما عثر على شيء - ننتظر ونرى اوووو قد يكون !!!!!
:SnipeR (90):
7
7
7

[عامر الروقي]

ابوفيصل
يبطي بيومك لعيون ترجيها وترجيك وصح لسانك
رمعة عجله
وش راي ابوفيصل
ولد الحكم في البلوت

[{ أبوفيصل }]

ابوفيصل
يبطي بيومك لعيون ترجيها وترجيك وصح لسانك
رمعة عجله
وش راي ابوفيصل
ولد الحكم في البلوت
و يومك يابوناجي الله يجزاك على ادعاك خير
صح بدنك والبلوت كله ماااالك به لوا

:)

[{ أبوفيصل }]

8
ماحيً جاه ونذكره شابع

[عامر الروقي]

8
ماحيً جاه ونذكره شابع

مالحس مخي غيره ولافهمته

[{ أبوفيصل }]

مالحس مخي غيره ولافهمته
تفهّم للمعنى يابوناجي ........... :SnipeR (10): لاينلحس مخك :rolleyes:

[همس النسيم]

وش تقول بعامود الخيمة

[عامر الروقي]

المشاركات 191 والطلب 300
ولا كان ارسلك على الخاص شيله للغزك تكفي عن حله
والايام اطول من اهلها

[{ أبوفيصل }]

8
مااالكـ لوا ياهمس

[{ أبوفيصل }]

المشاركات 191 والطلب 300
ولا كان ارسلك على الخاص شيله للغزك تكفي عن حله
والايام اطول من اهلها

ههههههههههه ال 300 قريبه

[همس النسيم]

طيب حنا قريبن ولا بعدين

[{ أبوفيصل }]

الى الان ياهمس مافيه رمعه حوله

[همس النسيم]

هل هو محسوس ملموس
ولا صفة

[إبن ثعلي]

ويش رايك في الربع الخالي؟

[همس النسيم]

يمكن يكون الصفر بعد الفتح الدولي للهاتف

[الأدميرال]

مساء الخير على الجميع :wardah:
تبقى أنت يابوفيصل أحد أعمدة منتدى عتيبه التي طالما وقفنا لها بإحترام وتقدير شديد
ولكن يعلم الله يابوفيصل أنني لم أمر هنا إلا من باب الإحترام لك والتقدير
وللأعضاء المشاركين والقراء المتابعين
فبمجرد وجود أسمك في المنتدى يعطي للمرء دافعاً
تحياتي لك حبيت أسلم والله يعطيك العافيه

أخوك التقي النقي الألمو :wardah:

[{ أبوفيصل }]

8
مااالكـ لواا ياهمس وانتظري قليلاً حتى نوضح لك هل هو ملموس ام محسوس

[{ أبوفيصل }]

ويش رايك في الربع الخالي؟

انت غير عادي ياشايبنا نبارك لك هذا العقل الكبير ونهنئك على الحل القاضي ياقاضينا

:rolleyes:كنت جاي بعدّل شطر اللغز الاول الى ( رجلٍ في اًخر اربعه رابع ) ولكن سبق حلك

صح لسااااانك (( الربع الخالي ))

:SnipeR (9):قبل الشرح أود ان اوضح لكم كلمة ربعه ( وضعه مع ربعه فالبلد تابع ) القصد الربع في المساحه



رجـلٍ في اَخر أربعه رابع = رجــلٍ شـــذوذه خالَــف اخوانـــه
يمثل الربع الخالي جزء كبير من مساحة بلادنا الغاليه
فهو يختلف بربعه عن باقي الأجزاء الاخرى من البلاد

مـاحـيٍّ جــاه ونـذكـره شـابــع = دايــم لـحـالــه منـبــسـط عـانــه
تكاد تنعدم فيه الحياه ان لم تكن معدومه وغير مأهول بالسكان
رغمٍ انه يمتد بمساحه كبيره جنوب شرقي البلاد

وضعه مـع ربعـه فالبلـد تابـع = ولْحـالـه مـالـه يـاعـرب خـانــه
بطبيعة الحال تابع للمملكه فـ بربعه هذا يُعد جزء لايتجزّأ
ولكن بطبيعته الخطيره صحراء قاحله لافائدة من العيش فيه

.

شاكر لكل من شارك معنا وتقبلوا أجمل تحيااتي :wardah:

[{ أبوفيصل }]

مساء الخير على الجميع :wardah:



تبقى أنت يابوفيصل أحد أعمدة منتدى عتيبه التي طالما وقفنا لها بإحترام وتقدير شديد
ولكن يعلم الله يابوفيصل أنني لم أمر هنا إلا من باب الإحترام لك والتقدير
وللأعضاء المشاركين والقراء المتابعين
فبمجرد وجود أسمك في المنتدى يعطي للمرء دافعاً
تحياتي لك حبيت أسلم والله يعطيك العافيه

أخوك التقي النقي الألمو :wardah:


هلا وغلا ويامرحبا بالقطوعي :4:
وين كل هالمده ياراجل !! لا يكون اللي لقي احبابه ونسي اصحابه
لاعدمتك والله لايهينك ماتعز الا من يعزك يالغالي
مشكووورعلى هالكلام لكن ياخي مرو لو كل اسبوع مره
مايصييير تغيبون بالمره ،،، ااااخر الغيبات

تحياتي واحترامي
:wardah:

[همس النسيم]

صح لسانك يالعطاوي
وصح فكرك يابن ثعلي
وكالعادة همس لم يحالفها الحظ
لكنها لاتيأس أبداً
ولا تبطي علينا يابو فيصل
هات جديدك

[اصايل]

ياصعب اللغز صعباه وانا مافكرت ترا :)


/

صح لسااانك ملايين ي العطاوي /

حقيقه اشتقنا لا الغازك :)

صح فكرك ابن ثعلي ..

لاهنتم ..

[عامر الروقي]

ابن ثعلي
كفوكفو وصح فكرك وتفكيرك في حل اللغز ولا هنت
ولا هان ابوفيصل على نظم اللغز
تقدير واحترام
للجميع

[{ أبوفيصل }]

صح لسانك يالعطاوي
وصح فكرك يابن ثعلي
وكالعادة همس لم يحالفها الحظ
لكنها لاتيأس أبداً
ولا تبطي علينا يابو فيصل
هات جديدك
حيااااكـ والله ياهمس اللغز الجاي ان شاء الله تحلينه

[{ أبوفيصل }]

ياصعب اللغز صعباه وانا مافكرت ترا :)


/

صح لسااانك ملايين ي العطاوي /

حقيقه اشتقنا لا الغازك :)

صح فكرك ابن ثعلي ..

لاهنتم ..
ارحبوووووو يالله حيّهم وينكم كل هالمده اجلسي اجلسي على كرسي الاعتراف المخصص لكل غايب ومتغيب
الى ان افتح معكم ملف التحقيق لمجازات كل متغيب دون عذر مسبق
عموماً الله يسعدك سعدنا والله بتواجدكم انتي ومن كان متغيب والله يوفقكم

ااااخر الغيبات

[{ أبوفيصل }]

ابن ثعلي
كفوكفو وصح فكرك وتفكيرك في حل اللغز ولا هنت
ولا هان ابوفيصل على نظم اللغز
تقدير واحترام
للجميع
ارحب يا بوناجي
لاهنت ولاهان غاليك يالغالي
كفوك الطيب ويستاهل شايبنا

جل احترامي

[اصايل]

الكرسي فالدكه :)

[شاعر الحرية]

محترف كالعادة يا أبا فيصل .. لا جديد في ذلك إلا التميز واﻹبداع المستمر

نبارك للمدير القدير هذه الضربة القاضية والموفقة
هاردلك للجميع

♡ تحية الورد الطائفي للجميع ♡
:wardah:

[{ أبوفيصل }]

محترف كالعادة يا أبا فيصل .. لا جديد في ذلك إلا التميز واﻹبداع المستمر

نبارك للمدير القدير هذه الضربة القاضية والموفقة
هاردلك للجميع

♡ تحية الورد الطائفي للجميع ♡
:wardah:
الابداع بتواجدك وروعة حضورك

تحيه وتقدير لشخصك الكريم مع أجمل ( بوكيهات الـ :wardah: الطائفي )

[عهود]

يعطيك العافيه العطاوي لغزن جزل اقصد جـمـيـل

بانتظار لغز العقول المتعكر صفوها

مبروك الفوز ابن ثعلي تستاهل ..

[فهد الماو]

صح إلسانك صاحب اللغز وإلسان من حله لاهنتم جميع