لغز ملغلز ( محلول من عهود ) صح لسانها

[{ أبوفيصل }]

السلام عليكم

لغز جديد :rolleyes:

.

ويش الذي لاماتت امه مايشاف =يظهر مع امه ويختفي بغيابها
لا هوب لانسناس ..لا لفحة جفاف =مد النظر في حيّةٍ يحيابها
من غير لون ايشاف معدوم الوصاف =مثل الهجير اللي تواراَ أسرابها



.

.

[همس النسيم]

وعليكم السلام
وهلا بك يابو فيصل أنت ولغزك
ومن الحين أقول لك ماراح أحله
برمع وتكون رمعاتي مفتاح اللغز لغيري
ونستعين بالله عليه وحله

[همس النسيم]

ونقول يمكن يكون نجم المربعانية

[{ أبوفيصل }]

حياك الله ياهمس النسيم

النجمه لا مالك لوااا

[إبن ثعلي]

لدي رمعتين ولست متأكد منهما الأولى (ضوء الشمس) والثانية( البرق في السحابه) والله اعلم

[عهود]

يعطيك العافيه أبو فيصل يمكن انه البرق في السحابه مثل ماقال ابن ثعلي

[إبن ثعلي]

او(ضوء الشمعه)

[إبن ثعلي]

او(ضوء الشمعه)

[{ أبوفيصل }]

لدي رمعتين ولست متأكد منهما الأولى (ضوء الشمس) والثانية( البرق في السحابه) والله اعلم
ماااالك لوا بالرمعتين

[{ أبوفيصل }]

مالك لوا ياعهود

[حزم الجلاميد]

صح لسانك يابوفيصل
والرمعه(الضل)

[حزم الجلاميد]

صح لسانك يابوفيصل

الرمعه(الضل)

[حزم الجلاميد]

صح لسانك يابوفيصل

الرمعه الضل

[شاعر الحرية]

هذا الماء طال عمرك
ولا لوا بعد هذا الجواب

[{ أبوفيصل }]

صح لسانك يابوفيصل

الرمعه الضل

صح بدنك وياهلابك
الظل لا مالك لوا

[{ أبوفيصل }]

هذا الماء طال عمرك
ولا لوا بعد هذا الجواب

يطول عمرك ماهو بالماء

مالك عقيد ولا لوا :151:

[همس النسيم]

وش تقول في الظل

[إبن ثعلي]

المنتدى ضبطه رائق بس باقي اللغز

[همس النسيم]

والله يابو فيصل لي يومين عجزت
أحاول أدخل للمنتدى ولا قدرت
وتوي أفتحه

[{ أبوفيصل }]

لا زاااالت المشكله في المنتدى الله يصلح الحال

[همس النسيم]

وش تقول بالهواء

[{ أبوفيصل }]

في هذا الحاااال

لن اطرح أي لغز جديد مالم يتم اصلاح المنتدى مثل أول واحسن

[همس النسيم]

وش تقول بالنهار

[إبن ثعلي]

اعتقد اني صلحت المشكله بحذف المشاركات التي كانت سبب في التعليق
لكن هل حل اللغز له علاقه بالنار؟

[همس النسيم]

او يمكن يكون نسناس الصباح وطلوع الشمس

[{ أبوفيصل }]

مااالك لوا ياهمس
ماهو بالهواء ولا كل اللي ذكرتيه

[{ أبوفيصل }]

8

عافاكم الله يامديرنا وعساكم على القوه اليوم ودوم


.

.

وبالنسبه اللغز يمكن توصلون للحل من خلاله :SnipeR (5):

.

[عهود]

ممكن يكون السراااااب

[عامر الروقي]

صباح الخير للجميع
ابو فيصل
صح لسانك وبيض الله وجهك
وانا مؤيد لرمعة الاخت عهود
والحل عندك يابو فيصل

[{ أبوفيصل }]

ليس بالسراب ياعهود

حاولي ثانيه

[{ أبوفيصل }]

صباح النور والسرور اخي ابوناجي

صح بدنك ووجهك ابيض ،، رمعة عهود جانبت الصواب هات رمعتك ياحيّي

افتقدناك ياعامر الحذيّه من صيد الحباري

[جااابر]

يابو فيصل جعلني افداك ماقريت رمعات الاخوان لاني داخل من جوالي اعذرني لو تكررت اارمعه وش تقول في الدخان والام الشعله

[{ أبوفيصل }]

يابو فيصل جعلني افداك ماقريت رمعات الاخوان لاني داخل من جوالي اعذرني لو تكررت اارمعه وش تقول في الدخان والام الشعله
فداك اللاش :rolleyes:

رمعة الدخان وشعلة النار رمعه خطيييره

[عهود]

الضباب

[عهود]

عندكم كن لي بالنعيم فراش // وبعدكم صالي النار والمَلَّه



اتوقع انه الصالي اللي كأنك تشوفه سراب عند اشتعال النار الله ينجينا واياكم وكل مسلم منها


:rolleyes:

ننتظر الرد

[{ أبوفيصل }]

عندكم كن لي بالنعيم فراش // وبعدكم صالي النار والمَلَّه



اتوقع انه الصالي اللي كأنك تشوفه سراب عند اشتعال النار الله ينجينا واياكم وكل مسلم منها



:SnipeR (37):
:ongue: صح لسااانك يالكحيله (سنا النار) رغم عدم ذكركِ لأسمه الاّ انكِ فجّرتي صدر اللغز وقضيتي عليه :ongue:

سنا النار هو الضوء الذي يرتفع ويتوّهْجَر كالسراب من حرارة النار وتوهّجها
ويقال في معناه ( سنا إِلى معالي الأُمور) ففي الغالب النار تشاهد سناها كلما ابتعدت

اليكم شرح مختصر لأبيات اللغز

ويش الذي لاماتت امه مايشاف = يظهر مع امه ويختفي بغيابها
سنا النار لاوجود له ولايشاف الاّ مع أشعال النار أعاذنا الله منها

لا هوب لانسناس ..لا لفحة جفاف = مد النظر في حيّةٍ يحيابها
لاهوب واضح هو سنا النار الذي تراه مع توهّج النار كلما كنت بعيد

من غير لون ايشاف معدوم الوصاف = مثل الهجير اللي تواراَ أسرابها
عديم اللون ترى ضوءه يعلو كالسراب اذا اشتدت النار في توهج لهبها


مع الشكر والتقدير لكل من شارك وحظاً أوفر للجميع
:wardah:

[عهود]

:578:




ولا اظن احد بيجيب اسمه :4:


مشكوووور ويعطيك الف عافيه ابو فيصل على اللغز الرائع :03jdfny13:

[شاعر الحرية]

استمتعنا كثيرا بهذا اللغز العبقري والدقيق والمحترف يبو فيصل
صح لسانك مدد بلا عدد

وشكرا جزيلا لكل من شارك وحاول .. والشكر موصل للسيدة القاتلة / عهود

لكني أسأل / شاعرنا العطاوي - حفظه الله ورعاه
فليتسع صدره لهذا السؤال المنطقي .. وهو كاﻵتي :
مالفرق بين السراب الذي ذكرته السيدة همس النسيم و سنا النار الذي ذكرته السيدة عهود كإجابة للغز ؟

ففي ظني أن اﻷوصاف المذكورة في اللغز تنطبق على اﻹجابتين تماما
بل حتى ضوء الشمس له توهج ناتج من شدة حرارة الشمس كتوهج السراب في الصحراء أيضا

هو سؤال أو إشكال طرح للفائدة شاعرنا القدير

♡ تحية عاطرة للجميع ♡
:wardah:

[جااابر]

مبدعين ومافيكم حيله

[{ أبوفيصل }]

:578:




ولا اظن احد بيجيب اسمه :4:


مشكوووور ويعطيك الف عافيه ابو فيصل على اللغز الرائع :03jdfny13:
ههههههه عهود عهدي باَخر مشاركاتكـ بالألغاز كنتي متألفه ولازلتي لكن ماكنتي بهذا المستوى
وبعد غبتي عنا اياااام حضرتي بروح جديده بنشاط فكري حيوي ماشاء الله عليـكـ
وش كنتي تسوين !! ماخذه كورس لغزيولوجي مكثف ؟

اعترفي ! :SnipeR (88):

[{ أبوفيصل }]

استمتعنا كثيرا بهذا اللغز العبقري والدقيق والمحترف يبو فيصل
صح لسانك مدد بلا عدد

وشكرا جزيلا لكل من شارك وحاول .. والشكر موصل للسيدة القاتلة / عهود

لكني أسأل / شاعرنا العطاوي - حفظه الله ورعاه
فليتسع صدره لهذا السؤال المنطقي .. وهو كاﻵتي :
مالفرق بين السراب الذي ذكرته السيدة همس النسيم و سنا النار الذي ذكرته السيدة عهود كإجابة للغز ؟

ففي ظني أن اﻷوصاف المذكورة في اللغز تنطبق على اﻹجابتين تماما
بل حتى ضوء الشمس له توهج ناتج من شدة حرارة الشمس كتوهج السراب في الصحراء أيضا

هو سؤال أو إشكال طرح للفائدة شاعرنا القدير

♡ تحية عاطرة للجميع ♡
:wardah:


ويش الذي لاماتت امه مايشاف =يظهر مع امه ويختفي بغيابها
لا هوب لانسناس ..لا لفحة جفاف =مد النظر في حيّةٍ يحيابها
من غير لون ايشاف معدوم الوصاف =مثل الهجير اللي تواراَ أسرابها



شاعر الحريه صح بدنك وحياك مولاك ياعزيزي

سؤال وجيه وذكي من شاعر مثلك كما يسرني السؤال وأي ملاحظه منكم فائده !

عندما طرحت اللغز لم أغفل عن ماذكرته من حيث ( السراب والشمس ) كلاهما مرتبطان ببعضهما
مثل ارتباط السنا بالنار ولكن من حيث قرب معناها من ( سنا النار)
الفرق يكمن فقط بالشطر الاول لوأعدت قراءته ستجد أن النار أعاذنا الله منها جميعاً
تحيا بأشعالها وتموت بأطفائها وبالتالي يظهر سناها ويغيب بغيابها
(( و الشمس بطبيعتها تغيب لكنها لاتموت ))
هذا هو الفرق

عمليات
حوّل
وصلت
الفكره

:4:

[عهود]

:icon31: شكرا على الإطراء

لاكورس ولا شي الغازك نوعا ما سهله يعني ماهوب دايم أفوز ابحلها ..

ي الله في انتظار ابداعاتك الالغازيه يامبدع :03jdfny13: