لغز ( محلول من حزم الجلاميد ) صح لسانه

[{ أبوفيصل }]

السلام عليكم ورحمة الله وبركاته
اليكم اللغز الجديد وليد هذه اللحظه اَمل أن يحوز على رضى الجميع
.


لغزنا اليوم عن رجلٍ تحبونه =اَخذينه عن أمه قوم الأنذالي
انفقد ياعرب عقدين يبكونه =عالمٍ لأجله ترخص كل الأموالي
عوّدوا عقب غيباته يردّونه =لأمه اللي تضمه في حجا الغالي


.

.

[حزم الجلاميد]

الشاعر العطاوي صح لسانك على الغز الجزل

والرمعه طال عمرك الحجر الاسود

[{ أبوفيصل }]

^
:SnipeR (37):

:ongue:(( الحجر الأسود )):ongue:
حزم الجلاميد صح لسانك مليون وبيض الله وجهك
ماشاء الله عليك ذكيت اللغز من أول وهله
الحقيقه بنيت اللغز بناءً على هذه القصة المثيره

^
كان القرامطه بقيادة الطاغيه سليمان ابوطاهر الجنابي الذي ماترك رذيلة الاّ فعلها
فـ قد عاث في الأرض فساداً وأرهب الناس ، وارتكب المنكرات في اكثر من موقعه
وبث الرعب ونشر الفساد واتجه إلى مكـــة فضجّت البوادي واهل مكه من أفعاله
حتى انقطع الحج ، وقد انتصر على جيش المقتدر عام (316)هـ
وفي العام التالي دخل مكـة المكرمة في موسم الحج وقتل
الحجاج ورمى جثثهم في بئر زمزم ، واقتلع الحجر الأسود وحمله معه إلى هجـر
حيث بقي عقدين من الزمان واكثر فأعيد بعد موت هذا الطاغية عام (339) هـ

[إبن ثعلي]

هذا لغز سهل وسبقنا حزم الجلاميد على حله وبيض الله وجهه
وخيرها في غيرها يابوفيصل

[حزم الجلاميد]

صح بدنك يابوفيصل وصح لسانك على الغز الوارد والرايع

فانت دايم مبدع بيض الله وجهك

[حزم الجلاميد]

المدير العام لك مني جزيل الشكر والتقدير

[{ أبوفيصل }]

هذا لغز سهل وسبقنا حزم الجلاميد على حله وبيض الله وجهه
وخيرها في غيرها يابوفيصل

وش عاد نسوّي يابوعبدالرحمن الجود من الماجود

وعلى شان اني احب اليسر مااحب العسر تراني بعد سويت الاَن لغز اسهل منه :)

[{ أبوفيصل }]

صح بدنك يابوفيصل وصح لسانك على الغز الوارد والرايع

فانت دايم مبدع بيض الله وجهك

ماقصرت مشكور الله لايهينك

احترامي

[همس النسيم]

ماشاء الله على هاللغز الي ماتنفس
صح لسانك يابو فيصل ولا هنت على هاللغز
وصح فكرك وتفكيرك ياحزم الجلاميد على الرمعة القاضية

[{ أبوفيصل }]

صح بدنك ياهمس النسيم

ما الله كاتب له طولة عمر راح عند حزم الجلاميد