لغز الساعه ( محلول من العطـاااوي ) صح لسانه

[شاعر الحرية]

السلام عليكم ورحمة الله وبركاته

إليكم بعد التحية العاطرة هذا اللغز الخفيف الثقيل

.

غلاها في قلوب الطيبين أغلى من اﻷرواح =يفوح العطر والكادي إلى منا ذكرناها
معانيها عظيمة تعجز الكتاب والشراح =وركن النفي واﻹثبات يظهر لاعرفناها
إلى استوفى الفؤاد اشروطها يستاهل اﻷمداح =وظل الموت فينا لو حيينا ما ضمناها

.
.

تحية الورد الطائفي ﻷرواحكم أينما كنتم ♡
:wardah:

.

[{ أبوفيصل }]

عليكم السلام وورحمة الله وبركاته
صح لسانك لغز جزل وثمين عسى حله من نصيبي :4: << طماع
.

( شهادة ان لا اله الا الله وأن محمداً رسول الله )
.


.
هلا وألفٍ هلا لغزٍ ثمين ويستحق اوشاح =وشاح الطيب ومثلك فالقروم اللي شكرناها
أنا برمع وغيري ياعسى في رمعته ذبّاح =ولا اِله الاّ الله حقاًّ ماحييناها
.

[شاعر الحرية]

عليكم السلام وورحمة الله وبركاته
صح لسانك لغز جزل وثمين عسى حله من نصيبي :4: << طماع
.

( شهادة ان لا اله الا الله وأن محمداً رسول الله )
.


.
هلا وألفٍ هلا لغزٍ ثمين ويستحق اوشاح =وشاح الطيب ومثلك فالقروم اللي شكرناها
أنا برمع وغيري ياعسى في رمعته ذبّاح =ولا اِله الاّ الله حقاًّ ماحييناها
.


------------

:ongue: :ongue: :ongue:

يدوم العز يالنشمي هلا بالنيمسي لا صاح ... وما عنكم بزود(ن) يالعطاوي جبت معناها
أجي في غزوتك مرتاح وتجيني بعد مرتاح .......... و رمعتكم على ما نشتهيها ونتمناها

صح بدنك يالعطاوي .. وبارك الله فيك يا عزيزي
وشاكر لك المرور العطر والمشاركة الجميلة والثناء العذب
أصبت الهدف والمغزى .. حفظك الله ورعاك

وجعلنا الله وإياكم و أهلينا من أهل هذه الكلمة والشهادة الطيبة ما حيينا
كما نسأله بمنه و فضله أن يميتنا عليها و أن يختم لنا ولكم بالصالحات

♡ تحية عاطرة لشخصكم الكريم وللجميع ♡
:wardah:

[همس النسيم]

وعليكم السلام ورحمة الله وبركاته
هلا بك وبلغزك الي ذبحه العطاوي قبل مانشوفه
وبعدين ياشعار خلو لنا فرصة
مايصير تجيبون لغز وتحلونه وحنا نتفرج
ولا بكم حيله كلكم ولا أقدر أقول إلا صح
الله لسانكم وفكركم ورمعتكم القاضية

[شاعر الحرية]

وعليكم السلام ورحمة الله وبركاته
هلا بك وبلغزك الي ذبحه العطاوي قبل مانشوفه
وبعدين ياشعار خلو لنا فرصة
مايصير تجيبون لغز وتحلونه وحنا نتفرج
ولا بكم حيله كلكم ولا أقدر أقول إلا صح
الله لسانكم وفكركم ورمعتكم القاضية

أهلا وسهلا بك يا سيدتي وبمرورك العطر .. وصح بدنك وحياتك يا عزيزتي
ومعك حق في عتبك علينا .. لكن وش نسوي بالعطاوي رجالا ناره واشية
ما شاء الله تبارك الرحمن .. ولعله يستجيب لهذا العتب الشديد :4:

على العموم مرحبا بتشريفك وبمرورك الكريم

♡ تحية عاطرة لروحك النبيلة ♡
:wardah:

[{ أبوفيصل }]

وعليكم السلام ورحمة الله وبركاته
هلا بك وبلغزك الي ذبحه العطاوي قبل مانشوفه
وبعدين ياشعار خلو لنا فرصة
مايصير تجيبون لغز وتحلونه وحنا نتفرج
ولا بكم حيله كلكم ولا أقدر أقول إلا صح
الله لسانكم وفكركم ورمعتكم القاضية

صح بدنك ياهمس والحقيقه ماعندنا وقت حامي حامي ههههه