لغز ( محلول من ديم ) صح لسانها

[{ أبوفيصل }]

السلام عليكم

.

ياعالَم الشعر والألغاز وطروقه =أتعبت لأجل الحبايب هاجس أفكاري
للمهتوي جبت لي لغزٍ على ذوقه =عن مهرةٍ تتعب الخيّال من ضاري
محدن لحق في طلبها واطلق اسبوقه =راحت سرابٍ توارا عنها الأنظاري
اصعيب والكايده ماهيب ملحوقه =والناس من دونها ماتقبل أعذاري


.
.

[شاعر الحرية]

صح لسانك يالعطاوي .. بورك فتى اﻷلغاز

وش تقول يا طويل العمر بالظبية مبدئيا :biggrin:

[شاعر الحرية]

وعليكم السلام
صح لسانك يالعطاوي .. بورك فتى اﻷلغاز

وش تقول يا طويل العمر بالظبية مبدئيا :biggrin:

[{ أبوفيصل }]

شاعر الحريه

صح بدنك وبارك الله بأيامك والرمعه مالك لوا

[همس النسيم]

وعليكم السلام
قول وفعل يالعطاوي
صح لسانك وبيض الله وجهك
لغز جزل ومحبوك
والله يعين شكل الليلة مابه نوم

[{ أبوفيصل }]

همس النسيم

صح بدنك الله يعطيكـ العافيه

:)

[حزم الجلاميد]

الغازك جزله يالعطاوي بارك الله فيك وصح لسانك


جاري البحث والتحري

[شاعر الحرية]

وش تقول في " الفكرة"

[همس النسيم]

وش تقول في القصيدة

[{ أبوفيصل }]

صح بدنكم ولا لكم لوا جميع

اعجلتنا همس الله يهاديها في طرحه لكن
دام نحن في بداية الرمعات تم تعديل الشطر على هذا انحو

(( محدن لحق في طلبها واطلق اسبوقه ))

[شاعر الحرية]

طيب يالعطاوي
هل هذه المهرة تعتبر صفة في الرجل
كالشيمة أو المروءة مثلا
إذا كنا قريبين من اﻹجابة فلمح لنا بذلك :4:

[{ أبوفيصل }]

طيب يالعطاوي
هل هذه المهرة تعتبر صفة في الرجل
كالشيمة أو المروءة مثلا
إذا كنا قريبين من اﻹجابة فلمح لنا بذلك :4:

ليست صفه وترى اي سؤال واستفسار يخرب اللغز ويفقده رونقه
شاعرنا الغالي من ادبيات اللغز التي تقال عدم السؤال :151:

وبنتظار رمعتك القاضيه

[شاعر الحرية]

وحتى اللغز أصبح له أدبيات
كم أحب مفردة اﻷدب يالعطاوي

إذا الرمعة هي اﻷدب
وش تقول يالذيب :151:

[شاعر الحرية]

بعدين لو سمح لي شاعرنا العطاوي بهذا الاستفسار
أنت تقول في البيت "اصعيب"
بينما المطلوب يأتي بصيغة التأنيث
فكيف ذلك؟

[{ أبوفيصل }]

^
طبعاً ياشاعر الحريه موروث أدبي

على شانك المهره هاذي طال عمرك مهرةٍ في محاولة كسب صفه من المحال اكتسابها

الرمعه مالك لوا

[{ أبوفيصل }]

بعدين لو سمح لي شاعرنا العطاوي بهذا الاستفسار
أنت تقول في البيت "اصعيب"
بينما المطلوب يأتي بصيغة التأنيث
فكيف ذلك؟

اصعيب تقال للمهره اوالفرس اللي ماهي معسوفه واحيان نقول صعبه واضح:icon31:
بينما الحصان صعب وانا ماني معلم نحو لكن في لهجتنا كذا

[شاعر الحرية]

طيب من ضاري .. هذي مفردة خاصة يبدو
وش معناها ؟
ﻷن الذي أفهمه في لهجتنا عن هذه المفردة بمعنى متعود

[{ أبوفيصل }]

طيب من ضاري .. هذي مفردة خاصة يبدو
وش معناها ؟
ﻷن الذي أفهمه في لهجتنا عن هذه المفردة بمعنى متعود
صحيح اللي معتاد عليه من قديم:SnipeR (9):

[شاعر الحرية]

ضيعنا العطاوي يا همس :151:
بيجي الفجر ونحن نحوس وندوس في هذا اللغز السريالي

[{ أبوفيصل }]

ضيعنا العطاوي يا همس :151:
بيجي الفجر ونحن نحوس وندوس في هذا اللغز السريالي

اللغز معنى ومبنى وحله لوتعرفه ماقلت ضعنا :rolleyes:

لكن اذا بغيتو بيت للطواري حاضرين

[شاعر الحرية]

:smoke1:وش تقول في الفروسية

[شاعر الحرية]

شدي حيلك يا همس لاتجينا ديم وتخرب علينا هذا التعب والسهر بالفاضي
:ongue:

[ديم]

شدي حيلك يا همس لاتجينا ديم وتخرب علينا هذا التعب والسهر بالفاضي
:ongue:





@@

ماشاء الله عليكم

توافقون الألغاز في ساعتها وتحلونها



و ديم تجي آخر الناس :(

[ديم]

بسم الله ( نرمع )


يمكن تكون رضى الناس غاية لا تدرك

[همس النسيم]

وش تقول في عزة النفس

[{ أبوفيصل }]

:smoke1:وش تقول في الفروسية
مااالك لوا

شدي حيلك يا همس لاتجينا ديم وتخرب علينا هذا التعب والسهر بالفاضي
:ongue:

:28: هذا انت قلتها جااات ديم بالحل القاضي وراح سهركم بالفاضي

[{ أبوفيصل }]

بسم الله ( نرمع )


يمكن تكون رضى الناس غاية لا تدرك
^
:ongue:
:ongue::ongue:
:ongue::ongue::ongue:

(( ارضاء الناس غايةٌ لاتُدرك ))


صح لساااانكـ مليووون أحسنتي ماشاء الله تبارك الله ياديم
قضيتي عليه وذبحتيه ماسميتي عليه

شا:SnipeR (37):كر لكي هذا الحضور الرايع والحل الأروع


واَمل قد حاز على الرضاء

[{ أبوفيصل }]

انحل ياهمس وانتهى على يد رائعتنا ديم

اشكر لكم جميعاً حضوركم النيّر ومشاركاتكم الرائعه

[همس النسيم]

الحمد لله
وماهو غريبة عليها صاحبة الأفكار النيرة
وصح فكرها وتفكيرها
وصح لسانك يالعطاوي
ومرة ثانية جب اللغز بالنهار
عشان ماتتعب ولا تتعبنا بالسهر
وتحياتي لكم جميعا

[شاعر الحرية]

ألم أقل لك يا همس .. لكن ما سمعت الكلام

سبحان الله نتعب ونجتهد ونسهر
وفي اﻷخير تجي أستاذتنا ديم بكل أعصاب هادئة وثقة وتسلم وتحل اللغز وتمشي
فعلا واثق الخطوة يمشي ملكا :151:

وإننا نرى يالعطاوي أن تمنع السيدة ديم من دخول قسم اﻷلغاز .. والرأي الصائب يبقى لسموكم الكريم
فقد بتنا على ثقة تامة بأن هذه السيدة من الملهمين .. ولا حول ولا قوة إلا بالله

طيب على اﻷقل سوي نفسك إنك غلطانة مرة ومرتين .. أعطينا أمل لنجتهد في الحل يا هانم
من أول رمعة تحطيم لمعنوياتنا :biggrin:

على العموم صح اللسان وصحت القراءات العميقة يا ديم
وهاردلك يا همس ويا شاعر الحرية

شكرا لصاحب اللغز الجميل وللجميع

تحية الورد الطائفي ﻷرواحكم أينما كنتم
:wardah:

[{ أبوفيصل }]

شكراً لك انت ايضاً ياشاعر الحريه
بالفعل الاخت ديم ظاهره غير عاديه في حل الالغاز وراعية عوايد

دمتم بألف خير

[عامر الروقي]

ابوفيصل
صح لسانك على نظم اللغز
ديم
صح الفكر والتفكير في حل اللغز
تقدير واحترام
للجميع

[{ أبوفيصل }]

صح بدنك ابوناجي

شاكر لك حضورك المميز

تحيتي لك