يا شيخ اﻷلغاز هات الحل ( محلول من العطـاااوي ) صح لسانه

[شاعر الحرية]

السلام عليكم ورحمة الله وبركاته

مسائكم عامر باﻹيمان ومعطر بالوداد

مجرد استثارة لشيخ اﻷلغاز العطاوي و لمن يحب المشاركة :4:
.


.
يا شيخ الألغاز القوافي لها ميزان وطروق =بنشدك وانشد من حضر والخبر عندك وديعه
شيخٍ ولا يحتاج تعريف من برقا ومن روق =شيخٍ بلا ربعٍ سريع الخطى ناره سريعه
شيخٍ عمر للمجد قصراً في الميدان فاروق =لا من تجلى للمواقف ترى وصله قطيعه
واللي يسبه يالعطاوي من العربان ممحوق =تاريخ صفحاته وصفحات تاريخه بديعه
لا له لسان ولا يجيد الكلام العلم منطوق =ما يهتوي غير الرجال القويه والرفيعه

.


.

♡ تحية عاطرة للجميع ♡
:wardah:

.

[{ أبوفيصل }]

صح لسااانك ياشاعر الحريه بيض الله وجهك على هذا اللغز الرايع

جااااري التفكير في هذا الشيخ

[شاعر الحرية]

صح لسااانك ياشاعر الحريه بيض الله وجهك على هذا اللغز الرايع

جااااري التفكير في هذا الشيخ

--------------

صح بدنك يالعطاوي ووجهك أبيض
ليست إلا محاولات يسيرة لهذا القسم الذي شديتنا جميعا لمتابعته
وشكرا جزيلا على تنسيق اﻷبيات

وخذ راحتك في التفكير .. وترى الحل في متناول اليد :icon31:

[همس النسيم]

وعليكم السلام ورحمة الله وبركاته
ماشاء الله
صح لسانك ياشاعر الحرية لغز جزل
وجاري التفكير والبحث
والله يبارك بالعطاوي الي شجعك لقول اللغز والمشاركة

[{ أبوفيصل }]

.
يا شيخ الألغاز القوافي لها ميزان وطروق =بنشدك وانشد من حضر والخبر عندك وديعه
شيخٍ ولا يحتاج تعريف من برقا ومن روق =شيخٍ بلا ربعٍ سريع الخطى ناره سريعه
شيخٍ عمر للمجد قصراً في الميدان فاروق =لا من تجلى للمواقف ترى وصله قطيعه
واللي يسبه يالعطاوي من العربان ممحوق =تاريخ صفحاته وصفحات تاريخه بديعه
لا له لسان ولا يجيد الكلام العلم منطوق =ما يهتوي غير الرجال القويه والرفيعه

.


.


المعذره كنت برّا وهذا ساعة وصولي ،، مبدئياً هذي رمعتين ( العلم أو السيف )


.
يامرحبا ياشاعرٍ عندنا له منزلٍ فوق =بين النجوم اللّامعه فالسما يبرق لميعه
للمعرفه شمسٍ بدت ياوسيع العرف بشروق =علمٍ تعلّمته أنا وأنت بالدين الشريعه
العلم لا أخطت رمعتي فيه ماهو عنك مفهوق =دام الجهَل يهدم بيوت الشرف منتب وضيعه
الحل سيفٍ قاطعٍ في يدي محْني ومذلوق =سيفٍ على أرقاب المعادي جمّل الله صنيعه
.


.

.

[شاعر الحرية]

وعليكم السلام ورحمة الله وبركاته
ماشاء الله
صح لسانك ياشاعر الحرية لغز جزل
وجاري التفكير والبحث

والله يبارك بالعطاوي الي شجعك لقول اللغز والمشاركة

--------

السيدة / همس النسيم
الله يحييك تراحيب السيل من ممشاك إلى ملفاك
وصح بدنك يا عزيزتي .. وشكرا على اﻹشادة
لا خلا ولا عدم

وشاعرنا العطاوي يشجع الجن على المشاركة فما بالك باﻹنس

شاكر لك تواجدك ومشاركتك الكريمة
وما أظنك عاد بتحتاجين للتفكير :biggrin:

♡ تحية عاطرة لروحك النبيلة ♡

[شاعر الحرية]

مرحبا هيل يالعطاوي من ممشاك إلى ملفاك
وما عاد بها مبدئيا .. اللغز قضيت عليه يالشيخ بارك الله فيك

صح لسانك على الرمعة الموفقة وعلى اﻷبيات الجزلة ولا هي بغريبة من شخصكم القدير

وتقبل مني هذا الرد المتواضع

دام البقا يا شاعر السيف .... حلك جا بطاروق .. ما هي غريبة يالعطاوي ......... ورمعتكم بريعة
السيف لعب اللي يمينه .. تجز الروس و تروق .... ليت الزمان يعيد خالد لنا ......... والله لاطيعه
ابن الوليد اللي له السيف مذعن .. مابه عقوق .... لو نسمع التاريخ كان انجلى ...... نسمع قريعه
يالله عسى نرجع لتاريخنا ...... ياخوك ونفوق ..... أمة محمد حالها ما يسر .......... حالة فظيعة

أكرر الشكر الجزيل للسيدة الكريمة / همس النسيم

وتصبحون على الخير جميعا

♡ تحية الورد الطائفي للجميع ♡
:wardah:

[{ أبوفيصل }]

.
يا شيخ الألغاز القوافي لها ميزان وطروق =بنشدك وانشد من حضر والخبر عندك وديعه
شيخٍ ولا يحتاج تعريف من برقا ومن روق =شيخٍ بلا ربعٍ سريع الخطى ناره سريعه
شيخٍ عمر للمجد قصراً في الميدان فاروق =لا من تجلى للمواقف ترى وصله قطيعه
واللي يسبه يالعطاوي من العربان ممحوق =تاريخ صفحاته وصفحات تاريخه بديعه
لا له لسان ولا يجيد الكلام العلم منطوق =ما يهتوي غير الرجال القويه والرفيعه

.



.



.
يامرحبا ياشاعرٍ عندنا له منزلٍ فوق =بين النجوم اللّامعه فالسما يبرق لميعه
للمعرفه شمسٍ بدت ياوسيع العرف بشروق =علمٍ تعلّمته أنا وأنت بالدين الشريعه
العلم لا أخطت رمعتي فيه ماهو عنك مفهوق =دام الجهَل يهدم بيوت الشرف منتب وضيعه
الحل سيفٍ قاطعٍ في يدي محْني ومذلوق =سيفٍ على أرقاب المعادي جمّل الله صنيعه
.

.


.
دام البقا يا شاعر السيف حلك جا بطاروق =ما هي غريبة يالعطاوي ورمعتكم بريعه
السيف لعب اللي يمينه تجز الروس و تروق =ليت الزمان يعيد خالد لنا والله لاطيعه
ابن الوليد اللي له السيف مذعن مابه عقوق =لو نسمع التاريخ كان انجلى نسمع قريعه
يالله عسى نرجع لتاريخنا ياخوك ونفوق =أمة محمد حالها ما يسر حاله فظيعه
.


شاعر الحريه صح لسااانك مليووون ولاتهوون لغز في منتهى الجمال والروعه

تقبل تحياتي وجل تقديري واحترامي

.
.

[عامر الروقي]

شاعر الحريه
صح لسانك على نظم اللغز وبيض الله وجهك
ابوفيصل
صح الفكر والتفكير في حل اللغز وبيض الله وجهك
تقدير و احترام
للجميع

[{ أبوفيصل }]

شاعر الحريه
صح لسانك على نظم اللغز وبيض الله وجهك
ابوفيصل
صح الفكر والتفكير في حل اللغز وبيض الله وجهك
تقدير و احترام
للجميع
ابوناجي صح بدنك واشكر لك حضورك النيّر

تحيتي وتقديري

[شاعر الحرية]

وصح بدنك يالعطاوي ولاهنت ولا هان مغليك

------

أبو ناجي / صح بدنك ووجهك أبيض يا طويل العمر
شاكرين لسموك طيب التشريف وكرم الحضور

تحية عاطرة للجميع