لغز جديد ( حلّته ديم ) صح لسانها

[{ أبوفيصل }]

السلام عليكم ورحمة الله وبركاته
أسعدالله مساكم بالخير والمسرّات

اطرح لكم هذا اليوم لغز جديد ونشوف من يحله :rolleyes:


ياويش بنتٍ كلّها خمسة احروف =قشرا شنيعه من شناعة بطشها
تذبح وتصبح ماردع فعلها خوف =مدري على العِزَّل تزايد عطشها
الْيا اِنتزَعْت اِنقاطها بان مكشوف =وزال الخطر عن حرّةٍ مبتلشها
تحررت من حايفٍ حافها حوف =وحشة وحوشٍ كم طغَت من وحَشها


.

[همس النسيم]

عليكم السلام ورحمة الله وبركاته
وأسعدك الله بالمسرات يالعطاوي
وهلا بك وبلغزك وصح لسانك
وشكله عميق في الغوص لانتزاعه من مكنونه
لكن نحاول ومن الله التوفيق

[همس النسيم]

ان شاء الله تكون رمعه صايبة
نقول الحرب

[{ أبوفيصل }]

ان شاء الله تكون رمعه صايبة
نقول الحرب

صح بدنكـ وباركـ الله فيكـ وبحضوركـ النيّر

بالنسبه للرمعه مااالكـ لواا ، الحل المطلوب بصيغة التأنيث انتبهي:SnipeR (88):
بعدين من خمسة حروف من دون ( الـ )

[همس النسيم]

طيب ابشر
وش تقول بكلمة اشاعة

[{ أبوفيصل }]

طيب ابشر
وش تقول بكلمة اشاعة
مااالكـ لواا

[{ أبوفيصل }]

الساعة العاشره وخمس وخمسون دقيقه من مساء يوم الاثنين

بلغ عدد زوار هذا اللغز 101

والمشاركة كانت من عضو واحد

:SnipeR (59):

[همس النسيم]

من مساء يوم الاثنين في تمام الساعة العاشره وخمس وخمسون دقيقه

بلغ عدد زوار هذا اللغز 101

والمشاركة كانت من عضو واحد

:sniper (59):




الزوار وأنا أختك أكثر من الأعضاء
وشف أول ماتنزل اللغز المتواجدين
العضو واحد والزوار 10 وهكذا

[همس النسيم]

وش تقول بكلمة قطاعة
أو قطيعة

[{ أبوفيصل }]

وش تقول بكلمة قطاعة
أو قطيعة

وقت الرد الاَن وصلو 111 ماشاءالله

ياهمس مالكـ لوا وبلاش قولة ( كلمه ) هاتيها مباشره ok

[همس النسيم]

ابشر ان شاء الله بس خلها تجي الكلمة
قلي انا قريبة ولا بعيدة برمعاتي

[{ أبوفيصل }]

:SnipeR (32): أول رمعه في اتجاه الهدف



وشلون نظركـ :SnipeR (54):

[همس النسيم]

وش تقول ب جوزاء

[{ أبوفيصل }]

بعيده مالكـ لوا

[همس النسيم]

وش تقول ب
شرارة

[{ أبوفيصل }]

مااالك لوا

بعيده ارجعي لأول رمعه

[شاعر الحرية]

صح لسانك يالعطاوي لكن وشهو اللي بان مكشوف ؟
قصدك اللغز ولا غيره

وبعدين وش رايك بالبطالة أو العنوسة :151:

تحياتي

[{ أبوفيصل }]

صح لسانك يالعطاوي لكن وشهو اللي بان مكشوف ؟
قصدك اللغز ولا غيره

وبعدين وش رايك بالبطالة أو العنوسة :151:

تحياتي

صح بدنك

( اليا انتزعت انقاطها بان مكشوف )

القصد من : بان مكشوف = حروف بلا نقط عندها يصبح المعنى واضح

وكونك انتزعت نقاط حروف هذه الكلمه سوف تصبح كلمه اخرى دون ان تخرج عن معنى اللغز والحل

مالك لوا والرمعه بعيييده

[همس النسيم]

طيب و ش تقول ب
جريمة

[{ أبوفيصل }]

طيب و ش تقول ب
جريمة

مالك لوا لكن على هذا النحو من حيث الفكره :rolleyes:

[همس النسيم]

والله وأنا أختك عجزت عصرت مخي مالقيت لها حل
ورغم ذلك بحاول ابحث عن الحل

[{ أبوفيصل }]

همس النسيم

رمعاتك منها رمعتين خطيرات جداً

[همس النسيم]

طيب وش تقول ب
مصيبة

[إبن ثعلي]

ويش رأيك يالعطاوي بالقنبله مع عدم احتساب ال التعريف

[{ أبوفيصل }]

همس النسيم و ابن ثعلي

ركزو باللغز ولو اخذنا رمعاتكم واعتمدتها كجواب وحذفت النقط اللي على الجواب

تطلع لي كلمه مالها معنى ولاتخدم معنى اللغز

وللتوضيح اكثر

الكلمه المحذوف نقطها لها علاقه ورابط وثيق بالكلمه الاساسيه المطلوبه من حيث معنى اللغز

[إبن ثعلي]

طيب ويش معني زال الخطر عن حرة مبتلشها

[{ أبوفيصل }]

طيب ويش معني زال الخطر عن حرة مبتلشها

أعني بأن الجواب شي خطير وعند ازالة النقط من حروف الجواب يزول الخطر
وتصبح كلمه بمعنى تخارجت من هذه الخطيره :rolleyes:
وسلامتكم

[{ أبوفيصل }]

:SnipeR (74): :SnipeR (95):
بأمكانك تستعين بصديق :SnipeR (56):

[إبن ثعلي]

اجل ويش رأيك بالراجمة راجمة الصواريخ إذا أزلت حروفها تصير راحمه ويزول الخطر من الراجمه

[{ أبوفيصل }]

اجل ويش رأيك بالراجمة راجمة الصواريخ إذا أزلت حروفها تصير راحمه ويزول الخطر من الراجمه
رمعه خطيره من حيث الفكره ولكن الجواب بالمعنى اقرب بكثير ياصاحبي

مالك لوا

[{ أبوفيصل }]

وعلى أستفسارك حول هذا البيت

لا تنسى يابوعبدالرحمن ( انقاطها ) بمعنى أن لها اكثر من نقطه

^
( الْيا اِنتزّعْت انقاطها بان مكشوف = وزال الخطر من حرّةٍ مبتلشها )

[{ أبوفيصل }]

اجل ويش رأيك بالراجمة راجمة الصواريخ إذا أزلت حروفها تصير راحمه ويزول الخطر من الراجمه
^
رمعه خطيره ولكن الجواب اقرب بكثير

[ديم]

مساء الخيرات للجميع



مجزرة


محرره

وش تقول يا ابو فيصل

[شاعر الحرية]

أتفق مع السيدة ديم
بعون الله يالعطاوي إنها أصابت الهدف

[همس النسيم]

كتبت كلمة مشابهه لكلمة ديم ولما شفت كلمة
ديم مسحتها وأيقنت أن كلمة ديم هي الصحيحة

[{ أبوفيصل }]

مساء الخيرات للجميع



مجزرة


محرره

وش تقول يا ابو فيصل
:ongue:
:ongue::ongue:

:SnipeR (37): صح لساااانكـ ياديم ماشاء الله عليك هذي الرمعه اللي عليها الكلام :rolleyes:

الـ (( مجزره )) ومن دون نقط تحررت واصبحت (( محرره))

شكراً لكي والشكر موصولاً لجميع من شارك

[{ أبوفيصل }]

أتفق مع السيدة ديم
بعون الله يالعطاوي إنها أصابت الهدف
نعم اصابت الهدف كما كنت تتوقع صح لسانها

[{ أبوفيصل }]

كتبت كلمة مشابهه لكلمة ديم ولما شفت كلمة
ديم مسحتها وأيقنت أن كلمة ديم هي الصحيحة
حلته ديم صح لسانها وأنتي عافاكـ الله ماقصرتي
اللغز سلم منكـ عندما قلتي الجريمه
وسلم من ابن ثعلي عندما قال الراجمه وكاد أن يُلقي بسهامه على اللغز

طيب الرمعه اللي كتبتيها ومحيتيها قوليها وشهي :SnipeR (54):

[شاعر الحرية]

صح لسان السيدة الذكية / ديم

وحقيقة يالعطاوي أبدعت في هذا اللغز أيما إبداع
بوركت يا فتى اﻷلغاز وبوركت القريحة الجياشة بكل ما هو مفيد

♡ تحية الورد الطائفي للجميع ♡
:wardah:

[{ أبوفيصل }]

صح لسان السيدة الذكية / ديم

وحقيقة يالعطاوي أبدعت في هذا اللغز أيما إبداع
بوركت يا فتى اﻷلغاز وبوركت القريحة الجياشة بكل ما هو مفيد

♡ تحية الورد الطائفي للجميع ♡
:wardah:
بارك الله فيك وانا شاكر لك هذا الأطراء الجميل :SnipeR (6):
ولولا تشجيع مثلك وشرواك ما استمريت في طرح الألغاز

لكم مني أرق التحايا وأعذبها

[همس النسيم]

ماشاء الله على ديم
الله يعطيها العافية
وصح لسانك يالعطاوي على هاللغز الجزل
وكنت كتبت جزارة ولما شفت حل ديم مسحتها
تحياتي للجميع

[ديم]

مساء السعادة لكل من مر من هنا


أشكر الجميع دون استثناء

وخاصة لهواة التفكير العميق ، والفك والتحليل


وطبعا أميز العرفان لكل من هندس لغزًا وركّبه



شاعر الحرية ، همس النسيم ، العطاوي ... الله يعافيكم جميعا

[{ أبوفيصل }]

ماشاء الله على ديم
الله يعطيها العافية
وصح لسانك يالعطاوي على هاللغز الجزل
وكنت كتبت جزارة ولما شفت حل ديم مسحتها
تحياتي للجميع
صح بدنكـ وحياكـ ياهمس وخيرها في غيرها

[{ أبوفيصل }]

مساء السعادة لكل من مر من هنا


أشكر الجميع دون استثناء

وخاصة لهواة التفكير العميق ، والفك والتحليل


وطبعا أميز العرفان لكل من هندس لغزًا وركّبه



شاعر الحرية ، همس النسيم ، العطاوي ... الله يعافيكم جميعا

والشكر كل الشكر لكي أنتي على هذا الحل الرائع

تحيتي لكي وللجميع ودمتم لنا دائماً بخير

[عامر الروقي]

ابوفيصل
صح لسانك على نظم اللغز وبيض الله وجهك
ديم
صح الفكر والتفكير في حل اللغز ولا هنتي
تقدير و احترام
للجميع

[{ أبوفيصل }]

صح بدنك ووجهك يابوناجي

تحيتي لك