اَااخر لغز ( محلول من ديم ) صح لسانها

[{ أبوفيصل }]

السلام عليكم ورحمة الله وبركاته

اليكم اَخر ماكتبه اَمل أن ينال اعجابكم
.




ياويش رجلٍ في متمّ القول رايع =مامثّلوْبه للملا فلمٍ درامي
له وصفٍ امْحرّم ومن جملة ربايع =أصله حلالٍ لو يوصّف بالحرامي
الثلاثه من عياله مع تبايع =يركنون ال كل وصفٍ فيه سامي
متعدد الأوصاف وأنواع الروايع =روعة جماله يعتبر فأجمل كلامي


.

.

.

[همس النسيم]

وعليكم السلام ورحمة الله وبركاته
وصح لسانك وعلا شأنك
ولا هنت وجاري التفكير
بس لاتشتت أفكارنا من زينها مشتته خلقة
خلنا بواحد وبعدين نروح للثاني

[{ أبوفيصل }]

^
صح بدنكـ

خذوها وحده وحده والله يعينكم تحلونه

[عامر الروقي]

ابوفيصل
صح لسانك على نظم اللغز وبيض الله وجهك
وش رايك
الشعر

[{ أبوفيصل }]

ابوفيصل
صح لسانك على نظم اللغز وبيض الله وجهك
وش رايك
الشعر

ابوناجي صح بدنك
الليله لك على الألغاز قابليّه ماشاء الله عليك

الشعر مالك لوا

:)

[عامر الروقي]

مساء الخير همس النسيم
لو تكرمتي ارمعي التفكير قفل يمكن الرمعه تصيب يمكن تفتح باب
لاهنتي

[{ أبوفيصل }]

أتوقع ماراح يحله غير ابن ثعلي أو أنت يابوناجي أو همس النسيم أو ديم

للعلم مع العلم للمعلوميه كلكم خطيرين

[ديم]

ممكن يكون البيت الحرام

[{ أبوفيصل }]

^

ماااالكـ لوا ياديم رمعه بعيده

[همس النسيم]

مساء الخير همس النسيم
لو تكرمتي ارمعي التفكير قفل يمكن الرمعه تصيب يمكن تفتح باب
لاهنتي

ههههههه
الله يسعدك
والله وأنا أختك حتى عندي التفكير مقفل عجزت
أدخل وأقرأ اللغز ولكن مافيه تفكير بالحل

[همس النسيم]

أتوقع ماراح يحله غير ابن ثعلي أو أنت يابوناجي أو همس النسيم أو ديم

للعلم مع العلم للمعلوميه كلكم خطيرين

والله مثل ماقلت شكل هاللغز ماله إلا بن ثعلي
أما الخطورة والله مانجي ربعكم وأنا أختك

[{ أبوفيصل }]

الله يعينكم على حلول الألغاز
الدنيا كلها لاتخلو من الألغاز واللي علينا نحرك التفكير للتنشيط الذهني والفكري

اخوكم خالد المهيدلي العطـاااوي
(( ابوفيصل ))

[همس النسيم]

والنعم فيك وفي ألغازك يالعطاوي
ومثل ماقلت بكل مكان الالغاز وأتتبعها
وأحب أحلها وأتحمس لها

[همس النسيم]

القصيد والوزن والقافية. قلي بعيدة او قريبة

[{ أبوفيصل }]

^
^
هلابكـ وحياكـ الله مشكور على الكلام الزين

بالنسبه للرمعه سبق ورمع عامر رمعه مشابهه لرمعتكـ وجميعها قريبه نوعاً ما

[إبن ثعلي]

ويش رايك يالعطاوي بالشهر الحرام (محرم)

[شاعر الحرية]

صح لسانك يالعطاوي

أنا أقول / شهر رمضان

ولا لك لوا بعد هذا الحل لا أنت ولا المدير القدير / ابن ثعلي

تحياتي للجميع

[ديم]

مساء الخير


الرمعه الأولى بعيدة

إن شاء الله ذي تكون أقرب أخوي العطاوي


نقول إن من البيان لسحرًا


و أنواع الكلمة ( اسم ، فعل ، حرف)

[{ أبوفيصل }]

ويش رايك يالعطاوي بالشهر الحرام (محرم)

مااالك لوا يابن ثعلي

[{ أبوفيصل }]

صح لسانك يالعطاوي

أنا أقول / شهر رمضان

ولا لك لوا بعد هذا الحل لا أنت ولا المدير القدير / ابن ثعلي

تحياتي للجميع
صح بدنك وشهر رمضان
ماااالك لواا

[{ أبوفيصل }]

مساء الخير


الرمعه الأولى بعيدة

إن شاء الله ذي تكون أقرب أخوي العطاوي


نقول إن من البيان لسحرًا

^
قال الله تعالى ( الرحمن علّم القراَن خلق الانسان علّمه البيان )
وقال الرسول الكريم عليه أفضل الصلاة وأتم التسليم ( ان من البيان لسحراً )

:SnipeR (37):صح لسااانكـ ياديم ماشاء الله كان تبارك الرحمن نعم (( البيان )) http://www.m-harb.net/vb/images/smilies/076.gif

البيان اذا تجلىّ في الكلام يجعله في منتهى الروعه ويجعل من صياغة التعبير سحرً
كما وصفه الرسول الكريم وصفاً جائز وهو السحر الذي يُعد من الكبائر حرام
والبيان يعتمد على ثلاثة أركان ( المجاز والتشبيه والكنايه ) متعدّد في تركيبته والمعنى واحد
باختصار هو تعبير الانسان عن خواطره ومشاعره وقدرته على اقناع الاَخرين برؤيته
بأي شكل من الاشكال تعبيرً صادق عن معنى من المعاني

[شاعر الحرية]

صح لسان السيدة الكريمة / ديم
بوركت العقلية وبورك التركيز

وحقيقة يالعطاوي إني تجادلت مع صديق متواجد عندي على اللغز ثلاث ساعات
وبرد غدانا وإحنا نحاول حل اللغز الموقر .. والعوض واجب عليك :151:
المهم إن صديقي قال البيان ولا صدقته يا طويل البقى والسلامة مع أنه كان مصر على جوابه

الخير في الجايات يا مديرنا الموقر :biggrin:

تحياتي العاطرة للجميع

[همس النسيم]

ماشاء الله على ديم
صح الفكر والتفكير
وصح لسانك ياأبو فيصل على اللغز
وهات الجديد

[ديم]

الحمد لله ، والجميع فيهم الخير والبركة ويستاهلون الإشادة


زين ماراح تفكيري عبث، مثل الوسم والشاهد

واللي ماكان فيه أمل أعرفه :(



أشكركم ، و جعله يسلم فكرك يا أبو فيصل على سبك الألغاز وتنشيط هالقسم

[عامر الروقي]

ديم
صح فكرك وتفكيرك في حل اللغز
تقدير واحترام
للجميع

[{ أبوفيصل }]

صح لسان السيدة الكريمة / ديم
بوركت العقلية وبورك التركيز

وحقيقة يالعطاوي إني تجادلت مع صديق متواجد عندي على اللغز ثلاث ساعات
وبرد غدانا وإحنا نحاول حل اللغز الموقر .. والعوض واجب عليك :151:
المهم إن صديقي قال البيان ولا صدقته يا طويل البقى والسلامة مع أنه كان مصر على جوابه

الخير في الجايات يا مديرنا الموقر :biggrin:

تحياتي العاطرة للجميع

ان شاء الله اجيب لكم لغز تمخمخون عليه

شاكر لك المرور العذب ياشاعر الحريه وياهلابك

[{ أبوفيصل }]

ماشاء الله على ديم
صح الفكر والتفكير
وصح لسانك ياأبو فيصل على اللغز
وهات الجديد
حياكـ ياهمس وان شاء الله مع لغز اّخر

دمتم بخير

[{ أبوفيصل }]

الحمد لله ، والجميع فيهم الخير والبركة ويستاهلون الإشادة


زين ماراح تفكيري عبث، مثل الوسم والشاهد

واللي ماكان فيه أمل أعرفه :(



أشكركم ، و جعله يسلم فكرك يا أبو فيصل على سبك الألغاز وتنشيط هالقسم
ومن قال يسلم والله يقدرنا على مايرضي الجميع هنا