يارب

[جهز الهرس]

يارب انا ماسجدت اللا على شانك
...............سجدت لك راضي ٍ بامرك وتدبيرك
خضعت لك طالبن عفوك وغفرانك
.............. ورحمتك يومن مالي ملتجى غيرك
يالواحد الخالق المعبود سبحانك
.................خلقـتني من عدم بامرك وتقديرك
وحسرتي كان ما حصلت رضوانك
........واخطيت من رحمتك وافلست من خيرك
تمهل ولاتهمل اللي زاد عصيانك
............... كل ٍ على أجله بتقديمك وتاخيرك
لكن ابا طلبك يا اللي عالي ٍ شانك
...........ماني بميس ياما سك فا السما طيرك
رحمتك تضفي على خلقك من احسانك
.................ابارفع إيدي واطلب منك تيسيرك
للي يتوب الك ماصكيت بيبانك
.............. تعـفو لمن تاب عن ذنبه بتبصيرك
على جميع البشر نزلت قرآنك
.............. وارسلت رسلك بتبشيرك وتنذيرك
يالادمي لاتقول الزور بلسانك
.....................لايستفزك ردي العقل ويثيرك
ليابغيت العمل يرجح بميزانك
.............في طاعت الله لزوم تواصل بسيرك
لابد من ساعة ٍ ويجيك ديانك
..................يقطع طريقك ولاتكمل مشاويرك
موت ٍ لياجاك وقف دم شريانك
................... ماينفعون العيال ولاجماهيرك
خلوك ربعك وجيرانك وخلانك
............في حفرت ٍ مظلمه عسى الله يجيرك

جهزمسيميرالهرس

[{ أبوفيصل }]

صح لساانك مدد ، أبيات رائعه ياجهز ومؤثره

تحيتي وتقديري

[نهير بن رخيص]

الشاعر جهز الهرس0

صح السانك على هذه القصيده الجميله 0 لك ودي مع تقديري وتقبل مروري 0

[جهز الهرس]

صح لساانك مدد ، أبيات رائعه ياجهز ومؤثره

تحيتي وتقديري

صح بدنك يالعطاوي وشكراً على مرورك الطيب

[جهز الهرس]

الشاعر جهز الهرس0

صح السانك على هذه القصيده الجميله 0 لك ودي مع تقديري وتقبل مروري 0

صح بدنك وطول الله عمرك

شكراً على المرور الطيب

[هتلر عتيبة]

شاعر كبير..وأبيات جزلة..

يعطيك العافيه..

واصــــل أبداعك..

خالص الود..

[ايمان العتيبي]

صح لسانك اخوي ويعطيك العافيه

[عبدالعزيز بن حشيان]

جهز الهرس

صح لسانك يالقرم والله لايهينك

تقبل مرور اخيك ومغليك

[البعير]

صح السانك يالهرس

[جهز الهرس]

صح بدنك ياعبد العزيز
ومرورك يسعدني

وكذلك صح بدنك يالبعير
ولكم مني جزيل الشكر

[بنت هبس]

الله يعطيكم العافية