خمسين من عمري مضى ودي اتوب

[جهز الهرس]

يا الله يا مطلوب ياخير مطلوب
.................. يارب تغفر ذنبي اللي عـليه
ياحي ياقيوم يا مشف ٍ ايوب
................ من المرض يومن نفسه زكيه
يا مرجعن يوسف على ابوه يعقوب
............... وابصر بعد جوه بقميصه هديه
تجعل ادعايه عنك ماهوب محجوب
................. ياعــــالم ٍ بالبـيــنه والخـفيه
خمسين من عمري مضى ودي اتوب
............... ..من الخطا ماقول نفسي بريه
تلعبلي الدنيا بضحكات واسلوب
..............والموت يقرب كل صبح وعشيه
اجيلها من صوب و تروح من صوب
....................وكثيرها فالعين شفته ابلـيه
ركضت لين ازريت واليوم يا دوب
...............امشي وهي تمشي على كـل نـيه
ماكنت احسب إلمكرها وضع مقلوب
................ لين انكشف وليا البلاوي قـويه
حلفة لا اتركها ولوصرت مغـلوب
................رزقي على المعبود جزل العطيه
مالي عن المقسوم لاصار مكتوب
................... والاجل عند الله بطاه ومجيه
كلش على الانسان محصى ومحسوب
.................مـــن خلقته حتى حلول الـمنيه
اطيع نفسي نوب واعصالها نوب
.............. فا لمعصيه وعن الدروب الـرديه
أعصى لها بدروب واطيع بدروب
................درب الكرم والمرجله والـحميه
ترك الكرم والدين للرجل عذروب
.................وظلم النفوس الغافلات الـبريه
يارب ترحمني وتسترلي عيوب
................ ورحمتك يا لله واسعة كل شيه
عسى لياجا فوقي الرمل والطوب
.................. القى السعاده والحياه الهـنيه
يجي بشير الخير بالخير مندوب
...................واجاوبه مرتاح نفسي جـريه



جهـزمســـيميرالهــرس

[جااابر]

صح لسانك ولاهنت على القصيده الطيبه

[إبن ثعلي]

صح السانك ياجهز الهرس ولاهنت

[عبدالعزيز الفرج]

صح لسانك يا جهز


لاعدمناك

[سلهمة رمش]

روعه .. صح لسانه

[سلهمة رمش]

صح بوحه ...

[بنت هبس]

الله يعطيكم العافية

[الفلاح]

صح لسانك وبيض الله وجهك

قصيدة جزلة ومعانيها رائعة .