قرار بإيقاف ،،،،، المدح فوراً

[نايف بن ناجي]

المدح كله فالوجيه القبيحه=مثل الردى قدم الوجيه المطاليق
لاتمدحون الي سوات النطيحه = لاترفعونه للسماء والشواهيق
خلوه يبقى ياعرب في مطيحه=لانافعن ربعه ولافارجن ضيق
يهز راسه مثل راس الذبيحه=لياشفت المسلخ وعكف المعليق
ممشاه بين الناس نقص وفضيحه=مايمدح يامصخرين الطواريق
مافالبصل عيشه ولاغيرريحه =ياويل من حطه فطورا على الريق
اسمع يابن قطنان واخذ النصيحه= لاتمدح اخدوش العرب والمطافيق
لاتمدح اللي يشحذون المنيحه =لو مالهم يغني جميع المخاليق
ترى كبود الناس صارت جريحه=عن مدح بعض الناس عطنا مواثيق
امدح رجال تستحق المديحه = وجه قصيدك يم سنجار وطويق


بقلم / نايف بن ناجي

بقلم / نايف بن ناجي

[ابوسـعد]

امدح رجال تستحق المديحه = وجه قصيدك يم سنجار وطويق



صح لسانك وعلا شأنك وياهلاوغلا

[اصايل]

صدقت ..

صح لسانك اخوي ..

[الوسااام]

صح لسانك وعلا شانك ، ولاهنتـــــــ

هذا الكلام الصحيح واغلب المدح الان كلة نفاق ومــــــاهوب لله

[نايف بن ناجي]

امدح رجال تستحق المديحه = وجه قصيدك يم سنجار وطويق



صح لسانك وعلا شأنك وياهلاوغلا

ابو سعد شكراً لمرورك الكريم

[الذويبي العتيبي]

طربت للعنوان قلت قرار توقيف للمدح لان المدح

صار يوجه لمن لايستحقه

ابياتك رائعه لاهنت

امدح رجال تستحق المديحه = وجه قصيدك يم سنجار وطويق

ترى وانا اخوك القبايل فيهم رجال يستاهلون الطيب

ماودي انك خصصت سنجار وطويق

على العموم كل ديره عزها من رجالها

[الثاقب]

صح لسانك يانايف

وسنجار وطويق ترمز بها الرجال الشامخه التي تستحق المدح كشموخ هذين الجبلين

وفيت وكفيت