الأدميرال
10-08-2012, 12:12 AM
دندني لي ياقصيده والله ان الراس شاش
............. هاتي الي يطرب الخاطر ترا ماني بخير
والله اني ما ادور من وراها عاش عاش
............. كان ما فيها من الشعر الحقيقي والجدير
ناوي ادمجها وضوح ٍ في غموض ٍ في غباش
................. واترك الحكم النهائي للمتابع بالاخير
السماء هذي لحافي والثرى هذا فراش
.................... والنوايا ما تغـيّر لكن الافهام غير
من يبي يسمع نصيحه من محب ٍ له بلاش
............ والنصيحه من تجارب واحد ٍ غيري خبير
دايما ً خل التعامل في حياتك كاش كاش
............. وان بغيت تأجل الموضوع لازم تستخير
اعقد حبالك على الفرع القوي مابدهاش
............ ولابغيت السر يحفظ اجدعه في وسط بير
لايهمك من يخشخش كل قاع ٍ به خشاش
........... لو حسب لحسابها ما يقطع الصحراء بعير
نوب خذها بالسياسه نوب خذها بالدفاش
............... فيه ناس ٍ لو تسايسها تبي تخسر كثير
فيه بين الناس كفو وفيه بين الناس لاش
............. ذي تحددها المواقف تكشف الشي الستير
ياكثر منهو يقول ولا بدا المطلوب ماش
................ الصغير ولو تهقوا لابدت يرجع صغير
واترك الي دايماً يسعى ورى قدح الفلاش
............. يحسب انه يكسب الدنيا اذا يصبح شهير
مثل نور النار لاجمع حواليه الفراش
........... مادرى ان النور نار وجاء له بنفسه يطير
وجنب الاحمق ولا تكثر مع الاحمق نقاش
............... يجعل الي ما يصير بمنطقه الا يصير
واذكر ان اخر مصيرك تخرج بقطعة قماش
........... لو تكون الي تكون انت الملك والا الامير
يااهتنيت بما جنيت او تبتلش فيه ابتلاش
............ يظهر الفرق الحقيقي من غنيّ ومن فقير
............. هاتي الي يطرب الخاطر ترا ماني بخير
والله اني ما ادور من وراها عاش عاش
............. كان ما فيها من الشعر الحقيقي والجدير
ناوي ادمجها وضوح ٍ في غموض ٍ في غباش
................. واترك الحكم النهائي للمتابع بالاخير
السماء هذي لحافي والثرى هذا فراش
.................... والنوايا ما تغـيّر لكن الافهام غير
من يبي يسمع نصيحه من محب ٍ له بلاش
............ والنصيحه من تجارب واحد ٍ غيري خبير
دايما ً خل التعامل في حياتك كاش كاش
............. وان بغيت تأجل الموضوع لازم تستخير
اعقد حبالك على الفرع القوي مابدهاش
............ ولابغيت السر يحفظ اجدعه في وسط بير
لايهمك من يخشخش كل قاع ٍ به خشاش
........... لو حسب لحسابها ما يقطع الصحراء بعير
نوب خذها بالسياسه نوب خذها بالدفاش
............... فيه ناس ٍ لو تسايسها تبي تخسر كثير
فيه بين الناس كفو وفيه بين الناس لاش
............. ذي تحددها المواقف تكشف الشي الستير
ياكثر منهو يقول ولا بدا المطلوب ماش
................ الصغير ولو تهقوا لابدت يرجع صغير
واترك الي دايماً يسعى ورى قدح الفلاش
............. يحسب انه يكسب الدنيا اذا يصبح شهير
مثل نور النار لاجمع حواليه الفراش
........... مادرى ان النور نار وجاء له بنفسه يطير
وجنب الاحمق ولا تكثر مع الاحمق نقاش
............... يجعل الي ما يصير بمنطقه الا يصير
واذكر ان اخر مصيرك تخرج بقطعة قماش
........... لو تكون الي تكون انت الملك والا الامير
يااهتنيت بما جنيت او تبتلش فيه ابتلاش
............ يظهر الفرق الحقيقي من غنيّ ومن فقير