الدنيـا حـظوظ

[فهد بن شجاع العضياني]

صباح الخير ياصبح تنفس وابتسم بالنور= وغرد طيره الشادي على نغمة عصافيره
بعد ليل طويل وضيقة بالخاطر المكسور= عساها ساعة فيها الفرح يعلن تباشيره
تعلمنا من الدنيا وجربنا حلا ومرور= وغنينا مع الي بالمساء غنا مجاريره
وسيرنا خطانا بالمدينه ولاراض البور=وسرنا مع طريق تتعب الطرقي مشاويره
وشفنا بالحياه اهموم واحزان وفرح وسرور= على كف القدر نمشي ولاندري الخيره
وشفنا بالعرب منهي وشفنا بالعرب مامور= وشفنا واحد يفرق بفعل الطيب عن غيره
صحيح ان الحياه احظوظ وايام الزمان تدور= احد تنجيه واحد تحطله لفه وتدويره
سعيد الحظ تفرشله مسارات الطريق ازهور=و لوانه مقصر ماحد ينظر لتقصيره
وتعيس الحظ دايم يشتكي من حظه المعثور= على ماقيل في الأمثال من جرف لدحديره
درسنا من دروس الوقت درس للنجاح جسور= ومن ذاق المكاسب يوم لايامن مخاسيره
يقولون انشد مجرب بالزمن لاتنشد الدكتور=وكل انسان مفهومه حسب ظنه وتقديره
نحدثكم عن الواقع ونعطيكم من الميسور= خيال الفكر مايحتار في رسمه وتصويره

[إبن ثعلي]

صح السانك يافهد شجاع قصيدة جزله تشكر عليها

[اصايل]

صح لسانك فهد

لا هنت

[البارق]

صح لسانك

[؛؛ابو ريناد؛؛]

صح السانك يافهد