سوريا

[فهد بن شجاع العضياني]

تفجر البركان في داخل الجاش =وادوى بشعرن من براكين جاشي
اغلى من الياقوت وابيض من الشاش= واصدق خبرها من صدوق الرشاشي
جواهر ماصاغها كل غشاش=وماروجت مابين مرشي وراشي
اليا سمعها صاحب المعرفه شاش=من قوها لازم يجيه اندهاشي
الشام يصرخ بين مدفع ورشاش =وبا المجلس الدولي يدور النقاشي
وضع يخلي صاحي الفكر ينداش=والنار تقدح مثل قدح الفلاشي
نارن تغذا بالاوادم والادباش= ويذبحون الناس مثل المواشي
يانايم اصحى لايجي عينك اغطاش=الى متى ونته طريح الفراشي
والا تشوف مسلسلة طاش ماطاش=ماصار في قلبك فزع وارتعاشي
متى يجي من وجهة الشام طراش =ينبي عن علوم المطر والمناشي
مخايل ماهي مطر مزن ورشاش =تمطر قنابل سو ولها تواشي
اتدك قصر الطاغيه قبل ينحاش=ويفنا مثل كسرا ومثل النجاشي
لوكنت يابشار ظالم وبطاش= لابد من يوم تصير متلاشي
الظلم والطغيان راعيه ماعاش= مثل البنايه فوق جرف وهشاشي
يعيش ابو متعب للامجاد حواش=زعيمنا اللي دولته ماتناشي
بعد الله الي نصرته تبرد الجاش=فيه الامل معقود والخير ناشي

[شـوآق]

فهد بن شجاع

صح لسسسانك وسلمت يمناك .,
عز الله ان العرب نايمين . مانقول الا الله ينصرهم من عنده



لاهنت

[اصايل]

الله ينصرهم

صح لسانك وعلا شانك

لاهنت

[إبن ثعلي]

صح السانك يافهد شجاع ابيات جميلة حداً

[فيصل بـن طعيس]

ابن شجاع صح الله السانك


واافيه وكاافيه


ماكنها الا فردية ابن قريع خزاامه


لاهنت ولاهان هوجاسك


. وودي يليه مروري .

[سلهمة رمش]

صح لسانك ...
الله ينصرهم نصرآ قريب