من تحت برقعهاا

[مطنوخه الهيلا]

:SnipeR (9):ple"]:wardah:


قامت تهـزع خـذت قلبـي ووجدانـه
وهي بنت(( قوم ),, حشا ,مانيب خادعها
أنا ذراها عـن الشيطـان !! وأعوانـه
وانا دفا ,خوفهـا ,, عمـا , يروعهـا
من شفتها !! نظرتـي شفقـا وولهانـه
سرت بعد مابلتنـي . واختهـا ,معهـا
مليانـه مـن الحـلا والزيـن مليانـه
تربعت فوق عرش الزين مـا أروعهـا

ريـانـة الـقـد والارداف ريـانــه
من كبرها لبسها ! ! ما عاد ياسعهـا!!!

وليا مشت ,تتبع الخانـه وراء الخانـه
اخشى عليهـا كعبهـا , مـا يخثعهـا
ويوم اسمعت عن قصيدي فات واحزانـه
هلـت غزيـر المدامـع مـن مدامعهـا
والله يلـولا الحيـا والديـن واركانـه
لامسح رقيق اطخمتهـا تحـت برقعهـا
واني ,, لا لامس بكفي ناعـم اوجانـه
أمــا بمنديـلـهـا ولا بمسفـعـهـا
وتبرا , اجروح(ن) على قلبي على شانه
الي تقـزي اعيونـي عـن مضاجعهـا




:34: يااااوك ياشيب عيني شبااه :wardah:[/FONT]

[رائد المرشدي]

ريـانـة الـقـد والارداف ريـانــه
من كبرها لبسها ! ! ما عاد ياسعهـا!!!

وليا مشت ,تتبع الخانـه وراء الخانـه
اخشى عليهـا كعبهـا , مـا يخثعهـا



ياويل حاااااااالي ويلاااااااه

صح لسان الشاعر فهد بن حنس العصيمي

جرحتيني يامطنوخة الهيلا

القصيده اثرت فيني بالحييييييييييل

[اصايل]

توقعت ان الشاعر عتيبي :)


بعض الوصف يجيك سامج:SnipeR (2):


:

لاهنتي

[رائد المرشدي]

اصايل ترى بعض الكلام يحسب عليك

[اصايل]

وانا ماقلت الا الصج ورأئي :)

بعض القصيد يرفع صاحبه والبعض العكس

الشاعر ماخلا شي ماوصفه وش بقى بالله عليك !!

بغض النظر من شاعرها ووش قبيلته

الشاعر يسمو بقصيده وبكلمته ماني ضد شعر الغزل لكن مؤ بهذا الوصف !!

[رائد المرشدي]

وانا ماقلت الا الصج ورأئي :)

بعض القصيد يرفع صاحبه والبعض العكس

الشاعر ماخلا شي ماوصفه وش بقى بالله عليك !!

بغض النظر من شاعرها ووش قبيلته

الشاعر يسمو بقصيده وبكلمته ماني ضد شعر الغزل لكن مؤ بهذا الوصف !!


هلا يأختي

أما تقولين ماقلتي الا الصدق

صعبه تزكين وجهة نظرك قولي هذا رائي ونقول لك صح كلن حر برائيه

ومثل ماذكرتي القصائد مرأت الشاعر وتعكس مافي قلبه سوا رفعته او ؟؟؟

أما القصيده التي أمامنا الأن شاعرها معروف فهد حنس العصيمي

وأنا من رائي أنه ماتطرق لشي يخدش الحياء وكل الوصف الذي تطرق اليه مستهلك من فطاحلة شعراء الخليج المعروفين
وكل شاعر غزل لابد ان يذكر بعض أعضاء المرأه التي تجمع محاسنها وهذا شي طبيعي جداً جداً

وأنتي قلتي داريه أنه عتيبي ليه باقي شعراء القبايل مايذكرون الذي ذكره فهد العصيمي

مستعد اذكر لك اكثر من قصيده فيها هذا الوصف واعبر منه لأكثر من شاعر من شعراء القبايل الاخرى وخاصه الكبار والمعروفين ...

[اصايل]

رايد اخوي انا قلت هذا رأئي واللي أشوفه صح من وجهة نظري

ويوم تكلمت قصدي الابيات ماقصدت الشاعر ولا اعرفه سوا عصيمي والا فهد والا حنس او غيره !!

وقلت عتيبي لانه حدسي قبل لا اقرأ ردك والاسم يوم ذكرت

أخيرا الوصف بهذا الشكل سوا من هذا الشاعر او من غيره مبتذل بمنظوري ولو كاتبه اكبر الشعرا

اتمنئ وضحت الصوره ،،

[الأدميرال]

من اروع قصائد فهد حنس العصيمي
ويعطيك العافيه مطنوخة الهيلا على النقل

[رائد المرشدي]

رايد اخوي انا قلت هذا رأئي واللي أشوفه صح من وجهة نظري

ويوم تكلمت قصدي الابيات ماقصدت الشاعر ولا اعرفه سوا عصيمي والا فهد والا حنس او غيره !!

وقلت عتيبي لانه حدسي قبل لا اقرأ ردك والاسم يوم ذكرت

أخيرا الوصف بهذا الشكل سوا من هذا الشاعر او من غيره مبتذل بمنظوري ولو كاتبه اكبر الشعرا

اتمنئ وضحت الصوره ،،


أحترمك وأحترم رائك و وجة نظرك وعلى عيني وراسي

وادري انك تقصدين الابيات ولكن من كلماتها لاحظتي عليها وسيمة شعراء عتيبه

وهذا رائك ونحترمه وهو يعبر عن وجهة نظر اصايل فقط لاغير

والوصف الذي ذكره شاعرنا من وجهة نظري انه وصف عادي جداً ولايكتمل شعر الغزل العذب الا به .

وشكراً يا اصايل

سوا عصيمي والا فهد والا حنس

فقط احببت اذكرك ان عصيمي وفهد وحنس جميعها اسم رجل واحد

ولكن لكي تركب الجمله صح لابد ان نقول فهد بن حنس العصيمي

[عهود]

صح لسان شاااعرها




صحيح الكثير من الشعرااء بالغو في شعر الغزل .. ووصف المرأه بـالــذااات ليصفق له الجمهور

لأنـــــه أجااااااااااااد في دقة الوصف لاأكثر ..--------> متابعه لقنوات الشعر :)





يعطيك العافيه على النقل يامطنوخة الهيلا .

[همس النسيم]

صح لسان الشاعر
وسلمت يمينك يامطنوخة على النقل

[مطنوخه الهيلا]

يعطيك العااافيه



على مروركم




وانا اقول ان حلاة الشعر والغزل ماتتطرق له فهد العصيمي



والمراه تعجب بمثل هالوصف


واالاثنى كلهاا غزل




لاهنتوو

[اصايل]

والمراه تعجب بمثل هالوصف


واالاثنى كلهاا غزل



:


كلن وقناعته سبحان الله ،،

[رائد المرشدي]

ههههههههههههههه


اصاايل أنتي كيييييييييييذا:SnipeR (37):

[اصايل]

عاد ضدك كيف جيت كوذا :)

[مامثلي أحد]

-

ريـانـة الـقـد والارداف ريـانــه
من كبرها لبسها ! ! ما عاد ياسعهـا!!!



ياليل الليل
يعني كذا حاجة كويسه ! :SnipeR (26):


شكراً مطنوحة



-

[مطنوخه الهيلا]

مامثلي احد




شكرا على مرورك

[رايـق]

يعطيك العافيه


مطنوخه الهيلا

والقصيده على النهج القديم .. ودقة الوصف كانت عاديه ( ماكان احد يدقق )

وكان الغزل غزل عفيف .. ومعلن .

لاهنتي

[إبن ثعلي]

مشكورة يامطنوخة الهيلا قصيدة رائعه جدا ولااروع منها
لكن ارجو من الإخوان ان يفسروا لي معنى هذا البيت
وليا مشت ,تتبع الخانـه وراء الخانـه
اخشى عليهـا كعبهـا , مـا يخثعهـا

[الأدميرال]

مشكورة يامطنوخة الهيلا قصيدة رائعه جدا ولااروع منها
لكن ارجو من الإخوان ان يفسروا لي معنى هذا البيت
وليا مشت ,تتبع الخانـه وراء الخانـه
اخشى عليهـا كعبهـا , مـا يخثعهـا

هلا وغلا يا ابن ثعلي
بفسرها حسب فهمي انا للبيت

ليامشت تتبع الخانه وراء الخانه
اعتقد خطوة القدم الاولى تتبعها خطوة القدم الثانيه بنفس ماطى القدم الاولى

الشطر الثاني واضح مايخثعها اي مايطرحها الكعب

[مطنوخه الهيلا]

مرووو ر رايق يااارراايق





لاهنت يالادميرال :wardah:

[رائد المرشدي]

مشكورة يامطنوخة الهيلا قصيدة رائعه جدا ولااروع منها
لكن ارجو من الإخوان ان يفسروا لي معنى هذا البيت
وليا مشت ,تتبع الخانـه وراء الخانـه
اخشى عليهـا كعبهـا , مـا يخثعهـا


اللهم أني صائم ولأكان افسر لك هذا البيت الذي رماني في عالم أخر وخخخخخ

[مطنوخه الهيلا]

ههههههههه

هني وعافيه يارائد

هذا انت افطرت اسدح لنا شرح البويتات الي خلتك في عالم اخر


<<<<< بتورطك ههههههه

هههههه

[رائد المرشدي]

ههههههههه

هني وعافيه يارائد

هذا انت افطرت اسدح لنا شرح البويتات الي خلتك في عالم اخر


<<<<< بتورطك ههههههه

هههههه




الله يعافيك ولازلت صائم

انتظري المساء حتى افسره لك بدقه

[مطنوخه الهيلا]

ومااازال رائد صااايم

<<< جاري الورطه



فيك فيك

[رائد المرشدي]

ومااازال رائد صااايم

<<< جاري الورطه



فيك فيك

الان أنا متفرغ

اذا تواجدتي سجلي ردك وسوف يتم تفسير البيت كلمه كلمه

الله يوفقنا للصواب ومايرضي الجميع:SnipeR (19):

[مطنوخه الهيلا]

متواجده




وقييدام

[رائد المرشدي]

اهلأ وسهلاً أيتها الأخت الفاضله

سوف نبداء في تفسير البيت المطلوب من أبن ثعلي

كونو بالقرب منا


وليا \ تنطق باللغه العربيه أذا

مشت \ اي اذا بدت في السير

تتبع \ تسير في خطوات متتأليه

الخانـه \ لها عدة معاني الأول تطلق على المكان المخصص لشياً ما مثل الارقام أو خزان المياه ونحوه

المعنى الثاني مشتقه من كلمة خيانه مثل يقال فلان خائن او فلان لم يمنعه من فعل كذا الا الخانه الزائده

والشاعر اعتقد خانه التعبير فلم يوفق في وصف مايريد توصيفه

وراء \ اي خلف او بعد

الخانـه \ قد سبق تفسيرها اعلاه


اخشى \ اخاف

عليهـا \ يقصد بقوله عليها الفتاه التي يتغزل فيها الشاعر

كعبهـا \ الموضع الاسفل للحذا

مـا يخثعهـا \ اي تعثر وتسقط على الارض باسباب طول الكعب


واخيراً اتمنى اكون وفقت في تفسير اليبت

وتقبلو فائق تحياتي وتقديري لكم

[مطنوخه الهيلا]

كفيت ووفيت يارائد




يعطيك العاافيه


خلك قريب


احيان يصعب علي ابيات تفسيرهاا




يصير انشدك عنهاا

وانت راعي الاوله



تسلم ماقصرت

[رائد المرشدي]

كفيت ووفيت يارائد




يعطيك العاافيه


خلك قريب


احيان يصعب علي ابيات تفسيرهاا




يصير انشدك عنهاا

وانت راعي الاوله



تسلم ماقصرت


ماسويت شي ياختي هذا الواجب:biggrin::biggrin:

وابشري اذا صعب عليك شي أنا موجود :biggrin:

تحياتي لك:SnipeR (19):

[اصايل]

المعذره بنت الهيلا ع المداخله :)


/

وفسر ألما بعد جهد بالما :)

رايد اسمحلي ،،

/

المعني كان واضح بليا تفسير من البدايه وانتم شعرا وابن ثعلي شاعر
او بمعني اشمل متذوقين وفاهمين لكثير من المعاني ..
وماطافه ولا طاف احد هينا معناه بس مادري لماذا كان فيه اصرار ع المعنئ !!

:)

انتهئ ،،

[رائد المرشدي]

المعذره بنت الهيلا ع المداخله :)


/

وفسر ألما بعد جهد بالما :)

رايد اسمحلي ،،

/

المعني كان واضح بليا تفسير من البدايه وانتم شعرا وابن ثعلي شاعر
او بمعني اشمل متذوقين وفاهمين لكثير من المعاني ..
وماطافه ولا طاف احد هينا معناه بس مادري لماذا كان فيه اصرار ع المعنئ !!

:)

انتهئ ،،


واخيراً اتضح لك المعنى بعد تفسير رائد :biggrin:
وينك يوم الاعضاء يسألون عن معنى البيت

لكن صراحه انتي :SnipeR (37):

[بوح الحروف]

يعطيك العافيه

[مطنوخه الهيلا]

يسلموو على المرور




يابوح

[رائد المرشدي]

طبعاً أنا فسرت لكم بالبيت باللغه العربيه

اذا تبغوني افسر لكم بلهجتنا العاميه

أنا موجود عند الطلب

[مطنوخه الهيلا]

ماتقصر يارائد


راعي الاوله وكفو