هيئة الاتصالات : ربط شحن شرائح الاتصالات مسبقة الدفع برقم الهوية يدخل حيز التنفيذ

[اصايل]

هيئة الاتصالات : ربط شحن شرائح الاتصالات مسبقة الدفع برقم الهوية يدخل حيز التنفيذ


/




/



عاجل(الرياض)-

أعلنت هيئة الاتصالات وتقنية المعلومات عن البدء بتطبيق ربط شحن شرائح الاتصالات مسبقة الدفع للهاتف المتنقل أو إعادة شحنها أو تحويل رصيدها برقم الهوية الذي تم بموجبه الاشتراك في الخدمة اعتباراً من تاريخ 12 /09/ 1433هـ الموافق 31 /07/ 2012م وذلك بعد أن استكملت الترتيبات والإجراءات اللازمة لتطبيق هذا القرار.
وأكدت الهيئة في بيان صحفي اليوم على الالتزام بعدم استخدام أي شرائح اتصالات مسبقة الدفع مجهولة الهوية وضرورة أن تكون بيانات المشترك لدى مقدم الخدمة صحيحة ومحدثة , مبينة أنه لن يتم قبول شحن الشريحة مسبقة الدفع أو إعادة شحنها أو تحويل الرصيد ما لم يقم المشترك بإدخال رقم الهوية المطابق لرقم الهوية الذي تم بموجبه الاشتراك في الخدمة، مشيرة إلى أن الإجراء يأتي ضمن جهود الهيئة للحد من انتشار شرائح الاتصالات مسبقة الدفع غير النظامية.
ودعت هيئة الاتصالات وتقنية المعلومات الراغبين في الحصول على المزيد من المعلومات والتفاصيل التواصل مع مقدم الخدمة من خلال مراكز الاتصال ومكاتب خدمات العملاء أو عبر موقع مقدم الخدمة الإلكتروني.

****

[شـوآق]

المفروض انها من زمان ., بس يالله اهم شي تحركو


اصايل

عافاك ربي

[اصايل]

زينه شينه :)

حياك الله شواق

لاعدم

[شـوآق]

لا ماهي بـ شينه ي الاصيله .,

ومثلك خابر البطاقات اللي تباع بالاسواق والمنتزهات , بالعكس اشوف انها ايجابيه بالمره
خصوصا انها راح تحد من لعب المراهقين تحت الطاوله



عافاك ربي

[اصايل]

هذا جانب كويس تحد من حركات المراهقين

بس السلبي لو أنا علي فاتوره وماسددت وقطعت رقمي الاول ومطلعه بطاقه بتوهق

من وين لي اسم ؟؟ اااخذ اسم السواق مثلا؟؟

حياك الله ،،

[شـوآق]

واخوانك ؟ وابوك ؟ وينهم عسى الله يحفظهم ويخليهم ذخر
صدقيني ي الاصيله مانتي محتاجه لـ اسم سواق !


مايخاف من هالقرار الا اللي بنيتهم لعب
والواثق يمشي ملك




ابقاك الله :)

[اصايل]

لا لا ما فهمتني أنا مااتكلم عن نفسي تحديدا

اقصد لو فيه احد عنده هذي الاشكاليه :)

للعلم ترا دايما اتكلم بصيغة المتكلم في اكثر من موضع وليس القصد الانا :)

لاعدم شواق

[شـوآق]

خابر الله يرضا عليك ., واعتذر منك ي بنت ابوك
لكن مافيه اي اشكاليه طالما هناك اباء واخوان وبطاقات احوال للحريم


اللي راح يتضرر مثل ماذكرت لك اهل الف والدوران
خصوصا صغار السن .,


ع العموم عوافي


< الا يقنعك ههههههه

[اصايل]

طيب بقطع عليك الخط عنيده مؤ بسهوله تقتنع :)

زين ببطاقة الأحوال للمرأه بيطلعون الشريحه باسمي ؟؟ ومو لازم معرف ؟؟

والا لازم اجيب ابوي وأخوي معي :)

ولو فرضنا أهلي (( مؤ أنا )) رفضوا يعطوني اسمهم او عليهم فواتير وين القي ؟؟

جاوب :)

[اصايل]

أضافه لو أنا ماعندي جنس رجل بالبيت ؟؟ (( من غير شر على أهلي :) ))))

[شـوآق]

اي بسمك ومو لازم معرف طالما معك بطاقه الاحوال .,
.,

ثاني شي اهلك ليش يرفضون !
ولو رفضو ., مصيرهم يوافقون


بكرهـ تروحين لـ تقديم او لـ مستشفى زياره او مراجعه او لـ ملاهي
بيعطونك جوال امك مثلا !

طيب مره مرتين ثلاث اربع عشر ؟ لابد مايطلعون لك




/


جاوبت :)

[اصايل]

يرفضون عليهم فواتير

وكل واحد مستلف اسم الثاني والا اسم خويه

والا يقول بينقطع جوالي بسبتك اصايل انتي ماتسددين علي يسر :)

بتعقدها غصب :)

[اصايل]

علي طارئ بطاقة الاحوال مدري السالفه من سنه طافت يمكن الان تغير

رحت مع الوالده ومعها بطاقه ورفضوا يطلعون الا بمعرف ؟؟

[شـوآق]

خبري بالمعرف عند بطاقه الصرافه حقت البنك .,
غريبه طلبو منكم ., وش فايده البطاقه اجل !!


ثاني شي الموضوع ع بطايق مسبقه الدفع مو ع الجولات العامه
لان الجوالات العامه كلها باسماء ,’ يعني محد من اخوانك بيقول لك ليه ماشحنتي بينفصل جوالي !

اما بالنسبه للي ماعندهم رجال ., يجلسون ع الثابت ابرك :)
ينعن ام تعقيدك ههههههههههه

[اصايل]

عاد هذا اللي حصل وقتها :)

/

ههههه

اوووم التعقيد صدز

شرفت شواق لاخلا ابد

[شـوآق]

ليه قفلتي باقي نص ساعه ماجت 12 ههههه
< تسجيل خروج :)

[اصايل]

رحت اتعشئ :)

ماقفلت خذ راحتك الموضوع لك ،،

/

[شـوآق]

لا ., امزح
عافيه .., وانا بطلع اتعشى ., لاني ميت قوع



استمتعت بالنقاش معك ي عنيده
بالتوفيق يارب

[اصايل]

يعافيك ربي

حياك الله :)

[مامثلي أحد]

-


طيب الوغدان اللي مامعهم بطاقات أحوال وش يزينون ؟
صغارنا اللي معهم شرايح مسبقة الدفع .. الحين بيبحلون باعمارهم
ماجازت لي هالخطوة ..


شكراً أصايل




-

[اصايل]

حنا يالكبار بنبحل بعمارنا خل الوغدان :)

حتئ انا ماش ماحبيتها خالص

حياك مامثلك احد

لاعدم

[الـمـلـكـي]

يبونا نقول كثر الله خيرهم ونقعد ننهل عبارات التبجيل

شكلهم ناوين يراقبون المكالمات

بعدين أنا سمعت أنهم يتتبعون المكالمات اللتي تتصل بالخارج بشكل مستمر

هناك أولويات يجب الإهتمام فيها بدل الشرايح المسبقة الدفع

ماقول غير حسبنا الله بس

يعطيك العافية أصايل

لك التحيه,’,’,

[اصايل]

شف الملكي هم يقدرون يتابعون بأي طريقه ماقتصرت على رقم الهويه

الايفون والبلاك بيري سهلت عليهم هذا الغرض :)

واذا المراقبه لمصلحه مشروعه ما يهم

المشكله عندي أنا في الاسم صراحه ،،

رقمي معروف للدواير الحكوميه يعني لو ماسجلته بااسم محد تواصل معي بخصوص الوظائف

وقعدت :(

حياك الله الملكي

لاخلا ابد

[الـمـلـكـي]

شف الملكي هم يقدرون يتابعون بأي طريقه ماقتصرت على رقم الهويه

الايفون والبلاك بيري سهلت عليهم هذا الغرض :)

شي معروف ومفروغ منه .. لكن تتبع الشرائح المسجله برقم الهوية يسهل عليهم مهمتهم

واذا المراقبه لمصلحه مشروعه ما يهم

...............

المشكله عندي أنا في الاسم صراحه ،،

رقمي معروف للدواير الحكوميه يعني لو ماسجلته بااسم محد تواصل معي بخصوص الوظائف

وقعدت :(

طيب مشكلتك مقدور عليها وبسيطة .. سجلي رقمك بإسم وأنتهت المشكلة

حياك الله الملكي

لاخلا ابد

لك التحيه,’,’,