كـل الدجـاج يعاملونـك بتدليـل تلعب معاهن كل ما الشـوق هـاجِ

[الصهد]

http://www.saidaonline.com/newsgfx/6744-sol.jpg (http://www.brooonzyah.net/vb/)


يا ديك ياللـي مـذنٍ بـأول الليـل
يحـق لـك مـادام جنبـك دجـاجِ

http://n4hr.com/up/uploads/3770991567.jpg (http://n4hr.com/up/)



أذن وخل الصوت مثـل المواويـل
مادام جوّك صافـيٍ مـن عجـاجِ
العرف هزه منتشي واركـز الذيـل
يحق لك يـا ديـك راعـي مـزاجِ
مشكلٍ ريشك على الكيـف تشكيـل
أحمر مع أصفر وأخضـر بمتـزاجِ
من الدلع يا ديـك عنـدك قناديـل
الله أكبـر عـقـب ذاك الـسـراجِ
عقب الطبيلة والوسـخ والثواليـل
غديـت يالمأخـوذ تطلـب مسـاجِ
يحق لك من عقب ذيـك السعابيـل
وأكل البداد وشرب مـاي الهمـاجِ
صرتَ تمسـح خشتـك بالمناديـل
وأكلك يقدم لـك بصحـن الزجـاجِ
والماء مقطـر صافـيٍ بالفناجيـل
ماهو من المشروع وارد خواجـي
يا ديك عندك خمس من صفوة الجيل
من كل ديره جاك ماكنـت راجـي
وحـدة فرنسيـة ووحـدة برازيـل
ووحدة من أمريكـا وثنتيـن عـاجِ
يا ديك ما سووا سواتـك رجاجيـل
كلْ واحدٍ وحـدة ويبغـى الخـراجِ
كـل الدجـاج يعاملونـك بتدليـل
تلعب معاهن كل ما الشـوق هـاجِ
عايش براحة دون هـم وغرابيـل
أكلٍ وشربْ ولعـبْ وفلـة حجـاجِ
ومع كل هـذا مالقينـا محاصيـل
ماجاء ولا بيضة علـى هالـزواجِ
إن كان مـا باضـن فلابـد تبديـل
نجيب غيرك وأنت صـوب الحـراجِ
وإن كان ما ساموك ناسٍ مشاكيـل
حلفت أنا يـا ديـك لقْلبْـك ماجـي
وهلت دموع الديك مثـل الهماليـل
يقول رأسي صـار فيـه ارتجـاجِ
ليه النكد ياصاح عقـب التساهيـل
ترضى لديك العـز يصيـر لاجـي
تراي ماقصرت فـي شـدة الحيـل
معهن فـلا خليـت فعـل المـراجِ
وترى السبب منهن وبا أعطيك تدليل
أقـواس ثنتيـنٍ بهـن اعـوجـاجِ
ووحدة من الباقين تأخـذ تحاميـل
والرابعـة مصـابـةٍ بانبعـاجـي
والخامسة أم الرمـوش المظاليـل
تقول أخـاف …… يصبـح كـراجِ
وعقب التأكد والكشـف والتحاليـل
صدر عليه الحكم (يا ديـك ناجـي)
حنا ظلمنا الديك وشـاف البهاذيـل
وتعويض له لُبّسْ على الرأس تـاجِ

:wardah:

[اصايل]

الصهد. ههههه

ما جبت هالقصيده الا لك مغزئ يالله سترك من الدجاج والديكه :)

المعنى في بطن الناقل :)

[همس النسيم]

قصيدة جميلة
شكرا أيها الصهد
لاهنت

[الصهد]

اخواتي الفاضلات شرفني مروركن واسعدني الله يحفطكم
يقولون الذيب مايهرو عبث يالاصيله والله يرحم بندر ابن سرور ؟! هههههه
دمتم بخير

[تباريح الروقي]

هههههههههههههههههههه>>احسنت الاختيار يالصهد .. صح لسان ابن سرور \\

ولا هان ناقلها... تحياتي..

[الصهد]

حياك الله تباريح لاهنتي على مرورك الاكثر من رائع
والقصيدة ليست لبندر بن سرور ولكني ذكرت بيت لبندر الله يرحمه وموتى المسلمين اجمعين
احد يحاول بالردى بنت عمه واحد يحاول سترعذراء عوانيه دمتي بخير