وش جِمَعْ بين الفواسق والخوارج والمجوس ؟

[همس النسيم]

قصيده الامير عبدالرحمن للامير نايف الله يرحمه


-نايف-

وش جِمَعْ بين الفواسق والخوارج والمجوس ؟

غير فَرْح بموت نايف لاطِم خشوم العِدا


نحْمِد الله جل شانه عد ما تغْرب شموس

وعد ما تهوي نجوم وعد ما لُبّي نِدا


و للذّي ربّي يقدِّر خاضعة فينا الرؤؤس

مؤمنين بحكم ربّي ونرتجي مِنْه الهُدى


غَطَّت الأرض الكآبه والوطن وجهه عَبوس

والوجوم أضحى ملامح والحزن أمسى رِدا


العَزا يجلي الخواطر يهدم هموم النفوس

إلّا لا مِن جا فْ نايف العَزا يصبح سُدى


عظَّم الله أجرنا بَه عَد ما قَدَّم دروس

في السياسه والرياسه والكياسه والنَّدى


قد أذاق اعدا بِلادَهْ من مرارات الكؤوس

من شبابه بالمهابه والحرابه والفِدا


ماهو لَجْل القافية قلت الفِدا والّا هجوس

فادى بْمحمّد بِلاده واهْلَك الحق الرِّدا


بْفضل ربّي ثم نايفْ كل حَرْب اْمن(ن) ضَروس

ضامنين النصر فيها دام فِعْلَه يُقْتَدى


يا إلهي حب نايفْ في ضمايرنا مْغَروس

و كلِّنا شهودك في أرْضِكْ يوم هو فينا غَدا


قايم بْسنّة نبيِّك ما رضى عَنْها جلوس

إرْحَمَهْ يا غافر لْمن تابْ وامَنْ واهتدى


حِكْمِتَك يا رب فينا تشْرِق وتغْرب شموس

والبِقا ياربْ لِكْ في المنْتَهى والمبْتَدا



منقول من تويتر الامير عبدالرحمن



صح لسانك يابوفيصل



الله يرحمه الامير نايف ويجعل مسكنه الجنه

[الأدميرال]

صح السان الشاعر عبدالرحمن
تسلمين على النقل ياهمس

[اصايل]

عبدالرحمن من ؟؟ :



:


الله يرحم الامير نايف جعله الجنه

صح لسان الشاعر

صح ايرادك همس

[الصهد]

صح لسان الشاعر وسلمت يمين الناقل الله يعطيك ِ العافيه همس

[عزيزة الجناب]

الله الله

صح لسان الشاعر

ويسلم الذوق وراعيته

[وولد عاصي]

يعطيكك العافيه