قـالوا .... وقــلت ( جديده)

[ولد غابي]

بويتات جديـّده ،،، والله ماأدري قمت أخربط على الحاسب وطلعت هالخرابيط
قلت أنشرها يمكنها تصير قصيده.....ههههههه
عساها تعجبكم

*****


قالـوا...: تحبـه... قلـت...: وأحـب مـاطـاه= وأحـــب الأرض الـلــي وطـتـهـا مـواطـيـه

قـالـوا...: تــوده... قـلـت...: وأود مـوتـاه= وأود حـيّــه مـــع هــلــه مــــع عـوانـيــه

قالوا...: يشوقك... قلـت...: يانـاس ويـلاه= زود أشتـيـاقـي لــــه بـقـلـبـي مــواريــه

قالوا...: تعشقه... قلـت...: عشـق المـداراه= ماجـيـب لــه سـيــره ولا بـحــالٍ أطـريــه

قالوا...: يحبك... قلت...: مدري عن أقصاه= ولـــدري لـــوّ إن الـزيــن حـبــي معـنـيـه

قالوا...: يودك... قلـت...: ماأعلـم خفايـاه= والـظـاهـر إنـــه مـثـلـي الـــود كــاويــه

قالوا...: تشوقه... قلـت...: أبنشـد حلايـاه= إن كــان شـــوق الـبـنـت تـقــدر تـداريــه

قالوا...: يعشقك ... قلت...: أببحث نوايـاه= والـيـا قــدرت أعـــرف نـوايــاه بـرضـيـه

سفر مشعان العتيبي

[ابوسـعد]

جميلة الخربطة وان كان هذه الخربطه اجل وشلون الصح..............صح لسانك وابيات تذكرني
بالقول

قالوا تحبه قلت ما هوب بالحيل =مير انه اغلا شوي من نور عيني
شكرا سفربن مشعان وننتظر المزيد وياهلاااااااااااااااا

[راع المحاني]

صح لساااانك وتكفى كثر من هالخربطه ... تراها مطلوبه :)


تحياتي

[فهد العايضي]

صح لسانك يابوطلال مليون ومايكفون

والف لاهنت على هالخربطه اللي تشرح الصدر

[الجوووري2]

قالوا...: يحبك... قلت...: مدري عن أقصاه
ولـدري لـوّ إن الزيـن حـبـي معنـيـه

قالوا...: يودك... قلت...: ماأعلـم خفايـاه
والظاهـر إنـه مثـلـي الــود كـاويـه


روووووووووووووووووووووعه

الله يعطيك العافيه ،،،،،،،،، وصح لسانك اخوي


تحياتي ،،،،،،، لك


اختك



@
@@الجوووري@@
@





في غيبتك غابت عيوني عن النوم
وين انت ياللي مبتعد عن نظرها

عز الله اني صرت تايه ومجنون
ما عاد اميز يومها من شهرها

انجيت اسلي خاطري عنك واهيم
صرت النظر والعين تتبع نظرها

تحياتي

[حسام هوازن]

صح لسانك

يـــ ولد غابي

دمت بألف خير

[إبن ثعلي]

صح السانك ياولد غابي ماقصرت
تحياتي

[النـايــــــف]

صح لسانك يا ابوطلال


وبيض الله وجهك يا الغالي


تحياتي لك ،،،،

[طالع]

لله درك لله درك

والله انها روعه ياسفر

تستحق الوقوف عندها طويلا


كسرت الدنيا ياولد