:::: (( مجموعة ألغـاااز العطـاااوي )) ::::

[{ أبوفيصل }]

بسم الله الرحمن الرحيم

الحمد لله والصلاة والسلام على نبينا محمد خاتم الرسل وسيّد المرسلين وعلى اَله وصحبه أجمعين


للشعر شعّار تسبح غِبّة ابحوره =وللّغز كِتّاب تبدي لك فكايرها
ألْغازنا في مقر الطيب محصوره =ماجات من بين ناقلها وناشرها




الأخوة الكرام اخواني الأعزاء أعضاء وزوّار منتديات عتيبه

تحيةً طيبه وسلاماً مباركاً


أقدم لكم أحبتي مجموعة بين يديكم للأطلاع والاستمتاع

ديوان لم تكتمل أركانه بعد ولكن طرحت ما قد تم اعداده واصداره بشكل يومي واسبوعي

قد بلغت 220 لغز كتبتها خلال ثلاث الأعوام الماضية في قسم الالغاز

وهذه الألغاز في البدايه باكورة انتاجي واعتبرها اللبنة الأولى من ما سيُضاف لها مستقبلاً ان شاءالله

اَملاً أن تليق بمستوى منتديات قبيلة عتيبه وأن تكون جميعها محل اعجابكم حائزةً على رضاكم

متمنياً لكم وللجميع وقتً ممتعاً

أرق التحااايا وأعذبها

:wardah: العطـاااوي :wardah:
.

[{ أبوفيصل }]

يااصحابنا ياللي تحلون الألغاز =اللغز له في حزة الكيف حزه
أقدّمه من باب تنشيط وانجاز =واقولها من باب قدر ومعزه
ويش الذي موجود في وسط الأهواز =ممتد لين تشوف مدخال غزه
له في طريق الناس موقع ومركاز=تعتاز له بنتٍ تجيه وتلزّه


حله وجودك يكفي

[{ أبوفيصل }]

أبنشد العرّاف عن ورع مطواع =حلْو النّبا ياطيّبين المراميع
ورعٍ مهو بضعيف ولاّ ردي ناع =ورعٍ خدوم أشوف منه المنافيع
اليا كمل له سبع يذعن وينصاع =وش عاد لو تامر على عشر ويطيع


حله وجودك يكفي
(التلفون)

[{ أبوفيصل }]

ياويش بنتٍ باسها ياعرب باس =تصبر على طول العنا والماَسي
تسلك وتثبت للحموله وتنداس =الْيا تطاولها طويل المقاسي
اللي عليها مسمْرع الذيل والراس =دايم على صهوة ظهرها متواسي


حله جااابر
(سكة الحديد )

[{ أبوفيصل }]

.
ياويش رجلٍ لونه الزاهي =لون الربيع ويبهج الناضر
مناهله عِدّ الرِّوَى الراهي =مجدٍ تليدٍ ماضي وحاضر
عنوانه اللّي ماله امْضاهي =امْفتّحٍ بيبانه وضاهر
ماكَر حرار وطيّب الجاهي =للّي يجي من بادٍ وحاضر
.

:03hbdsn13:
الموقع الرسمي لمنتديات عتيبه

(محلول من عامر الروقي)

[{ أبوفيصل }]

صمّمت لي لغزٍ على كيف مالاق =ويناسب زحول الرجال المطاليق
ويش الذي يهوى مزاياه عشاق =له ماقفٍ لأهل النظر زين ويليق
سِمّي على اللي فالمحيطات عملاق =ذاك اللي فبحور المحيطات ماطِيق


حلّته مهرة مطير
( حوت bmw )

[{ أبوفيصل }]

مَن لم يجد لديْهِ حلٌّ شافِيا =فاللُّغزُ فيهِ لِلمعاني مُنشِدا
للحق صوتٌ بيننا منادِيا =والدينُ صرحٌ قائِماً مُشيَّدا
يسْمُو بِنا بالأُفْقِ دوْماً راقيا =بِمنهجٍ أسَنَّهُ مُحمّدا
إبحتُ في ماينْهى عنهُ ناهِيا =تجد بها الوعيدَ للِمُهَدّدا
وعيداً مالا شكَّ فيهِ قاسيا =أشدُّ وطئَأً من وقع المُهنّدا
اِن لم تتم بِها وتبْلُغ وافِيا =فرُبَّما تذهب بِفِعْلِكَ سُدا
لايقْصُرَنَّ عنْها كُلُّ باقيا =ما لم تنُوُءُ فهْيَ ليسَت مُفْردا
تلْكَ التي نسِيها كُلُّ شاقيا =كأنّها في معْزلٍ ومُبْعدا


.



.

.

[{ أبوفيصل }]

ياويش رجلٍ له مناذير وحذور =استبدلو دوره عدات الديانه
وقتٍ مضى لأهل الجهل فيه دستور =تجاهلو وقته ونسْيَوْ زمانه
من جملة اللي جالهم فالزمن دور =اللي لهم عند الأوادم حصانه


حله وجودك يكفي
( النسيء = شهر محرم )

[{ أبوفيصل }]

ويش رجلٍ شجيع وبالملاقا بليغ =من قديم التفاخر والتباهي طغا
يقبس الراي ماله فالملاغا وليغ =امّا يرجح به الميزان ولاّ اصطغا
بين بايع وشاري والعوارف تصيغ =واحتدام المواقف عند فرز الوغا


محلول من ابن ثعلي
(الشعر)

[{ أبوفيصل }]

ياويش رجليْن فالمعنى سوا =تعاقبَوْ مثل ميْحات الدِّلي
هذا كما اللِّي على الشِدّه قِوا =وهذاك ينقض قِواه ويفتلي
مذبّ ريعٍ على عدّ الرِّوا =تعاقبَوْه الثنين وطاب لي
الأوّلي في مجيّه لاضوا =مع ساقته ذاك يروح وينجلي
اثنين مامثلهم ياأهل الهوا =تخالفَوْ فيه والله الولي
.


حلّته ديم
(الزفير والشهيق)

[{ أبوفيصل }]

بنتٍ لها بالثلاث أوصاف =مجبولةٍ طبع وجبلّه
كلٍّ يحاول لها بأنصاف =والطيّبه من هي في حِله
أحدٍ على شفّها ميلاف =ومْناسبٍ دلّها دله
وأحدٍ على حدّها مهياف =ماتحتمل بالخطا زله
واللي قرأ بالكتاب وشاف =يدري عن أوصافها كله



حلّته عنادالعقاب
(النفس)
:wardah:

[{ أبوفيصل }]

وشْ بناتٍ يالّلي تعرفهن ثلاث =ماعليهن يالعواريف أنكري
هيْمنن بالقاع والأرض الدِّماث =فارقاتٍ بالعمار وهن عِري
ياخذن من طابع أسماهن أِناث =وكل بنتٍ ماعشقها مفتري
يوم عجّات العسايم والغثاث = من غلاهن ماصفن للمشتري
أصبح لْـ عشّاقهن حق وميراث =من قديم الوقت علْمٍ ينقري
هذا لغزي موجزه عن هالثلاث =ان لقيت الحل قل وش تحتري


حلته الجوهره
(السعودية الأولى والثانيه والثالثه)

[{ أبوفيصل }]

انشدك عن بنتن ذكرها.. محمد
عليه أفضل صلاة ربي وتسليم

حازت مكان اصغيّر ن. مايرمد
يقوم به زين البنى والتصاميم

ياهنيَّها بالوصف قول ن. معمد
يلقى الجزا من قام به خير تعظيم

[{ أبوفيصل }]

ياويش بنتٍ ماهي فالبنات =مافوقها لاستر وْلا ذرى
تسلْقا في وضْح النهار أوقات =وهي تحَت عين أمها اجهرى



حله وجودك يكفي
(اللوحه الفوتوضوئية للطاقة الشمسيه)

[{ أبوفيصل }]

ياويش بنتٍ جات في راس عالي =كم راس عالي جات واستوطنت فيه
ماكنّها الاّ من صدوق الخيالي =هلّت برَدْها عقب صابت مفاليه


حله روقي قرم

[{ أبوفيصل }]

للّغز رمعه والهدف نيشان =وين أنتَ ياللي بالرّماه اتْصيب
رجلٍ له من بدّ الثلاثه شان =تلْقى له بين الناس خبْث وطيب
يكْفي عن رفقة أكثر الخلاّن =ويبقى معك مثل الصّحيب اصْحيب


حله وجودك يكفي
(عمل ابن اَدم)

[{ أبوفيصل }]

ياويش بنتٍ في وسط بنت معروفه =بنتٍ لها من قديم الوقت منزالي
ان شلْت حرفين تبقى باقي احروفه =اِسمٍ يخص الرجال وكل رجّالي


حله وجودك يكفي
محافظة (طبرجل)

[{ أبوفيصل }]

ويْـش بنتن ما تقيّل ما تَـبات =يوم اوصّفها بزيْنات الوصوف
فيها من وصف الغزيّل والمَهَات =القَوَام اللي على طول الهنوف
ما فداها واحدن يبغا النجات =وْلا عشقها واحدن كبده عيوف
عِشْـقَها يجبر شواحيفـن ثِقات =في نواح المملكه حتى الهفوف

حله ابن فريح
( الأشاره )

[{ أبوفيصل }]

ياويــش بنتـن لهـا راسـن تمـاريبه =تشتال دوْمَتْها دايم في طـرف يدها
تِشْغِلْ لها عَوْدن ماصفت مشاريبه =معْتَرْضتن في عِلُـوْ بطنه يكابدها
عوْدن لِيا من تعـدّا الحـد تدري به =وتاقـف في حلْـقه ولا يقدر يزايدها


حله صبار المضياني
(عوامة الخزان)

[{ أبوفيصل }]

وش ثنتين مْن البنات .. وضعهن متْقابلات =للمشاهد بيّنات .. شفتهن شوف اليقين
لا قامن تسـدّحن .. يرقصن ويردحن =كنْ لهن صوت ولحن .. من غيرهرج ورطين
وليا طرى ماطرى .. يطلعن لك فالعرى =ليْن يْبان اللي جرى .. من يسار ومن يمين


حله وجودك يكفي
(مساحات السياره)

[{ أبوفيصل }]

اللغز ياللي تعَرْفَ اللغز وتحله =عن مهرةٍ مع رفيع الحس عاسفها
الزين والشين فيها لو تَحامَل له =كم طايفٍ طافها من عرض طايفها
مشرافها مرْقبٍ عالي وتحتله =من خلْقة الناس وهذي هي مشارفها
كل اللي ينقال فيها واقعٍ كله =مبطي وأنا سامعٍ بها وشايفها


حله وجودك يكفي
(الأذن)

[{ أبوفيصل }]

يامن خبر سيّده ياسادة السادات =في لطفها ياغلاها مطلب وحاجه
لو هي على راس كِسْرىَ والعرب بالذات =يمْدي بها القيصر استبْدل بها تاجه

حلته اصايل
(الصحه)

[{ أبوفيصل }]

الاَ يافكرتي بنتٍ شناق وعنقها منتوق =اشوف لْها من أزهار الورود اليانعه حِلْيا
يتُوق لْها اللي يكشف ساقها ليْن اسْتَوَت له فوق =عليها ثوب ضافٍ فوق حدْب اضلوعها الحنْيا


حله وجودك يكفي
(المظلة الشمسيه)

[{ أبوفيصل }]

أنشدك عن رجّال مضمونه ارجال =ياقف على درب الخطر ويتلقّاه
في ماقفه دون الحمى مابه اجدال =ومْسمّى باللي صامدٍ كنّه ايّاه


حلته عنادالعقاب
(حائط الصد)

[{ أبوفيصل }]

ياويش ورعٍ يجي في سد أبوه =يثبت في درب الغريب الْيا عثا
ورعٍ في وجه النشايب وأنشبْوه =تحمّل اللي يجيه مْن الغثا


محلول من ( وجودك يكفي )

[{ أبوفيصل }]

أنشدك عن بنتٍ لها وضع وشكل =ترفع لها رجّال سمّا فعلته
يجي لها دايم على قول وفعل =ماينكسر له كلمةٍ في قالته
رغم أنّها بنتٍ صغيره محتمل =تشبه لها ورعٍ تقول اوْخِيّته


حله وجودك يكفي
(الضمه على الحرف)

[{ أبوفيصل }]

ياويش عوْدٍ فاتحٍ فمّه =في بطنه مايقرّ له مطعوم
من شاف جوفه بنت ومْهمّه =لولاها ماله لازم وملزوم
اللي يروح ويجي من يمه =يلقاه صبح وكلّ ليل ويوم
يجوُد بالماجود ويتمّه =واللي يجوُد به عساه يدوم


حله وجودك يكفي
(فرن المخبز)

[{ أبوفيصل }]

أنا بنشدك عن بنتٍ شريفه =لها تسعة عشر ورعٍ وكادي
تبدي فالمشاريف المنيفه =مبداها يْعَرْفه كل بادي

[{ أبوفيصل }]

أنشدك عن بنتٍ يزعّل مِجيها =وتفرّق الجَمعيْن واللي حضرها
لها مقرٍّ فالحِمى يحتميها =رجلٍ لِحاله واقفٍ في نحرها


حله جااابر
(ضربة الجزاء)

[{ أبوفيصل }]

ياويـش رجـلٍ ساكـنٍ كــل ديــره =بالعرف واضح كلكم تعرفونه
اللي بثر رجله تجاب الجريره =وقت الرخا والعسر ما يرحمونه

[{ أبوفيصل }]

ويش الفتاه اللي أرق مْن الحرير =أدنات مايثّربها يثّربها
في قلبها ماشوف به شيٍّ يثير =ولْيا استثيرت صار الرجل ابْـ قلبها


حلته العنود البريكي
(الزبده والسمن)

[{ أبوفيصل }]

ياويش بنتٍ في مواريها الأعبار =تاقف لك الْيا صار فالأمر طاري
بنهاية المختوم ياصاح ويسار =ولْها على حد المكاتيب قاري

[{ أبوفيصل }]

لغزٍ يبا من رايق الفكر رمعه =أربع خواتٍ كلّبوهن جواري
من شاكِلَتْهن ياخذن دون طمعه =ويِعطِن بعضْهن مايَبَن استشاري
لايَذْرفن الدمع وْلا هِن بِدَمعه =واللي جرى مع دور الأيام جاري


حله وجودك يكفي
( فصايل الدم )

[{ أبوفيصل }]

أنا بنشدك عن رجلٍ توارا =توارا عن عيوني واستضيحه
واسمه تاجدونه بالعذارا =ضحاضيحٍ مع القيض ولفيحه


حله وجودك يكفي
(السراب)

[{ أبوفيصل }]

بنتٍٍ لنا فيها يأهل العرف شف ونظر
عز الطلب رغبتي لاجـات أنـا جايهـا

العمر فأربع طعش عمر الصبا يابشـر
يوم أقبلت راحت السنه على اِقفايها

خواتهـا اللـي يمـرّن مقفيـات العـمـر
مشن وهي مابعد مشـت علـى رايهـا

[{ أبوفيصل }]

ياويش رجلٍ لقيته حي =حيٍّ من أحْياء تعَرْفونه
يموت اِلى من شرب له شي =والشي ماعشت من دونه


حلته عنادالعقاب
(الكنغر)

[{ أبوفيصل }]

ويش أربعٍ في طبعهن ياملا عوص =أربع خوات اِبكار عوصٍ معاويص
ماشفت من يمشي على دربهن صوص =غير الْيا جن يمشن معاهن وصاويص
ونكان مرّن والبلد ماهو مرخوص =جن يستبيحن البلد دون ترخيص

[{ أبوفيصل }]

يافكرتي ورعٍ يجامع بنيّه =ويصير بالثنتين ماطاه بيِّن
يمرّ له بنتين وأعطن تحيه =يزهى مواليفه ليا مر وحيَّن


حله وجودك يكفي
(الميل والمكحله)

[{ أبوفيصل }]

ياويش بنتٍ بين رجّال ومره =بنتٍ مقر البيْن هو مقرّها
يمرّها ورعٍ يمرْمر مرْمره =مندوبها اللي للّزوم يمرّها
الْيا حصل للرجل شيٍّ يغمره =تشرب لها شرْبٍ معه ما ضرّها



طرمبة الماء

[{ أبوفيصل }]

انشدك عن رجّال رجله كسيره =وليا حكم يحكم جنوب وشمالي
أنااشهدنّه حاكم بكل ديره =والناس لوهي تحكْمه مايبالي


حله ابن فريح
(النوم)

[{ أبوفيصل }]

أنشدك عن رجّال من دون رجلين =الْيا مشى يكبر في عرضه وطوله
ماشفت له رجلين غير الكراعين =لوكان له فالبيد صوْله وجوله


حلته مهرة مطير

[{ أبوفيصل }]

رتبت لي لغزٍ على قافية أب =واللي يجيب الحل ماأقول مخطي
ويش اللي فوق الارض طرْياه يرهب =رجلٍ على بعد المراميس يسطي
مرعب ولو ماشفت به شي مرغب =مبطي وهو من سابق الوقت مبطي



حله وجودك يكفي
(الشبح =الطائره)

[{ أبوفيصل }]

بنتٍٍ تصر العلم والله كشفها
في بطنها علمٍٍ حكوْبه رواته

مع جادلٍٍ لفَّت لفايف طرفها
من خوف لاتِكشف وتصبح شماته

أسبابها رجال يوم إقترفها
يبغى رضا اللي جايزن له سِواته

قدام يزف البنت ويكسب شرفها
الله على الزلاَّت يغفر خطاته

هذي حكاية لغزنا اليوم شفها
وان كان عندك حل للِّغز هاته

.

[{ أبوفيصل }]

ياويش ورعٍ يبدي بالمصافح =ويبين مع رفيعين المقام
أحيان ياذرب اليمين واضح =يبقى في بعض الأوادم وسام
وصفه وطبعه فالملوك فاضح =مير السلامه منْه أجمل سلام


حلته انثى نادره
(مرض النقرس)

[{ أبوفيصل }]

ويش الهنوف اللي تقض الجدايل =لو ماش راسٍ ينْجدل به شعرها
ستيرةٍ من ضافيات السبايل =مرّات تكشف وينفتح لي نحرها


حله وجودك يكفي
(الخيمه)

[{ أبوفيصل }]

ياويش مجمولٍ تحبّه وتهواه =يبدي بعينٍ فوقها حبّة الخال
يزهى الوصوف وكل مافيه يزهاه =لو الجمال يزول واللي بقى زال




محلول من وجودك يكفي

[{ أبوفيصل }]

ياويش رجّالٍ على هامة غلام =اللي بياضه مثل بيض الخواذي
شرسٍ يسابقنا على خير وأنعام =لكن على دم المخاليق غاذي
يبقى معك للخير والشر مقدام =لو كان غيره من خوانه مواذي

[{ أبوفيصل }]

بنتٍٍ يا كم حيٍٍّ نزلها وصدَّر
اللي تحالي للدرر والمحاري

سبحان ربٍٍّ كوَّن الكون وقدَّر
يِذرِي ذراها عن هبوب الذواري

محدٍٍ جهلها في حديثٍٍ لَبو ذر
اللي رواه الترمذي والبخاري

[{ أبوفيصل }]

ويش أوصّف ويش أقول =رجلٍ ماحيٍّ يراه
ذيله مع راسه وصول =يبدأ لاخر منتهاه
تطاول ظهر الذلول =ونصفها بالمساواه
مايجي دربه ميول =لو ياطا ضلع السّراه


حلته ديم

[{ أبوفيصل }]

ياويش ورعٍ يجي مع ساقة العذرا =لولاها محدٍ يشوفه خارج انْطاقه
موجود ضمن الوجود وعنْه مايِدْرا =يردّه الباب ويظهر لك مع الطاقه


حلته حلــم
(الدخان)

[{ أبوفيصل }]

أنشدك عن شيخٍ بلا قلب ولسان =شيخٍ مكانه يافتى الجود مدهول
يبدا بوصف اللي يبا النار وبلشان =ولْيا وصفته بالمثل قيل مقيول
والشيخ لاشايب ولا عايب الشان =تلْقاه ومن يبغاه واضح ومدلول

[{ أبوفيصل }]

أبنشد اللي للمعاني عواريف =ياويش رجّالٍ يصف الصفوفي
في شدّته ماشفت عيب وتخاليف =يثبت على صف العيال الوقوفي

[{ أبوفيصل }]

ياويش رجلٍ ياخذه كل طيّب =لأجله يسوق الروح سوْق المطايا
فالماقف اللي ياقفه كل هيّب =الهيّب اللي مايهاب المنايا
امّا حمى الميقاف عن مايِعَيّب =ولاّ يجيله بالنوايح صبايا


( فنجال الفارس )
حلته همس النسيم

[{ أبوفيصل }]

ياويش رجلٍ عليه مْن الليالي حق =لو البِنِي يكْرهنّه يكْرهن حتْنه
يصير به قطعةٍ من ليل ومْحقّق =ينْصان عن مغريات الوقت والفتنه


حله ابن ثعلي
(حداد المرأة)

[{ أبوفيصل }]

ياويش ورعٍ في حشا بنت موجود =ورعٍ في طبعه ياجماعه لحوحي
ماكنّه الاّ خبْل ومْوصّا بحدود =يحفظ وصاته مايْعَرْف المزوحي

[{ أبوفيصل }]

ياويش رجلٍ كريم وزايدٍ حبه =أمّه تراها في كل حال محبوبه
لو مابه امْقرّدٍ بالناس ومْشبّه =تشوف له في سود الليالي اعجوبه


حله وجودك يكفي
(الحجر الأسود)

[{ أبوفيصل }]

الا ياويش رجلٍ له مكانه واِهتمامٍ زين =وعند العالم الراقي يبيِّن خطّة ارسومه
ومن عقْب الثمان أربع يعدّل بالثنين اِثنين =ويجيله بالعزوم اِقروم يقود الحظ زيزومه



حله شيخ الشيوخ

[{ أبوفيصل }]

اِنشد الربع لاوصْلَوْ وجوْك =عن فتاةٍ ماتِذْكر بالقفا
شفتها لاعبوس وْلا ضحوك =شوْفت الوجه مافيها خفا
من محايل عسير الْيا تبوك =تشوف لْها حلايا وحْلفا

[{ أبوفيصل }]

أنشدك عن رجّال رجله كسيره =يحكم وحكمه في جنوب وشمالي
انا أشهدنّه حاكمٍ كل ديره =والناس لوهي تحكمه مايٍبالي

[{ أبوفيصل }]

ويش الثنين اللي ليا ذِكْرو اِثنين =تلْقى غلاهم في قلوب الجميعي
اثنينهم بالزين زينٍ على زين =لاجوْك من جزل الوهايب جميعي
اللي على اقلوب الميامين غالين =مِنْوة جميع الناس شيٍّ طبيعي

[{ أبوفيصل }]

ويش الرجال اللي ثمانٍ عددهم =أوْسطهم اللي بالغلا له مكاني
اللي على الأغراب يثبت صددهم =دون الهنوف أم الغلا والأماني

[{ أبوفيصل }]

ياويش رجّالٍ يحالي لرجّال =سبحان من سوّاه سوّا مثيله
فيه المثل ينقال من زين الأمثال =متعلّيً من فوق بنتٍ جميله

[{ أبوفيصل }]

ياويش بنتٍ في جوف رجل مستوره =من عرض مجموعةٍ تخفي سرايرها
بنتٍ صغيره وعند الناس مشهوره =الموت في ذاتها والحسن ظاهرها
والناس ممّاتشوف اليوم مذعوره =وظروف الأيام تبغى من يسايرها

[{ أبوفيصل }]

ويش الخوات اللي كما التوم ثنتين =يتلن بعض وأعمارهن فارقٍ شي
اللي مجيهن يسبق اِرماشة العين =هذي تهد وذيك تبني وتنشي
مافعلهن واحد ولا بينهن بين =لو كل بنتٍ تذهل العقل تمشي

[{ أبوفيصل }]

ياملّ عينٍ ماتنام اجفونها =شوف السمار احسب حسابه وارقبه
يغشا وجيه اللي تغيَّر لونها =هاك الثَّنين اللي بهم نفس الشَّبَه
رجلٍ على اسم امه ويِعرف دونها =ورجلٍ على اسم ابوه واضح منسبه
اللي يجي لأمه ويغشا كونها =واللي يجي لأبوه ليْن يغيِّبه

[{ أبوفيصل }]

لغزي ثلاث حروف مازادبه حرف =لاقبل ولا من بعد حرفٍ يزادي
ركّز وفكّر فيه ياواسع العرف =ضدين عكس حروفها ياسنادي
الأولي طبع الذي واجه الظرف =ولْيا اتخذ له راي مابه تمادي
والثاني يسْلى به معي ناعس الطرف =والهزل مايرضاه غاية مرادي

[{ أبوفيصل }]

ياويش رجلٍ يحكمنّه فتاتيْن =لكن على سير العمل له مسيطر
وبْدوره الفعّال سيطر على اثنين =يذعن له الأيمن وينقاد الايسر



(( البنت: الروح // والرجَّال: ملك الموت ))

اللغز ما يصعب عليَّه بعد جيت
والبنت.. جاكم بإذْنَها من لزمها

الروح لاراحت يروح الجسد ميت
والموت بأمرالله.. ليا جاء حكمها

.

[{ أبوفيصل }]

ميـه علـى ميـّه - حـول الفتاه اصفــوف @ في جالهــا ضافّـات - ميــه على ميـّه

يجـي لهـن فيـّه - يـا مبعـديــن الشــوف @ للمـرقبـات أوقــات - يجـي لهـن فيـّه



.


.


.

[{ أبوفيصل }]

ياويش رجّالٍ كبيرٍ كما الطوْد =رمّايه يشوف الهدف لأنعكس صاب
زودٍ على العشرين مع مثلهم زود =يشتال حملٍ فوق حمله يالاصحاب

[{ أبوفيصل }]

لغزي من حرفين ضمن الأبجديه =في ثنايا حروفها حل وجوابي
بنتٍ لأصحاب الأماني سرمديّه =في مجيها ينفتح عشرين بابي

[{ أبوفيصل }]

ياويش رجلٍ ثلثه اِلْيا انعدم تم =اللي ليا تم السنه صار حولي
حولي ومن حوله حلاياه تكرم =ويكرم سِبال الطيبين الزحولي

[{ أبوفيصل }]

وش صبيٍّ ساكنٍ روس الشواهر = منزله جـوف الغـلا بنتٍ ثمينه

مـايِقـدّر بالثمـن وأغـلا الجـواهر = لأجل (http://www.otaiby.com/vb/showthread.php?t=65379)عينه ياعرب (http://www.otaiby.com/vb/showthread.php?t=65379)تكرم مدينه

محلول من جااابر
(( صبي العين ))

[{ أبوفيصل }]

ويش الغلام اللي على راس ماطـال = يأهل الوقار يدوم عشق وغرامي

من حيث ماهب الهوى ياعرب مال = وأخته مثـل لـون القمـر بالتمامي

لـه في سمّـوه عندنا (http://www.otaiby.com/vb/showthread.php?t=65743)فخـر واجـلال = تلقـى مكـانـه مـع رفيــع المقـامي


محلول من عامر الروقي
(( العقال والغتره ))

[{ أبوفيصل }]

ياويش رجلٍ له وصـوف وعلامات
تـرتـاح لـوجـوده وتـامـن جـنابــه

له عيـن ماطبّق بهـا جفن هيهـات
لـو مايشـوف بهـا وهي ماترى بــه

في وقتنـا مشهـود والعـام بالـذات
حطّـوه تحت العيـن قـدر ومهـابـه

[{ أبوفيصل }]

ياويـش بنـتٍ فــي بـوادرهـا دلــع
يدري بهـا اللي مادرى واللي درى


بنـتٍ محبتـهـا غــلا مــدري ولــع
الْيا مشت يأهل الهوى ترجع ورى

(

[{ أبوفيصل }]

لـغزٍ كتبته واِبتدعته بيت بيت
وليا قريتـه جـرّله صوتـك وغـن
حصلت رجـلٍ يمتلـك للفـن بيت
ولْكـل بيـتٍ ينوجد له فيه فـن
الرجل لوفنى في فنـه اِيتيكـيْــت
ماهوب لا في شام ولاَّ من يمن

[{ أبوفيصل }]

السلام عليكم

أنشدك عن رجلٍ مثبّت ومثبوت =أخوه جنبه شاهدً من شهوده
ومْلازمٍ له في تهاتيه وخبوت =كلاً على عرفه يثبّت وجوده
له ميزةٍ يفْرق بها كل منعوت =تبْقى المواري والوصوف امحدوده

[{ أبوفيصل }]

ياويش رجــلٍ تجــدد لــه جدايــد = يــروح وغـيـره يجــي جديــد ثـاني
واللي بقى من قديم العمر بايـد = يبقى ولو كان يأهل العرف فاني


محلول من عامر الروقي
( الموديل )

[{ أبوفيصل }]

.

ويش الفتاه اللي تحت سيطرت بنت =ماتحترك ياكود تلزم ظهرها
الكلّ يعرفها وبالذات أنا وأنت=أكره سميَّتْها وأحاذر قشرها



( محلول من عامر الروقي )


( الفارة فارة الكمبيوتر )

[{ أبوفيصل }]

ياهاجسي وقّف على حيلك وقم =عطني جزيل اللغز واحكم معانيه
ياويش رجلٍ يمشي الدرب ويتم =رجلٍ على جمع الفريقين قاديه
اللي يمين الدرب ويسار ينضم =ويضمّ له جمعين حزة تلاقيه
ولْيا نزل عوَّد على كل ملتم =ويفرّق الصفين لاَااخر تواليه


محلول من ابن ثعلي
( سحّاب الملابس )

[{ أبوفيصل }]

ياويش عذراً ماهي مثل العذارا =عذراً تمرّ اغنيم وغانم وسدّاح
في طبعها دايم عجولٍ توارا =ياتي لها مع طيّب الفال مسناح

[{ أبوفيصل }]

ياويش رجلٍ فيه معنى ومعنى =الأسم واحد والمعاني لها شان
الأسم طبق الأصل بالحرف يِعْنا =والفرق واضح بين الأثنين شتّان
الأوّلي له خالص الود معنا =وصف ال جنابٍ وافيٍ دوم لاهان
والاَخر الله عن مقرّه منعنا =في جوف بنتٍ من ورد حرّه امْهان






( محلول من وجودك يكفي )

[{ أبوفيصل }]

ياويش بنتٍ كلّها خمسة احروف =قشرا شنيعه من شناعة بطشها
تذبح وتصبح ماردع فعلها خوف =مدري على العِزَّل تزايد عطشها
الْيا اِنتزَعْت اِنقاطها بان مكشوف =وزال الخطر عن حرّةٍ مبتلشها

[{ أبوفيصل }]

للمهتوي جبت لي لغزٍ على ذوقه =عن مهرةٍ تتعب الخيّال من ضاري
محدن لحق في طلبها واطلق اسبوقه =راحت سرابٍ توارا عنها الأنظاري
من صعبها كايده ماهيب ملحوقه =والناس من دونها ماتقبل أعذاري


محلول من ديم

( رضى الناس غايةٌ لاتدرك )

[{ أبوفيصل }]

السلام عليكم
.

ياويش رجلٍ قبوله زين =رجلٍ بطيبه لنا يِذكرا
لو كان له ياعرب وجهين =ماشفت في وجهته منكرا


محلول من شاعر الحريه

( مسجد القبلتين )

[{ أبوفيصل }]

.
.


ويش الهنوف اللي بها الود ساعي =في طبعها المحبوب طبعً تِجلّه
تبادلوها طيّبين المساعي =وأصبح غلاها بالوفا ماتمله
للود فيها بين الأحباب داعي =لا والفت بين القلوب المِغِلّه



.

[{ أبوفيصل }]

ابا اطرح لغز وأنتم للصعايب قدّها وقدود =ولاهي بالتحدّي مير قدر اِمكانكم حِلّوووه
أنا حصّلت بنتٍ في طرف رجلٍ عليك يْكود =وهي صعبة منال وماصعَب عند العرب خَلَّوْووه
مثَل ماقيل عن صعب الوصول أصعب مثل منشود =وصلّى الله وبارك عد ما حل فرضٍ وصلَّوْووه

[{ أبوفيصل }]

ويش الذي واديه ما طبه السيل =لاجاه سيل ولا بعد سال واديه
قتّال فتّاكٍ يهدّ الحلاحيل =يِذكر في طرّاف القرايا عواديه
عدْواَه يرْفد به ردي النواقيل =مثل اللي ينقل داه بِرْداه ويجيه





محلول من ابن ثعلي

[{ أبوفيصل }]

أبنشد أهل العرف عن رجّال =رجلٍ مافيه ياعرب قاصر
طبعه مع ربعه مالقيت اِشكال =من بين اخوانه دايم امْحاصَر
سمّوْه بسمٍ غير وقع الحال =رغمٍ له دور يمر ومْعاصَر

[{ أبوفيصل }]

ياويش طيرٍ يطير ومع مطيره ويش =طيرٍ يحل الصداره حل وارتاحي
لكن يوقّع يطير ابلا جناح وريش =يروح ويرجع من غير ريش وجناحي

[{ أبوفيصل }]

.

.


وش ثلاثٍ مع بعض مثل الخوات =من تولاّهن يجن في وِلْيته
تحت أوامر رغبته متراخيات =غير وحده لا تراخت علّته
ثالثتهن تعتبر معهن ثبات =شغلها في جنبهن ماخلّته



محلول من عامر الروقي

[{ أبوفيصل }]

ويش الفتاه اللي بزمان العجايب =ياللعجب كل الغرايب حوَتها
لها من نقوات الفرايد غرايب =ماقوّه ألاّ قوة الله قوتها
تجاوز المعقول فوق الحسايب =والندّر اللي بالنوادر هوتها

[{ أبوفيصل }]

ويش الفتاه اللي لها قدر محتوم =ولْقدرها بين الفريقين شاني
في عنفوان العمر يصفح لها قوم =من شان تاخذ من قساها لياني
يمكن لأخوها حل مرضي ومحسوم =ينهي ليالي عمرها العنفواني

[{ أبوفيصل }]

اللغز في سيرته بنت وولد =جرْدا وهو قبل يدخل أجْردا
والبنت قبل الدخول ومن بَعَد =ماقيل أبد في فعايلها ردا
لوكان في عينها تلْقى جَهَد =يِعْقد عليها القَرَان امْجوّدا

[{ أبوفيصل }]

وش الخوي اللي يخاوي خويّه =فالدرب مايفْرقك برّه وجوّه
اِلْيا ذكرت أمه لها معنويه =يبْلشك بمخاواه صحبه وخوّه
ينهك قِوى أهل العزوم القويّه =واللي له ابصلْفات الأيام قوّه
ويمر وقت إعصيْر ولاّ ضحَويّه =إلْيا طرى لك طاري أمه يِتوّه

[{ أبوفيصل }]

ياويش رجلٍ شفت بنهايته شر =في موقفٍ لولا يسد اللزومي
يبدي بكيف يقعد الراس ويسر =كيف النشاما كايفٍ للقرومي
وبدايته لنهايته ماهو أقشر =تحتاج له طول الطريق العمومي

[{ أبوفيصل }]

.


أنشدك عن رجّال له رِجل وحده =ولْيا ثناها ما احترك من محله
أخوه يشبه له بشكله وقدّه =لكنّ كلٍّ له مكانٍ يحله

[{ أبوفيصل }]

ويش الثلاث اللي بهن ياعرب زين =صالن وجالن فالمدن والقرايا
أوّلهن اللي جالها سنين وسنين =وأتلاهن اللي جات بأجمل مزايا

[{ أبوفيصل }]

السلام عليكم
.


رجلٍ في راس الطويل الشامخ العالي =مع هبّة الريح نوْب يلاعب الغربي
ينعد في راس عزوه أول وتالي =ويسلم تحت فيّته تسعة عشر صربي

[{ أبوفيصل }]

ياويش رجلٍ يشغل الوقت لقياه =ويسج به مع غفلة الوقت غافل
لا جمّع الله شمل الأجواد ويّاه =لوكان له وقتٍ بالأجواد حافل

[{ أبوفيصل }]

كلمةٍ للفذ وقروم الجهابذ =وصف رجلٍ مُعتبر مايُنبذا
من قديم وحاضرٍ ما جاه نابذ =بعتباره بين ذاك وبين ذا




.

[{ أبوفيصل }]

لغزي عن رجّال ينقل له مره =والمره دايم على حث المسير
من ضماها حوْدبت فوق اِظهره =لأرتوَت يبلعها فالبطن الكبير

[{ أبوفيصل }]

لغزنا ماكل من يقرأ يحله =أكثر الشعار ماتدرك حروفه
ويش رجالٍ تعرفه ما تدله =لا لقيته ماتشوفه ما تشوفه

[{ أبوفيصل }]

ياللي بغيت اللغز محكم ومحبوك =أبشر بـ لغزٍ فيه معنى ومبنى
بنتٍ نسبْها عالم السر لأبوك =مع طِيِبها ياطيّب الفال معنى
يتبع لها بالناس عربان وملوك =ويتبع لها من ساير الناس معنا

[{ أبوفيصل }]

أنشدك ويش اللي حار الوصف بسلوبه =وِيِقال نفس المثل في زلّة الرَّجلي
لاجات به غلطةٍ تِحسب من ذنوبه =فيه الحيا والخجل والشين مايجلي
يطغى على فعله اللي صار عذروبه =ويبدي لك أحيان بسلوب الحيا خجلي

[{ أبوفيصل }]

.


لاشك يأهل العرف والشك زايل =لنكان به من يقطع الشك رايه
عوْدٍ لقيته من قديم الأوايل =في طارفة بنتٍ تضم البرايه
أوْدَع سجينه عقب ذيك الهوايل =في داخله من غير ذنب وجنايه

[{ أبوفيصل }]

ضد العميل.. اللي ما ياجد إعملا
حربه على اللي مادِري واللي دِري

والبورصه للروس هي راس البلا
مصاب في وجه اقتصاده بجدري

:


الحرب مافيها سلام ولا هلا
فيه الرصاص اللي يرد المفتري

والقيصر الروسي تعلى واعتلا
دق الخشوم اللي ترز السرسري



لو به سلام ن. كل ن ابدلوه دلا
مير البلا باللي جلا وش يحتري

امسى قصير الجار وْتلقى الخلا
والجرح في قلب العنا ما ينبري




الحرب خادع والزعيم مجملا
ضحى برأس الهرش قبل البربري

يشهد له التاريخ قدام الملا
وشتان مابين الضعيّف والجري



ما هوب لامسلم ولا حتى ولا
اللي مع خط الرجعه يرجع له قري

تاريخنا هو المجد اللي ما تلا
صهايِنْْة الزمان ومشهات العِري




الشجره اللي لا ظلال ولا كلا
لو هي بجال النيل ماتذري ذري

يوم أنت بالإحرام في وسط الفلا
ياصاحبي متهوم لو إنك بري




ويش الجديد اللي في قلبه من غلا
واقول ما في صفنا عظمٍٍ طري

من لا يصلي فرض ربه يبتلا
يقولون البلا منّه ماهو صِرِي

:

..............

[{ أبوفيصل }]

بنتٍٍ بدت فالمشارف فوق =شريفةٍٍ من بنات أشراف
بعيالها ما تشوف العوق =يبدي بهم نايف ونواف
عشرين والواحد المرموق =يبدي بها قمة المشراف

[{ أبوفيصل }]

ياويش بنتٍٍ حارت بدرب ابوها =تثبت وتاقف في نهاية طريقه
بنتٍٍ على وقفاتها مانفوها =تثبت ويظهر من بعدها حقيقه

[{ أبوفيصل }]

بنتٍٍ بعدها بنت نفس المسمى =لكنهن من غير ميعاد جنّا
الاوله من موقعٍٍ فيه حمّى =والثانيه عجله ومرَّت وطنّا

[{ أبوفيصل }]

انشدك عن ثنتين ماعنهن مصد
لا بد ما تجيب منهن واحده

والثالث اللي بينهن ما له مرد
هو ثالثتهن صعب نعرف شاهده

ا

[{ أبوفيصل }]

مرحب بكم مرحبا ويِِلْكَم
ترحييييب بالإنقليزي فن

باللعب يا كم و كم و كم
ناخذ على مشتراهم صن
🔸🔸🔸🔸🔸🔸🔸




دام البقا من غزير الجم
مرسِلُّوا منا ونمبر ون

الخير مخصوص والشر عم
قدام لا تشتري فالظن


إلْعب على الصنّ لاتحكُم
مادمت بالسوق هات ودن

بمضارب السهم لاتشكم
لو كنت في صالته كبتن




قدام ياصاحبي نبصم
مابين صن وحكم متقن

احسب حساب الدبل تلقم
بأربع أكك رقمها معلن


السوق يا صاحبي مُحكم
عندك خبر فيه ومدوّن

فيه المصابين.. وامزكَّم
واللي خسر راس ماله ون




الظاهر إن البلا منكم
ياللي تحسب الثلاثه تن

اليوم لأبعد ترى عنكم
ماجاب علمه ملوك الجن


سهمٍٍ بلا رقم ومرقم
غَفالٍٍ من بينها تِفتن

من ذاق من مرها علقم
لو يسمن الحال مايمتن


لا تخلط الهيل بالكركم
ال شارب الكيف وأهل البن

اضرب وضارب لهم ولْكم
لكمات منها الخصم ينجن

...............

[{ أبوفيصل }]

.
ياهاوي اللغز وش رطنه =ترجم لنا وش مفاهيمه
ورعٍ ذهين ومعه فطنه =ذهانته في خياشيمه
تشوف ماينثره بطنه =لاصار في جوّكم غيمه
.

[{ أبوفيصل }]

دوك لغزٍ في معانيه امحَكوم =عن صغيرٍ مالقينا له حِلي
منتصف ليلٍ تغيب اِبها النجوم =دايمً في رفقة حسين وعلي
طيب الله سمْعكم يأهل العزوم =اِسمحولي في وصوفه ما يلي
راس يعْسُوبٍ يجي في كل يوم =ويْتَبَيَّن في مواخير الطلي

[{ أبوفيصل }]

رجلن جميع الناس ترغب لياله
وليا عطيته لون محدن يدانيه

اللي عليه البعض غصب ايعناله
في موقعن محدن يوده وياتيه

[{ أبوفيصل }]

.
ياهجوسي عجّلي عقب البطا =رتبي لغز العطاوي وانشِطي
العيال امقنّعين اِبلا غطا =والبنات امحجّبات اِبلا غِطِي
بينهم وجه الشبه كبر الخطا =والخطا معناه هابط واِخرطي
ماخفى من شيٍّ أعظم لاسطا =يستبيح اعيال راحوبه وطي
والبني رغمٍ لهن ستر وغطا =يدخلن البيت ويسطن به سطي
.

[{ أبوفيصل }]

ويش رجلٍ مايطول =غير بنتٍ تعتليه
لايزال ولايزول =لوهي نزيلٍ عليه
في مقْدم جمعٍ وشوْل =للشلفا وصف وشبيه

[{ أبوفيصل }]

رجلٍ وسيع ابطان ماضاق صدره =واللي هوَنَّه من بناتٍ لِفنَّه
بضيافته مابه رجالٍ تخَطْره =غير البنات اللي يهلّي بهِنّه
مابين ليل وبين وقَّاد جمره =مع جرْهَدٍ مفروش كل ما يجنّه

[{ أبوفيصل }]

رجلٍ يسمَّا بسم أمه وانسبوْه =مايِعرف له وجهٍ بيِّن قبلها
ماعرفت اسمه ولأدري ويش ابوه =لكن المثل فيه ويِنسب لها

[{ أبوفيصل }]

.


ويش الهنوف اللي لها وجهين =عريبةٍ والكل خابرها
لكن لها عند العرب رِجلين =والثالثه تقصر مشابرها
وضحىً على وضح النقا وتبين =روس الشواهر من شواهرها

[{ أبوفيصل }]

لغزٍ مشدّه للعوارف على الدّا =مايعجز الشعار لغزٍ نجيبه
ويش الذي بالناس ياناس يبدا =ونهايته مثل أوّله ينتهيبه
لامن تردّا من ردى الحال وأردا =وأصبح على المقفين حاله صعيبه

[{ أبوفيصل }]

وش رجلٍ وبنيّته . . يرفع لها اعبيّته =تصبح وهي ميّته . . ضميانةٍ من ضماه

[{ أبوفيصل }]

ويش الثلاثه اللي لامن تمعنت =ضداًّ لرجلٍ يبغضونه رياجيل
ياحيّهم رجلين والثالثه بنت =بنتٍ لها بالفعل مايسبق القيل
لامن حصل تقصير فالبنت وأيقنت =ماجت لها قدره على عدلة الميل
لاهان كلٍّ حسْب دوره ولاهنت =بالجهد والمقدور والحال والحيل

[{ أبوفيصل }]

ياويش عذراً من حساب المطانيخ =ينطق بها الساني وتِكْتب بلا حرف
سِمِيّها شيخٍ من أهل الوفا شيخ =شيخٍ مقاديره خذَنَّه بعَد ظرف

[{ أبوفيصل }]

ويش الفتاه اللي على رجلٍ صبور =اللي غدت مضرب مثل لأمثالها
تسبّبت له فوق جور الحمل جور =مالايطيق وحالته يرثالها

[{ أبوفيصل }]

لغزنا شيخ لامن جيت يضحك لك =مرحبانياً حين يشوفك بعينه
اللي ماهو بهمّه شكلي وشكلك =يضحك ا لمن يجي في وقته وحينه




:4:

[{ أبوفيصل }]

انا وش اللي معي منك
يا عمدة الدار والحي

تعرف لنا فالبلد بنك
يقرض ويعطي لنا شي




ماني مكلف أنا عنك
والراجحي فالبلد حي

يحفظك ربي ويامنك
درب السلامه لكم ري


وشلون تجحد مواطنك
يا كيف وشلون والزي

اسلوب طبعك وديدنك
تنسى مواطنك يا خي




ماظني تعاني الظنك
ياصاحبي حاتم الطي

وانته سعودي ومعدنك
مثل الذهب يشتعل ضي


يا صاحبي وش يلوِّنك
غثربت في صافي المي

ما قلت لون الذهب زنك
ولاجيت في سالفة غي





تبيع ( دولار ) بفرنك
وانته على بارد الفي

ولقيت أنا العام مزبنك
لو ان ممسك بيدي
............

[{ أبوفيصل }]

ياويش رجّالٍ في طبعه غلاضه =صعب اعتراضه رغم جسمه نحيفي
لكن على السارق سريع اِنقضاضه =ماشفت لأخصامه وليف وحليفي

[{ أبوفيصل }]

بنتٍ من شعبٍٍ وفي قام وخطبها
شايبٍٍ له بالطلب رغبه و غايه

بالسنين الماضيه.. قام وطلبها
وكلِّ خلق الله تشهد.. بالنهايه

[{ أبوفيصل }]

ياللي تحل اللغز دوك وهات =للفكر لغزٍ يِدهش التفكير
بنتٍ لها وقفه زمانٍ فات =هي مرّةٍ بأمر الولي ماغير
مطلب كريمٍ من كريم الذات =توقَّفَت ذيك اللِّيال اِعصيْر
من شان ناسٍ تِخلِف الهقوات =لبَّىّ سؤاله والي التدبير

[{ أبوفيصل }]

أنشدك عن رجلٍ لاصلّى ولاصام =مافيه يومٍ قام لله يصلّي
مشهود له في نصرة الدين مقدام =واللي يخاوي جانبه ما يذلي

[{ أبوفيصل }]

ياويش رجلٍ سامك الطول فارع =والحمل يشيله من عياله ثلاثه
رجلٍ قوامه ماجهل فيه بارع =موروث مايرِّث ولاهو وراثه

[{ أبوفيصل }]

وش ديرةٍ في عجايب خلقها ميزه =الديره اللي أهَلْها غُرب واجنابي
الضيف لازارها يدخل بلا فيزه =لو دون سكّانها عشرين أبو بابي

[{ أبوفيصل }]

ياويش ورعٍ يجي في سد أبوه =يثبت في درب الغريب الْيا عثا
ورعٍ في وجه النشايب وأنشبْوه =تحمّل اللي يجيه مْن الغثا


محلول من وجودك يكفي

[{ أبوفيصل }]

ويش الغلام اللي على هامة ا غلام =ملبوسه اللي مثل بيض الخواذي
شرسٍ يسابقنا على خير وأنعام =دايم على دم المخاليق غاذي
يبقى معك للخير والشر مقدام =موذي وغيره من خوانه مواذي

[{ أبوفيصل }]

ياويـش رجلٍ مادخل داخله خوف
رجلٍ تهابه قوم ماحسَّب اِل شي

مافيه دمٍّ يِحترك خاوي الجوف
ولا فيه عرقٍ يعتبر ياعرب حي

[{ أبوفيصل }]

بنتٍ ماحصَّنوْها في حِصنٍٍ حصين
ما حولها حصنٍ من دونها منيع

ممتدّ ن. أوّلها... فبلاد الرافدين
والنصف الاَخر يمشي فالخط السريع

أبطالها.. بدون اِسلاح ومارِتِيِن
قِيَّاد جيشٍٍ.. مالهم فيها صنيع

[{ أبوفيصل }]

ويش الفتاه اللي تهم المسلمين
اللي ينالها يحضى بأشرف مقام

يحضى بها.. كل العباد الخيّرِين
فضلٍٍ من المولى على سِيِدالأنام

[{ أبوفيصل }]

ياويـش بـنـتٍ نظيـفـة عــرض = يـعـتـادهــا الـعـابـــد الــوجلـي

لاطـاحــت اسـنـونـهـا تـنــرض = والــراس مــع طيـحـتـه يـجلـي

يبِيـن فـالأرض طـول وعـرض = دربٍ يـــقــــدّه قــــــدم رِجلــي

ليا عكسـته في جــوف الأرض = مـشـهـور بـأسـم المـره رَجــلي

[{ أبوفيصل }]

وشهي اللي طبعها يابن الحلال =جاذب ومغري يحث بعض الملا
لاطرحت اِثنين تاليها جمال =بنتٍ في وضح النقا للِّي تلا
واخر اثنين لاطرحته ابتهال =للعظيم المقتدر جل وعلا

[{ أبوفيصل }]

وصّلُو لغزي لعامر والمزيني =ولْهوات اللغز عاشق فنهنّه
وش ثلاثٍ ذِكْرهن في اَيتيني =ثالثتهن جات باَيه بعْدَهنّه
قاسياتٍ مابهن للناس ليني =وعند عميان البصاير قدْرهنه
فالزمان اللي معه غبر السنيني =ان سألهن تايهن ماينفعنه
ماسألهن غير ناسٍ تايهيني =وبيّن الله للخلايق بطْلهنّه

[{ أبوفيصل }]

ويش الذي في بطن رجّال ويقال =ميزان عرف ومعرفه للجميعي
أوزان ميزانه خفيفات وثقال =دايم محله فالمكان الرفيعي
عند المواقف يعتبر قيد وعقال =له ميزةٍ عن بعض الأخطا منيعي
مركز سموّه للموافيد نقال =وفدٍ يجيله ياعرب مايضيعي
ولْيا عكسته صار بنتٍ بها اِرجال =بنتٍ عزيزه في بلدها الوسيعي

[{ أبوفيصل }]

ياويش رجلٍ ماضي العز ذكراه =رجلٍ بقى ماضيه مع ذكرياته
خارت قِواه وصار في حال نرثاه =وأصبح عجوزٍ في رفاته وفاته

[{ أبوفيصل }]

السؤال السهل سهلٍ له مرد =له سداد الحل حلٍّ مع دها
واحدٍ كل ماحدا حل وورد =وارد العد والموارد عدها
راح له مع عوْد ماحوله أحد =طول ماهو راحلٍ ما لدّها
لاوسومٍ للحلال ولاعدد =ولاحلالٍ للوسوم و ردّها

[{ أبوفيصل }]

ويش الثنين اللي بالأسماء تشابه =شتَّان مابين الثنين اختلافي
هذاك ما له من سواياه ثابه =و ذاك حلو الذوق وافي وكافي
اِن قلت من حرفين جبت الِاجابه =ماعقب هالحرفين زود احترافي

[{ أبوفيصل }]

لغزنا يبتديبه قافية اَااغه =موجزه للعوارف واضح الصيغه
عن غلامٍ يحِيِر الفكر بدماغه =بالغ الفكر يجيب العلم تبليغه
نعرفه عرْفنا للثوب وشماغه =ياصل الشرق للمغرب وأمازيغه

[{ أبوفيصل }]

أنشدك عن رجّال في تالي الوقت =مايحترك من مرقده فـاَخر البيت
الموت خاتمْته اِلى من تحققت =تلْقاه لا حيٍّ تشوفه ولا ميت

[{ أبوفيصل }]

السلام عليكم ورحمة الله وبركاته



رتَّبت لي لغزٍ على قاف أُوووها =لغزٍ يجمّل زاهيات الحروفي
بنتٍ كريمةْ طبع من طبع أبوها =اللي على نيْل المراجل شُغوفي
في سلْم الأجاويد ماجنّبوْها =يوم اختها ماقِدّمَت للضيوفي
والطايله يأهل الوفا ماثنوْها =تلْزم ملازيم الرجال العُرُوفي
رغم ان هلا تسبق مداريك ابوها =ويقصر مداها عن خطاة الضعوفي





.

.

[{ أبوفيصل }]

ويش الغلام اللي ليا شابت أمه =له موقفٍ ينهي جميع النزاعي
لكن على تالي مقامٍ يتمه =ماتت بعَد عمر العنا والصراعي

[{ أبوفيصل }]

يا ويش بنتٍٍ زوجوها بشايب
ماتفرقه دايم في جنبه قريبه

لوهي عجوزٍٍ في عيون القرايب
مزيونةٍٍ في عين أهلها عجيبه

مازوجوها جبر والا غصايب
لاكن لو يدخل عليها مصيبه

[{ أبوفيصل }]

أبدا كلامي بسم رب العالمين =وأطيب تحياتي لكم وأجمل سلام
اللي بعَدها ياوجيه الغانمين =جبنا لكم لغزٍ عليه أعظم كلام
بنتٍ لها وقفه تهم المسلمين =اللي تنال بها الشرف بأشرف مقام
تحضى بها كل العباد الخيّرِين =فضلٍ من المولى على سيد الأنام

[{ أبوفيصل }]

انشدك عن رجال يضعف ويهزل
ولْيا مضى له عام يرجع بقوه

ياطا ثلاث ويِكْرِم النَّزْل ويَجزِل
و بهيبته ....... يمرهن ما تِموّه

ماهوب في مهْجر ومنئَآ ومعزل
لو كان عمره.. قبل عصر النبوّه

[{ أبوفيصل }]

القصه الوارده بها الهدف وارد =بنتٍ لها ياعرب غير اسمها ثاني
في قدرها قدر وباطن جوفها بارد =عند اللي قام وفداها شانها شاني
من شان حيٍّ من بين ركْبَها الوارد =في وضعها يلزم المجني على الجاني

[{ أبوفيصل }]

في محكم التنزيل والحق المبين =دلايل الأِعجاز ضمن أخبارها
ياويش رجلٍ زار كل العالمين =من منطلق دعواه زار اِديارها
واصلٍ لّّلي في بطن أمه جنين =وأقصى الحدود اللي وصلها زارها

[{ أبوفيصل }]

ورعن لمع نجمه وزاد إِتساعه
كثروا زبانِيِته وزادوا.. فريقه

الاسم في معناه دقات ساعه
له كل مره عمر أقل من دقيقه

[{ أبوفيصل }]

انشدك عن عوْدٍٍ سنافي ومطنوخ
ياطيب راسه جعل تحيا لياليه

تباشرو به شِِيِب وعيال وشيوخ
وليا تجدد.. كل عمره يحاليه

[{ أبوفيصل }]

وش فتاةٍ في وصايفها كذوب =ماتكلم ولا هي باللي ترا
في محيَّا حَيّها دايم نصوب =كذبها يكشف خطايا واِفترا
ماخَفَت للرب علاّم الغيوب =بيّنه في اَيةٍ للِّي قرا

[{ أبوفيصل }]

بنتٍٍ تَرَوَّع فارس القوم منها
ويهابها زيزوم جيشٍٍ عرمرم

وِلْيا حذفنا هامة الراس عنها
يصبح لها ند وضديدٍٍ مصمصم

[{ أبوفيصل }]

وش فتاةٍ من تجيه ا تفرِّحه =مع مجِيِها دافع العرف يدفعك
بأِختصار اللغز لو ماتشرحه =هات حل اللغز وحنّا نسمعك

[{ أبوفيصل }]

ودّنا ننشدك ياراع الحلول =عن فتاةٍ لها بالقمَّه محل
عمْرها لاحال حوْلٍ بعْد حوْل =نافذه تِغلَق بعَد عمرٍ كمل
طولها في عرضها عرضٍ وطول =حجمها عن نصف كفّك مايقل
هذا لغزي قُول عنّه ما تقول =وأعطنا من ناتج التفكير حل

[{ أبوفيصل }]

مضرب مثل واللغز ما حلّه بسيط =وين اللي للصعبات يقدر حَلَّها
يدْلِي بدلْوه كل رجّالٍ حويط =واللي عقد روس الحبال يحلها
يوم الرهاوي ياصل الجم الغويط =ان ماعطت يمناه ولاَّ خَلَّها
سِوات رجلٍ راح بيدين النشيط =في ذمته ماعاد يرقا تَلَّها
روّح على رايه وخالف له سليط =ينقض ويفتل في طوالٍ مَلَّها

[{ أبوفيصل }]

اللغز له مغزى والمعنى معتبر
عوْدٍٍ يصح إسمه على رجل ومره

لاشافه الشفقان ماعنده صبر
لو ما يلحق مداه ولا فيه إِثمره

[{ أبوفيصل }]

وش رجل هلت من عيونه دموعه
من شان ناسٍٍ تالي الوقت نتنه

والطقه اللي حطمت له ضلوعه
من بنت ساعة طقته فوق متنه

كله على شان يتساوى فروعه
ويدرك به المطلوب من غير فتنه

[{ أبوفيصل }]

وشهي اللي من سمعها يصدّق =كذبٍ تردّه مانطقها الصدوقي
في صِدقها في كذبها من يدقق =منطوقها منطوق أديبٍ خلُوقي
واسلوبها من دون قرق وتشدّق=تفيد بدقاق العلوم وتلُوقي

[{ أبوفيصل }]

رجلٍ على شدته ماقيل فيه ا رخوه =رجلٍ قوي واخوياه اللي معاه أقويا
تصيح له ناس وناسٍ في طلبها ا نخوه =من دونهم بابٍ مغلقاً عليه أخْويا

[{ أبوفيصل }]

ويش الخوان اللي كما صف طابور =طابور صفٍّ للعساكر شبيهي
لكن لهم بالوصل دورٍ ورى دور =من بينهم حبل المواصل بديهي

[{ أبوفيصل }]

ويش ورع إصغيّرن ينقل عصاه
رغم أخوه اللي في جنبه أعزلي

شايل ن. عصاه من بين إخوياه
وامه..تِتسمى بأخوه .. الأمثلي

[{ أبوفيصل }]

أنشدك عن رجال له ستة عيال =رجال تلْقى في عياله كماله
لامن تغيّر فيه حالٍ بعَد حال =أدناة شي يحوس وضعه وحاله
ينعد بنتٍ عقب ماهو برجال =لاراح واحد واختفا من عياله

[{ أبوفيصل }]

ياويش بنتٍ عمرها دوم محدود=في نقصها في زودها كل علّه
الزود مثل النقص والنقص كالزود =لكن منته قاوي الزود لله

[{ أبوفيصل }]

انشدك عن رجال لاقيل رجال
يِذهلك وصفٍٍ فيه تِبهر معانيه

وان قلت رقمٍٍ يسبقه راح فالحال
لأبعد مدى يبعد ويَقلع مراسيه

[{ أبوفيصل }]

وش الذي لاحل في رجلٍ قوي =يصير أَلَد أعداه لاحل وبقا
والريع الأقصى كل ما جاله دِوي =تلقى سميّه واضحٍ وضح النقا

[{ أبوفيصل }]

ويش الفتاه اللي نشت منشا الفروخ =سبحان منجي حيّها من ميتها
في وسط بنتٍ من يحاولها تصوخ =هذي محاريها وهذا بيتها

[{ أبوفيصل }]

وش الذي مبسوط ياسيف مبسوط =مبسوط للِّي جاه والجو صافي
كلمه وكلمه جات في قول مضبوط =ما لايكلّف كل ضيفٍ ولافي

[{ أبوفيصل }]

ياوين أبوهليل ترى الشوف شابح =يشبح وشبحه يم شوق الرعابيب
لنكان ياهَل اللغز للّغز ذابح =سِلُّو على ذبحه سيوفٍ محاديب
خمسٍ تبادرها رِجالٍ تضابح =اللي على مد الجزايل مواثيب
قول المثل فالأولات الروابح =والرابح اللي بادَر الطيب بالطيب
الأوله للِّي على السّبْق رابح =تِهْدا في يومٍ فيه جزل المواجيب
والثانيه تِهْدا بهدْي المذابح =والثالثه تِهْدا وضمن المجاليب
والرابعه ما كسْبَها كسب قابح =والخامسه من تاليات المطاليب

[{ أبوفيصل }]

أنشدك عن رجّال لاقيل رجّال =اللي تشوفه مع يهودي وبوذي
في ذمة المسلم ترى ذبحه حلال =لاصار يوذي غير ماهوب موذي
يِكْرم لكنه ياكريمين السبال = رجلٍ يهان ومنه يوخذ أخوذي

[{ أبوفيصل }]

ياوجيه الخير لغزي عن فتاه =ثابته لأهل الوجيه النيّره
فالصيف ولاّ في ربيعك مع شتاه = تبقى للأخيار دايم خيّره
بنتٍ سميّة من تجي له من غلاه =تِهْداَ للّي بالصغار اصغيّره

[{ أبوفيصل }]

ويش بنتٍ تحسم الوضع المحيّر =اسمها من منطلق حسم القضيه
جات تقضي أمر مافيه امتخيّر =تنهي الموضوع في وقت الأسيّه
قيل ماعنها مصاديد وتذيّر =من تجي له ماتحرّك لو شويّه

[{ أبوفيصل }]

لغزنا مثل شعبي

ويش رجلٍٍ مهما زانت حبكته
اعرف إن تاليه فاضح واقشرى

ما يروح إبعيد هذي سبكته
خاسرٍٍ من باع به والا شرى

[{ أبوفيصل }]

ويش الهنوف اللي يجي بسمها اسمين =لاشلت حرفٍ يبتدي بحروفها
اِلها سميّه فالبنات المزايين =بنتٍ تزيِّن بالخضاب اكفوفها

[{ أبوفيصل }]

حصلت لي بنتن شناح وعنقها طول الذراع
يا لوتكشف لك ساقها يبِيِِن حِدب إضلوعها

مثل الورود اليانعه تُطوُل حسب الارتفاع
(فستانها) من فوق هامة راسها وفروعها

[{ أبوفيصل }]

ياويش بنتٍ شوفها يسعد الناس =بنتٍ تسر الناظر ومغلينها
في بعدها مامن ورى بعدها باس =مير البلا لاقرَّبَت ياشينها

[{ أبوفيصل }]

بنــتٍ لأبــوهــا روح . . تحييه وتميته =من دونـها مـافاد . . تبقى لأبوها روح
لوهي تجي وتروح . . وتــرد عافيـتـه =ماهيب شرب وزاد . . وش عاد لوتروح

[{ أبوفيصل }]

وش هنوفٍ ماشانها بشان =وش ليلاها على مجنونها
عشرها عشر ماترجع ثمان =والعشر ما اختلف مضمونها
لونها لون مع مر الزمان =عمرها ماتغيّر لونها

[{ أبوفيصل }]

ويش ورعٍٍ مايضره راس شوك
ما يضره رغم صغره ما يضر

دوِّروا له بالشمال.. ألاَّ تبوك
مايِشاف إِبها على مد النضر

✔

[{ أبوفيصل }]

النحيل اللي سِوات الثمامه =لادخل في بنت مامثله نحيل
لابسٍ غير العمامه عمامه =وعمامته مع مثلها شكل ومثيل
لكنّ يأهل العرف يأهل الفهامه =ماينعرف له راس ماشفت له ذيل
وعمامته مثل المعَم فوق هامه =في معمّه وش يخلي وش يشيل

[{ أبوفيصل }]

الرقصه اللي مايناغمها طرب =رقصة غلامٍ ماتهيّضْه الفنون
يعلن بها رجلٍ ليا أنتهى الطلب =في رقصها لاهنت رقصٍ مايهون
معروفةٍ من طبعها عند العرب =لكن قلِّي وش تسمّى وش تكون

[{ أبوفيصل }]

ياجماعة خير وش رجلٍٍ له ثلاث اسنون
وان بدى لك سن واحد تشوف إبدايته

ثبَّت المرسى عظيم الثوابت من قرون
واللي يبقى من حروف جنبكم ببنايته

[{ أبوفيصل }]

بنتٍٍ تروَّع فارس القوم منها
ويهابها زيزوم جيشٍٍ عرمرم

وِلْيا حذفنا هامة الراس عنها
يطلع لها بالضد رجلٍٍ مصمصم

[{ أبوفيصل }]

ياويش بنت بعنفوان الشبابي =جلْبابها مبدا الشرف والمهابه
جت للِّي مايِستَر في بيض الثيابي =تكشف على حال الضمير وغيابه

[{ أبوفيصل }]

ويش الخوان اللي على الشده اخوان
يـــزهـــون غـــصنٍ مـــاهو مثـل الغصـــونــي

مـــاهم سِــــوا لــو كانــــو اخــــوان وأعـوان
لاقيـــل مشـــطٍ في مصــــاف السنـــونــي

[{ أبوفيصل }]

دوّرت لأهل اللغز لغزٍ مفبرك =فحواه يكفي عن قليل وكثيري
يحكم عقاله كل كفْوٍ ومدرك =عن شاطرٍ يطْلق عقال البعيري
لاشكّ له عند الحلاحيل مبرك =لاكنّ ماله بالرّغى والهديري

[{ أبوفيصل }]

رجــــلٍ علــى الـعلْيــــا تــربَّـــع معـــاليـــــه
تـــلقـاه زايـــــد عن خــوانـــــه وشـــــرواه

لــــكن كـمـــا طـــيٍّ علـى طــي طاويـــــه
ولْياضحك يضحك بلاسن وشفاه

[{ أبوفيصل }]

أبنشد أهل العرف عن عود مشهور =منازله ثلاث فيهن مجاله
من ماضي الأيام لليوم مذكور =ويزيد مع مر السنين ولياله
له ستة اعيالٍ لهم بالزمن دور =الْيا الثمان أحيان حِسبَة عياله

[{ أبوفيصل }]

ياويش بنتٍٍ بالمواري شهيره
اقولها ياشيخ واللغز حصري

من لاملكها في شبابه عسيره
تعدته تبغى لها جيل عصري

يتعب لها من لا توانا مسيره
كم ميَّزت من شخص مافيه قصري

[{ أبوفيصل }]

وش أربعه والخامسه ياعرب بنت
والكل بإسمه تعرفه من مقره

ما عنك وعنهم لانويت وتبيََنت
تِذعِن لِحكم اللي تجيه وتمره

[{ أبوفيصل }]

أنا بنشدك وانشد كل رمّاعي =شفت لي ورع والدم الحمر لونه
في مقفّاه للأخطار منّاعي=والمحاذير رمزات الخطر دونه

[{ أبوفيصل }]

انا بنشد فهيمٍ يعرف المعنا =عن غلامٍ كثيرالناس ياتونه
ماترد لونه الزاهي مدامعنا =كيف سود الليالي غيَّرت لونه
أمه بمدوّرين الخير تجمعنا =بيّض الله وجيه اللي يحبونه

[{ أبوفيصل }]

اللغز في معناه حسي وملموس =بنتٍ تعارك بنت من مشكلتها
ماجالها حربٍ مثل حرب البسوس =وأم المعارك ماتشابه معركتها
رغمٍ لها تأثير حسي ومحسوس =شقيّةٍ تلقى الشقا بحركتها
وأم خمس اللي بلا ناب وضروس=شنَّت عليها معركه واتركتها

[{ أبوفيصل }]

يسرّني لاطرحت اللغز تقرونه=جديد الألغاز بدع اخوك وانتاجه
ياويش ورعٍ كثير اللي يِحَقرونه =لكن صغيرٍ في بعض أشياك تحتاجه
يا له سميّاً على طبعه يسمّونه =لامن تدخَّل في شخص يسبّب احراجه

[{ أبوفيصل }]

أنشدك عن رجّال مربوطٍ عليه =ومربّطٍ يومه على قيد الحياه
رجّال فارغ ممتلي والسبب فيه =لولا الولي يملاه والرب وياه
طبعه حنون ويخشى غيبات غاليه =اسباب رجلٍ غاويٍ في كبرياه

[{ أبوفيصل }]

ياويش رجلٍ ماضي الوقت معروف =له عند قومه ياهَلَ العرف ميثاق
عنه النظر في داخل احماه مصروف =حصانةٍ للطرقي عن كل بواق

[{ أبوفيصل }]

السلام عليكم ورحمة الله وبركاته



أنشدك عن رجّال في وقفته جاد =يفرض بحكمٍ فارض الأمر واليه
وليا اجتمع بقيادته جمع وافراد =حكمه ترى مايختلف وِجهتٍ فيه
ماهوب لا حاكم ولا ريّس ابلاد =لاكنّ له حكمٍ يعادل ثوانيه

[{ أبوفيصل }]

ويش الذي وافق مجيّه قدومك =وموافقٍ حضرة جنابك قدومه
وان قدر الله ماحصل كان يومك =غيرك يجيه الحال لاشان يومه

[{ أبوفيصل }]

ياويش رجلٍ فيه للناس عِبره =واللي شهد فعله كثير الحسوفي
له موقفٍ مافاد في يوم سَبره =عوَّد على طبعه خبيث الوصوفي

[{ أبوفيصل }]

يا لغزنا اللي يوم واحد وعشرين =في تالي الأيام مابك مراواه
لا حل وقتك صرت مابين رجلين =وضعك يعم الناس عدل ومساواه
بملوك وشعوب العرب والمساكين =لك قدر ساوا بينهم ماجهلناه

[{ أبوفيصل }]

اَيةٍ للي قرأ قرأَنها =بيّنه للي يبا يقرونها
عن فتاتٍ فوق عالي شانها =كل من ياصل يوقّف دونها
سميّتها ماتجي بأوطانها =الله أعلم فرقها من لونها

[{ أبوفيصل }]

لغزنا ماهو بالرجل النصوف =ناتج اللي كِمل ماقط سقط
لاحذفت أول ثلاثه حروف =اللي يبقى بسمه واحد فقط
والنتيجه دوّر لها وشوف =ما على اَخر حروف اسمه نقط

[{ أبوفيصل }]

ياويش رجَّالٍ على غير طايب =يِنحدّ له من كان للعسر محدود
من واقعٍ مقبول جبْر وغصايب =دايم على عسر المطاليب والكود

[{ أبوفيصل }]

أنشدك عن رجلٍ في ذاك المكاني = يِنبِيك عن صوتٍ سمعته بعَد فات
رجّال زوله للملا مايِباني =تسمع مَرَد صوته بعَد ذاك بالذات
لكن سميّه شاف مجرم وجاني =وأدلى بمعلومات لأهل المهمّات
رغم التشابه واختلاف المعاني =الفرق واضح بين مكه وسيهات

[{ أبوفيصل }]

ياويش رجلٍ مبتدا ليله الدمس =نادا به اللي فالعرب ذايع الصيت
سمِيّته في دورها خامس الخمس =بنتٍ تجي لاغابت الشمس وامسيت

[{ أبوفيصل }]

ياويش بنتٍ من عرفها رمعها =ياقربها من كل خيرٍ يجيها
بنتٍ ليا جت جات بالخير معها =والخير لاجاء مايسابق مِجِيِها
لكن بعَد ماشِيل حرفٍ تبَعها =يصبح شِقاتك في دروبٍ تبيها

[{ أبوفيصل }]

أنشدك عن رجّال ماينتواجه =أقشر وشرسٍ لانصيته وكشَّر
ان جيت وجه ال وجه صعب المواجه =والشر لامن جيت في وجه الاقشر
اللي تخارج منه يبغاَ خراجه =ياطا على علباه ويسلم من الشر

[{ أبوفيصل }]

أنشدك عن رجلٍ حريّاً بالغلا =ويطيب في وصفه على كل الوصوف
اللي ليا من جابه الله ياهلا =وانت لاجبته يعرّضك الصدوف

[{ أبوفيصل }]

اللغز ياأهل العرف في بادي القول =ورعٍ صغيرٍ ساكنن راس قمه
اللي ليامن غاب ماشِيف له زول =ويبين لابان القمر في متمه

[{ أبوفيصل }]

وش الذي من طب وسط احماه =يحقّ له بالناس أحقيّه
في شكله اللي طابق امْسمّاه =ما ينتهيبه يبتدي زيّه

[{ أبوفيصل }]

سوّيت لي لغزٍ مِشدّه على الدَّا =لغزٍ جديد وفكرته ماله امثال
لغز التحدي لأجل قرمٍ تحدَّا =وعندي على حله ثلاثين معدال
رجلٍ لقيته في ظهَر بنت ينْدا =ويهل عبراته على خد رجّال
وجهه شمال وثابتٍ ماتعدّا =يويق له من فوق بنتٍ لها جال
موجود في دار المليك المفدّا =دارٍ حفظها الله مزبن ومدهال

[{ أبوفيصل }]

اثنين ماهُم مع بعَضهم ولايف =اخوان لو ماكان دايم مواليف
في واحدٍ لاحل زين الوصايف =فيه الجمال وعندنا كنه الضيف
وبغيبته تلقى بالاَخر كلايف=لاحل في محل شين التواصيف

[{ أبوفيصل }]

ياويش عذراً منزالها من فوق المتون =عذراً في راس الطويل العالي منزالها
أسرع من هوج الرياح اللي تهز الغصون =لن جات كن الرعد في عروض اِخيالها
أقوى من صفق المقمّع بين أبراج الحصون =يارحمة الله على مرحومٍ ينَّالها

[{ أبوفيصل }]

ويش الفتاه اللي مع الباطل بطول =ماالله بهاديها على الحق اِتحكي
في طولها في عرضها عرضٍ وطول =ماحطّها المسلم عقال ومبركي
في يوم ماللحق جحّاد ومطول =ينطق به المدرك وغير المدركي

[{ أبوفيصل }]

اللغز قدّمته لكم بأجمل لُغه =لغزٍ سليم امعرَّبٍ وصفه بليغ
ياويش ورع يجغجغ أمه جغجغه =وِليا دخل في بطنها جاله وغيغ
لو ماترامه مايجي بالدغدغه = لامن دخلها جالها جض وجغيغ

[{ أبوفيصل }]

ويش بنتٍ هالني كثر اعملاها =يوم اشوف لها من الناس اعملا
كسْبَها نقدي وتعطيهم ملاها =ومن يعاملها عديم ومبتلا

[{ أبوفيصل }]

يا ويش رجلٍٍ فيه شبه الجزيره
يطغى على لونه رمال الصحاري

اسمر عبر به في زمان(ن) يديره
واليوم من صح البدن صار عاري

✔

[{ أبوفيصل }]

ياللي تبا لغزنا حله =جديد من ندَّر الأفكار
وش شايبٍ تدعمه شله =قدحَة شراره تشب النار
أول شبابه على مَله =مقباس شرٍ يثير أحرار
ابليس لاجاء يِفعَّلْ له =مع شبته يشحنه بِصرار
لا مذهبٍ له ولا مِله =لاصار في وقتنا ماصار

[{ أبوفيصل }]

حصّلت بنتٍ عليها اِنقاط =برسالةٍ جات خطّيّه
ماخطّها ياعلي خطّاط =من طبعها بنت عفويّه

[{ أبوفيصل }]

وشهو اللي ثابتٍٍ في ذيل حوت
ما يفكه ... لو يقصون... إذنبه

تاجده في ذيل حتى العنكبوت
لا بِعكرة ضب... ولا ذيل أرنبه

وآخر الوقت إنتبه له لا يفوت
ميِّت(ن) ماهو بحيّ(ن) تندبه

.

.

[{ أبوفيصل }]

ويش بنتٍٍ لونها لون السحاب
كنَّها المزنه لياجت وإنتشت

ناشيه فالأرض ماهي من تراب
وان مشت تكبر وتكبر لامشت

.

[{ أبوفيصل }]

حصَّلت رجلٍ كل الألوان تزهاه =رجلٍ تودّه لاصفى لك على جود
اللي تمنّا فيه من شي تلقاه =واللي توسّم فيه من خير موجود
وليا عكسته شان طبعه ومعناه =راعيه معروفٍ بطبعه ومشهود

[{ أبوفيصل }]

ياويش رجَّالٍٍ له اكثر من ألفين
مع مِيزته بنتٍٍ على أسمه تعلا

رجلٍٍ تحدَّر من سلايل كريمين
ماهو من أطراف اليمن والمكلا

💚

[{ أبوفيصل }]

ويش بنتٍٍ عِلمها علمٍٍ ثبات
مايسرك نوم صاحبها أكيد

مع بناتٍٍ شفتهن متشابهات
لو تراها تختلف عنهن بعيد

[{ أبوفيصل }]

وشهي اللي تحكم بحكم وعوايد =تِنسب ال رجلٍ ماهو بأبوٍ لها
حدّها صعبٍ تعدَّا له وكايد =بنتٍ على هلها عظيمٍ جِلها

[{ أبوفيصل }]

لغزي الليله موديل أحدث طراز =امحدّثٍ تحديث وبْلا فرمته
عن فتاةٍ في طبيعتها نشاز =زِوِّجَت بغلام صارت حرمته
طلّقوها منه من باب اِحتراز =قبل يطلّقها ماهي في ذمته
جِيزةٍ مامستفيد بها وفاز =غير كاتب بينهم بمهمّته

[{ أبوفيصل }]

ويش بنت(ن) قِيلت إِ بكل الأمم
ماأختلف فيها البشر جمعا جميع

في لسان الفرس ولسان العجم
حتى بلسان العرب قول وصنيع

والسِمِي تلقاه رجل(ن) محترم
هو سِمِيّ البنت.. لا قالوا وديع

.

[{ أبوفيصل }]

وش بنتٍٍ تفتح مسار ودرب
وان وقَّف السيل من كثره

السالفه ما هي بأكل وشرب
لا صار.. فيها.. حجر عثره

[{ أبوفيصل }]

تومين اثنين اخوان واضداد =بالشكل والمضمون تومين
ياشين الأول سقم الأكباد =والثاني عكس الأوَّلي زين

[{ أبوفيصل }]

ويش الذي ما حي فينا يوده =رجّال تكره فيه طبعه وتشناه
اِليا عكسته مااستقام لك قده =وِليا وضعت الراس وسطه تحاشاه
مهما تقلّب في حروفه مردّه =مكروه في كل وضع يِكتب وتقراه

[{ أبوفيصل }]

السلام ورحمة الله وبركاته
واجب المسلم على المسلم سلامي

ألا ياليل السعد لأضفى عباته
يسري الساري مافكَّر بالمنامي



استلم
البقا والليل لا تسري وباته
قبل لا نصدر عليكم أمر سامي

الدليل اللي بدرج الشيخ هاته
أرث من ورث الثبيتي والزلامي


الله الله وش طرى من ذكرياته
يطوي الارشيف له ستين عامي

في ملفات القضى تلقى قضاته
لو ابا افتح في ملفاته غرامي

استلم
أنت شاعر مير صفحه في حياته
ياطويل العمر غطاها العسامي

ليت أبو فيصل يصلي فرض فاته
قبل لا نفتح ملفه بالنظامي



هذي اللي تخلف الرجل وصلاته
مير مرروها... مرور الكرامي

ما ذبحني نظرته... الا سكاته
الحرامي كيف يسرق له حرامي

:


استلم

( أحمد الناصر ) شهد لك في وفاته
ياعسى والله عظامه للرحامي

مير من يبغى يدور في رفاته
مالقى سبابته وإلا البهامي

احمد الناصر لو عوَّد من مماته
جاب علمٍِ مع مفسرت الحلامي

مير اشوف الدرب جنَّب عن نحاته
لو رفيقي سار في شرقٍٍ وشامي

استلم

ما أحد ن يبغى يدور في وصاته
وعلمه اللي مع رفيعين المقامي

مير أظن العلم من حقك زكاته
لو عطيتك عشر ماله بالتمامي

احمد المولى وعايش في غناته
مالي في تركات ميِّتك اقتسامي

مير لا تخلف عن المعنى جهاته
عوّدوا لي ..يا بعيدين المرامي

استلم
نعرف الزيدي من الشمه وقاته
ديته ما غير طلقه من حزامي

متهم للحين ما أعلنا براته
مير لا هالحين في خشمك عرامي

المحلل ضايع ن. وسط ادواته
يالله اني أبرأ من بعض الكلامي

مذهب الزيدي مثل مذهب خواته
وانت داخل في قفصها بإتهامي💚

استلم
ما تشمت بك ولا فيكم شماته
وأنت رجال ن من كبار الأسامي

آفة ن للشعر تحسب من رواته
والمصيبه جات من شاعر تهامي

الجمل لو قام يظهر لك لهاته
طبعه العدواني طبع الانتقامي

اسمي اللي فوق الأسما من ثقاته
وانت ياغليِّم وصلْك الانهزامي

................

[{ أبوفيصل }]

وشهو اللي ثابتٍٍ في ذيل حوت
ما يفكه ... لو يقصون... إذنبه

تاجده حتى في ذيل العنكبوت
لاهو عكرة ضب وْلا ذيل أرنبه

وآخر الوقت إنتبه له لايفوت
ميِّت(ن) ماهو بحيّ(ن) تندبه

🌿ابوفيصل

[{ أبوفيصل }]

ويش ورعٍ عن ثنين ومزدوَج =يِنسب ال بنتٍ شهيره بالسيوف
راس شايب لامعاق ولا عوَج =لافلقته غير مخه ما تشوف

[{ أبوفيصل }]

ويش بنتٍ لأمها وصف ومثل =من لايعرف أمها ماضمها
تجبر اللي لاخطبها وامتثل =ماتجي له غير هي تبع أمها

[{ أبوفيصل }]

وشهي اللي عمرها عمر الشبب =غصب راحت مدري راحت بالرضا
ليلةٍ راحت مثَل وايضا سبب =والثمن مشروط لأمرٍ قد قضا
من فدايا شيخٍ يحل النشب =فدوةٍ للَّي على عوص النضا
احتداه الوقت وسلَّم مااحتسب =لجل لقمة عيش في وقتٍ مضا

[{ أبوفيصل }]

ويش رجالٍ يشدّد له بنات =رجلٍ لاحل غادرَن محلّهن
كيف شدَّدهن وهن مستوطنات =والمحل اللي مشرّفهن لهن
بعضهن لاعوَّدن له ساميات =يرجعن في حال ويجمع شملهن

[{ أبوفيصل }]

الا ياراعي البشت الخضر عطني معك دفتر
ابا اكتب لي رساله عاجله وعلوم أسطرها

خبر عبر الفضا واصل ترند اليوم بتويتر
وجيشٍٍ زاحفٍٍ له مع جموعٍٍ ما يوترها



استلم
أقول أبشر وأنا حاضر معك قدام لا تفتر
أجيب الدفتر اللي فيه كلمة حق تظهرها

معمر بعد مادمر ظلال الدوح مع حفتر
ثمان سنين لو سيل العرمرم مايطهرها

تبشَّر بالجنان اللي صفى ماها بلا فلتر
وتبقى حاضر الوجدان بأولها وحاضرها

الأخضر وين يروح الكل معه ياعاشق الاخضر
وحتى البيك عراباته يسحِّب في تيادرها

استلم

لقينا ياطويل العمر ناقص حرف فالشابتر
لكن القوم يارجال لا تكسر خواطرها

ألا ياليت أبو زيد الهلالي يوم مات أبتر
عشان البيك حمران العلابي مايفطرها



انا ماني موظف كاتب استقبال كاونتر
حاسب للمكاسب وانت كسرها وجبرها

ذكرت اللي ثمان امرار كر وفر مع سنتر
وهاذي ما نباها في ملاعبنا يسنترها

استلم

أقول اكتب ثلاث سطور بعد الفاصله وأنتر
رساله حبرها سري عن أهل الغش شفرها

صحيح إن الدفاع وحارس المرمى معاه اغتر
وهذي كارثه تحت الطواقي من سنافرها

عميلي ياعميلي بيع في سوق الغلا واشتر
انا لاقلت لغز ن. حارت العالم فكايرها

الا ليتك تصلي ركعتين وبعدها توتر
نسيت أحداثها بالعالمي تطلع خسايرها


.........

[{ أبوفيصل }]

السلام عليكم ورحمة الله وبركاته



اللغز يبغى منك تفكير وحَسِم =حسْمٍ يخلّي خافي احروفه تبين
وش الثنين اللي لهم نفس الأسم =تخالفوا بالشكل والصوره ثنين
هذا رهيف اصخيف في وصف الجسم =وهذاك يفرق عنه بالجنب المتين
الاسم واحد والتشابه بالوسم =وسمٍ يخلّي قاسي أوضاعه يلين









.

[{ أبوفيصل }]

رجَّال ما بينك وبينه قرابه،،
وبْداية إسمه من عزاز القرايب،،

له بالسنه يومن بِلون السحابه،،
يومن جليده مثل غِر السحايب،،


.

[{ أبوفيصل }]

ياويش رجلٍ كل لبسٍ يلبسه =والثوب مايصبح على متنه حشيف
ماعلى متنه ثيابٍ معبسه =لبسه على وضح النقا لبسٍ نظيف
لكن خذت دوره وزاهي ملبسه =بنتٍ تشيل بجوفها شيً خفيف

[{ أبوفيصل }]

ياويش رجلٍ كل ثوبٍ يلبسه =واللبس فوقه لايقٍ غير الحشيف
ما على متنه ثيابٍ معبسه =ملبسه وضح النقا لبسٍ نظيف

[{ أبوفيصل }]

ياويش بنتٍ للعقول امحيّره =يعجزلها بعض الرياجيل القروم
ماعندها بأهل الوجيه النيّره =تضرب لها قوه وتنهدّ العزوم
ياليت لامن جات جات امسيّره =لكن بلاك ان بكَّرَت لك بالوسوم
تبدي لك بوجهٍ زمانه غيّره =أقفا ربيعه والمواري ماتدوم
لكن ملامحها ماهي بصغيّره =لاجات ماتسترك ضافِيِة الهدوم

[{ أبوفيصل }]

لغزنا ياطيّب الفال رجّال =يعزل اللي كنه ال حال معزول
يعزله عن صجة العالم لحال =أغبطه في حال وأحيان لاحول

[{ أبوفيصل }]

رجَّال ما بينك وبينه قرابه،،
وبْداية إسمه من عزاز القرايب،،

له بالسنه يومن بِلون السحابه،،
يومن جليده مثل غِر السحايب،،

[{ أبوفيصل }]

آخذ مع الهوجاس سجه ومرواس..
واقول وش جاب المآسي لتاسي..

روابعٍِ نضرب بها اخماس واسداس..
ويجي لها بالسوق رقم ن. قياسي..



استلم

لا باس يا رجال لا باس لا باس
مادونا والله تعيش الماسي

إن ما لبست الدرع للحرب والطاس
لا تحسب إن الحرب بين ( التباسي)



ياكثر من بالسوق يعلن بالافلاس
مدري بلاهم من ركوب التكاسي

لأحتك عود بعود من مضرب الفاس
تسمع لهم لجه وصوت وحساسي



من لا يعرف بنظرته وزن الألماس
يصبح ضحيه بين هابي وخاسي

والبنيه اللي مالها فالبناء ساس
لا بد ما فيها يصير انتكاسي



اللي ينظِّم سيرها بشارع إنكاس
عكْس إتجاهك عاكسينه عكاسي

والله لو إنَّا على قب الأفراس
لأرمي برمحي في نحرها امتواسي

استلم
لا تستمع في هرج كاذب وبلاس
السوق مثل طويق شامخ وراسي

ماهو برسمة كوب مع عروة الكأس
لو إن راع الرمح باعه بفاسي

ماني بمزكوم ن. من الناس عطاس
مزكوم ما يثر عليه العطاسي

مات الشجر والعرق والنبت يبَّاس
احدن بقى وأحدن من الوقت قاسي

استلم

لا تقرب الأعلام واللي للافلاس
ريدان رأس المال قدر وكراسي

وإلا سلامه غير حبر ن وقرطاس
وأربع وثايق فوق مكتب دراسي

السوق شركاته قديمه ودراس
لص ن. يصبِّحها ولص ن. يماسي

ماتشبع الذره ومعها تلحواس
تنشر ذراريها سوات البساسي

:



إن كان ما أنته فالبحر صرت غطاس
ما جبت منه الدر والوقت قاسي

يوم الذهب محفوظ في وسط الأكياس
تلقاه وسط البنك و ( حساب ماسي )


اسبح بحر وامشي صحاريك عساس
لكن جوك.... صار فيه احتباسي

الله لا يخفي لكم صوت وانفاس
ويزيد في روحك نشاط وحماسي




...............