:::: (( مجموعة ألغـاااز العطـاااوي )) ::::

[{ أبوفيصل }]

أنشدك عن بنتين في راس رجال =عوج الرقاب مروْكعاتٍ مدانيق
اليا أصبحن ارقود والظهر مقيال =يصحن في ليلٍ تجوبه مخاليق
مع مثلهن أخوات مشرافهن عال =تطاولن لهن دروب وطواريق










.

[{ أبوفيصل }]

ياويش ورعٍ فالأوادم سِميّه =يِدفن قبل موته وهذي سِماته
يبقى سِميّه طول ما الروح حيّه =مربوطٍ ابحياة أبوه ومماته

[{ أبوفيصل }]

وشهي اللي لابدت لك بِشي من العتب
الأدب منطوقها لو تِبان اِحسوفها

بنتٍٍ ما تِزعِل ولا توصِّل حد الغضب
لاعكست حروفها تبقى نفس حروفها

[{ أبوفيصل }]

ياويش بنتٍ علمها عند مولاك =تو مانشت لكن بلا برق ورعود
مالاح بارقها لذولا وذولاك =ياللي على بعد النظر تنتظر فود
ياهل ترى في قادم الوقت تهناك =دام الامل بالله والراي معقود

[{ أبوفيصل }]

يقول اصل المثل ياعين ما تعلا على الحاجب
وانا أقول إنطلاقتنا بٍنقطه فوق حرف العين

بداية إسم رجلٍٍ ما عقل فالموجبه واجب
زعيم(ن) للجموع اللي تَزَعَّمها لِيا هالحين

ترى اللي يلزمه ما هو على من مثلكم ياجب
دليل انه نفر لامن حذفت من أوله حرفين

[{ أبوفيصل }]

ويش بنتٍِ،، معها بالزاد إخشرى
يرقبون اللي لها وسط الصحون

ما هي لا خلفه ولا هي بِعشرى
إخشراها،، عشرة أفواه وبطون

وان بغيت الحل،، باللغز إنشرى
للمثل موروث ،، وتراث وفنون

[{ أبوفيصل }]

يااهل التداول ويش بنتٍِ تحاول
تاصل بلاد الهند والسند والفرس

مزيونتن .. محدن عليها تطاول
كم عذبت عشاقهاكم خذو درس

الاسم .. لو شلْت أوله بالتداول
يبقا سِمِي اللي يجوب الخلا شرس

................

[{ أبوفيصل }]

يقولون الرجال اللي يبي وحده من الثنتين
قبل يختار لايحتار.. ينشد وشهي من لِحيه

وانا حصلت لي بنتٍٍ مضى من عمرها عقدين
وجيت انشد عن أوضاع أمها والبنت مِستحيَه

لقيت العكس بحروف إسمها. بحماه تنام العين
ترى ماهيب من وحي الخيال ولاهي من وحيه

[{ أبوفيصل }]

انا بنشدك عن بنتٍٍ تزوِّد بالرصيد اٍحساب
تزيدك ربح.. لكن الخساره في تجاهلها

ولا يبديبها غير الذي ما يكترث بأسباب
عظيمه في فرح ولاَّ بِحزن النفس قايلها

[{ أبوفيصل }]

يامال فرقا العين من سهم الفلس
الحظ فيه اذا وقف ساعه جلس
ومضاربه ياما سرقنا واختلس
هذا الصحيح ولايصح الاالصحيح
....................
الجهبذ الشاعر الفذ
يعرف لنا سير الأحداث
...................................

نبغى شقردي صح والاَّ مستصح
يشتال سهمه فوق ثم يضرب به صح
وليا ارتفع فوق العوالي ما يكح
هذا الصحيح وْلايصح الاالصحيح
.....................
ماعنده قم هاته وخذ
لو يزرع السوق كراث
....................................





ياصاحبي لا تشكي الحظ التعيس
والسوق فيه المال والدر النفيس
ومن هو يطب البحر قبل إنه يقيس
هذا الصحيح ولا يصح إلا الصحيح

لو إنه البحر ينفذ
القاف والشعر ميراث

عز الله إني خابرك رجل أجودي
تشيل سهم السوق من فوق الجدي
حتى لو إن السوق بأحواله ردي
هذا …….

من كل طيّب وما لذ
مابين غارس وحراث


هذا الزمان اللي علينا منعكس
السوق في جرفٍِ هيال ومنتكس
من طاح فيها يا مهذب ينركس
هذا الصحيح ولايصح الاالصحيح
.................
كم عايذٍِ ماتعوَّذ
لاطار بالجو نفاث
..............................

الرش ما كنا نشوف الا مطر
رش السحاب ورايح المزنه عطر
واليوم جانا رش لكن في خطر
هذا الصحيح ولايصح الاالصحيح
................
من خالف القوم ما شذ
ومن حطم إعداه ماعاث
.................................



تحمد الله في درووووووب السلامه
ماكل سهم ن مثل زين وسلامه
يشوفها الخسران حلم بمنامه
هذا الصحيح ولا يصح إلا الصحيح

السوق مدخل ومنفذ
ماهو حلال ن لوراث

لا تحسب إن الرش طلقه ورشاش
إن كان يارجال ماتملك الكاش
احذر تمر دروب الأخطار وانحاش
هذا الصحيح ولا يصح إلا الصحيح


اليوم مافيه منقذ
لا تعترض درب محراث


يهب يادم الحلَم دوم فاسد
يجري بعروق كل فاسد وحاسد
وشلون وضع المال لوكان كاسد
هذا الصحيح ولايصح الاالصحيح
.................
الرث والغث يغتذ
غاذيه غاذيه ينغاث
.............................




...............

[{ أبوفيصل }]

... استلم ...

علموني في نسيج وسهم أسيج
والشجر دلَّت غصونه وارقه

العسل ممزوج والسكر مزيج
فرق واضح والمعالم فارقه

:

استلم
خايف ن تصبح ضحيه للحجيج
بين حجاج العرب وأفارقه

من يطب السوق وملجلج لجيج
يحسب إن الليل شمسه شارقه

غرك البراق لويسرج سريج
بالخيال اللي تخايل بارقه

الثنايا فلج والدعوى فليج
والعوارف ما تغر السارقه



استلم
المحيط أكبر من أمواج الخليج
وفالبحور السبع ناس ن غارقه

لا يغرك ثوب زاهي فالنسيج
البشوت اللي عليها خارقه

منكرين البحر وأصوات الوجيج
ما مرقنا من وجيه المارقه

وانت لومعك أربعه هجوا هجيج
كيف تمرج من نجومٍٍ طارقه



استلم
ابتلشنا في وطنا فاللحيج
كل لحجي نار قلبه حارقه

بين جزر و مد موجه لا يهيج
و ( الجبل ) لو صاح وينه طارقه

استلم

فوق ظهر البارجه صارو فريج
والزوارق من تحتهم زارقه

والمحيط ازرق ولون البر بيج
واهني الطير بالجو فارقه


🌾🌾🌾🌾🌾🌾🌾🌾🌾🌾

[{ أبوفيصل }]

ياللي تبيَّن لك من اللغز مابان =بنتٍ غريبه مع غريبٍ حملها
بنتٍ لها في عصرها قدرٍ وشان =في عهْدَها قومٍ قديمٍ جهلْها
رغمٍ لها وقتٍ قضى في خبر كان =دلَّت لها قومٍ على بيت أهلْها
لكن قديمة عهد من ماض الأزمان =قد مات مع موت الأوايل عملها

[{ أبوفيصل }]

لغزٍ مِشدّه للعوارف على اليا
وِلحضرة الحضّار لاجت وعدها

رجلٍ كتبني والمكاتيب عِليا
كل ماقصدني تمّم اللي بعدها

وليا اعتمدني بالجواب وسأليا
قال اعتبرني من بعدها سددها

ماهوب لابوزيد وْلا شوق عليا
شرواه يهنآ بالحياه ورغدها

✋🏻

[{ أبوفيصل }]

حصلت لي رجَّال يوم أتعلَّم ،،
وأبوه ياأهل العرف ماله مِحبِي ،،

من لا عرف وش كنت عنه أتكلم ،،
يلقى سميِّه بين زرع ومصبِي ،،

[{ أبوفيصل }]

رجلٍ سِوات العرق لاحي وْلاميت
كلاٍّ على مدّات وصله محبِّي

ولْيا قلبته عكس فالبيت لَبَّيت
كلمه يردّدها لسان الْملَبِّي

[{ أبوفيصل }]

ويش ورعن مسكته مسكة شبث ،،
ماسكٍ في كتف أبوه إلااحترك ،،

ماتشبَّث في علو كتفه عبث ،،
بين شد وبين رد ومعترك ،،

انتهى لغزي جعل ياجد مبث ،،
بث إذاعات الخليج المشترك ،،

[{ أبوفيصل }]

لغزن لكم يا هلي حلُّوه ،،
رجال بالعرف معروفي ،،

أصحابه اللي مضو ملوه
خلوه فالجال مرصوفي

بالعرف والمعرفه دلَّوه ،،
يِعرف بوجهه وموصوفي ،،

[{ أبوفيصل }]

السلام عليكم ورحمة الله وبركاته

اللغز في معناه حسي وملموس
بنتٍ تعارك بنت من مشكلتها

لامن تلاقَن صار في وضعهن حوس
جاها شقاها والشقا بحركتها

لكن بلاها اللي بلا درع ولْبُوس
شنَّت عليها معركه واتركتها

رغمٍ لها تأثير حسي ومحسوس
أم المعارك ماتْشابه معركتها

✋🏻

[{ أبوفيصل }]

أنشدك عن ثنتين مامثلهن زين ،،
يقوله اللي طاغي الحسن مطغيه ..

فيهن تباهَاَ بكلمةٍ ردها شين ،،
وماطاش طيش ألا وشانت تواليه ،،

[{ أبوفيصل }]

اثنين لاصكَّو بشيِّن حسبته ،،
شيٍّ تبسم وانرسم ببتسامتك ،،

نفس الشبه في موضعن ما حجبته ،،
يلفت نظرك لْشي وانت وفهامتك ،،

ان جاد به عرفك تراني كتبته ،،
واللغز حسب العرف تم وسلامتك ،

[{ أبوفيصل }]

اللغز فيه المثل قد راح مضمونها
وين اللي عنده على زين المثايل شغف

بنتن فنا سرها مع موت مأمونها
تسببت له بعد ما جاد بعرف وشرف

[{ أبوفيصل }]

أنشدك عن رجَّال قبل يتوارا
مكتوب من رجلين غير البناتي

رجلن يمين ورجل مثله يسارا
من بينهم بنتين متشابهاتي

[{ أبوفيصل }]

رجلن بالأربع من حروفه يسما ..
وأخ العرب نصه طلع عندنا حرف ..

حرفين جات بكامل اسمه وتما ..
ياعارفين اسمه على النحو والصرف ..

[{ أبوفيصل }]

ياويش بنتن فالبلد جالها اختين
تاجد لهن بالدار رسم ومقري

تفوقت بالزين لو مااسمها بزين
هات اسمها من غير بحث وتحري

[{ أبوفيصل }]

ويش الذي يشتال شيٍّ مايشال
لاكن على كبره يشيل الفاخره

لاشلت راسه صار وصفن له يقال
أوسط حروفه حرف يشابه آخره

[{ أبوفيصل }]

ياويش عذرن واضحه مابها دس
يحسب لها الرجَّال رغم الكلافه

يعرف مداها وين ويعسها عس
ويشوفها بالدرب ماهي خلافه

يشوفها قدام عينه بها مس
مس وقرينن لاقترن فيه آفه

[{ أبوفيصل }]

لغزن تساوَا عندي معناه ومبناه
عن شيخةالزينات في مستواها

لو مبتداها موت محدن تمناه
تلقى حياة الخلق في منتهاها

[{ أبوفيصل }]

بنتن لها مع ناس رابط عقيده
عقيدتن ترمز لأهلها وعدها

حرصن على الميعاد وقت الوعيده
لارافقت شخصن وهو معتقدها

من ماضي الأيام ماهي جديده
واليوم راحت ماحدن يعتمدها

[{ أبوفيصل }]

لغزي سرى بمقربات البعايد
سهلن على فكّاك صعب الشرابيك

أربع على أربعه رجالن ضدايد
هذا وذيك أضداد مع ذا وهاذيك

شغلاتهم لجل اللي وقت الشدايد
وَردوا عليها إفزوع مدري مداريك

[{ أبوفيصل }]

سبعن لهن بالوقت شنه ورنه
جملة بناتن قالهن ذايع الصيت

راح بذبيل إكحيل تالي مغنه
تنعاه بصروف الليالي نواعيت

هن من تسببن له يوم اذبحنه
وعلومهن عند الرجال االنعاتيت

[{ أبوفيصل }]

انشدك عن رجال كلن يهابه
والناس من سطوات باسه تروده

ترتيبه الثالث ومعنى جوابه
ناسن على قل الحلول محدوده

[{ أبوفيصل }]

ياويش رجلن بين الأجواد رايج
لا حل في صبحك و لافالمسا حل

له بالثلاث حروف وصف وبهايج
أوسط حروفه بحر من دون ساحل

[{ أبوفيصل }]

انشدك عن بنتن تجيب الصمرقع
خلت شجيع القوم يخشى مجيها

مخفيةٍ من غير غطوه وبرقع
لاشلت منها الراس، يقضي عليها

[{ أبوفيصل }]

الطير في جو السماء كفاخ
يكفخ وغيره بالذرى ممسي

لاكن من حط الحمول وناخ
يطيح حمله والتعب منسي




لو شوّلتً فالذيل أظنه فاخ
عامين لو هي تصفق الخمسي

وشعيل مايذكر مع المايباخ
بين الزمان اليوم والأمسيً


أظنها تِكوى بعشر اصياخ
من ماتحسه ماتبي لمسي

ماينذكر عشبٍٍ نبَت بصباخ
ولاعاد توحي للقطا رمسي

:


قبل القضيه لا تصير أفخاخ
وتكدر أهل الخاطر العمسي

والطبخه اللي في يد الطباخ
ماتنحرق لو تنحمس حمسي




للصدر اِعلاج وعندنا بخاخ
وان ضاق صدرك عندنا ونسي

لن ماحطيت السمن ماش إفراخ
منتب من ناس اِخشومها فنسي





كوره ولا تحتاج للمنفاخ
ولا كل من يلعب مثل مسي

طاروق لأنه شاب قافه شاخ
لو الحقيقه طمسها طمسي



ياشيخ مابالروس صمخ اصماخ
ومصامخ ن. بالروس والكرسي

لو تنشد الأفغاني... قال إرتاخ
سِفْن البحر وسط البحر ترسي



....................

[{ أبوفيصل }]

لغزي الليله مثل ريح العبير
أوله ماني معلمكم انا

نصفه الثاني ترى جمعٍ غفير
من عرف حله يا عله بالهنا

[{ أبوفيصل }]

ويش اللي لامن حل بالوقت مرصود
يردع خطاة اللي براسه شقايق

يضرب على الكايد ويضرب على الكود
ويبعد خطاة النذل عنك بدقايق

[{ أبوفيصل }]

بنتٍ فقدها ورع ما جاوز الحلم
غابت عن الساحه وعن كل دوله

ما يفتقدها غير من يطلب العلم
في كل يوم وصبح يشعب ذلوله

[{ أبوفيصل }]

يـاويـش رجـــلً عـانـــق الـشـمّـخ الـنـيـب
الْيا ســــرى فـي ليـْـل يضـــوي ســراجــه

سلّيـت سيفـي وأفنـا روس المحـــاديب
وهجــد بـ لــيـــلٍ مــثــل صــبــح انـبـلاجه

[{ أبوفيصل }]

ياصاحبي لا تحسب السوق
للناس مكشوفه أوراقه

والشاوي اللي شرى له نوق
مايعرف الذود والناقه



ياصاحب المنصب المرموق
لا تحجب السوق ورواقه

البل على ورثنا المعشوق
من بيننا ود واعلاقه




خل النظر ياصحيبي فوق
وخذ لك من الورد لو باقه

ولا عندنا شك فالمنطوق
ولا تقفل الباب والطاقه


ماعن نظرنا كلام يروق
غير اللي يشري بلا فاقه

وأمهات التجزئه والبوق
اخذن من الخير وأرزاقه




أعرفك فارس رفيع الذوق
الخير من نظرة أحداقه

لاتحسب ان الرجل مشنوق
وشهاب ساقط على ساقه



السوق لاطوَّقوْبه طوْق
أنصحك ياصاح بإغلاقه

اخاف موترك وانت تسوق
عند المطب يطلع إرباقه

:




مؤشره داخل الصندوق
والنور واضح بمشراقه

صاحبك ماهو ترى مطفوق
بالعز واقف على ساقه


مؤشره يطرقه طاروق
بالمطرقه كثرت أفلاقه

والفقع في جانب الرقروق
ما يحتري غير نتاقه




.................

[{ أبوفيصل }]

رجَّال يفرض احترامه وجوده
وليا احترمته ياجب إنك تنبَّه

اللي درابه زين يلزم حدوده
واللي تمادا شاله فوق وضرب به

[{ أبوفيصل }]

لغزي قبل يْباع ،، والاَّ ينشرى
بالمثل له حل وأقوال وفنون

ويش بنتٍِ معها بالزاد إخشرى
وإخشراها ، كلٌهن ملْياَ البطون

بنت ،، لا خلفه ولاهي بِعشرى
للصغار اللي توالِيها ،، حنون

[{ أبوفيصل }]

باحطلي صندوق والبنك صندوق
حتى تشوف احسن أدائه وأدائي

اما غلبناهم وجاك الذهب، حوْق
والاَّ فرضنا فيه حكم ن. جزائي

:


شفناك قبل شهور تشكي من السوق
وتقول مالي راح عند الكسائي

ولا كل مطرود ترى اليوم ملحوق
روَّح زمن ماجد وعلْي ابن دائي


أزهم وانادي يوم أحذِّرك من فوق
ألو.. ألو.. ما عاد تسمع ندائي

والحين مافالقلب ياصاحبي شوق
العله في دواي ماهوب دائي

.



الحمدلله أخذ الربح مطبوق
مادام رب الكون حقق رجائي

ياللي لبست الثوب والبشت مشقوق
حتى لو إني قلت كاتب روائي


الله على اللي تأخذه وانت مرزوق
والرزق ياتي وانت منتب فدائي

أخشى عليك يجيك صكات وفلوق
تصبح صويب وشاشكم من رِدائي




مادمت متعود على كل زاروق
سهم ن يصل منا ومرسل فضائي

لا تخاف لو الباب مدرك ومغلوق
أصبر على الصكات لا تصير نائي


من لايشوف الأرض وديان وعروق
ما شاف بالثلثين يابس ومائي

ومن لا تعلم واقتطف كل زملوق
يرجع يشوف الدرس صف ابتدائي

:


الدرس واضح مايبي شرح مخلوق
تسجيل ماهو بث حي وهوائي

وصواع يوسف لو لقيناه مسروق
اللي بخرج شعيل ماهو وعائي




الأرض فيها من مطباتها عوق
وبه مطب ن. ماتشوفه هوائي

العلم بالطباخ والطبخ مسلوق
مير احتساكم وانت تعرف حسائي

.


شهاب مع دوجي ورجال مشنوق
ياصاحبي من بعد شمعة فدائي

واللي طبخ للسم لابده يذوق
حتى لو إنه حي ماهو حيائي
.............

[{ أبوفيصل }]

ياويش رجلٍ عاش ميّت وهو حي
ميّـت وهــو مــازال حــي وتـوفّـا

وقـتٍ مضـى مـرٍّ يسـنّـد وينْـحـي
ويشيل حتفـه فـوق كتفـه وشلْفـا

لاغافـيً بالنـوم واقــول يصـحـي
والمـوت مايخشـاه لـو قيـل قـفّـا

[{ أبوفيصل }]

لغزن بنيته، بنية الدار بالطوب
أدراه وأحصن معانيه تحصين

على لسان الطفل ويردده نوب
تلقاه وسط اللغز وقريِّب العين

[{ أبوفيصل }]

انشدك عن رجلن مقدر ومحشوم
بنته معه ومجمله من جماله

ميقافها في جنب ابوها ومعلوم
لولاها ما يعرف لأبوها دلاله

[{ أبوفيصل }]

ويش الذي بالوقت دايم تباطاه
وليا تحريته يزيد إحتدامه

أحيان في ممشاه تبرك مطاياه
وأحيان في ممشاه مثل الحمامه

[{ أبوفيصل }]

رجلن طاويته سنينه ، وإنتها
من بعد ماصار في تاليه ضي

ما سبق ،، ضيٍّ توارا ، وقتها
غير ذكر الطيبين ، وكل حي

[{ أبوفيصل }]

يااهل التداول ويش بنتٍِ تحاول
تاصل بلاد الهند والسند والفرس

مزيونتن .. محدن عليها تطاول
كم عذبت عشاقهاكم خذو درس

الاسم .. لو شلْت أوله بالتداول
يبقا سِمِي اللي يجوب الخلا شرس

[{ أبوفيصل }]

ويش ورع ن. بطنه وراسه كبير
دق ساقه... مثل عود الخيزران

يشرب الماءشِرب رغم انه صغير
قدر ما يِسقى وتروى العيطشان

[{ أبوفيصل }]

انا بنشدك عن ورعٍ صغيرٍ في شمال الدار
يوَصِّلْك المكان اللي تودِّه لو تصاغرته

لكن لامن طلبته مرتين يوصِّلِك لديار
ديارن من ورى سبع الجزاير لو تحاقرته

[{ أبوفيصل }]

انشدك عن رجلين حابل ونابل
ماعندهم في بعض ود وتفاهم

كلن على الثاني يحط المحابل
كثر المقالب والحيَل من عناهم

وليا لفوا تركد حساس البلابل
ترتاح ويكْفونك مِقابَل وِذاهم

[{ أبوفيصل }]

وش فتاةٍ.. ميْلها فيه اِلْتفاته
لا لِفَـت بنـتٍ تـشـد الأِنتبـاهـي

اسمها ياخذ من المشرك صفاته
لا.. مـاعاذ الله ما غيره اِلاَهــي

[{ أبوفيصل }]

لغزنا.. مبني على مضرب مثل
حال ورعن بعد موت امه كسيف

خلَّته.. واللي بقى.. خيبة أمل
ضنْوَة اللي ما ربح كسرة رغيف

[{ أبوفيصل }]

رجلن تعدد في زواجه بزوجات
جملة بنات.. وكل بنت إحتواها

يحرص على بيض البني حرص بالذات
ويدرأ عليهن مثل الأم وضناها

[{ أبوفيصل }]

بنشـد الشعـار وأنـشـد مستـشـار الملتـقـا
وأنشد الحضّار وابنشد هَـلَ الفكـر النقـي

كلمتينٍ واضحـاتٍ جـن علـى وضـح النقـا
جن على وضح النهار اِجهار من رجلٍ تقي

واضحاتٍ ساميـاتٍ مـن بعـد صبـر وشقـا
بيّحن سـد الخصيـم وبيّحـن سـد الشقـي

[{ أبوفيصل }]

لغزنـا اليـوم عـوْدٍ حالتـه حالـه
فاغِـرِن فمّـه لاضـرسٍ ولا نابـي

في لَهاتـه بنـات ويجمـع عيالـه
محتم الجال ومايجود به جابي

[{ أبوفيصل }]

بنتن لها ياشايق أختن شقيقه
في موقف الأحزان ما رافقتها

ونهاية الميقاف.. هاذي حقيقه
لدَّت لها الأنظار.. ما خالفتها

[{ أبوفيصل }]

بنشـد الشعـار وأنـشـد مستـشـار الملتـقـا
وأنشد الحضّار وابنشد هَـلَ الفكـر النقـي

كلمتينٍ واضحـاتٍ جـن علـى وضـح النقـا
جن على وضح النهار اِجهار من رجلٍ تقي

واضحاتٍ ساميـاتٍ مـن بعـد صبـر وشقـا
بيّحن سـد الخصيـم وبيّحـن سـد الشقـي

[{ أبوفيصل }]

يا ويش بنتٍ ، يسترد إبْها قِواه
رجلٍ لقاها فرصةٍ له ، وإستراح

معروفةٍ بإسمه وهوماحد غواه
يقضي دوام مْهمِّته بذل وكفاح

هذي من الامثال واقوال الرواه
والاكيد ،،، إن لغزنا ،، تم بنجاح

[{ أبوفيصل }]

أنشدك عـن رجّـال لاقيـل رجّـال
رجـلٍ لقيتـه مـع يهـودي وبـوذي

في ذمة المسلم ترى ذبحه حلال
لاصار يوذي غير ماهـوب مـوذي

يِكْـرم ولكـن ياكريميـن الأفـعـال
أحيان يهان ومنه يوخذ أخـوذي

[{ أبوفيصل }]

ويش بنتٍ تحسم الوضع المحيّر
اسمها من منطلق حسم القضيه

جات تقضي أمر مافيـه امتخيّـر
تنهي الموضوع في وقت الأسيّه

قيـل ماعنـهـا مصـاديـد وتـذيّـر
من تجي لـه ماتحـرّك لـو شويّـه

[{ أبوفيصل }]

يا ويش رجلن فيه ياربعـنـا زود
رجـلٍ تمـيّـز عــن بقـيّـة خـوانـه

يلفي لنا في وقت محدود ويعود
في كل يوم يعـود تعـرف زمانـه

[{ أبوفيصل }]

انشدك عن رجلين ماهم قراين
لكن يسدون الطلب وقت مامول

بإتمام عام... يتم ويصير باين
والثاني عمره نص الأول ومقبول

[{ أبوفيصل }]

( خمسة أحرف )... كلمةٍ تعنيبها
كلّ شخص.. يخالف النهج الصحيح

وحرف مع حرفين.. كيف أجيبها
وكلمتي من خمس بالمعنى الصريح

.

[{ أبوفيصل }]

ويش عودن باركن مبرك جمل
ان خبطته في جنوبه، مايلين

من هديره لا هدر .. لا يُحتمل
والعيال إثنين فالجنب المتين

كل منهم .. دون الاخر ما كمل
ذا .. يفر وذا .. يتله مرتين

شغلهم .. نفس المهمه والعمل
بإختلاف أشكالهم.. متعاونين

[{ أبوفيصل }]

ويش رجلن له صبي ن جلّسوه
في حضين ابوه مايجلس وراه

ميّزوه بشكل ابوه ... وصغروه
وعدلوا له جلسته واصبح فتاه

[{ أبوفيصل }]

من ندَّر الأفكار .... لغزن بالأشعار
أهديه.. واهل الدار تعرف معانيه

قال المثل.. ياسادة العرف والشار
إنَّ من الحب .. ما قتل روح راعيه

لكنّ به حب ن ... يعرضك الأخطار
لابارك الله فيه ... وْلا في سواعيه

اليا قلبته .... تاجده حول الاسوار
الحد بحدود الولي .... ما يراعيه

[{ أبوفيصل }]

مبدا السؤال اللي يشابه جوابه
لغزن خفا خافيه خلف الكواليس

اللي ليا بغيته ،،، أكثر ،،، رتابه
شلت أوْسط حروفه خلاف المراويس

يبعد عن الوجه الكئيب ، الكآبه
لولاه ضاقت به عيون المتاعيس

[{ أبوفيصل }]

ياويش رجلن من عيونه تهرج
ماينطق الكلمه ،،، وكلن يغوله

اليا عكست اسمه تعال وتفرَّج
تلقاه صوب اللي تقارع طبوله

[{ أبوفيصل }]

ويش الذي لونه كما لون غرنوق
سهلٍ ... ليا روَّح من الفك للفك

لاشلت راسه يشلع بصاحبه فوق
وأتلاه لامن شيل شرد الضبا فك

[{ أبوفيصل }]

ويش الذي من غير.. باب وشبابيك
بيتن على مبناه .. محدن سكن فيه

طقيت انا جدره وإلى هو سيراميك
والكل يبغى يشوف ويش الذي فيه

[{ أبوفيصل }]

الله على الِّي رفّ لي حاجبه رف
سمح المحيا .. لا بدالك محيَّاه

بتقايته ماشوف غير أربع أحرف
أربع حروفن يشبه الثاني أتلاه

وليا انتصف عمره تبيَّن وشرَّف
أقبل بوجهن.. لايقن به مسماه

[{ أبوفيصل }]

ويش بنتن.. زهْرًها يقطر نداه
في حشاها .. كنه اللُّول النثير

من شذاها رايح المزن وشذاه
لاكساها ... زاهي اللون المثير

منتهى عوْدن .. وصل لامنتهاه
زيْنةٍ .... لوِّك تشاهدها تحير

حرفها الأخير .. من يقلع مداه
لا حذفته .. يعني الشي الكثير

✍🖎

[{ أبوفيصل }]

ويش بنت اعيالها اللي يحضرون
لا نخيت البنت ... جوك اعيالها

العيال اربع ... على ما يذكرون
سِعد منهم .... يفعلون أفعالها

[{ أبوفيصل }]

ياللي تعس الأرض والأرض خضرا
ما شفتها .. في نجد .. ولاَّ تهاما

ان قلت وشهي قلت لك بنت عذرا
ما فوقها غيمه .... ولا تحتها ما

في عكسها .. تِكتَب وبالعكس تِقرا
لاشك. ما اشوف لْها .. عينن تهاما

[{ أبوفيصل }]

بنتن منحنيه حنية الباكور
تبغا الذي يكشف معانيها

ميقافها عند آخر الطابور
من شكلها تعرف مواريها

[{ أبوفيصل }]

ياويش رجلن يِنعرف بسم وْلده
والولد لاشك هو من صلْب ابوه

لكنْ قوي الباس .. من شد بْلده
الحل منه يشاف لكن ما اكتبوْه

[{ أبوفيصل }]

ويش رجلن ، ، أوله اسم وْلده
لأنحذف حرفين ،، بيَّنت الولد

من قديم الوقت وهذاك بْلده
ما عرفته ،، غير من ذاك البلد

[{ أبوفيصل }]

انشدك عن رجّال يسكن برجّال
تلقى مقامه ، ، يا رفيع المقاما

أول حروفه لو تشيله،، وينزال
يبقى،، مكان اللي عليه الكلاما

[{ أبوفيصل }]

ويش الي معروفن نسبها ياعرب
ترثة عرب،، يوم العصور الفانيه

بنتن ليا حطيت لْها راس وذنب
يطلع لك غير البنت ، بنتن ثانيه

والبنت من حرفين والله ما تغب
تلقونها ،، في بطن البنت الثانيه

[{ أبوفيصل }]

رجلن ، له سلطنه وحكم وراي
يجود بعض أحيان ويشاطرك

خلك معه بالراي ،، رايح جاي
لو ما يساير بالرضا ،، خاطرك

[{ أبوفيصل }]

ياويش رجلن لاحذفت أوله صار
ضد المخاوف ،، بالديار وحماها

وليا حذفت اثنين بنهايته ،، دار
دارن ،،، يعين الله على ما بلاها

هذا الذي في نصرةالدين مغوار
ما همه الأخصام ،،، حزت لقاها

[{ أبوفيصل }]

وشهو اللي في حدودك تملكه
بالعوايد ، ، ، والسلوم العامره

تملكه وقتن قصير ، ، وتتركه
للطويله ، ، والقصير الشامره

ذي علوم ، اللي سلكنا مسلكه
مانخالف لأمر ،، ضمن أوامره

وكل حدن دون حدك ، تدركه
غير لاجات المسفَّه ،،، طامره

[{ أبوفيصل }]

لغزنا مضرب مثل،، ماله شبيه
العوارف في حلوله ،، ماتضيع

ويش بنتن ،،،، لا بِلي بها نبيه
جات بأخواتن لها تضلع ضليع

والبنيَّه ،، ما يباها ،،، لو تجيه
مير هي وأخواتها معها جميع

يوم صارن حِسبَة أصابع يديه
ماله في مردِّهن،، قدر وصنيع

[{ أبوفيصل }]

بنشدك عن بنتن في واقعها خـطـر
بنتن علـى الفاعـل ،، لها ردّة فـعـل

كله هناديب ،، اللي حـط لْهـا مقـر
صارت له نكبةٍ ،، يِضرب بها المثـل

[{ أبوفيصل }]

انشدك ويش الذي اسمه جميل وزان
امصغَّرن،، ما حقرت اسمه وتصغيره

رجلن سِمِيّه له عند الناس قدر وشان
كذا الوفا والشرف، مع طيّب السيره

اليا حذفت أوله ،،، هنا السؤال يبان
هات الجواب الذي يكفي ،،، بتعبيره

[{ أبوفيصل }]

رجلن سميّه ،،، مِد شوفك وتلقاه
مابين ضلع وعِرق سهل وطماني

لاشلت راسه عيب بالشين تشناه
له في زمان اهل الموازين شاني

ياما مضى له ،، بين ذولا وذولاه
لاشك عهده ،،، من قديم الزماني

[{ أبوفيصل }]

رجلن خبر موته ،،، قبل مماته
سبب غلطه شاع الخبر وذاعي

تجاهلوا عطاه ،،،، ومنجزاته
نسيو بعَد معها ذيك المساعي

قرر يِهْدي على العالم ،، فتاته
بنتن تمناها ،، كل رجل واعي

[{ أبوفيصل }]

اللغز جاكم، بأكمل وجه ومحتوى
ما كلّ رماعن ،،، كشف عنه الغطا

قبل امس إتطيِّره نسانيس الهوى
سِوات الريش يروح مرواح القطا

واليوم، جاله وزن وثقل ومستوى
حتى لقى مجالن، بين أخْذ وعطا

[{ أبوفيصل }]

انشدك عن بنتين والمعنى خطير
الكل منهن نفس الكلمه ،، تحمله

ببطونهن نوايا ،، شرّن مستطير
وفعول صاحبهن ما هي بمجمّله

تلَقَّاهن رجلن ما يخفاه المصير
لولا ذهانته ،،، ما حرَّك ،، أنمله

[{ أبوفيصل }]

اللغز ،،، ما هو للسوالف ،، فلسفه
لغزي،، مثل سهمن عليه إمضاربه

اللي يجي ،،، للمنتدى ،، ويشرّفه
قلنا هلا ،،، والله يحيّي ،، شاربه

للفكر والموروث ،، عِرف ومعرفه
أطلق حصانه ،،، والعنان ،، بغاربه

رجلٍ على وجهه سرح من موقفه
غرب اللي ،، غربي الدِّيَر ،، تغاربه

طال وقصر ،، وراه ودونه ،، لفلفه
من حيث ما وقَّف ،، رست ركايبه

والعصر روَّح شرق والمشرق شِفه
نوَّخ رِكابه ،،، وأمه ،، ماهي غايبه

لكن يسايرها ،،،، وهي مستشرِفه
أقفت ،،، ولِيا لِفت ،،، تَعَقَّب غاربه

[{ أبوفيصل }]

بنتن لها وجهين ،،، و بْها قساوه
وجهين فيها عنف وايضا مشدي

وجهن يرد اللي يروح ،،، بهداوه
والوجه الاخر في طريقه، يودي

[{ أبوفيصل }]

..السلام عليكم..

رجلن سِمِيّه رجلن آخر
مذمومٍ ما شاله محبك

والآخر ما له بالمفاخر
اليا عكسته ،،عند ربك

[{ أبوفيصل }]

يا ويش بنتن بإسمها حي مع حي
تشابكوا ،، مثل السيامي ،،، تواما

اللي عن دارنا ،، ورى الحد وشوي
جيره ،، وديره ،، من ديار النشاما

انا ما قلت وشهي، إلاَّ ، على شي
أنقل ،،، تحيات أهْلَها ،،، والسلاما

..

[{ أبوفيصل }]

عذراً تعلَّت في ظهَرها عيْطموس
أبطالها زيد ، وشرف ، وابو رهف

أيام الطيبين ،، وانظاف النفوس
كلّن بكامل طاقته ،،، عنده شغف

أصغرهم اللي لا بناها ،،مايحوس
يحطها ،، وهو له مقصود وهدف

[{ أبوفيصل }]

رجلن،، يسابق كل خيرن يجابي
وأظن مامن خير ،، يسبق مجيِّه

ان جبت عكسه يا عزيز الجنابي
يخفي على جرة خطانا،، خطيه

[{ أبوفيصل }]

انـا عنـدي لكـم لغـزٍ بيوتـه مـن ذهـب ونظـاف
بعَـد جَـت فكْرتـه ياهاجـس الأفـكـار سطّـرهـا

علَـيْ طرحـه وبوهليـل عليـه الحـل والاِشـراف
وعلـى العـرّاف حـلـه والأِجـابـه مــن فكايـرهـا

ياوش خمسة خوات يقابلن خمسٍ لهن محراف
بــدأ مفعولـهـن عـقْـب أربــع اِرجــالٍ تـقـدّرهـا

وزاد الموقـف المحسـوم بنـتٍ تنهـي الميـقـاف
بعّـد وقـتٍ مضـى مابـيـن ناظـرهـا وحاضـرهـا

[{ أبوفيصل }]

ويش الثلاثه اللي فالموقع اخوان
فــي مـوقـعٍ ماغيـرهـم ساكنيـنـه

ماشفتهم بالعين ولاشافت أعيان
غير اللـي متمكّـن شهَدْهـم بعينـه

في عز وقفتهم علـى مـر الأزمـان
ميقـافـهـم بـالـجـوف ومثبّتـيـنـه

ثـلاثـةٍ مايختـلـف فيـهـم اثـنــان
الاســم واحــد كـلـكـم عارفـيـنـه

[{ أبوفيصل }]

انشدك عن رجال يضعف ويهزل
ولْيا مضى له عام.. يرجع بِقوه

ياطا ثلاث ويِكْرِم النَّزْل ويَجزِل
و بهيبته لا مر....... قام يْتموّه

ماهوب في مهْجر ومنئَآ ومعزل
لو كان عمره.. قبل عصر النبوّه

[{ أبوفيصل }]

ياويش رجلن لاحذفت أوله صار
ضد المخاوف ،، بالديار وحماها

وليا حذفت اثنين بنهايته ،، دار
دارن يعين الله ،،، على ما بلاها

هذا الذي في نصرةالدين مغوار
ما همه الأخصام ،،، حزت لقاها

[{ أبوفيصل }]

ياويش رجلن،، له بناتن خفايف
تلاَوَحن ،، فوقه ثلاثن ،،، سِوِيَّا

ولْهن برجلن غيرأبوهن وصايف
إليا بدن ،،، يبدنّ ،،، مبدا الثريا

لكن ابوهن بالثرى وانت شايف
وسط النثايل ،، ما يِغَطا كِذياّ

[{ أبوفيصل }]

انشدك عن رجال ،، لاشلت عينه
ما بحت به ،،،، لمبيِّحين الكنيني

حالن يحول بحال ،،، بيني وبينه
مثل الحجاز اللي ثبت من سنيني

لكن انا،، المقصود ما شفت شينه
هو غايتي،، ومشاهد أحباب عيني

[{ أبوفيصل }]

فكره ،،، وصِغت لْها بالأبيات ،،، بيتين
مضرب مثل لأهل المثل ضمن الامثال

بنتن ،،، بلا مشهات ،،، ما تقبل الزين
ولا همها ،،، من زادها ،، فال وعقال

مزاجها ،، من دون مشهاتها ،،، شين
لدت ،، ملَدّ اللي مِعِيفِن ،، من الحال

[{ أبوفيصل }]

ياويش بنتن في آخر وقت
وقتن ،، يجي بآخره ، قفله

لن جات في وقتها مافقت
تاليك ،، قفله على ،، غفله

وان كان يا صاحبي وِفِّقت
طيبن على طيب ،، تحتفله

[{ أبوفيصل }]

رجلن ،، ما سايَر بالرضا، خاطرك
يِخلِف روابع ،،، عالمن ،،، تِشتط

إليا خالفك الراي ،،،، ما شاطرك
غيرك لوكنت أنت النشيط أنشط

(( اللغز مثل شعبي ))

[{ أبوفيصل }]

يا ويش بنتٍٍ بيَّحت سر موضوع
وَعَلَّمت به قوم تشكي تعبها

قومٍٍ على سير العمل وسط مشروع
توقَّفوا بعد الشكوك بْسببها

[{ أبوفيصل }]

المثل باللغز ،،، عن رجلٍِ ،، بتوع
زامي النبنوب ،، في حد الطويل

بنته اللي ،،، عن مشاهَدها منوع
لو يِلِد العين ،، فيها ،،، مستحيل

شابَهَت في ميْلها حدب الضلوع
ما يشيل الهم ،، منها ،،، لو تميل

[{ أبوفيصل }]

ياويش رجلن،، طايلٍِ سبله
صعبٍِ عليْ وعندكم صعبي

لا بد من رجلن ،، يناسب له
شعبيِّته ،،، فيها مثل شعبي

[{ أبوفيصل }]

ويش رجلٍِ لانطقت إسمه، صحيح
آخره ،،، شبه أوله ،،،، وجه وقفا

مير ،، كل حرفٍِ لِحاله ،،، مستريح
وبين كل اِحروفه،، أَبعاد ، وجفا

وحرفه اللي بأوْسط حروفه يطيح
كلّ ماجيت ، أكتب إسمه ،، إختفا

[{ أبوفيصل }]

ويش رجلٍِ، لون بدرٍِ في تمامه
أسعد الأوقات ،، وقته ياحليله

هيئته،، لاعارضك مثل الحمامه
مير عمره،، لاقضى بالوقت ليله

[{ أبوفيصل }]

وشهن اللي جنب بعضهن كلهن
وسط أبوهن مع بعض متجاورات

بنت ،، تجلب للعيون أحبابهن
وبنت ،،، همٍِ للعيون المرقبات

البِني ،،، ثنتين ،،،، في محلهن
وانت لامن شفتهن متخالفات

[{ أبوفيصل }]

يالصاحب اللي ليازانت مواضيعه
يختار نقواتها بالصنف والنوعي

الصيني وَرَّد عليكم من قراقيعه
والرأسمالي يبي حقه من الشوعي




إن مايطيعك زمانك يا أجودي طيعه
حتى لو إنه زمان الخوف والروعي

الغرب ناوي على الأكراد والشيعه
والشرق يرضخ لهم فالغصب والطوعي


بابك مصايد.. وموايق ن. لنا ريعه
وانته تقلَّب وانا متوسد ن. كوعي

الغرب يصوّر خفايا الحرب ويذيعه
والروس يلعب بيديْه الحبل مربوعي





إيران كرت انحرق نشريه ونبيعه
أحسب لها عام مع شهرين وأسبوعي

ومحيط للدائره جذره وتربيعه
بمعادله حلها منطق ومسموعي


ايران واللي مدوّخكم طراطيعه
أشوى من الصيني ماوراه منفوعي

يا ليت عقب الوبا راحت مشاريعه
ينهي طموحه ويخرب كل مشروعي

:


الفائده حكمها واضح وتشريعه
في نص مكتوب بين نزول وطلوعي

وإلا الذهب قفلوا بابه وتشميعه
عليه ختم الوزاره صار مطبوعي


ياقوم ياللي تبون إهداية الشيعه
الله جمع شملكم بأفراد وجموعي

عان الذهب كلِّف الصايغ بتصنيعه
إعادة الصنع قبل الصلح مصنوعي

:


.................

[{ أبوفيصل }]

ويش بنت (ن) لا تبيَّن لك طرفها
يدفعك شوقك على كامل حلاها

ان بغيت الحل ناس(ن) تحترفها
إنشد الشياب لو تنشد.... نِساها

وعاين بْعين ن تِغض لْك بْطرفها
فوقها تلقى سِمِيَّتها....... علاها

[{ أبوفيصل }]

ويش الفتاه اللي مثل برق الخِيال
لا قالوا.. العربان تكفي ما عليه

يفطن لها بس النبيه من العيال
وَيلتقط أخبارها رجل ن. نبيه

[{ أبوفيصل }]

ويش بنتٍٍ للبيان وللعيان
غايبه مره ومره حاضره

اول اللي من مشارفها تبان
ما خفت للباديه والحاضره

شافها من شافها ضمن البيان
واختفت بس مرةٍٍ عن ناضره

⚘


.

[{ أبوفيصل }]

ياويش رجلٍٍ لاكبْرت مشاكله
تجي له اللي تستره وتسنعه

بنتٍٍ على نفس الشكل والشاكله
لكنْ مع زود المشكله ماتمنعه

ان كان مامن حيلةٍٍ تِحاك له
يستر على قَرَانَها.. لا تخلعه

[{ أبوفيصل }]

ياويش رجلن لاحذفت أوله صار
ضد المخاوف ،،، بالديار وحماها

وليا حذفت اثنين بنهايته ،،، دار
دارن يعين الله ،،، على ما بلاها

هذا الذي في نصرةالدين مغوار
ما همه الأخصام ،،، حزت لقاها

[{ أبوفيصل }]

بنتٍٍ خبيثة فعل من فعل ابوها
جات وتَلَقَّت ضيف لحظةمِجِيٍّه

والبنت فعل ابوها لو انسبوها
وصف وفعل غير النوايا الرديه

[{ أبوفيصل }]

ثلاثةٍٍ طول الزمن بينهم ولف
ولفٍٍ ما يختلف ليوم القيامه

واحديغادر وقت فيه الهوى صلف
يغيب ويحضر على حزت دوامه

واثنين لامن داوموا بينهم حلف
والصبح كلٍٍّ يىجع وقت استلامه

[{ أبوفيصل }]

أنشدك عن رجال عمره محدد
لاشلت الأوسط صار شيٍٍّ تعوفه

وان كان راسه من مكانه يشدد
يبقى اللي وسط الحي دايم تشوفه

[{ أبوفيصل }]

انشدك عن رجَّال مذكور بآيه
سبحان ربٍٍّ للمخاليق مجريه

له عند عكفان الشوارب درايه
يظهر مابين اثنين والناس تغليه

[{ أبوفيصل }]

ويش عوْد يمر له اربع بنات
مات من ستين عامٍٍ وادفنوه

له شبيهٍٍ .. ما يمر ألَّا خوات
رحلته بس للبنتين وحددوْه

راكبه عبدٍٍ مثل لون العبات
وهو لولا العبد ماظن قدَّروْه

[{ أبوفيصل }]

حصلت لي ورعٍٍ صغيِّر ومحبوك
لكنّ.. ما يشرب.. ولا هو بِياكل

في موقعٍٍ مابين نارين مشبوك
وبين الثنين يصك باب المشاكل

[{ أبوفيصل }]

وش العجوز اللي لها بطن وديوس
تشوفها بعمان.. وبساحل الشرق

ويحبها رجَّال.. ويبوسها بوس
بقعا عساها تبوس بعيونه البُرق

[{ أبوفيصل }]

يا ويش رجلٍٍ كلّ منا يشوفه
والناس من وفاهم يقدرونه

الشهم واللي فيه خير ومروفه
واجب على الوافين مايجهلونه

في جانبه بنتٍٍ تبيِّن وصوفه
دايم وهي حوله على ساق دونه

[{ أبوفيصل }]

يا ويش رجلٍٍ ينذبح كلّ ربعه
ماقام أبد ولااحترك من مكانه

زمان يوم أهله يحبون طبعه
له عندهم حشمه وقدر ومكانه

مايعترف بالجوع ولافيه شبعه
متهومٍٍ بأسبابه كريم إبزمانه

[{ أبوفيصل }]

وش بناتٍٍ للعوارف متعبات
بينهن وصل وقطاعه يالطيف

أشغلني بالتفرق والشتات
لولا وصلٍٍ بينهن صعب وكليف

ساكناتٍٍ في غرف متساويات
وسط بيتٍٍ ما لضيفانه مضيف

وأتعبن فكري وهن إمسلِّيات
اقصد الترفيه والمعنى شريف

[{ أبوفيصل }]

انشدكم عن (ثلاثةٍ) متشابهين
يفرق بعضهم بنتٍٍ زادتهم حلاه

اللي يجي موقعها من فوقه يبين
واللي يجي مسكانها داخل حشاه

أشكال روسهم مثل اللي خايفين
طمعة سلوقيٍٍّ على شوفة عشاه

[{ أبوفيصل }]

ياويش بنتٍٍ ماضي الوقت القديم
وعلومها عند الغوانم غانمه

فيها مثل معروف عنها فالصميم
والعلم بيِّن للعرب ...معالمه

ماحصَّله غانم يحصّل له غنيم
يوم المصادر ماتجي بمكالمه

[{ أبوفيصل }]

أنشدك عن رجال جاب أجنبيه
وادخل علينا داه خبث ومغثه

يبغى يغير .. نهجنا.. عنجهيه
ويبغى عزاز النفس بثياب رثه

غريب دار وداب في جلد حيه
وهي على عكس الفضيله تحثه

[{ أبوفيصل }]

ياويش حيٍّ يعجب الناس بإسمه
لو كان ما هو قد لإسمه وطاريه

إليا عكست إسمه هذا صغر جسمه
يا شين حظ اللي قرا عند أذانيه

[{ أبوفيصل }]

ويش رجلٍٍ معترض عرض الطريق
مرَّ به رجال... حاكم ... معتبر

يوم جاء للتصفيه صفَّى فريق
طلَّع اللي.. مايِشَدّ ابه.. الظهر

يَبْست الأرياق من ريقٍٍ لِريق
والمهابه تِخلِف إقلوب البشر

[{ أبوفيصل }]

يا ويش بنتٍٍ زوجوها بشايب
ماتفرقه دايم في جنبه قريبه

لو فارِق العمر ما يرد القرايب
مزيونةٍٍ في عين أهلها عجيبه

مازوجوها جبر والا غصايب
لاكن لو يدخل عليها مصيبه

[{ أبوفيصل }]

ياويش بنتٍٍ ما تثمَّن بالأثمان
ان جات تسكن ماتحرك شفايفك

ما مثلها بالكون كله والأزمان
من خفها ترفع خفايا خفايفك

[{ أبوفيصل }]

يا هِوات .. اللغز .. للغز وزنَه
ان كان للميزان والوزن وازن

العاشقين إثنين مازن ومزنه
واحلا علاقه بين مزنه ومازن

كلاًً على مخزون فكره وخزنه
إمكملين ال بعضهم بالتوازن

[{ أبوفيصل }]

ياويش بنتٍٍ ناقصٍٍ جسمها شي
لو ما به أحدٍٍ ماخذٍٍ من جسدها

الأم هي بالإسم تنسب لها.. هِي
لليوم تِنسب بإسمها هي وحدها

[{ أبوفيصل }]

انشدك عن رجال يضعف ويهزل
ولْيا مضى له عام يرجع فِتوَّه

ياطا ثلاث ويِكْرِم النَّزْل ويَجزِل
و بهيبته ....... يمرهن ما تِموّه

ماهوب في مهْجر ومنئَآ ومعزل
لو كان عمره.. قبل عصر النبوّه

[{ أبوفيصل }]

يا ويش رجلٍٍ كلّ منا يشوفه
والناس من واجبهم يقدرونه

الشهم واللي فيه خير ومروفه
حتى ترى الوافين ما يجهلونه

في جانبه بنتٍٍ تبيِّن وصوفه
دايم وهي حوله على ساق دونه

[{ أبوفيصل }]

يا لغزي اللي بالذهب والماس/ من لا يثمن قيمِتِك خله

وانتم على راسي ومِن هالراس/ لأجيب لغزٍٍ معتمد كله

بنشد عن بنتٍٍ راقيه ياناس/لأنس وْلاهي جِن بسم الله

بنتٍٍ في هالبلد وِهِي بالساس/ هذا بلدها اللي على مِله

لها خواتٍٍ بالدول وأجناس/ وِلكلّ بنتٍٍ دار تحتله

تحتل موقعٍٍ لها حساس/ وتجيب لك علمٍٍ على حِله

[{ أبوفيصل }]

حصلت لي بنتن شناح وعنقها طول الذراع
إليا انكشف لك ساقها يبِيِِن حِدب إضلوعها

مثل الورود اليانعه تُطوُل حسب الارتفاع
فستانها من فوق هامة راسها وفروعها