لغز صعب لكن سهل ( محلول من أصايل ) صح لسانها

[{ أبوفيصل }]

السلام عليكم ورحمة الله

اليكم هذا اللغز تم تحضيره هذه الساعه امل ان ينال الأعجاب



اللغز محْدن جاهلٍ معناه =والحل مايصعب تفاصيله
رَجلٍ تِبَع لأبوه بمْسمّاه =وابوه قبله من دواليله
أدناه ولْيا من رجع لأقصاه =يطلع لك بِلْيال السّعد ليْله




.

[وجودك يكفي]

عليكم السلام ورحمة الله وبركاته

صح لسانك ياكابتن ولاهنت على اللغز الرائع


جااااري التفكير

[اصايل]

مايحتاج تفكير :)

صح لسانك العطاوي

[{ أبوفيصل }]

عليكم السلام ورحمة الله وبركاته

صح لسانك ياكابتن ولاهنت على اللغز الرائع


جااااري التفكير

صح بدنك ياولد ثابت ولاأنت

" هل تعلم أني واثق بأنكـ ستُزيح الستار عن هذا اللغز "

لذا دعنا أولاً نرى الأخوة هنا وهناك :SnipeR (9):

[{ أبوفيصل }]

صح بدنك بالأنتظاااار

أباركـ لكـ على اشرافكم على القسم الأعلامي

ألف مبروك ولو ان التبريكات في محلها هناك

[مهـرة مـطير]

وعليكم السلام

صح لسانك يَ العطاوي

يمكن { عيد سعيد }

[اصايل]

يكون الهلال !!


بدون تفكير :)


:


يبارك بعمرك وايامك ..

[جااابر]

السلام عليكم ,وصح لسانك يالعطاوي انا مع رمعة مهرة مطير

[{ أبوفيصل }]

صح بدنكـ يامهره
ماالكـ لوا

[{ أبوفيصل }]

اصايل : مالكـ لوا بدون تفكير :)

[جااابر]

طيب وش رايك بكلمة هل هلاله

[{ أبوفيصل }]

جااابر : هلا وغلا ،، سلامااات وين الغيبات ,, ساع مانوّر المنتدى

ماااالك لوا

[وجودك يكفي]

يطلع لك بِلْيال السّعد ليْله>>اللي فهمته ياكابتن ان اول حرف نحطه اخر حرف ويطلع لنا ليله>>واذا رجعنا حرف الهاء مكانه يصبح الرجل هليل>>تصغير هلال وتابع له في مسماه . وابوه القمر

[{ أبوفيصل }]

السلام عليكم ورحمة الله


اليكم هذا اللغز تم تحضيره هذه الساعه امل ان ينال الأعجاب



اللغز محْدن جاهلٍ معناه =والحل مايصعب تفاصيله
رَجلٍ تِبَع لأبوه بمْسمّاه =وابوه قبله من دواليله
أدناه ولْيا من رجع لأقصاه =يطلع لك بِلْيال السّعد ليْله




.

لزوم الوزن تم التعديل دون تغيير جوهر اللغز

[{ أبوفيصل }]

على هذا النحو هات الحل لاتموّه ياريس ههههههههه

[وجودك يكفي]

ياكابتن>>الرجل اللي تسأل عنه لوينكتب اسمه بلحاله هل يعتبر جواب صحيح او لازم نكتب ابوه قبله وبالتحديد كلمة ابو قبل الرجل اللي تسأل عنه

[{ أبوفيصل }]

ههههههههههههههههههههه

ياوجودك فالبدايه بغيت اللغز فـ الرجّال وانساق معي اللغز بعد تعديله
وهالحين المطلوب هو وابوه وانت جبته بس رمعته في عرض كلامك من غير تأكيد

[وجودك يكفي]

رمعتي السابقه كانت واضحه . وقلت الرجل المطلوب هليل >>بعد ما نشيل حرف الهاء من نهاية كلمة ليله ونحطه في البدايه يصبح هليل

[مهـرة مـطير]

نرمع والا جاب أجله وجودك

[{ أبوفيصل }]

رمعتي السابقه كانت واضحه . وقلت الرجل المطلوب هليل >>بعد ما نشيل حرف الهاء من نهاية كلمة ليله ونحطه في البدايه يصبح هليل

جاابر رمع هل هلاله وماانتبهت لرمعته + ووجودك رمعته هلال وابوه القمر
كما تأكد أصايل في رمعتها ان المقصود هلال الشهر
والجواب (( هلال الشهر )) صح لسانها على الحل الصحيح
وصحت السنتكم جميع :SnipeR (37):لها ولكم باقة من الورود :03jdfny13:
وماشاء الله تبارك الله انتهى الحل من أصايل من دون تفكير على قولتها

:ongue:
:ongue::ongue:
:ongue::ongue::ongue:

[وجودك يكفي]

يكون الهلال !!


بدون تفكير :)


:


يبارك بعمرك وايامك ..


يالعطاااوي ورمعة اصايل وين راحت


اللي خلاني ما ارمع الهلال لأنك رديت على اصايل وقلت مالك لوا

[اصايل]

والله انكم تظلموني في الحل :)

انا قلت هلال اقصد هلال الشهر وخالقي

ليه قلت غلط عشان مافصلت

معترضه .. مالي شغل فيكم

[وجودك يكفي]

والله انكم تظلموني في الحل :)

انا قلت هلال اقصد هلال الشهر وخالقي

ليه قلت غلط عشان مافصلت

معترضه .. مالي شغل فيكم


هههههههههه لاتحلفين>>بغض النظر عن قصدك>>انتي قلتي الهلال. والهلال المعروف هو هلال الشهر وباقي الاسماء سميت عليه مثل الهلال الاحمر ومثل نادي الهلال واي شي فيه هلال>>يعني اذا احد قال الهلال فالمقصود صاحب الاسم الاساسي وهو هلال الشهر . وباقي المسميات هي اللي تحتاج اظافه لتعريفها . مثل الهلال الأحمر . نظيف كلمة الاحمر عشان نبين المقصود

[جااابر]

يعطيك العافيه بس اصايل فعلا اسبقتنا

[{ أبوفيصل }]

اصايل رمعتها اللي فهمته عن نادي الهلال ياوجودك

اذا انا غلطااان ابشروا بغيرها من عيني هاذي قبل هاذي

وان كانها تقصد بهلال الشهر نقول مبرروك و لها معكم باقة ورود

:SnipeR (37): صحت السنتكم واسف على الاطاااله الاتصال مدمور

[اصايل]

ماعليه يمكن حلفت بس المقصد لانها دارجه في سياق الحديث ليس الا

يعني مو المقصد الجزم

:


ترا المود الليله لكم عليه شااايشه لاتشرهون :)

[وجودك يكفي]

ههههههههههههههههههههه ياصايل الظاهر ان المود شايش بعد خبر النيجيريه اللي احرقت ضرتها


صح لسانك يا أصايل على الجواب الصحيح وصح لسانك يالعطااوي على اللغز الرائع


اصايل صاحبة الجواب الصحيح .. ومثل ماقلت لكم رمعتها ماتحتاج اظافه .

[اصايل]

شايشه من الاتصال قهرني وخرب مزاجي

من بدري ماقدرت اقرأ شي ولا اعلق على شي :(


/


صح بدنك وجودك

[{ أبوفيصل }]

!!!!!!!!!!!!

[اصايل]

وبألأمكان اقول خلاص انا رمعت المن انا صحيح ،، :151: مااعترضت


يمكنك انت وجهن سمح اوووما انا يمكن لا :)

ليه مااعترضت محد قالك تسكت :151:

[وجودك يكفي]

يمكن تذكرون لغز وجودك قبل كم شهر اللي عن (( المن )) فعلاً اخذنا اسبوعين نرمع
وكان اول رمعاتي >> (( المن لكن المن والسلوى )) ههههههههههههه
وبألأمكان اقول خلاص انا رمعت المن انا صحيح ،، :151: مااعترضت


الفرق شاسع ياكابتن

رمعنك كانت المن وذكرت الايه ووضحت من رمعتك انك تقصد المن الذي انزل على بني اسرائيل مع طائر السلوى . ومن التمر يحتاج اظافه لتوضيحه وتعريفه مثل كلامنا عن الهلال الاحمر .. يعني لو كان جواب لغزك الهلال الاحمر واصايل قالت الهلال فقط تعتبر الاجابه غير صحيحه . لان اسم الهلال فقط يدل على صاحب الاسم الاساسي وهو هلال الشهر .. والعكس صحيح>>لوكان جواب لغزك هلال الشهر واصايل قالت الهلال الاحمر او نادي الهلال>>تعتبر الاجابه خاطئه وغير صحيحه

ومن خلال الشرح السابق نقول ان اللي صار في لغز من التمر عكس اللي صار في لغزك هذا تماماً

[{ أبوفيصل }]

صحيح ياريس ترى ماجبت هالمثال الاّ من باب ذكر الشيء بالتحديد
وتوضيح كل رمعه لتكون اجابه محدده

ومثل ماقيل (( الشيء بالشيء يُذكر )) ليس الا

>> وانت بعد ششت عليْ ياريس <<

ابشرو بـ لغز لا أجعل له منفس :) وبالأخييير تصبحون على خيير

نلقاكم غداّ بمشيئة الله

[وجودك يكفي]

صحيح ياريس ترى ماجبت هالمثال الاّ من باب ذكر الشيء بالتحديد
وتوضيح كل رمعه لتكون اجابه محدده

ومثل ماقيل (( الشيء بالشيء يُذكر )) ليس الا

>> وانت بعد ششت عليْ ياريس <<

ابشرو بـ لغز لا أجعل له منفس :) وبالأخييير تصبحون على خيير

نلقاكم غداّ بمشيئة الله




هههههههههههههههه http://www.m-albdrani.com/vb/images/smilies/m0dy_net-781.gif http://www.m-albdrani.com/vb/images/smilies/m0dy_net-781.gif



ماششت عليك الله يرضى عليك وانا اخوك . ومشاركتي الاخيره كانت عباره عن توضيح فقط :SnipeR (9):



تعيش وتعوضنا وبإنتظار اللغز القادم :SnipeR (90):





وأنت من اهل الخير ياكابتن

[الأدميرال]

دائما اللغاز اللي اعرف حلها مايكتب لي الحضور فيها الابعد ماتحلونها

صح السانك يالعطاوي ولاهنت وبنتظار جديدك

[{ أبوفيصل }]

صح بدنك يالأدميرال
متى نصيد تواجدك من يوم شديتو معاد انتم بقريبين

أبارك لك واول الف مبروك لك على المنصب الجديد وتستاهل هذه الترقيه

،

[مهـرة مـطير]

هياااااا مبروك أصايل حل اللغز

ويعطيكم العافيه

[اصايل]

هياااااااااااااااا

يبارك فيج مه مه :)