تباريح..

[تباريح الروقي]

التباريح...

والشاعر ناصر الثويني العجمي\لقب بشاعر الحكمة

اترككم مع احدى روائعة...


http://www.youtube.com/watch?v=Lxr2hSsdE0s


ودع الصبر المخيم على البال الوسيع
وانتبه لا تطرق ايديك باب المستطاع ..



هات روس المستحيلات وأقرنهن جميع
أنت جايع والمشاريه من حولك جياع ..



جعل حظك ينبت الورد ما ينبت ضريع
صرخةٍ من واقع الحال تعطيك اندفاع ..



خابر إن الضيق فالجاش والقلب الوجيع
ما درت عنه التباريح وكبود الشباع ..



أمسك الضلع القصير قلم سحر وبديع
والدقل باقي ضلوعك تعلق به شراع ..



ارسم البسمات والشمس وأزهار الربيع
وأفتخر لو كان ما من عبير ولا شعاع ..

السنين أوحش من الليل في عين الفجيع
وأكذب من الذمة اللي مخابيها وساع ..



ليت غايات النفوس العفيفة ما تضيع
بين قلة ذات الأيدي وسطوات السباع ..



لا رعى الله من تولى سياسات القطيع
استطاب الجمر والجمر ما يصلح متاع ..



وين حق الناس مثل المهادي مع سبيع
مزج ما بين التفاني وعلم الإجتماع ..



ينفطر قلب الحمامه على الغصن الرفيع
والورق يندى محياه من نزف اليراع ..



كم وديع ٍ مقدر أقول ياهل الوديع
بينك وبين الوداعه مساحة واتساع ..




لاتغرك ضحكةٍ في فم الطفل الرضيع
آه لو تدري بما بعد ضحكات الرضاع ..



وكم فقيرٍ كل ما حاول إنه يستطيع
ما لقى له من يد الفقر تسليمة وداع ..



لو بدا له في الدجا نجم واقتاده وزيع
تاليته يودع الصبر ما للصبر داع ..



يمكن أن الجرح ما مر في عمره سريع
بس عمره مر فالجرح من بدري وضاع ..

تحياتي\تباريح

:wardah:

[اصايل]

لاتغرك ضحكةٍ في فم الطفل الرضيع
آه لو تدري بما بعد ضحكات الرضاع ..



الله على اختياراتك تباريح

بحق راااائعه

تسلمين يالغلا

[وجودك يكفي]

صح لسانه ولاهنتي على النقل ياتبااريح والله يعطيك العافيه

احترامي

[عهود]

صح لسان شاعرهااا

يعطيك العافيه تباريح الروقي ... نقل جميل


شكراً لك

[الأدميرال]

صح السان الشاعر
ولاهنتي على النقل تباريح

[رايـق]

لاهنتي .. تباريح

قصيدة رائعه بس تمنيت المنتشد غير

[تباريح الروقي]

لآخلآ ولآعدم,,, على المروركم العطر,,

شاكرة حضوركم,, دةمتم جميعآآآ بصحةة وعافيةة

[دايم الوجد]

خابر إن الضيق فالجاش والقلب الوجيع \\ ما درت عنه التباريح وكبود الشباع ..



صح بوحك وبوح شاعرهاااااااا