ياقلب لاتحزن !!!

[اصايل]

السلام عليكم ورحمة الله وبركاته ..


:


مساء / صباح ..الامل :wardah:


:

يمكن هذا نقاشي دائما وبنفس الحلقه يكون ..:SnipeR (5):

على طول راح ادخل بالموضوع ..

اليوم كنت رايحه للمستشفى ..وشدتني اعلانات رازينها على كل جدار من جدران المستشفى

وباين انهم في حاجه ماسه ولو تشوفها تقول اي واحد بيقبلونه ..بس ليه التشرطات اللي على غير

سنع

شوي ومن كثر ماانقهرت بغيت ادخل ع المدير الاداري والفني واقول استحوا على وجيهكم

شين وقواة عين مابقى الا تقولون لازم دكتوراااه ...ووين ؟؟ في الاستقبال :SnipeR (55): وكم الراتب يالمدير ؟؟ مايتعدا الالفين !!


:


شوفوا الصوره ..

http://im21.gulfup.com/2012-04-15/133448212731.png (http://www.gulfup.com/show/X1c74pk0x747)



بذمتكم مو شي يحزن !!

الحين وظيفه عاديه وفي الاستقبال بعد ماتحتاج الا كان شهادة حاسب ...ومو دبلوم بعد الا دوره ماتعدا ثلاثه اشهر تبون لها بكالوريوس والا مؤهل عالي

طيب ماينفع ابتدائي متوسط ؟؟ اهم شي الحاسب :SnipeR (2):

بس شنقول خاربه خاربه ..:18:

/

اسعد بتواجدكم ..لكم المايك ..:wardah:

[وجودك يكفي]

عليكم السلام ورحمة الله وبركاته


اعتقد ان الشهاده الجامعيه صارت مثل المتوسطه والثانويه واللي حاصلين على الجامعه وعاطلين عن العمل اكثر من غيرهم . الله يعين



لاهنتي يا اصايل والله يعطيك العافيه



احترامي

[اصايل]

حياك الله وجودك

اهم عاطلين ما اختلفنا لكن وظيفة استقبال وفيها شروط ؟

ويريدون شهاده عاليه ؟ خوش شرط

تسلم ع التواجد

لاعدم

[الأدميرال]

:SnipeR (54):

[ابوسـعد]

هلااااوغلاااابأصايل هذا وين الاعلان؟ في خرابه والا في مستشفى!!! يعني ..حتى ابسط مباديء التوظيف غير موجودة...الظاهر هذا مستشفى حق حسب الله..فوضى عارمة..حقيقة ان هيئة مكافحة الفساد يبي لها إصلاح إداري رهيب..على ماقال داوود الشريان في احدى الساعات الثمانية..ضائعة الطاسة...لايمكن السكوت على هذا المنطق المشين...وظائف تتقدم بها للمستشفى مباشرة..هذا عمل غير صحيح..من المفترض ان تقوم اجهزة الدولة المسؤولة عن التوظيف بعملها..سواء الخدمة المدنية او وزارة العمل...النظام لا بد منه والفوضى تخلق الفوضى..وغير ذلك خلط للمسابح...شكرا اصايل واعانك الله على متابعة هذه السرطانات...مشكورة وياهلاااوغلااا

[اصايل]

الادميرال

دوووم الضحكه ههههه

مالومك شر البليه مايضحك

نورت ..

[الأدميرال]

:SnipeR (69)::biggrin:
صاحب المستشفى طالب شهادات جامعيه على الاستقبال ؟
ما ادري هو براسه فكره انه يطور مستشفاه بشهادات وكوادر عاليه
بس الاستقبال ما اعتقد انها توصل معاه و يطلب شهاده جامعيه والراتب 1500او 2000
وهذا حال اصاحب المستشفيات الغير حكوميه ضياع من كل النواحي
شهادات وتخصصات غير مكانها اهم شي يكون المؤهل عالي

[اصايل]

هلااااوغلاااابأصايل هذا وين الاعلان؟ في خرابه والا في مستشفى!!!

هلا ومسهلا ابو سعد

يقال لها مستشفى

يعني ..حتى ابسط مباديء التوظيف غير موجودة...الظاهر هذا مستشفى حق حسب الله..فوضى عارمة..

لا موب حسب الله الا راعيه من المطانيخ

اصلا ماعندنا مبدأ للتوظيف وكل صاحب موسسه او دائره اهو اللي يتصرف وبمزاجه

بتقولي ليه !! لانه حاط في باله انها ملكه ولايمكن لااحد يتدخل فيه مثال عندك المدارس الخاصه ومعنا هنا المستشفيات الاهليه

حقيقة ان هيئة مكافحة الفساد يبي لها إصلاح إداري رهيب..على ماقال داوود الشريان في احدى الساعات الثمانية..ضائعة الطاسة...

حنا ارتجينا من مكافحة الفساد خير وظنتي على قلتهم وجودهم مثل عدمه

لايمكن السكوت على هذا المنطق المشين...وظائف تتقدم بها للمستشفى مباشرة..هذا عمل غير صحيح..من المفترض ان تقوم اجهزة الدولة المسؤولة عن التوظيف بعملها..سواء الخدمة المدنية او وزارة العمل...النظام لا بد منه والفوضى تخلق الفوضى..وغير ذلك خلط للمسابح...

من يوم عرفت العلم والتوظيف في القطاعات الاهليه بهذي الطريقه

حتى التوظيف في المدارس الاهليه يجدعون ملفاتهم لمدير المدرسه والا لصاحبها وهو اللي يوظف والخدمه والموارد مالهم دخل كلش

شكرا اصايل واعانك الله على متابعة هذه السرطانات...مشكورة وياهلاااوغلااا

العفو واعان الجميع ويمكن انا اللي جايبتها لنفسي كان زين اريح راسي

حياك الله ابو سعد

لاعدم

[ديم]

مرحبا اصايل



سبق وقريت تقرير عن الفساد وقد حققت فيه السعودية مركز متقدم :) ماشاء الله علينا


هنا كل شخص يمسك منصب (لاحظي يمسك , فيكون مافيش أمل يفكه)

ناس يلصقون في الكرسي لعقود من الزمن

وزراء ومدراء وغيرهم , ولا شيء ينزلهم من كراسيهم إلا ملك الموت ,أو أنه يجيب العيد , وفيه أحد يسجل كلامه ويفضحه ,وهنا تضطر الحكومة ترقع الموضوع وتقول استقاله بناءً على طلبه.


وهذه النوعية بدأت تتشرط لأن العرض أكثر من الطلب وأغلب الشباب من الجنسين يبحثون عن أي وظيفة

[اصايل]

صاحب المستشفى طالب شهادات جامعيه على الاستقبال ؟

يحق لك تتعجب !! وتستفهم !

ما ادري هو براسه فكره انه يطور مستشفاه بشهادات وكوادر عاليه
بس الاستقبال ما اعتقد انها توصل معاه و يطلب شهاده جامعيه والراتب 1500او 2000

براسه تشرطات مالها داعي والا الشهاده الجامعيه في الاستقبال بالله وش تتطور ؟؟

وهذا حال اصاحب المستشفيات الغير حكوميه ضياع من كل النواحي
شهادات وتخصصات غير مكانها اهم شي يكون المؤهل عالي

هذا الحاصل ..طيب وين وزارة الصحه وين الموارد البشريه وين الخدمه المدنيه

نفس السؤال الحائر ومن غير اجابه !




/


حياك الادميرال ..

لا خلا ابد

[اصايل]

مرحبا اصايل


مرحبا مليون ديم ..




سبق وقريت تقرير عن الفساد وقد حققت فيه السعودية مركز متقدم :) ماشاء الله علينا

في كل شي متقدمين :)


هنا كل شخص يمسك منصب (لاحظي يمسك , فيكون مافيش أمل يفكه)

ناس يلصقون في الكرسي لعقود من الزمن

وزراء ومدراء وغيرهم , ولا شيء ينزلهم من كراسيهم إلا ملك الموت ,أو أنه يجيب العيد , وفيه أحد يسجل كلامه ويفضحه ,وهنا تضطر الحكومة ترقع الموضوع وتقول استقاله بناءً على طلبه.


معاك حق ..بس فيه واحد استقال من منصبه لكن بعد ماأمن مستقبله واصبح صاحب كرسي في كثير من الجهات

يعني خلا كرسي وعنده كراسي :)



وهذه النوعية بدأت تتشرط لأن العرض أكثر من الطلب وأغلب الشباب من الجنسين يبحثون عن أي وظيفة


وهذي المأسأه الحاصله يضطر الشاب القبول بأي وظيفه حتى لو ماتناسب شهادته ولا وضعه لمجرد اسم وظيفه

وراتب ..لكي يصرف على نفسه وعلى اهله ويحاول يأمن مستقبله ولو بالقليل ..!

لذلك حصل الاستغلال وكثرت الشروط في غير محلها .


/


لاعدمت طلتج ديم

حياج ..

[ماستر]

شكرا على الموضوع