الحكم على شابين بالعمل 7 أيام في مغسلة للأموات بالرياض..

[اصايل]

من يوم اعتموا هالقرار وهو بين عيوني ناشبتهم فيه :18::SnipeR (90):


:



:


من مرتكبي المخالفات في المجمعات والأسواق التجارية



الحكم على شابين بالعمل 7 أيام في مغسلة للأموات بالرياض






سلطان المالكي - سبق - خاص: علمت "سبق" من مصادرها الخاصة أن المحكمة الجزئية بالرياض أصدرت حُكْماً على شابَّيْن من مرتكبي المخالفات في المجمعات والأسواق التجارية بالرياض، يقضي بقيامهما بالعمل لمدة سبعة أيام في مغسلة للأموات.

وكان أمير منطقة الرياض قد وجَّه "الجهات الأمنية والهيئة" بمتابعة كلٍ من تصدر منه مخالفات، تمس الآداب أو الأخلاق أو الذوق العام أو التعدي على حريات الآخرين، بتطبيق الأنظمة والتعليمات، في أعقاب قرار السماح بدخول العزاب المجمعات والمراكز التجارية.

وكانت المحكمة الجزئية بالرياض أصدرت الأسبوع الماضي أحكاماً متفاوتة بجلد وسجن أكثر من 20 شخصاً من مرتكبي المخالفات في المجمعات والأسواق التجارية بالرياض, كما تم أخذ تعهدات عليهم ومناصحتهم.

[وجودك يكفي]

الله يهديهم

لاهنتي على النقل يا آصايل

احترامي

[فيصل بـن طعيس]

الله يهدينا ويهديهم

اصاايل لاهنتي

. ودي يليه مروري .

[اصايل]

امين ..

تسلم ع التواجد ولد ثابت

..

[عهود]

الله يـهـديـهم بــاكر يـكـبـرون ويــعـقـلـون

الله يهدي شبابنا وبناتنا ويصلح حالنا وأحوالنا يا المسلمين

يعطيك العافيه أصايل

تقبلي مروري

[الـمـلـكـي]

في إعتقآدي آلشخصي أن مثل هذه الأحكآم عآدله ورآدعه

خصوصاً في مثل هذه آلقضآيآ الأخلآقية

يعطيك آلعآفية أصآيل ع آلمتآبعة آلمتميزة

لك آلتحيه,’,’,

[الجوهرة]

الحكم هذا يمكن يزرع خوف الله في قلوبهم ويتوبون ..
شكرا أصايل ..

[موحدة]

لاهنتي اختي

[اصايل]

امين

حياك الله فيصل

منور ..

[اصايل]

امين

عهود ..حياج الله ..

[اصايل]

نقول يارب يرتدعون

شفت مقطع فيديو للشباب وهم دااخل الاسواق وتعال شوف الزحمه والهوشات :(

بحاول انزله هنا ..


/


حياك الله الملكي

لاعدم

[اصايل]

الجوهره / موحده

حياكم ربي

نورتوا ..

[مامثلي أحد]

-



أصايل عاد أستقعدت لهالضعفه ..





















-

[اصايل]

هههههههههه

تسنك خابر :)

[مامثلي أحد]

-


أنت ركزتي على سلبيات هالقرار .. ولا تلقطين من الأخبار إلا اللي ماهيب لم سنع
مايصير تسذا ..












-

[اصايل]

مكرر :1:

[اصايل]

الا لها سنع ونص :)

اجل لو تشوفهم يومهم دخلوا السوق مسوين هوشه مدري وش يتغانمون :)


بعدين على فكره لازم نسلط الضوء على هذي النوعيه من المواضيع اللي يكون فيها سلبيه

لانها تكشف لنا حقايق كثيره وتكشف المستخبي

اما مواضيع المدايح مالي فيها لزوم تعبنا من المجاملات والثناء لين خربت مالطه :)

[مامثلي أحد]

-


وشفيتس معصبه ؟ بعدين من قال لتس أمدحي ؟
أنا قصدي ليش نركز على سلبيات القرار.. الصحف الحين مانيب أقراها كلها صياح ونياح
حول هالقرار .. والمنتديات كملت الناقص ..! يبون يرجعونا للعصور الحجرية عشان كم واحد
ما استأدب ..!
ومقاطع اليوتيوب اللي شفناه بهالخصوص هذي هي نتايج المنع شبابنا صاروا متوحشين
و تعاملهم مهب لمع سنع بمباركة هالقرارات اللي حادرتن لها شعيب اللي لولا أنهم ماشافوا
إنها ع خطأ ماكان عدلّوا وزينوا هالقرار ..بالنهاية اللي يخطي يتعاقب وعمر المنع ماكان حل ..








-

[اصايل]

ماعصبت :)

انا ذكرت رد لي سابق وفي موضوع اخر اعتقد انه لك

وقلت صح انا ماايئدت هذا القرار من اوله لكن لو الشباب التزم بااخلاقه شي طيب وفيه شباب جنوا على غيرهم من الشباب الصالح ..واختلط الحابل بالنابل

وبالتالي معارضة القرار وارده من الكثير .. وانا اول المعارضين

لذلك يحق لي ايراد المواضيع اللي تعارض فكري ومبدأي :)


/




أنا قصدي ليش نركز على سلبيات القرار.. الصحف الحين مانيب أقراها كلها صياح ونياح
حول هالقرار .. والمنتديات كملت الناقص ..! يبون يرجعونا للعصور الحجرية عشان كم واحد
ما استأدب ..!




اوكي بمشي معك للايجابيات وينها ؟؟ ماشفت ولا ايجابيه واحده من يوم جاء هالقرار

عطني ايجابيه بس ووحده وبنقارنها بالسلبيات وشف اي كفه ترجح ..

زين سوال ؟؟

كم لنا من يوم عرفنا العلم والشاب يدخل مع عايلته وش ضره ؟؟ بتقول ماعنده احد من اهله والا كل يوم بيتطلب خواته والا امه يدشون معه السوق بقولك اوكي مو لازم مع اهله .. لان الشاب له اماكن خاصه ؟؟ وفيها كل احتياجاته ....صار له شي ؟؟ مات ؟؟ انهدت الدنيا ؟؟

شفه مااخذ حقه بالطول والعرض ,,ولانفصت عليه اغراضه ولاشي !!

[مامثلي أحد]

-







كم لنا من يوم عرفنا العلم والشاب يدخل مع عايلته وش ضره ؟؟ بتقول ماعنده احد من اهله والا كل يوم بيتطلب خواته والا امه يدشون معه السوق بقولك اوكي مو لازم مع اهله .. لان الشاب له اماكن خاصه ؟؟ وفيها كل احتياجاته ....صار له شي ؟؟ مات ؟؟ انهدت الدنيا ؟؟

شفه مااخذ حقه بالطول والعرض ,,ولانفصت عليه اغراضه ولاشي !!









العزوبي يبي الاحترام يوم كل ماراح لم صوب لين مكتوب للعوايل!
أيه كل يوم يتشحد أمه وأخته لابغى له كم غرض .. لا ولا دخل المول و نسى الجوال
بالسيارة وطلع ياخذه و لاجاء بيرد المول قالوا له الأمن : اتصل بأختك تجي تستلمك !
بالله لو أنتس شاب وش بيكون موقفتس ؟
والله لو أنه ( حـ ... ) مو آدمي كان حس !

بعدين وش حكاية اللي لهم اماكن خاصة لملابسهم .. ثلاثة أرباع اللي بالمولات أغراض شباب عندتس مانغو و جرداينو ولاكوست و أبولو وغيرها وغيرها غالبيتها ملابس شباب غير العطورات غير الجزم الأصلية وغيرها و غيرها من الأغراض اللي
تخص الشباب مو مجبور أنا ألبس من هالثياب والغتر اللي تكافخ مع الهبايب بالمحلات اللي على الرصيف ..
و لا أقرد متشرد يشتري منها :151:



وآسفين طال عمرتس تسان وجهة نظرنا مهب عاجبتس
وأبد يحق لتس تنقين الأخبار اللي تعاضد رأيتس ومبدأتس ..






-

[اصايل]

العزوبي يبي الاحترام يوم كل ماراح لم صوب لين مكتوب للعوايل!


الاماكن والاسواق وكلمة للعوايل مهيب مقياس للاحترام ..!

أيه كل يوم يتشحد أمه وأخته لابغى له كم غرض .. لا ولا دخل المول و نسى الجوال
بالسيارة وطلع ياخذه و لاجاء بيرد المول قالوا له الأمن : اتصل بأختك تجي تستلمك !


هذي صح يااكثر مااشوفها وصار لي مواقف كثيره بخصوص هالموضوع :)

بس مالهم لايم من اللي يشوفون ..!

بالله لو أنتس شاب وش بيكون موقفتس ؟


لو عندك واسطه مع حراس الامن وخالقي ليدخلونك حتى لو انك اكبر لعااااب :)

حتى في الاسواق وسايط ... ابو التخلف


والله لو أنه ( حـ ... ) مو آدمي كان حس !



حاشاكم ماقلت تسذا .. بس فيه ( ح,,,, كثيرين تكرمون :) خربوا عليكم انتم يالصاحين شنسوي ..!

يعني باب يجيك منه الريح سده واستريح :)


/


بعدين وش حكاية اللي لهم اماكن خاصة لملابسهم .. ثلاثة أرباع اللي بالمولات أغراض شباب عندتس مانغو و جرداينو ولاكوست و أبولو وغيرها وغيرها غالبيتها ملابس شباب غير العطورات غير الجزم الأصلية وغيرها و غيرها من الأغراض اللي
تخص الشباب


وكل هالماركات مهيب محصوره ع الاسواق بس

والله فيه شوارع راقيه تلقى فيها كل اللي تبي وماركات بعد ماوقفت على الاسواق :)

تصفط سيارتك جنب المحل وتااخذ اغراضك وش احلا منها ..

مو مجبور أنا ألبس من هالثياب والغتر اللي تكافخ مع الهبايب بالمحلات اللي على الرصيف ..
و لا أقرد متشرد يشتري منها :151:




واللي في الصوره ويش :151:


محد اجبرك تشتري من محلات الجمله :)
رح للمحلات العالميه يالمطنوخ اللي في الشوارع :)


وآسفين طال عمرتس تسان وجهة نظرنا مهب عاجبتس

لاداعي للاسف طال عمرك لانها وجهات نظر وكل واحد يتكلم من منظوره الخاص .. :)


وأبد يحق لتس تنقين الأخبار اللي تعاضد رأيتس ومبدأتس ..








محد قال غير هيك :)

حياك الله ..

لاخلا ولاعدم ..

[ومضــــات]

حلوووووووووو

[اصايل]

يحلي ايامك :)


حياك ..