انا البارحه تهت في غبة العاشقين ..

[اصايل]

صباح ..مساء الشعر







:




انا البارحه تهت في غبة العاشقين آخر اللـــــــــــيل ذقت العزاير
وانا مؤمن(ن) بالقدر خيره وشـــــره
فيذا القلب والعين ملت من النوم مالوم من له مع النـاس حاجه
ولا حد(ن) ينوم وحاجته ما قضـــاها


تعديت وابطيت واخطيت يازين مــــازارنا من طـــــــــــوارفك زاير
وقلبي ليا جابوا مجالك يســــــــــره
غرست المحبه كما زرع النخل صــــــــــاحي الفكر يعرف خراجه
يعرف السلع ان باعها وان شــــراها


خبر خير ياطير كانك على نجــــــــد مع شلعت النور ياطير طاير
ابا انخاك وابا اوصيك مليون مــــــره
على من سباني بخده وخشــمه وعنقه وعينه وسكبة حجاجه
ونفس(ن) خفيفه رافع(ن) مستواها


عليه اشقر(ن) يستر الصدر والجنس ماشفت شكله بسبع الجزاير
ولا فيه من عذروب مثــــــقال ذره
عليه اسهر الليل لو الســــــــــهر خابره للعيون الشقيه سماجه
اسلي جروح(ن) وين ابلقا دواهــا


وابا اصبر على الصد والهجر والبـــــــــــعد وبجاه ربي تدور الدواير
وانا خابر(ن) فرقا الحبايب مضره
ويا كامل العقل والميز والملح واللـــــــــــطف والزين لبس بتاجه
مصابيط ربي كيف تلحق جزاها


محبتك تبني من العام الاول وزادت بوسط الظمــــــــــــاير مناير
وقلبي طواريق الهوى مـــاتغره
ياطول الايام هي والليـــــــــــالي متى ياللطيف النظيف انتواجه
تهنى العيون ويسعد الله مساها


وانا احبها حب زايد على شـــــــــــــــــانها ما بعد وقفت بالعواير
ولا جالها بالسوق سمعه وجره
وياليتني دايم الدوم وياه خلان والجرح يكـــــــــــــــــــمل علاجه
تحقق حياتي من خلاها بخلاها

.



للشاعر / خلف بن هذال http://www.montada.mergab.com/images/smilies/wardah.gif


ابيها صوتيه مالقيتها اللي متوفره عنده لايبخل :SnipeR (5):
.

[؛؛ابو ريناد؛؛]

اصايل لله در ابو فيصل واختيارك موفق

على من سباني بخده وخشــمه وعنقه وعينه وسكبة حجاجه
ونفس(ن) خفيفه رافع(ن) مستواها


بيت جميل حيل

صح ذوقك

[وجودك يكفي]

صح لسان ابوهذال ولاهنتي يا آصايل على النقل المميّز

احترامي

[مهـرة مـطير]

"

اختيار جميل صح لسان شاعرهآ

وتسلمين عالنقل يَ أصايل

[الأدميرال]

صح السان ابو هذال
لاهنتي يا اصايل على النقل

[عهود]

أنا مومن (ن) بالقدر خيره وشره ..

و مومنه باختيارك الراقي الجميل أصوله

شكرا على النقل الرائع ..

[اصايل]

حياك الله ابو ريناد

نورت طال عمرك ..

شاكره تواجدك العطر ..لاعدم ..

[اصايل]

لاهان غاليك وجودك

حياك الله يالامير

لاخلا ولاعدم ..

[اصايل]

الجميل حضورج مهره

حياج يالغلا

لاعدمت طلتج ..

[الجوهرة]

هنا ..

http://www.fesal.net/voices-action-show-id-814.htm

بس مدري تشتغل وإلا لا .. لأني على الجوال ..

[اصايل]

لاهان راسك فيصل

حياك الله

لاخلا ابد

[اصايل]

حياج عهود

شرفتي ياغلا

لاعدمت هيك طله :)

[اصايل]

ياهلا بالجوهره

حياج يابعدهم .. ماقصرتي يالغاليه

بس للاسف مو نفس القصيده :)

نورتي ..

[مامثلي أحد]

-




هذي قصيدة وإلا أيش ؟
اسألي بمنتديات الحفاة بيفيدونك ..


كأني أشوف عندتس كاسيتات خلف هذال القديمة
وعيسى الاحسائي وطقتهم ..






-

[اصايل]

حياك الله مامثلك احد

افا عليك .. قصيده :)

بس طرقها غير مدري وش يسمونها..! ليتك تسمعها شيله عشان تعرف الزين :)

اما اشرطة خلف وعيسى ههههه مااسمع اغاني *_^

ربي يسعدك

نورت ..

[كنق الهيلا]

ابيات في قمة الرووووووووووووعه

[اصايل]

حياك الله ي كنق

نورت ..

[ليزر]

شكرا علي الابيات الجزله الله يعطيك العافيه

[اصايل]

يعافيك ربي ليزر

حياك الله ..

[موحدة]

ميتٌ يقول .. دَعُونِي أُصَلِّي

عَنْ جَابِرٍ : عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :

(( إِذَا دَخَلَ الْمَيِّتُ الْقَبْرَ ، مُثِّلَتْ الشَّمْسُ عِنْدَ غُرُوبِهَا ، فَيَجْلِسُ يَمْسَحُ عَيْنَيْهِ وَيَقُولُ : دَعُونِي أُصَلِّي ))
رواه ابن ماجه وصححه الألباني