هرمنا

[مامثلي أحد]

-



أمير الرياض يوجّه بفتح المجمعات التجارية أمام العزّاب


http://s.alriyadh.com/2012/03/21/img/705173444234.jpg



الرياض - عبدالله الحسني :
وجّه صاحب السمو الملكي الأمير سطام بن عبدالعزيز أمير منطقة الرياض اليوم
بعدم منع الشباب العزاب من دخول الأسواق والمجمعات التجارية تقديراً من سموه
لهذه الفئة الغالية من أبناء الوطن وبناءً على مانصت عليه التعليمات السابقة
والتي قضت بعدم المنع. :biggrin:

وجاء في التعليمات السابقة أن منع دخول العزاب في المواسم وفي أوقات الذروة
بالذات إلى المراكز التجارية أظهر سلبيات كثيرة ومن بينها تجمّع الشباب خارج الأسواق،
وما تبع ذلك من مخالفات ومضايقات للنساء وتجمهر وتضييق واضح على الشباب
وأخذ العاقل بجريرة المستهتر.

وقد تضمن توجيه سمو أمير منطقة الرياض أن يقتصر المنع على من يلاحظ عليه
مخالفات تمس الآداب أو الأخلاق أو الذوق العام أو الأنظمة.

كما تضمن توجيه سموه التأكيد على الجهات المختصة بمنابعة كل من يصدر منه
مخالفات أو التعدي على حريات الآخرين وتطبيق الأنظمة والتعليمات بحقه.



* أخيراً شعروا بأدمية الأعزب.. بأنه بشر يحتاج للتسوق مثل العالم والبشر
عقبال السماح بدخول باقي الأمكنة التي مازالت حكراً على العوائل ..


نتقبّل التهاني ..
وهاتوا مشاعركم يالعزوبية :151:
-

[وجودك يكفي]

الله يحفظ شباب المسلمين وبناتهم ويرزقهم الهدى والتقى والعفاف والغنى


لاهنت على النقل مامثلك احد


احترامي

[رايـق]

والله .. خلنا نشوف وش راح تكون النتائج اول .... وراح يبين هل القرار صائب او ان الشباب راح يجيبون مشاكل .

ونرجع كما كنا ..

تسلم ايدينك .. أعجبني اسم عنوان الموضوع

[مامثلي أحد]

-


الله يحفظ شباب المسلمين وبناتهم ويرزقهم الهدى والتقى والعفاف والغنى


لاهنت على النقل مامثلك احد


احترامي



آمين وجودك
اللي بيعمل مشاكل بيخمطونه مع علباه و يجدعونه برا
الدعوة سهلة ترا

ولا هنت ياعزيزي


-

[سُقياْ جُنونْ]

:SnipeR (2):
مـ أتوقَع القرآر صائِب َ وَ النتائِج رآح َ بِ تكُون سلبيَة
إلا في حآل ما آثبتَ فئةَ [ العزاب ]:biggrin: نوايآهم الحسنة .




لآعنيَ العآمة فقطَ البعَض !

لاهنتَ على إِيرادَ الخبرَ .

[مامثلي أحد]

-


والله .. خلنا نشوف وش راح تكون النتائج اول ....
وراح يبين هل القرار صائب او ان الشباب راح يجيبون مشاكل .

ونرجع كما كنا ..

تسلم ايدينك .. أعجبني اسم عنوان الموضوع


تفائلوا بالخير تجدوه
وقرار صائب بأذن الله
وإذا واحد أو أثنين أخطأوا هل من العدل أن نأخذ البقية بجريرة هولاء ؟


سلمت يابعدي
عنوان الموضوع فقط أعجبك ؟ أنت كلك تعجبني ياعزيزي :biggrin:


-

[اصايل]

يعطيك العافيه ماامثلك احد


:


اول قرار من يوم تولى سطام الرياض ... واول الغيث قطره :)



/

والله يااختك بقولك بصراحه ومااعمم على كل الشباب فيه شباب مستقيم ويخاف ربه وفيه العكس

اللي يتعرض لبنات المسلمين حتى لو هي في حالها وملتزمه بحجابها ..

:

نشوف عواقب هذا القرار .. !


تسلم ع الايراد ..

[{ أبوفيصل }]

الله يستر على العزوبي لايجيه من يضايقه لأنه يرغب فقط التسوق بكل يسر وسهوله

شكراً لأيرادك مامثلك احد

:)

[مامثلي أحد]

-


:sniper (2):
مـ أتوقَع القرآر صائِب َ وَ النتائِج رآح َ بِ تكُون سلبيَة
إلا في حآل ما آثبتَ فئةَ [ العزاب ]:biggrin: نوايآهم الحسنة .




لآعنيَ العآمة فقطَ البعَض !

لاهنتَ على إِيرادَ الخبرَ .





النوايا أتركوها لله ..
ومن يخطئ يُعاقب لكن لا نعمم الحكم على البقية ( اللي تباري الساس ) :biggrin:
ومقصدها من المجمعات التجارية بيّن ..


شكراً سقيا


-

[مامثلي أحد]

-


يعطيك العافيه ماامثلك احد


:


اول قرار من يوم تولى سطام الرياض ... واول الغيث قطره :)



/

والله يااختك بقولك بصراحه ومااعمم على كل الشباب فيه شباب مستقيم ويخاف ربه وفيه العكس

اللي يتعرض لبنات المسلمين حتى لو هي في حالها وملتزمه بحجابها ..

:

نشوف عواقب هذا القرار .. !


تسلم ع الايراد ..



هلابك أصايل
اللي يتعرض لبنات المسلمين يُعاقب .. هي سايبه و ألا سايبه ؟
ترى الوضع طبيعي والمسأله بسيطة لا تعقدون الأمر .. وش الفرق
أني أدخل السوق و أختي معي .. أو أدخله لحالي ؟
يعني لازم تحدّونا نترجا الربايع كل مابغينا السوق ( تكفين أبي أسوق ياحصه )
عاد إذا كانت الأخلاق خربانه قالت : أنتظرني أفكر .. وإلا مرّني الشهر الجاي ؟
هزلت ورب البيت :14:



-

[مامثلي أحد]

-

الله يستر على العزوبي لايجيه من يضايقه لأنه يرغب فقط التسوق بكل يسر وسهوله

شكراً لأيرادك مامثلك احد

:)


والله و بالله أن هذا الحاصل .. و خشيت أن أقول بذلك فأتهم بالمبالغة و من هذا القبيل ..
حضورك يثلج الصدر يالعطاوي :03hbdsn13:
شكراً لك


-

[اصايل]

بالعكس من حق الشباب يتسوق ...بس بااحترام وفي حدود

انا اشوفهم احيان يدخلون مع عوايلهم ومالهم داعي يخلي اهله ويروح يهيت :)

يعني كنهم سامحين لهم منذو مبطي مافرقت :)

الله يصلح الحال بس ..

[اصايل]

http://www.otaiby.com/vb/rs-njd_11/misc/quotes/quot-by-right.gifhttp://www.otaiby.com/vb/rs-njd_11/misc/quotes/quot-top-right-10.gif الله يستر على العزوبي لايجيه من يضايقه لأنه يرغب فقط التسوق بكل يسر وسهوله
والله و بالله أن هذا الحاصل .. و خشيت أن أقول بذلك فأتهم بالمبالغة و من هذا القبيل ..





بقولكم شي وحقيقه هو .........اللي حافظ نفسه حافظها سواء شاب او شابه

والشباب ( سواء بنت او ولد ) الهايتين يبانون واللي يبي الفساد بيلقاه في اي مكان

واكثر الاسواق ترى مافيها محلات للشباب ... دايم محلات الشباب مستقله ..يعني لو كان هدفه التسوق

مهوب لاقي اغراضه كان بيوسع خاطره شي ثاني :)

[مامثلي أحد]

-



أصايل لا أنكر ان هناك شباب سيء و أن أتينا للحقيقة يوجد السيء من كلا الجنسين ..
المنع كان الخطأ منذ البداية .. وهذا القرار هو التصحيح

ياقشركم مابه أحد قال مبروك وإلا فرحنا لك .. لوّه تسذب :(
ياحليل ربعن ثانين سبع صفحات كله تباريك ..
وخرّوا عني :SnipeR (55):



-

[مامثلي أحد]

-



واكثر الاسواق ترى مافيها محلات للشباب ... دايم محلات الشباب مستقله ..يعني لو كان هدفه التسوق

مهوب لاقي اغراضه كان بيوسع خاطره شي ثاني :)




أحسني الظن ياخيه
و مقتنيات الشباب من عطورات و ملابس و مستلزمات لا توجد إلا بالمولات التجارية
ليس هناك محال مستقله إلا إذا كنتِ تقصدين محلات الخياطة الرجالية .. أم ماذا ؟

والأسواق مهيب لسعة الصدر و أنا اخوك



-

[اصايل]

ايه اقصد الخياطين وراعين العقل والشمغ

والله يااختك اني احسن الظن في ناس واااجد مير ماظنتي ينفع مع بعضهم :)

[اصايل]

والأسواق مهيب لسعة الصدر و أنا اخوك




الا فيها صالات تزلج وبلياردو ومطاعم

كلها توسع الخطر :)

[{ أبوفيصل }]

زبدة الكلام كله

قال عليه الصلاة والسلام :
( أحب البلاد إلى الله مساجدها وأبغض البلاد إلى الله أسواقها ) رواه مسلم


فلا ننسى كذلك قول الرسول الكريم :
(من سن في الإسلام سنة حسنة فله أجرها
وأجر من عمل بها من بعده لا ينقص ذلك من أجره شيئا) رواه مسلم

فـ أمير الرياض حفظه الله عندما أصدر هذا القرار لاشك لرؤيةً هو يراها حسنه
لذلك من سنّ سنةً حسنه فله أجرها وأجر من عمل عليها من بعده
ومن أساء فعليه وزرها ووزر من عمل عليها .

والله اعلم ،،،،، انتهى

[قلب الذهب]

ماشاء الله ماشاء الله آجل هرمتوا يّ عزابيه وشبتوا وصآر [ مآ ينخاف منكم ] :biggrin:

^ ليهه يعني تخوفون يعني من آول :1: ..

و حلووه منك هذي الشطحه العمريه لكم :smoke1:

مآ آدري صراحه ليه دايم نعتقد آنو آكبر هموم شبابنا آنو يرقم له بنت

آو يضيع له وقت ف اللعب والركض فالاماكن اللي فيها وردات :24:

آشوف آنو فيه صحوه فكريه يعشيونها شبابنا و مو بذا الايام

آبتدو فيها لا من زمان ..

عمره ماكان تفكير الشاب السعودي منحصر ف لهو ولعب وترقيم

وحركات طيش !!!

الشاب السعودي طبيب ويتعامل مع الالاف النساء سنوياً

الشاب السعودي كابتن طيران ويتعامل شبه يومياً مع عشرات المضيفات

من مختلف الجنسيات !!!

الشاب السعودي الآن إعلامي ويتشارك مع زميلته بإعداد برامجهم وغيره وغيره ..

الشاب السعودي مدرس ومعلم ويتواصل مع ولية أمر طالبه في كثير من الاحيان !!!

ليش نحكم على كل هذي العقليات اللي مو مجبوره لو بتقطف ورده آنها

تروح مجمع !!!!!!!!!!!

القرار هذا كان لازم يكون من زمان , وشكراً :wardah: ..

[مامثلي أحد]

-




الا فيها صالات تزلج وبلياردو ومطاعم

كلها توسع الخطر :)



مايمديك :)
أصايل أحترم رأيك جداً جداً وأن كنت لا أعاضده
دائماً و أبداً حضورك موطن تقديري

شكراً


-

[مامثلي أحد]

-



العطاوي سعدنا بحضورك الثاني ربي يسعدك

شكراً



-

[رغدالشيباني]

الله يجيب العواقب سليمه

ألف شكر

[مامثلي أحد]

-



ماشاء الله ماشاء الله آجل هرمتوا يّ عزابيه وشبتوا وصآر [ مآ ينخاف منكم ] :biggrin:


لمعلوميتك الشيّاب ينخاف منهم أكثر من الشباب ( وجه يناظر في شيّاب المنتدى )
دا أحنا غلابه


^ ليهه يعني تخوفون يعني من آول :1: ..


أيه محسوبينك مخلوقات فضائية قادمة من كوكب أخر أو أن شئتِ أسلحة دمار شامل تستوجب
تبليغ هيئة الأمم المتحدة وجمعيات حقوق الإنسان عنها : (


و حلووه منك هذي الشطحه العمريه لكم :smoke1:


هرمت أفئدتنا من الألم وأن كانت أجسادنا شابه


مآ آدري صراحه ليه دايم نعتقد آنو آكبر هموم شبابنا آنو يرقم له بنت

آو يضيع له وقت ف اللعب والركض فالاماكن اللي فيها وردات :24:



الورد يُغري الروح التواقة لفهم أسرار لجمال .. طوط .. طوط << رقابه .. مانتي باطيب منّي :biggrin:
لكن أتعلمين .. لدينا مجتمع يعاني خلل بالفكر مرّدهُ إعتقاد أن المرأة هي للمتعة ولم تخلق لغير ذلك مما أحاط العازب
أو الرجل بصفة عامة بنظرات الشك والريبة في تعامله مع المرأة ناسين أو متناسين
امتلاكه مبادئ تلهج بالتوعية إذا مارغب مجرد الرغبة بالإنزواء
في الطُرق الغير سوية ..




آشوف آنو فيه صحوه فكريه يعشيونها شبابنا و مو بذا الايام

آبتدو فيها لا من زمان ..

عمره ماكان تفكير الشاب السعودي منحصر ف لهو ولعب وترقيم

وحركات طيش !!!

الشاب السعودي طبيب ويتعامل مع الالاف النساء سنوياً

الشاب السعودي كابتن طيران ويتعامل شبه يومياً مع عشرات المضيفات

من مختلف الجنسيات !!!

الشاب السعودي الآن إعلامي ويتشارك مع زميلته بإعداد برامجهم وغيره وغيره ..

الشاب السعودي مدرس ومعلم ويتواصل مع ولية أمر طالبه في كثير من الاحيان !!!

ليش نحكم على كل هذي العقليات اللي مو مجبوره لو بتقطف ورده آنها

تروح مجمع !!!!!!!!!!!

القرار هذا كان لازم يكون من زمان , وشكراً :wardah: ..



شبابنا صاحي .. فقط كل مانحتاجه صحوة مجتمعنا وهنا سأعمم ولن أخصص ..
الفكر السائد لمجتمعنا توقّف على حدود العصر الحجري يحتاج إلى أوبديت تحديث نظام
تشغيل المخ والمخيخ ولا يهون النخاع المستطيل ..

كوني دائما بالقرب جود فمثلك نحرص على تواجده

شكراً



-

[مامثلي أحد]

-


الله يجيب العواقب سليمه

ألف شكر



إلى متى سنتوجس خيفة من تواجد النساء مع الرجال بذات المكان
متى ستندثر ثقافة النار والحطب .. والذئب والنعاج !


حضورك كنهرٍ ينساب رقراقاً رغد الشيباني

شكراً


-