يالجّتي لجّة ذيابٍ عونيا ،،،

[{ أبوفيصل }]

من قديم حجاب



يالجّتي لجّة ذيابٍ عونيا = حافن وشافن وافلسً من عشاهن
قامن يجرّن العوا واللحنيا = ويكوْسرن من الهضايم اعواهن
وا حني قلبي حنية القوس حنيا= حانن ضلوعي حن وحانن حناهن
وجروح لطف الروح بيه صطنيا= ساطن سواطيهن وبين خفاهن
حب الحبايب في ضميري سكنيا = سكن عمر له بيوتن بناهن
حبه بنا بنيٍ على ساس بنيا= ما ينهدم مبنى بيتن بناهن
وابو عيونٍ سود لا سلهمْنيا= سودٍ محاجرهن وعكشٍ هدبهن
وجدايلٍ فوق الغضي شرّعنيا= بالريح واخضاب الشمطري مشطهن
اعد انجومٍ في سماهن سرنيا = لاعله ياطن الحبيب بمساهن
يوم الهبايب ذعذعن واكسرنيا= جانا من القبله مذعذع هواهن
يا ليتهن عن صاحبي يخبرنيا = اظني ارْوِح ريح خلي معاهن
لعل يسقي الغيث ذاك الوطنيا = ذيك الديار اللي حبيبي سكنهن
يوم المواتر سنّدن واحْدَرنيا= انا بمحلي والعيون بشقاهن

[وجودك يكفي]

صح لسانه . ولاهنت يالعطااوي وتسلم يمينك على النقل


احترامي

[رايـق]

صح لسان

حجاب

ولاهنت على النقل والانتقاء المميز

[اصايل]

صح ايرادك اخوي


لاهنت ..

[{ أبوفيصل }]

تسلم يابن ثابت ولا أنت يابعدي شاكر لك مرورك

[الصهد]

سلمت يالعطاوي الله لايهينك نقل ولا أروع تحياتي وتقديري

[مهـرة مـطير]

"

صح لسانه وتسلم يالعطاوي عالنقل الجميل

[الأدميرال]

حــبــه بــنــا بــنـــيٍ عــلـــى ســـــاس بـنــيــا
مــــــا يــنــهــدم مــبــنـــى بــيــتـــن بــنــاهـــن

تسلم يالعطاوي

[السليس العطاوي]

صح لسانه ولسانك ومشكور على النقل

[ابوسـعد]

لاهنت يالعطاوي على النقل المتميز وياهلاوغلا

[{ أبوفيصل }]

صح لسان

حجاب

ولاهنت على النقل والانتقاء المميز
ولا أنت يارايق والتميز في مرورك الكريم

[{ أبوفيصل }]

سمتي ولاهنتي ياصاايل على مروركـ

[{ أبوفيصل }]

سلمت يالعطاوي الله لايهينك نقل ولا أروع تحياتي وتقديري

الله يسلمك يالصهد ولا أنت ياحيي الرائع مرورك الكريم

[{ أبوفيصل }]

حياكـ الله يامهره ،، لاهنتي

[{ أبوفيصل }]

الله يسلمك يالأدميرال ، لاهنت

[{ أبوفيصل }]

السليس العطاوي

شاكر لك مرورك الكريم

[{ أبوفيصل }]

ولا أنت يابوسعد لاهنت والاميز مرورك العاطر

[جـــلادة]

صح لسانه وتسلم يمينك يالعطاوي ع النقل ،،،