ولدت ساطي ومتغطرس وأحب الخصام

[نايف بن نايف]

ولدت ساطي ومتغطرس وأحب الخصام ****ولا أعترف في إدارة طبع والا مدير

أوجدت نفسي من اللاشي والانعدام ***نبذت فالمجتمع لاني صريح وفقير

ماكان تفكيري الا كيف أخطف السنام ***والحمد لله خطفت اليوم كل البعير

إن لم يكن مركزي بالصف الاول أمام ***ماعاد تفرق معي لو كنت قبل الاخير

الله أكبر ولله البقاء والداوم *** وهو الاله الاحد وهو السميع البصير

أخذت من مدرسة أحمد عليه السلام *** مالا خذيته من مخاوى وزير وامير

واخذت من فلسفة هتلر عدم اللالتزام *** وكسبت نفسي وريحت القلق والضمير

وابشرك حالتي دايم على مايرام *** من ركعتين الفجر الين بعد الاخير

صحيح عندي تحفظ على بعض الانام *** مثل معمر وابو مازن وتوني بلير

لكن انا مااحب اقلل الاحترام *** واذهب ضحية طموح الغرب وانا صغير

قومية المسلمين اللي عليها الكلام*** راحت معا خالد وعمرو وعلي والزبير

الله ولا ذل والتخوين والانهزام*** ياعابدين العروش الوضع جدا خطير

اناتراني اعاني نوب من انفصام *** يوثر على البرمجة في راسي المستدير

واصير احس اني البارود والا الحسام*** في ساحة الشعر من تبوك لاقصى عسير

مما يسبب لبعض اعدائي الاحتدام *** اللي يحسبون قرض الشعر مثل الشعير

والشعر وان كانه المقصود باول مقام *** فالله يرحم ابو الطيب ويرحم زهير

روح التنافس وحب الناس والانضمام*** ماهي بتعني لدى الكثرة نهاية مصير

والشاعر اللي معه عزوة خوال وعمام*** تفداه وايل وترقب مستعدة مطير

والله فلا ينقهر والا يضيق ويضام*** لاجاء اللزز والملاقى والقبس والنذير

وجمع الدراهم ماهي باكبر طموح الغلام *** اللي جمع من قلوب الناس شي كثير

من حبني رغم تفويتي له الانخدام *** واللي كرهني فهذا شخص ملعون صير

دام المعارك صغيره ماعلينا لزام *** ينوب عن سيفي البتار اصغر جفير

قرات فيماقراته من بلوغ المرام *** اللي ترك شي لله عاضه الله بخير

[؛؛ابو ريناد؛؛]

يا نايف الله يمسيك بالخير
قصيدة حلوة وتحتوي على الكثير من فلسفة ابن الذيب

من حبني رغم تفويتي له الانخدام *** واللي كرهني فهذا شخص ملعون صير
وهذا البيت فيه غطرسه و(لعن ) يعني ؟؟؟؟؟؟؟؟؟؟؟
ولو انك خالفت قوانين المنتدى بخصوص ذكر اسم الشاعر
فلعلك تذكر لنا اسم الشاعر
ولك الطيب التحايا

[نايف بن نايف]

الله يصبحك بالخير والايمان حنا صبح ماهو مساء

ومن شفتك قلت قصيده حلوه وابن الذيب وانا غاسلن يدي :)

المهم ياريناد ماهو ضروري ان الشاعر يقصد كل مايقول

كما يقول تعالى -وانهم يقولون مالايفعلون- واما مسالة اللعن في القصيده

ليس بغريب لان الشاعر اخذه من بيئته وكثير من الناس

والمناطق يطلقون اللعن ومايقصدونه

وطبعا ما اظن ان المنتدى يمنع ذكر اسم الشاعر؟ لماذا يمنع ذكر اسمه؟

الشعر الجيد مدح للشاعر وقد لايكون كما هو مدح وقد يكون حال الشاعر افضل من شعره

[؛؛ابو ريناد؛؛]

ارجع لردي وأعد القرأه مره ثانيه يافاضل

وأسلوب غسلت يدي اسلوب ارقى بنفسي عنه

واعتذر لك واعدك بعدم النزول لمستواك في أي موضوع أو أي رد

حتى تصل لمستوى الرد

وخذلك ثلاث وردات :wardah::wardah::wardah: