نتايج مسابقة شاعر المنتدى

[اصايل]

السلام عليكم ورحمة الله وبركاته..


مساء كم / صباحكم .. فوز ..



في البدء نعتذر عن هذا التأخير الذي حصل في اعلان النتائج


ويسرني ان اتقدم بجزيل الشكر والعرفان لكل من ساهم مع في انجاح هذه المسابقه
لولا فضل الله ثم مشاركة الكثير ومتابعة الكثير لما تمت بهذا الشكل ..


اشكر كل من كان معي من بداية فكرة المسابقه ومنذو مراحلها الاولى خلف الكواليس :13:

اخواني ( ابو سعد / عادل العصيمي / رايق / نايف تراحيب )

ولا انسى ان اتقدم بكل الشكر والعرفان لاخي ( عبدالله الموشدي ) فقد كان معي خطوه بخطوه وكان صاحب مشوره ورأي سديد ..

اشكر كذلك لجنة التحكيم على كل الجهد الذي بذلته رغم كثرة مشاغلهم وارتباطاتهم

استاذنا ( ابن ثعلي )

الشاعر ( عبدالله المرشدي )

الشاعر ( ناصر بن سعدي )

:


:


ويسعدنا ان نعلن اسماء المتسابقين الذين شاركوا معنا بهذه المسابقة

الشعرية ..

الشاعر / عادل العصيمي

الشاعر / عبد العزيز الفرج

الشاعر / العطاوي

الشاعر / سمو الامير ..

جميعهم قدموا لنا قصائد رائعه وجزله وليست بغريبه على شاعريتهم ..

صحت السنتهم جميعا .. ولهم كل الشكر والتقدير على استمرارهم ومشاركتهم معنا :wardah:

ولكن كما هو معروف في كل السباقات لابد من فارس واحد فقط هو من يحضى بالمركز الاول

ويلقب بشاعر المنتدى ...

فقد كان الفوز في هذه المسابقه من نصيب

الشاعر ( سمو الامير )


http://im17.gulfup.com/2012-03-19/1332112487151.gif (http://www.gulfup.com/show/X3jmzrv46d739)http://im17.gulfup.com/2012-03-19/1332112487151.gif (http://www.gulfup.com/show/X3jmzrv46d739)



الف الف الف مبروك لشاعرنا .. حصوله المركز الاول وحصوله على لقب شاعر المنتدى ..


http://im17.gulfup.com/2012-03-19/1332112487503.gif (http://www.gulfup.com/show/X9ujw20g0um80s)http://im17.gulfup.com/2012-03-19/1332112487503.gif (http://www.gulfup.com/show/X9ujw20g0um80s)



وحظ اوفر لبقية المشتركين ...في المسابقات القادمة



القصيده المشاركه في المرحله الاولى ..


ماعليك من العيون الناظرات = دام عينك حدّها سجادتك

اسجد اسجد والليالي فانيات = ماتحصّل غير قدر عبادتك

علّم الغرب الحياة من الممات = وانك اسلامك بملءارادتك

قلّهم بانّ الفتن والمغريات = ماسلبتك ايمانك الازادتك

لايغرّونك بحمل الكاميرات = كان ماضرّتك لا مافادتك

انت مسلم والجنان الوارفات = كل مانادى المنادي نادتك

لاتخلي فرضك عيون الشمات = ان تركت الفرض والله صادتك

اجتهد واسأل من الله الثبات = العظيم اللي بيدْه ابادتك

ادعه اليا استدرج العين السبات = واذرف الدمعات فوق وسادتك

واعمل لدينك قبل وقت الفوات = انت دون الدين ويش فيادتك

/


قصيدة المجاراه .. في المرحله الثانيه من المسابقه ..


/


القلب جدّد بلاه وحرّك اوناسه = قاف الزلامي وهلّت له مدامعها




يابو جميل الليالي معترك ساسه = والرابح اللي بخبراته يدافعها

اللي يقيس الامور بعقل وسياسه = ويشوف من قبل مدخلها مطالعها

رجلٍ على حسب طوله يلبس لباسه = مارس وعايش وقاسى من مواجعها


ماهوب من يضرب اخماسه على اسداسه = اللي يحفظ الدروس ولايسمّعها


حنا درسنا الزمن مع ناس درّاسه = بقلوبنا ننحت دروسه ونطبعها

عشنا وشفنا وعفنا الوقت وانجاسه = اللي على الخامله تضرس قواطعها

ناسٍ بوقت الرخا والامن هلاّسه = ياطيبهم فالهروج وفي مذايعها

وان حان وقت اللزوم ودقت اجراسه = مافيهم اللي مطاليبك يسنّعها

لكنّ صبرك على الوقت وعلى اتعاسه = للوقت دورات والايام ما اسرعها

والادمي لو يحوش الدر والماسه = نفسه شفوحه ولابه شي يشبعها


لكن مصيره يذوق المر في كاسه = بكره ليا قام خلاّنه يودّعها

اليا بدت بالصعود وضاقت اقواسه = على النفَس والمنيّة حلّ فاجعها






...

صح لسانك ملايين سمو الامير

ومليون مبروك مره اخرى ..:SnipeR (69):

ملاحظه
بإنتظار الاسم الحقيقي لشاعرنا سمو الامير لمنحه اللقب

/

كل الشكر لكل من ساهم معنافي انجاح المسابقة

ولكل المتابعين لها من اعضا وزوار
شكرا بحجم السماء لكم جميعا ..:wardah:


..اصــــــايــــــل :34:..

[وجودك يكفي]

عليكم السلام ورحمة الله وبركاته



الف الف مبرووووووك للشاعر الفائز / سمو الامير . ويستاهل اللقب وصح لسانه ولسان جميع الشعراء المشاركين والله يبيض وجيههم جميع.



لاهنتي يا آصايل على جهودك ونشكر الإداره ولجنة التحكيم .

ماقصرتوا والله يعطيكم العافيه



احترامي

[رايـق]

وعليكم السلام ورحمة الله وبركاته :

يعطيك الف عافيه

اختنا : اصايل

على الجهد والترتيب المميز للمسابقه

والف مبروك لشاعر

سمو الامير


كما اشكر كل من ساهم في إنجاح المسابقه .

[مامثلي أحد]

-


ألف مبروك للشاعر سمو الأمير قصائد جزله بالفعل
شكراً أصايل لإدارة دفة المسابقة بكل اقتدار و الشكر موصول لكل من ساهم
أو وقف وراء نجاح المسابقة بشكل أو بآخر.. أخص بالذكر حبايب قلبي الأخوة :
ابن ثعلي /أبو سعد / ناصر بن سعدي / عادل العصيمي /
رايق / نايف تراحيب / عبدالله الموشدي

الله يعطيكم العافية جميعاً



-

[مهـرة مـطير]

وعليكم السلام ورحمة الله وبركاته

ألف مبرووك لـِ شاعر المنتدى • سمو الأمير •

صح ألسنتكم جميعآ ويعطيكم ألف عافيه لكل من شارك

فالمسابقه ولـ لجنة التحكيم قواهم الله

والشكر الأكبر لـِ الرائعه أصايل يعطيج ألف عافيه

[ابوسـعد]

عمل متميز ومسابقة فريدة ومبروك للجميع بهذا الانجاز الرائع وللفائزين بهذا المسابقة نقولهم ماقصرتوا على هذه المشاركة الرائعة ومشكورين على اقتطاع جزء من وقتكم الثمين لهذه المنافسه الشريفة..وكلكم حققتم نجاحات كبيرة ولكن لابد من التمييز من اجل الترتيب..وفقكم الله والحضيض من استمر في العطأ للاخرين...وياهلاوسهلا بالاخت اصايل وما قدمت لنا...مبروك

[ابن مسلم]

الف مبروووووووووووووك

لسمو الامير للفوز باللقب

وحظ أوفر للبقيه وعدم فوزهم لايقلل من مكانتهم الشعريه

بل هم شعراء أفاضل وكفو ولاكن هذا هو حال المسابقات

وشكرا لكل من ساهم في هذا الانجاز الرائع

وللامام دائما

تحياتي

[الجوهرة]

كلهم فائزين بمشاركاتهم وشاعريتهم المميزة ..
أبارك لسمو الأمير بالفوز ..

شكرا أصايل ..
وشكرا لكل من ساهم في نجاح المسابقة ..

[الأدميرال]

الف مبروك سمو الامير وتستاهل اللقب
وشكرا لكل من شارك باالمسابقه
وشكرا لجنة التحكيم وبيض الله وجيهكم

[{ أبوفيصل }]

عليكم السلام ورحمة الله وبركاته

أبارك للشاعر سمو الأمير وألف ألف مبروك يستاهل لقب شاعر المنتدى :ongue::ongue::ongue:

صح لسانه ولسان من شارك في هذه المسابقه التي أعدّها وقدّمها وحكّمها
لجنة التحكيم المؤقره ( ابن ثعلي ، ابن سعدي ، عبدالله المرشدي )
ومن قام على اعداد المسابقه والأشراف عليها الأستاذ
( ابو سعد ، عبدالله المرشدي ، ألأخت الفاضله أصايل )

أرق التحايا لكم وأعذبها

العطـاااوي :wardah:

[؛؛ابو ريناد؛؛]

سمو الأمير الف الف مبروك الفوز واللقب وتستاهل


والشكر لكل من وقف خلف هذا الإنجاز من اسماء لها ثقلها


اصايل فكر متميز وإلى المزيد من التميز

[عبدالعزيز الفرج]

ما شاء الله تبارك الرحمن

ألف ألف ألف مبروك ياسمو الامير ولاتسدك


صح لسانك ملايين وتستاهل اللقب يا مبدع بدون قصور في الجميع




كل الشكر لش اصايل على هالمسابقة وكل الشكر للادارة ولجنة التحكيم وكل من قام على هالمسابقة




مبروك للمرة المليون ياسمو الامير

[سمو الامير]

الله يبارك فيكم جميعا

وهذا فخر لي وشرف

ويعلم الله ماني افضل من زملائي الشعراء اللي شاركوا لكن هي وجهات نظر وتوفيق من رب العالمين


ولولا اختلاف الاذواق لبارت السلع

الف الف شكر لكل من قام على المسابقه


عبدالله المرشدي وابن ثعلي وابن سعدي ونايف تراحيب واصايل وابو سعد وكل الطاقم

ولزملائي الشعراء المشاركين

والحمد لله رب العالمين

[الصهد]

يابو جميل الليالي معترك ساسه = والرابح اللي بخبراته يدافعها

اللي يقيس الامور بعقل وسياسه = ويشوف من قبل مدخلها مطالعها

ياسلام عليك ياشاعر منتديات قبيله عتيبه
سموالامير صح لسانك قصائد رائعه
والف مبروك اللقب تستاهل
تحياتي وتقديري

[رائد المرشدي]

ماشاء الله ماشاء الله

الف الف الف مبروك للفائز ويستااااهل
وحظ اوفر للبقيه وكلهم فايزين ان شاء الله

وشكراً للجنة التحكيم والله يبيض وجيهم

وشكر خاااص للشاعر عبدالله المرشدي وللأخت اصايل

تحياتي لكم

[عادل العصيمي]

مبروك للشاعر سمو الامير

شاعر جميل واستحق اللقب ويستاهل

الف شكر للمساهمين في المسابقة ولجنة التحكيم

.