استفسار

[الجوهرة]

السلام عليكم ورحمة الله وبركاته

أحد منكم يعرف قصة الأبيات هذي .. يقولون كاتبها شمري .. كان ضيف والمضيف بخيل

ول يالطبخة ما الواتس |||| ما اقشر نفيسة راعيتس
الطبخة خمس حبيبات |||| يقالبهن هيتس وهيتس


أبي بقية الأبيات

[اصايل]

قوه جواهر ..

اول مره اسمعها :)

ان شالله يفيدونك الاخوان والاخوات

..

[الجوهرة]

الله يقويك أصايل .. ولا زلت انتظر ..

[رايـق]

مطلع القصيده قوي ويدل على قدم القصيده

سأبحث عنها انشاء الله ..

واذا لقيت له تكمله بجيبها

والاخوان مو مقصرين الي عندهم تكمله لها

[ليزر]

مشكووووووره والله يعطيك الف عافيه

[الجوهرة]

الله يعطيك العافية رايق .. وبانتظار نتائج بحثك ..

[الجوهرة]

الله يعافيك ليزر ..

[عبدالعزيز الفرج]

وانا اقرآ الممووضوع بجنبي الوالد وسآلته

ماهو حافظ القصيده كامله ولا يعرف راعيها ان شمري او لا

ولكن يقول بـ السابق بـ المعسكر كان فيه صاحب لهم راعي مزح

يجي يتقهوا عندهم بـ المعسكر طبعا

قبل يطلع يقول هالابيات ويهرب : )

ولّي يالقهوة ملواتس ... ... ... وياقشر نفيسة راعيتس
القهوة خمس حبيبات .. .. .. يقالبهن هيتس وهيتس
الله يلعن من سواتس ... ... الصبح مع معاعاة الديتس
قلل حبة وكثر ماه ...(ولا عرفت تكملة الشطر ولا الباقي )



المهم ابوي يقول لا تقهوا خويهم سكروا عليه الباب لين يقصد القصيده نفسها بس الوجه الثاني منه : )

عاد يقصد ويقول :
ابوتس يالقهوه محلاتس ........ حلاتس من حلا راعيتس
كثر حبه وقلل ماه ... ... مثل الحنة بيد ذيتس



منقول من الخيمة الشعبية مشاركة لواحد اسمه الحاتمي

[الجوهرة]

الله يعطيك العافية يا عبد العزيز .. ما قصرت ..

[ماشي صح]

ابوتس يالقهوه محلاتس ........ حلاتس من حلا راعيتس

حلوووووووووو

[عبدالعزيـز الحـربي]

الوكاد الشيبان الاولين مدمنين قهوه

[الجوهرة]

لا زلت انتظر لعل وعسى منكم من يأتيني ببقية الأبيات ..

[الأدميرال]

الله يهديك يالجوهره
مالقيتي الا هالقصيده تسئلين عنها ؟!
ماحصلناها مع الرواه ولا العم قوقل
الظاهر والعلم عند لله انها ماتت مع راعيها

[الجوهرة]

أنا ما كنت اعرف عن هالقصيدة أي شي ، إلى أن استفسر واحد عنها في أحد المنتديات
شدتني بصراحة .. مع إني ما احرص على القصائد القديمة لصعوبة معانيها .. بس هذي سهلة وفيها طرافة .. :SnipeR (54):

الأدميرال دور حولك من هنا وإلى من هنا على شايب فوق السبعين يمكن يعرفها ، خلونا نحافظ على التراث قبل يندثر .. :SnipeR (37):

[الأدميرال]

مع كامل احترامي وودي وتقديري اقولك بكل ما تعنيه الكلمه وبكل مفرداتها
محاصلتها...!
اعتقد ياالجوهره ان القصيده قيلت في مجلس فيه خمسة اشخاص وملتفين حول القهوه
والقصيده جت مع عرض السوالف
وقال واحد منهم فيه قصيده لفلان يقول فيها
ول يالطبخة ما الواتس |||| ما اقشر نفيسة راعيتس
الطبخة خمس حبيبات |||| يقالبهن هيتس وهيتس
وحاول يذكر القصيده كامله بس خانته الذاكره
وقام واحد من الخمسه اللي ملتفين حول القهوه
اعجبته القصيده وراح يسئل ويستفسرعنها فاالخيمه الشعبيه
ولحد الان البحث جاري:151:

[الجوهرة]

واضح إنك بحثت عنها فعلاً
بس الظاهر مالها مصدر بقوقل أبداً إلا بهالمنتدى ، ومنتديات الخيمة الشعبية ..

أشكر لك جهودك يا الادميرال :03jdfny13: ، وعندي أمل أعرف باقيها .. :SnipeR (90):

[الأدميرال]

لا اعتقد...!؟
وان وجدتيها اخبرينا بها ثم اخبرينا كيف وجدتيها
نتمنا لكِ التوفيق
:wardah: