عتب واعتذار

[الجوهرة]

السلام عليكم ورحمة الله وبركاته

.

.



السؤال يبين لو أنه خفا لك = والليالي تبدي الشي الدفيني
الغياب بغيبتك سوى مهالك = لو كتمته تظهره دمعات عيني
لا تساءل عن رجوعي وش بدا لك ! = لا تحجج با الخطا دامك تبيني
الخيال اللي خرج بك عن مجالك = ابتلاك وجيت كلك تبتليني
وش لي بحلم ٍ نسجته من خيالك ؟ = تحسب إنك في حلومك تحتويني ؟!
ليلي اللي من غيابك صار حالك = في غيابك غاب شوقي والحنيني
قلت لا تسمع كلام اللي حكى لك = لا تسمّع في كلام العاذليني
قلت .. وأيضاً قلت لا تكرر سؤالك = فرّقت الأيام ما بينك وبيني
الحكي بعّد وصالي عن وصالك = والسكوت يحل بعض اللي يجيني
مير با الله لا تلوم اللي شكى لك = ما شكيت إلا بعادك والسنيني
ما نسى المعروف من هو قد لجا لك = شاعرة غنيت من قلب ٍ حزيني




.

.

للجميع أطيب التحايا ..

[ابوسـعد]

حفظك الله نص جميل وصح لسانك ياشاعرتنا الفاضلة...وياهلاوغلا

[عبدالله المرشدي]

الخـيـال الـلـي خــرج بــك عــن مجـالـك=ابـــتــــلاك وجــــيــــت كــــلــــك تـبـتـلـيــنــي
وش لي بحلم ٍ نسجته من خيالك ؟=تحسب إنـك فـي حلومـك تحتوينـي ؟!
ليـلـي الـلـي مــن غيـابـك صــار حـالـك=فــي غيـابـك غــاب شـوقــي والحنـيـنـي
قلـت لا تسـمـع كــلام الـلـي حـكـى لــك=لا تــســمّــع فــــــي كـــــــلام الـعـاذلـيــنــي

ماشاء الله عليك

يالجوهره

تكتبي الشعر كما ينبغي

صح لسااانك

[اصايل]

شاعره غنيت من قلبٍ حزيني


يارب يبعد عن قلبك الحزن وعن قلوبنا :)

صح لسانك ملاييين ولايكفون

لاهنتي

[عبدالعزيز الفرج]

ما شاء الله تبارك الرحمن



صح لسانتس يالجوهرة


كتبتي وأبدعتي




لاعدمناش

[الأدميرال]

صح السانك ياالجوهره
ولاهنتي

[وجودك يكفي]

قصيده رائعه
صح لسانك يالجوهره

احترامي

[نايف تراحيب]

صح لسسآنك
صح لسسآنك
صح لسسآنك


مبدع يالجوهره دائماً ، وفي انتظار جديدك !!

احترامي وتقديري


/


،

[الجوهرة]

حفظك الله نص جميل وصح لسانك ياشاعرتنا الفاضلة...وياهلاوغلا

صح بدنك أبو سعد ..
والجمال يكمن في حضورك .. شكرا لك ..

[الجوهرة]

الخـيـال الـلـي خــرج بــك عــن مجـالـك=ابـــتــــلاك وجــــيــــت كــــلــــك تـبـتـلـيــنــي
وش لي بحلم ٍ نسجته من خيالك ؟=تحسب إنـك فـي حلومـك تحتوينـي ؟!
ليـلـي الـلـي مــن غيـابـك صــار حـالـك=فــي غيـابـك غــاب شـوقــي والحنـيـنـي
قلـت لا تسـمـع كــلام الـلـي حـكـى لــك=لا تــســمّــع فــــــي كـــــــلام الـعـاذلـيــنــي

ماشاء الله عليك

يالجوهره

تكتبي الشعر كما ينبغي

صح لسااانك


تسلم على الإشادة أبو بدر ..
وصح بدنك .. شكرا لك ..

[الجوهرة]

شاعره غنيت من قلبٍ حزيني


يارب يبعد عن قلبك الحزن وعن قلوبنا :)

صح لسانك ملاييين ولايكفون

لاهنتي

آمين .. وياك يا الغلا ..
وصح بدنك أصولة ..

[الجوهرة]

ما شاء الله تبارك الرحمن



صح لسانتس يالجوهرة


كتبتي وأبدعتي




لاعدمناش

صح بدنك أخوي .. وشكرا لك على الإشادة والحضور ..

[الجوهرة]

قصيده رائعه
صح لسانك يالجوهره

احترامي

صح بدنك أخوي ..
والروعة تكمن في حضورك .. شكرا لك ..

[الجوهرة]

صح السانك ياالجوهره
ولاهنتي

صح بدنك يا فيصل .. والمعذرة على التجاوز الغير مقصود ..

[الجوهرة]

صح لسسآنك
صح لسسآنك
صح لسسآنك


مبدع يالجوهره دائماً ، وفي انتظار جديدك !!

احترامي وتقديري


/


،

صح بدنك أخوي نايف ..
والإبداع أنتم رمزه ..
شكرا لك ..