..شيـــــــخ الوجــــــع..

[محمد بن نجر]

بدون مقدمات امل ان تحوز على بعضا من الرضى

7
7
7

ليت القصيد اليا طرالي وغنيت=يشرح لك اللي لاجي في ضميري

حاولت اوضح شي لكني ازريت=بين الالم والشوق ضايع مصيري

في داخلي شيخ الوجع بانين بيت=وشوقي ملامحه اختفت في مسيري

انا ليامن جيت ماقيل قفيت=صدقي شهاداتي وشعري سفيري

انشد وتلقاني وسط ربعة البيت=كفي على خدي وذنبي حصيري

اشب ناري وان لفا صوت لبيت=واقوم لوني جريح و كسيري

وان كان تحسب غلطتي يوم سجيت=انا مع السجات مثل الاسيري

في حق خلق الله ماعمري اخطيت=انشد خوي الدرب وانشد قصيري

عشرين عامٍ والامل داخلي ميت=والناس تشرب من منابع غديري

كنت انتظرك اتقول يامحمد اوفيت=اعيشها ...يرقابها الجو طيري

وياللاسف ماقلتلي غير كفيت=كنك تقول اختر من الناس غيري

خليت تفكيري مع الكان والليت=ولالي سوى الذكر عشير وخشيري

من عقب ماجيتك من البعد صديت=افا ملت وجهي وتكفى زفيري

ماهوب ذنبي يوم شفتك وحبيت=ذنب الفؤاد ومقلتيك ومصيري


.

[اصايل]

الله الله

ابداع

العضياني صح لسانك مدد

لاهنت

[{ أبوفيصل }]

فـي حـق خـلــق الله ماعـمــري اخطـيـت = انـشـد خــوي الــدرب وانـشـد قصـيـري
عـشـريـن عـــامٍ والامـــل داخــلــي مــيــت = والـنــاس تــشــرب مــــن مـنـابــع غــديــري

صح لسانك يامحمد
شاعر بماتعنيه الكلمه جزل ورائع ومبدع

[نايف تراحيب]

حيه من حظور ومن قصيد ،

صح لسآنك اخوي محمد على هذا النص ،

مبدع وفي القمه !!

احترامي وتقديري


/


،

[سلمان المالكي]

تحيّة الإجلال والتقدير للشاعر القدير المُبدع محمد بن نجر
تحيّة التوقير والبهاء على هذه الرائعة الفريد الماتعة والراقية

صح لسانك ولا هنت وبيض الله وجهك .. وننتظر قادمك الفاتن والساحر
تقبل مروري وتقديري لشخصك القدير ,,

[فواز الحبردى]

بسم الله الرحمن الرحيم




الله درك

نص فاخر وشامخ كشموخك يامحمد

بيض الله وجهك


تقبل جحترامي وتقديري

دمت بخير وعافيه

[سحابه]

ابياتك جواهر
كفيت ووفيت يالجزل

وردي

[عبدالعزيز الفرج]

ولالي سوى الذكرى عشيـر وخشيـري



صح لسانك مدد بلا عدد يامحمد


مبدع ، رائع ، جزل وش اقول ووش اخلي ما شاء الله عليك




لاعدمناك يالقرم

[جهز الهرس]

صح لسانك يامحمد نجروبيض الله وجهك
القصيده قريتها واعجبتني بجمالها
ولكن يبدولي ان فيها اخطا مطبعيه
ولك مني جزيل اشكر

[نايف المزحمي]

محمد بن نجر صح لسانك وتشكر على هذه القصيده الرائعه