مخاطبه وعتاب

[متعب بن طواله]

انا هواء راسي سماء يابن صاهود=يا سلسلة نسل السطر والحميا
قرناس راسي يزعجنه هوا النود= يقلب براسه للفضاء والثريا
هذي مناتي لاتباهي ولا زود=غارا ت فكري مثل خيل المحيا
في هامتي قادة مغاوير وجنود=وان طولت هلون لشين شيا
ازعل من الشرهه على الوقت وسعود=لانازلتني بالمواكر حديا
يوم ان عازات الزمن جودنا جود= امشي على طولي ولامن كميا
يشهد على قولي مواثيق وعهود=يوم العزاوي والرمك له غبيا
تهزل اسود الغاب لاكنها اسود=ولويسمنن ثعالب الوقت هيا
مدفنة عظم االكراعين وجلود= غاراتهم على الدجاج المهيا
كان النوايا البيض بارن به السود=ماني طلي بالربق ولا صبيا
رزق العباد مقسمن عند معبود=وجرد الفيافي له ذلول وخويا
لانيتي نية مصاري ولا زيود=عازات غرب ولا الشماتة هنيا
دام اصبحت نقصٍ علينا بلا زود= واليا بغينا حاجةٍ ماتهيا
في كل عام نطرق الباب مسدود=وزادت على كياتنا العام كيا
نرجع وكفين العشم مابها فود= ياللي تحل اللغز كانك ذكيا
يوم انتوينا ياسلايل هكالعود=خمص الخواصر والمزاهب خليا
تخيل بدوان المجاديب وترود=اليا جذب غيم السحايب سقيا
لولا القحط ماكربو كل مشدود= ولااقفن يبوجٍ الفجج باليديا
مهو عياف لدارهم مار من كود= مابه شبوب ولابها عرق حيا
ورمح النقيلي لو طعن منكب الطود=مثل رمح جساس طعنة اخزيا
حجة حقودٍ لامزكي ولا شهود= اعتب على القاضي وحكمه عليا
له خنجرن مبطي من الكيد مبرود= حقده على عينه عصابة غميا
وصيفية المغرب معاصير ورعود=يكذب خياله لو بروقه ضويا
لومزنها يرعد وبراقها زود=طق طاقها كلن يعرفه كذيا
والغيض عقرب بندقيه وبارود= ورصاصة الفتنه بليا قديا
وسامحت لجلك يالولي كل مقصود=يالله هداك ورحْمتك ياهديا

[شـوآق]

جزله من راسس جزل ي / ابن طواله
ابيات مشتعله وختامها مسـك ,

ماقول الا صصصح لسسسانك وسلمت يمناك
والله لايحرمك من كل حاجه تسعدك ي القرم


كل التحايا لـ سموك

[اصايل]

صح لسانك حتى ترضى

لاهنت اخوي متعب ..

[نادر النمر]

الله الله

صح لسانك والله لايهينك .. ابيات جزله من شاعر جزل ولاغرابه في ذلك .

تقبل مروري وكل التقدير

.

[وجودك يكفي]

قصيده في منتهى الروعه والجزاله

صح لسانك يامتعب وبيض الله وجهك

احترامي