الكذب خله عنك مافاد لو طال

[الصهد]

.http://center.jeddahbikers.com/uploads/jb13082179581.jpgما كل من يركب على الخيل خيال
ولا كل خيل تعجبك هي أصيـله

ولاكل من يعجبك هرجه برجال
بعض العرب ملسون وأيده بخيله

الكل يلبس ثوب و شماغ وعقال
وعند اللزوم أفعالهم هي قليله

الرجل تثبت له أقاويل بأفعال
لا قال شئ ونفذه هو دلـيله

والرجل لا شفته مع القيل والقـــال
ابعد عنه هذا صفاته عليلة

والكذب خله عنك ما فاد لو طال
قول الصدق يا صاح غنم وجميـله

وخلك شجاع وذي صفات للإبطال
اللي كما سيوف تبارق سليـله

واللي شراك اشريه لو كان بالمال
خلك معه وان مــــــال دوربديله

واصبر ترى الدنيا تبدل بها أحوال
وما كل شئ صافي تشـــــوفه تجيله

وبعدالكدرتشرب صفا عذب وزلال
هذا الزمن فيه استــــقامه وميله

وصاحب خليل لو جفـاالوقت ما مال
ترى الرجل يعرف بقيمة خليـله

واقفل على سرك بكتمان وأقفال
بعض العرب يسمع و ينوي بحيله

وخلك أمين إذا توليت الأعمال
من خان في يوم الحشر يا حليلة

خل التواضع فيك واضح بالأفعال
ترى الكبر يردي بيوم وليـله

ولاتحسد اللي عنده أموال وعيال
وش ينفعك لو كان حـــسدك يزيله

ولاتزور تقلب الزين بطـال
الله عليم بالنوايا الدخيلة

وخلك رزين ترى المخفه للأطفال
واصفح عن المخـــــطي ولو زاد قيله

واحمل همومك لو تزن وزن آلآثقال
بكره تروح وتنجلي لوثقيلة


وصل الفروض ولاتنسيك آلآشغال
محدن في الدنيـــــا درى وش بقي له

وزور آلآقارب للرحم كون وصـــــال
وخلك عظيم الشأن وسط القبيلة

وصلاة ربي عدماهل همـــــــــــــال
على النبي اللي صفاته جليلة
http://sub5.rofof.com/img5/012yqkla20.jpg (http://www.aldwly.com/vb/t40289.html)

راقت لي اتمنى ان ترتقي الى ذائقتكم







:wardah:

[وجودك يكفي]

صح لسان شاعرها وتسلم يمينك يالصهد على النقل المميّز

احترامي

[الصهد]

وجودك يكفي شرفني مرورك الله يسلمك تحياتي وتقديري

[عتيبية الطائف]

صح لسان الشاعر ومشور على روعة القصيده

[الصهد]

شرفني مروركـ الأروع الله يحفظكـ ،،،

[بنت امير]

راقــت لــــي

يعطيك العاافيه

ودي..~

[العزوف]

ما كل من يركب على الخيل خيال
ولا كل خيل تعجبك هي أصيـله


الصهد صح لسانك
قصيد ه جميله

[اصايل]

http://sub5.rofof.com/img5/012yqkla20.jpg (http://www.aldwly.com/vb/t40289.html)



الصوره لحالها :)


صح ايرادك يالصهد

لاهنت ..