قصيدة : الروس روس ولـو يغـــارون ( الاذناب )

[الباسل العتيبي]

جربت في الدنيا تجاريب شــــــايب

وعرفت عدواني وميزت الاصحاب




وعرفت طبع الناس مخطي وصايب

ومانيب خبلٍ تخدعه ضحكة النــــاب




جنبت انا العالم وبعض الــقرايــــب

البعض منهم قربـــهم عــــقرب وداب




لو كان تعطيهم عيونك وهـــــــايب

ماينـفعونك جــيدهم عند الاجنــــــــاب




ناسٍ يعادونـك بـــليا ســــــــــبايب

حط الحواجز دونهم واغلق البـــــــــاب




الا لمن جالك مع الوقت تـــــــايب

فاصفح وربك للمخـــــــاليق تـــــــــواب




واللي تكبر عنك شد الركـــــــايب

جنب طريقه واحقره كـنه ذبـــــــــــــاب




ومن لايسد اللازمه في النــــوايب

وقت الرخا تقول ابو زيد وذيـــــــــــاب




بعض البشر قلبه من الحقد عايب

لافيه طب وقلبه اسود من غــــــــــــراب




عنده نجاحك من كبار المصايـــب

واذا سمع مدحك من الغــيظ ينصـــــااب




لولا الحيا سالت دموعه سكـــايب

مسكين من نار الحسد مـــــاكل تــــــــراب




اللي يذمك كلما صرت غــــــايب

وان جيت قدم لك تراحــيب واعجــــــــاب




كبه ترى مثله مع الناس خايــــب

عادات ابو وجهين يــكذب ويغتـــــــــــــــاب




لو تغرقه بالطيب ماهوب طـايب

ولاتنــخدع في مثل شـــــرواه لو طــــاب




وين الله يجيب المطر والسحايب

والنـــاس صارت بين حـــاسد وكــــذاب




كـثيرهم تـــــــفرغوا للطـــلايب

ومابينـــهم قـــامت عـــــداوات واحـــزاب




وتبقى الحقيقه يازمان العجـــايب

الروس روس ولـــو يغـــارون ( الاذناب )


‏من جهاز الـ iPhone الخاص بي

[وجودك يكفي]

صح لسان شاعرها ولاهنت على النقل ياراعي الآيفون


احترامي

[الباسل العتيبي]

صح الله بدنك ياغالي

وشاكر ومقدر لك تواجدك الرائع

[الصهد]

انتقاء رائع وقصيدة رائعه
صح لسان شاعرها ولاهنت ياالباسل
تحياتي وتقديري

[الباسل العتيبي]

صح الله بدنك يالصهد

وشاكر ومقدر لك تواجدك الاروع