لغز التناقض بين بنتٍ ورجال (محلول) من الجوهرة ومن مهرة مطير

[وجودك يكفي]

السلام عليكم

اليكم هذا الإنتاج الجديد وأرجوا أن يحوز على رضاكم





لغز التناقض بين بنتٍ ورجال=مضمونهم معكوس طول السنيني
وصار التوافق وسط جمله على البال=تنقال في معنى عظيمٍ ثميني
الرجل ماينشاف في كل الاحوال=والبنت مشهوده ودايم تبيني
الرجل غاب وجيّته تعكس الحال=يصير مثل البنت في كل حيني

[عنآد العقاب]

و عليكم السلام ورحمة الله وبركاته ..
صحّ لسانكم ..

وجاري التفكير لو مدانا

[عهود]

صح لسانك وجودك يتسفي

جاري التفتسير

[{ أبوفيصل }]

صح لسانك ياولد ثابت

بيض الله وجهك وللأمانه استمتع بألغازك الرائعه ياريّس

جاري التفكير

[وجودك يكفي]

و عليكم السلام ورحمة الله وبركاته ..
صحّ لسانكم ..

وجاري التفكير لو مدانا

حياك الله ياعنآد العقاب وصح بدنك ولآهنتي

جااااري الإنتظار

[وجودك يكفي]

صح لسانك وجودك يتسفي

جاري التفتسير

حياك الله ياعهود وصح بدنك ولاهنتي

وشو التفتسير :SnipeR (88):

[وجودك يكفي]

صح لسانك ياولد ثابت

بيض الله وجهك وللأمانه استمتع بألغازك الرائعه ياريّس

جاري التفكير

حياك الله ياكابتن خليجي .. وجهك ابيض وصح بدنك وماعليك زود يالغالي


جااااري الإنتظار

[اصايل]

صح لسانك ولد ثابت ..

[وجودك يكفي]

صح لسانك ولد ثابت ..

حياك الله يا آصايل وصح بدنك ولاهنتي

[مهـرة مـطير]

صح لسانك يا وجودك

لغز يبيله تفكير

[وجودك يكفي]

صح لسانك يا وجودك

لغز يبيله تفكير

حياك الله يامهرة مطير وصح بدنك ولاهنتي

فكّري على مهلك

بإنتظارك

[الأدميرال]

صح لسانك ياولد ثابت

لغزك خطير

جاري التفكير

[عهود]

المرض والصحه

الله يكفينا شر الامراض

[وجودك يكفي]

صح لسانك ياولد ثابت

لغزك خطير

جاري التفكير


حياك الله يالادميرال وصح بدنك يالغالي


جاااااري الانتظار

[وجودك يكفي]

المرض والصحه

الله يكفينا شر الامراض


مالك لوا ياعهود

[{ أبوفيصل }]

قد يكون الدليل او اثبات النفي بأعتباره رجل >> والتهمه بأعتبارها البنت

والتوافق على هذه الجمله >> المتهم بريء حتى تثبت اِدانته -

لذا يصبح النفي بالأثبات والدليل براءه >> والبراءه نقيض التهمه

[وجودك يكفي]

قد يكون الدليل او اثبات النفي بأعتباره رجل >> والتهمه بأعتبارها البنت

والتوافق على هذه الجمله >> المتهم بريء حتى تثبت اِدانته -

لذا يصبح النفي بالأثبات والدليل براءه >> والبراءه نقيض التهمه


مالك لوا ياكابتن

[الأدميرال]

الرصاصه اللي ماتصيب تدوش

وشرايك ممكن تكون الجمله ذي

[وجودك يكفي]

الرصاصه اللي ماتصيب تدوش

وشرايك ممكن تكون الجمله ذي


مالك لوا ياراعي الرصاصه

[{ أبوفيصل }]

!!!!!!!!!!!!!

وش تقول في الغرور والثقه

[وجودك يكفي]

!!!!!!!!!!!!!

وش تقول في الغرور والثقه

مالك لوا ياخليجي

[عنآد العقاب]

والله ياهاللغز اللي ماهو براضي يطلع معي ..أربع رمعات و كلّبوها ماركبت عالشطر الأخيـــــر :SnipeR (71):

مابقى شاي و كابتشينو و موكا ماشربته..أدوخني هاللغز http://www.b7ralamal.com/vb/images/smilies/MonTaseR_31.gif



رمعة من باب عدم إستبعاد شي : وش رايكم في العوض والا القطيعة http://www.b7ralamal.com/vb/images/smilies/MonTaseR_97.gif

[وجودك يكفي]

والله ياهاللغز اللي ماهو براضي يطلع معي ..أربع رمعات و كلّبوها ماركبت عالشطر الأخيـــــر :SnipeR (71):

مابقى شاي و كابتشينو و موكا ماشربته..أدوخني هاللغز http://www.b7ralamal.com/vb/images/smilies/MonTaseR_31.gif



رمعة من باب عدم إستبعاد شي : وش رايكم في العوض والا القطيعة http://www.b7ralamal.com/vb/images/smilies/MonTaseR_97.gif


مدام انك شربتي موكا http://www.b7ralamal.com/vb/images/smilies/MonTaseR_150.gif شدي حيلك وإن شاء الله تحلينه الليله

العوض ولا القطيعه إجابه غير صحيحه ياعنآد

[{ أبوفيصل }]

يقول الله تعالى (( فِان مع العسر يسرى ان مع العسر يسرى ))

دايم العسر مصاحب للعسر واليسر نقيضٍ للعسر ، كذلك العسر جيّته يعكس الحال والعكس صحيح

ولو اني ماشفت فيهم الاسم المؤنث لكن عسى اللغز على هالنحو والاتجاه

[وجودك يكفي]

يقول الله تعالى (( فِان مع العسر يسرى ان مع العسر يسرى ))

دايم العسر مصاحب للعسر واليسر نقيضٍ للعسر

مالك لوا ياخليجي

[عتيبية الطائف]

أبي أسأل الوالده ,,,,,,,,,,,,,,,,,,,,,,,,

[مهـرة مـطير]

شتقول يّ وجودك

في الدمعه والفرح

[وجودك يكفي]

أبي أسأل الوالده ,,,,,,,,,,,,,,,,,,,,,,,,


الله يطوّل بعمرها ويخليها لك .. اسأليها واللغز بإنتظارك

[عنآد العقاب]

يقول الله تعالى (( فِان مع العسر يسرى ان مع العسر يسرى ))

دايم العسر مصاحب للعسر واليسر نقيضٍ للعسر ، كذلك العسر جيّته يعكس الحال والعكس صحيح



هاذي كانت وحدة من الأربع رمعات اللي إستبعدتها :rolleyes:

الحمدلله في حد معي على نفس المسار والتفكير :sceer:


/


رمعة عالطاير :

لو ان في شمس كان من أمس .. الشمس مؤنث و الأمس مذكر وتوافقوا بالمقولة

بالرغم من إنهم متضاديين :SnipeR (71)::SnipeR (90):

[وجودك يكفي]

شتقول يّ وجودك

في الدمعه والفرح

مالك لوا يامهرة

[وجودك يكفي]

هاذي كانت وحدة من الأربع رمعات اللي إستبعدتها :rolleyes:

الحمدلله في حد معي على نفس المسار والتفكير :sceer:


/


رمعة عالطاير :

لو ان في شمس كان من أمس .. الشمس مؤنث و الأمس مذكر وتوافقوا بالمقولة

بالرغم من إنهم متضاديين :sniper (71)::sniper (90):


إجابه غير صحيحه ياعنآد

[عهود]

الحلم والحقيقه

[وجودك يكفي]

الحلم والحقيقه


مالك لوا ياعهود

[الأدميرال]

مازال التفكير جاري

[وجودك يكفي]

مازال التفكير جاري

بالتوفيق يالادميرال وبإنتظار ناتج التفكير :SnipeR (90):

[عهود]

الوداع أوالفراق واللـقـاء

[وجودك يكفي]

الوداع أوالفراق واللـقـاء


مالك لوا ياعهود

[عهود]

الله يا الدنيا مبطين عن الفوز بالألغاز

ليتكم تجيبون الغاز متفاوتت المستوى شي للأذكياء وشي للمتنحين :SnipeR (10):

يكون سهل هاااه خبركم تعرفون فيه شي اسمه قدراااات عقليه :SnipeR (54):

[وجودك يكفي]

الله يا الدنيا مبطين عن الفوز بالألغاز

ليتكم تجيبون الغاز متفاوتت المستوى شي للأذكياء وشي للمتنحين :sniper (10):

يكون سهل هاااه خبركم تعرفون فيه شي اسمه قدراااات عقليه :sniper (54):


هههههههههههه مافيه متنحين وكلكم اذكياء ومتميزين في حلول الألغاز .. واللغز هذا ابسط منه مافيه .. ولكن الرمعه توفيق ومتى ماطرت على البال هاتوها .. وبالتوفيق للجميع

[الأدميرال]

ولد ثابت هذي رمعه خطيره

الصلاه على النبي

[وجودك يكفي]

ولد ثابت هذي رمعه خطيره

الصلاه على النبي

اللهم صلِ وسلم على نبينا محمد


من قال لك إنها رمعه خطيره :SnipeR (88):

مالك لوا يالادميرال

[جااابر]

صح لساااانك واعتلا شااانك مبدع ياولد ثابت
عندي رمعه طرت علي اول ماقريت اللغز
وش رايك بالموت والحياه والموت مذكر يتحول مؤنث وهي النهايه

[{ أبوفيصل }]

:03hbdsn13::03hbdsn13: يالله حي اللي غاب ماشيف وين الناس عوافي


سجلني ياوجودك مع جااابر :icon30:

[الأدميرال]

سجلني مع جابر وخليجي

[وجودك يكفي]

صح لساااانك واعتلا شااانك مبدع ياولد ثابت
عندي رمعه طرت علي اول ماقريت اللغز
وش رايك بالموت والحياه والموت مذكر يتحول مؤنث وهي النهايه

حياك الله ياجاااابر وصح بدنك ولاهنت يالغالي

مالك لوا ياجاااابر .. وانت حوّلت الرجل الى بنت غير البنت اللي معه في اللغز وإللي هو متعاكس معها ... واللغز يقول ان الرجل ينعكس حاله ويصير مثل البنت اللي تعاكسه في اللغز ..

[وجودك يكفي]

:03hbdsn13::03hbdsn13: يالله حي اللي غاب ماشيف وين الناس عوافي


سجلني ياوجودك مع جااابر :icon30:

سجلتك مع جااااابر ومالكم لوا بالرمعه :1:

سجلني مع جابر وخليجي

وانت بعد سجلتك معهم ومالكم لوا :23:

[{ أبوفيصل }]

(( الحقيقه والواقع ))

^^^^
هناك حقيقه وواقع في نفس الوقت وتوجد حقيقه معروفه
لكنها غير واقعيّه أو أنها في الحقيقه غير واقع ,
وهناك العكس واقع يحدث وأحيانا لا يكون حقيقياً لكنه واقع
والحال من المُحال كما هو الحال >> أم الحاله لحسة مخ مع هاللغز :4:

[ރالزيــاديރ]

الجمله فيها كلمة حلال
:SnipeR (2):

وصح لسانك على اللغز

[وجودك يكفي]

(( الحقيقه والواقع ))

^^^^
هناك حقيقه وواقع في نفس الوقت وتوجد حقيقه معروفه
لكنها غير واقعيّه أو أنها في الحقيقه غير واقع ,
وهناك العكس واقع يحدث وأحيانا لا يكون حقيقياً لكنه واقع
والحال من المُحال كما هو الحال >> أم الحاله لحسة مخ مع هاللغز :4:

مالك لوا ياخليجي

الظاهر انك بديت تستعيد عافيتك بعد الألتماس الكهربائي وبديت تعيش اجواء اللغز ولكن نبي نعطيك جلسه كهربائيه جديده عشان ينلحس مخك وتقرأ اللغز بالمقلوب ههههههه ...

http://www.b7ralamal.com/vb/images/smilies/MonTaseR_120.gif

الكابتن الحين يبيله يومين لين يصحصح :SnipeR (54):

[وجودك يكفي]

الجمله فيها كلمة حلال
:sniper (2):

وصح لسانك على اللغز

حياك الله يالزيادي وصح بدنك ولاهنت يالغالي

نورت قسم الألغاز بعد طول الغياب ومشتاقين لك ولرمعاتك


الرمعه هذي مالك لوا فيها ودوّر غيرها يارفيقي

[عهود]

الفقر عكسه الغنى

الفقر إذا انعكس حاله يكون ثــراء والثراء = الغنى

[وجودك يكفي]

الفقر عكسه الغنى

الفقر إذا انعكس حاله يكون ثــراء والثراء = الغنى

مالك لوا ياعهود

[الأدميرال]

وش تقول

بالسماء والفضا

[وجودك يكفي]

وش تقول

بالسماء والفضا

مالك لوا يالادميرال

[مهـرة مـطير]

يّ وجودك ماجا وقت التوضيح وزيادة بيت

[وجودك يكفي]

يّ وجودك ماجا وقت التوضيح وزيادة بيت

مافيه افضل من وضعه الحالي بدون زياده وبدون توضيح .. لو ازيده خربته .. ولو كان وصفه ناقص ماطرحته من البدايه .. شدوا حيلكم وبالتوفيق ... يمكن اقرّب لكم بعد سنتين :1:

[الأدميرال]

الحل مثل ولا وشهو شل تفكيري لغزك هذا

[وجودك يكفي]

الحل مثل ولا وشهو شل تفكيري لغزك هذا

إذا انحل اللغز علمتك :SnipeR (88):

[مهـرة مـطير]

ههههههه سنتين ياويل حالنا


،'

طيب استفساري مثل الادميرال الجمله اللي تجي فالبال هل هي مثل ، حكمه، مقوله مأثوره، من القرآن الكريم

حدّد الله يعافيك

[مهـرة مـطير]

ههههههه سنتين ياويل حالنا


،'

طيب استفساري مثل الادميرال الجمله اللي تجي

فالبال هل هي مثل ، حكمه، مقوله مأثوره، من القرآن الكريم

حدّد الله يعافيك

[وجودك يكفي]

ههههههه سنتين ياويل حالنا


،'

طيب استفساري مثل الادميرال الجمله اللي تجي فالبال هل هي مثل ، حكمه، مقوله مأثوره، من القرآن الكريم

حدّد الله يعافيك


ههههههههههه انا إللي اسألكم ... وعطيتكم وصف الرجل ووصف البنت .. وانتم ابحثوا .. وإذا لقيتوهم راح تعرفون وش الجمله اللي تجمعهم

[البارق]

صح لسانك

وحياك لله وجودكــ وانا معكم ساج
لكن لايدخل معنا ابن ثعلى حتى نوقف

[وجودك يكفي]

صح لسانك

وحياك لله وجودكــ وانا معكم ساج
لكن لايدخل معنا ابن ثعلى حتى نوقف

حياك الله يالبارق وصح بدنك ولاهنت يامديرنا الغالي

ههههههههههههه ما نقدر نمنع ابوعبدالرحمن وبصراحه انا ودي انه يرمع واللغز قدامك وقدامه وبإنتظار رمعاتك ورمعاته .. شدوا حيلكم وبالتوفيق للجميع

[{ أبوفيصل }]

وش تقول بـ عين اليقين كما جاء في قول الله عز وجل ( ثم لترونها عين اليقين )

[وجودك يكفي]

وش تقول بـ عين اليقين كما جاء في قول الله عز وجل ( ثم لترونها عين اليقين )

مالك لوا ياخليجي

[جااابر]

مساء الخير ،ؤش تقول ياولد ثابت بالنار والرماد وتجمعهم مقوله معروفه النار ماتخلف أو ماتترك إلا رماد !والمعذره إذا رمعتي متكرره لأني تصفحت الرمعات على عجل

[وجودك يكفي]

مساء الخير ،ؤش تقول ياولد ثابت بالنار والرماد وتجمعهم مقوله معروفه النار ماتخلف أو ماتترك إلا رماد !والمعذره إذا رمعتي متكرره لأني تصفحت الرمعات على عجل


مساء النور ياجاااابر ومالك لوا بالرمعه

[{ أبوفيصل }]

طيب وش رايك طال عمرك بـ

الحسد والغبطه

الفكر والفكره

[وجودك يكفي]

طيب وش رايك طال عمرك بـ

الحسد والغبطه

الفكر والفكره

مالك لوا ياخليجي

[{ أبوفيصل }]

طيب وش رايك بـ
صلاة الغايب والفرق بينها وبين صلاة الجنازه انه في حال تم احضار الميت
تسمّى بصلاة الجنازه
وكلاهما ياسيدي صلاة :)

ورمعه ثانيه وش تقول بـ الشك والريبه

[وجودك يكفي]

طيب وش رايك بـ
صلاة الغايب والفرق بينها وبين صلاة الجنازه انه في حال تم احضار الميت
تسمّى بصلاة الجنازه
وكلاهما ياسيدي صلاة :)

ورمعه ثانيه وش تقول بـ الشك والريبه

مالك لوا ياخليجي

[{ أبوفيصل }]

!!!!!!!!!

[{ أبوفيصل }]

لغز محير ياوجودك ،، وش رايك بـ
البهتان والغيبه
كما جاء في حديث رسول الله صلى الله عليه وسلم :
( ذكرك أخاك بما يكره ) الى اَخر الحديث
بمعنى إن كان فيه ما تقول فقد اغتبته - وإن لم يكن فيه ما تقول فقد بهتّه

[وجودك يكفي]

لغز محير ياوجودك ،، لكن برمع لو كان بعيد وش رايك بـ
البهتان والغيبه
بمعنى إن كان فيه ما تقول فقد اغتبته - وإن لم يكن فيه ما تقول فقد بهتّه

مالك لوا ياخليجي

[برِآءة عِشقْ]

بلكن ..~

" الحب ؤ الكره "

وصح السأنك ..~

[وجودك يكفي]

بلكن ..~

" الحب ؤ الكره "

وصح السأنك ..~

حياك الله يابرآءة عشق وصح بدنك ولاهنتي

مالك لوا بالرمعه

[برِآءة عِشقْ]

يحيك ربي / ولآ آنت

طيب
( الليل ؤ النهآر )

[وجودك يكفي]

يحيك ربي / ولآ آنت

طيب
( الليل ؤ النهآر )

مالك لوا يابرآءة عشق

[عنآد العقاب]

يتصفح الموضوع حالياً: 17 (1 عضو و16 ضيف)
‏عنآد العقاب (http://www.otaiby.com/vb/member.php?u=22320)


16 ضيف محيّرهم اللغز و يفكرون معي :sceer:

[{ أبوفيصل }]

هاللغز هذا اماّ انه طيّر النوم ولاّ طيّر برجٍ في راسي :4: مير الله يجيب الغايب

وش رايك ياوجودك أستعين لي بصديق مثل الأادميرال

طيب وش تقول طال عمرك بـ

النفاق والمجامله

الخوف والرهبه

العلم والمعرفه

الجزاء والعقوبه


وسلامتك لي عوده

[وجودك يكفي]

يتصفح الموضوع حالياً: 17 (1 عضو و16 ضيف)
‏عنآد العقاب (http://www.otaiby.com/vb/member.php?u=22320)


16 ضيف محيّرهم اللغز و يفكرون معي :sceer:

:SnipeR (90):

[وجودك يكفي]

هاللغز هذا اماّ انه طيّر النوم ولاّ طيّر برجٍ في راسي :4: مير الله يجيب الغايب

وش رايك ياوجودك أستعين لي بصديق مثل الأادميرال

طيب وش تقول طال عمرك بـ

النفاق والمجامله

الخوف والرهبه

العلم والمعرفه

الجزاء والعقوبه


وسلامتك لي عوده


هههههههههه الله يعينك ياكابتن .. ولامانع من الإستعانه بصديق :SnipeR (96):



مالك لوا ياخليجي

[الأدميرال]

خليجي جنب عن رمعاتك ذي ودور فاالامثال او الاحكام

وش تقول في دوران الارض حول الشمس

[وجودك يكفي]

خليجي جنب عن رمعاتك ذي ودور فاالامثال او الاحكام

وش تقول في دوران الارض حول الشمس

مالك لوا يالأدميرال

[البارق]

وش هو رايك فى

بيضه الديك

والا الشمس والقمر

ترى من كثر الصفحات مارجعت للوراء اقرا يمكن تكرر الجواب وش ردك ياوجودك

[وجودك يكفي]

وش هو رايك فى

بيضه الديك

والا الشمس والقمر

ترى من كثر الصفحات مارجعت للوراء اقرا يمكن تكرر الجواب وش ردك ياوجودك

مالك لوا يالبارق

[الطرف الحنون]

وعليكم السلام ورحمة الله وبركاته

لغز محبوووك يا وجودك الله يعطيك العافيه

وش قولك

بالبصر والبصيره

( عمى البصر ولا عمى البصيره )

[وجودك يكفي]

وعليكم السلام ورحمة الله وبركاته

لغز محبوووك يا وجودك الله يعطيك العافيه

وش قولك

بالبصر والبصيره

( عمى البصر ولا عمى البصيره )

حياك الله يالطرف الحنون والله يعافيك ولاهنتي


مالك لوا بالرمعه

[مهـرة مـطير]

لغز التناقض بين بنتٍ ورجال=مضمونهم معكوس طول السنيني
وصار التوافق وسط جمله على البال=تنقال في معنى عظيمٍ ثميني
الرجل ماينشاف في كل الاحوال=والبنت مشهوده ودايم تبيني
الرجل غاب وجيّته تعكس الحال=يصير مثل البنت في كل حيني



شتقول في الصدق والخيانه

[وجودك يكفي]

شتقول في الصدق والخيانه

مالك لوا يامهرة

[برِآءة عِشقْ]

بلكن آمم
" الآرض والمطر "
مدري شلون طلعت معاي هيك ..

[وجودك يكفي]

بلكن آمم
" الآرض والمطر "
مدري شلون طلعت معاي هيك ..

مالك لوا يابراءة عشق

[{ أبوفيصل }]

دام الرمي كذا :SnipeR (91):

وهذا مساعد الرامي :36:

راحت الصيده ماصدناها :4:

[{ أبوفيصل }]

وش تقول يابعدي في هالرمعه

الصيت والسمعه

الندم والحسره

[{ أبوفيصل }]

رمعه مدحدره
وش رايك بالحلزون وهو بالأساس فرس البحر

وش رايك بالهبوب والهبا
الهبا : ذرات الرمل اللي يتطاير فالجو ويبين مع شعاع الشمس

[إبن ثعلي]

ويش رايك ياولد ثابت في الضبع
والمثل سبع والا ضبع

[وجودك يكفي]

دام الرمي كذا :SnipeR (91):

وهذا مساعد الرامي :36:

راحت الصيده ماصدناها :4:


هههههههههههههههه :SnipeR (54):

[وجودك يكفي]

وش تقول يابعدي في هالرمعه

الصيت والسمعه

الندم والحسره

مالك لوا يارفيقي

[وجودك يكفي]

رمعه مدحدره
وش رايك بالحلزون وهو بالأساس فرس البحر

وش رايك بالهبوب والهبا
الهبا : ذرات الرمل اللي يتطاير فالجو ويبين مع شعاع الشمس

مالك لوا ياخليجي

[وجودك يكفي]

ويش رايك ياولد ثابت في الضبع
والمثل سبع والا ضبع

ارحب يابوعبدالرحمن وحياك الله ياشايبنا

مالك لوا بالرمعه

[جااابر]

عندي رمعه يمكن تكون حادرتن وادي مافيه أحد !لكن شوف كيف ركبتها ألا وهي الطبع يغلب التطبع الطبع اللي هي طبيعة الانسان مؤنث والتطبع مذكر وغايب وجيته تغير الحال وكذلك قد يتحول إلى طبيععه في الانسان «تحملني طولت بالشرح بلكن تقتنع وتقول صح وتحط ألفيس اللي يصفق من زمان محد حظه لي

[وجودك يكفي]

عندي رمعه يمكن تكون حادرتن وادي مافيه أحد !لكن شوف كيف ركبتها ألا وهي الطبع يغلب التطبع الطبع اللي هي طبيعة الانسان مؤنث والتطبع مذكر وغايب وجيته تغير الحال وكذلك قد يتحول إلى طبيععه في الانسان «تحملني طولت بالشرح بلكن تقتنع وتقول صح وتحط ألفيس اللي يصفق من زمان محد حظه لي

:ongue: :ongue: والله انك تستاهل الفيس في كل رمعه حتى لو كانت سماويه وعقبال ماتذبح اللغز ونحط لك فيسات واجد

مالك لوا ياجاااابر

[{ أبوفيصل }]

وش تقول بـ ( الهدف والغاية )
الهدف غايه والغايه هدف
الهدف هو مايُرسم له ويخطط له للوصول لشيء معين
و في وقت محدد لغاية يريدها وبذلك يصبح الهدف غايه
كما أن الغايه هي ذلك الهدف الأسمى وغاية الاهداف كلها الجنه

وشكراً لأِصغائكم :SnipeR (10):

[وجودك يكفي]

وش تقول بـ ( الهدف والغاية )
الهدف غايه والغايه هدف
الهدف هو مايُرسم له ويخطط له للوصول لشيء معين
و في وقت محدد لغاية يريدها وبذلك يصبح الهدف غايه
كما أن الغايه هي ذلك الهدف الأسمى وغاية الاهداف كلها الجنه

وشكراً لأِصغائكم :sniper (10):

الله يرزقنا الجنّة وانا اخوك وجميع المسلمين .. ومالك لوا بالرمعه ياخليجي

[{ أبوفيصل }]

ياوجودك دوّر لنا غير هاللغز الله يسعدك
خلاص تعقّدنا منه صراحه

:)

[{ أبوفيصل }]

لغز التناقض بين بنتٍ ورجال=مضمونهم معكوس طول السنيني
وصار التوافق وسط جمله على البال=تنقال في معنى عظيمٍ ثميني
الرجل ماينشاف في كل الاحوال=والبنت مشهوده ودايم تبيني
الرجل غاب وجيّته تعكس الحال=يصير مثل البنت في كل حيني




وش رايك بـ (( الصفر و النقطه )) التناقض بينهم واضح

اعتقد اللي في البال هالعباره (( من الصفر نقطة البدايه ))

الصفر في شمال العدد عديم الفايده لوغاب ماله أي تأثير
لكن يغيّر الحسبه ويعكس الوضع اذا جاء في يمين الأرقام

الصفر اذا جاء ماتفرّق بينه وبين النقطه مثل بعضهم
والمعروف وضع النقطة عادةً في نهاية كل جمله
( . . )

[مهـرة مـطير]

ما أعتقد ي خليجي لان وين المعنى العظيم والثمين في هالعباره

تسمحلي اقولك مالك لوا بالنيابه عن وجودك :)

،.


وجودك شتقول في الصبر والفرج

او الغيبات والغنايم مدري طروا على بالي قلت وش وراي ارمع يمكن لعل وعسى صح

[{ أبوفيصل }]

^^^

ماعاد عندي يامهره غير هالطلقه ان ماصابت حيل الله أقوى
ننتظر وش يقول وجودك

[وجودك يكفي]

ياوجودك دوّر لنا غير هاللغز الله يسعدك
خلاص تعقّدنا منه صراحه

:)


ههههههههههههههههههه ماعندي غير هاللغز وإذا تبوني ارمع معكم وأحله ابشروا ..

[وجودك يكفي]

لغز التناقض بين بنتٍ ورجال=مضمونهم معكوس طول السنيني
وصار التوافق وسط جمله على البال=تنقال في معنى عظيمٍ ثميني
الرجل ماينشاف في كل الاحوال=والبنت مشهوده ودايم تبيني
الرجل غاب وجيّته تعكس الحال=يصير مثل البنت في كل حيني




وش رايك بـ (( الصفر و النقطه )) التناقض بينهم واضح

اعتقد اللي في البال هالعباره (( من الصفر نقطة البدايه ))

الصفر في شمال العدد عديم الفايده لوغاب ماله أي تأثير
لكن يغيّر الحسبه ويعكس الوضع اذا جاء في يمين الأرقام

الصفر اذا جاء ماتفرّق بينه وبين النقطه مثل بعضهم
والمعروف وضع النقطة عادةً في نهاية كل جمله
( . . )

مالك لوا ياخليجي

[البارق]

والله الظاهر ماحوله احد ياوجودكــــــــ

[وجودك يكفي]

ما أعتقد ي خليجي لان وين المعنى العظيم والثمين في هالعباره

تسمحلي اقولك مالك لوا بالنيابه عن وجودك :)

،.


وجودك شتقول في الصبر والفرج

او الغيبات والغنايم مدري طروا على بالي قلت وش وراي ارمع يمكن لعل وعسى صح

صح عليك يامهرة مطير ورمعة خليجي بعيده ... وانتي بعد مالك لوا .. مع العلم ان رمعتك فيها شي قريب ولمستي جانب من جوانب الرجل المطلوب وانتي ماتقصدينه ..

[وجودك يكفي]

والله الظاهر ماحوله احد ياوجودكــــــــ

هلابك يالبارق والظاهر اني برمع معكم بس مدري متى

[{ أبوفيصل }]

ههههههههههههههههههه ماعندي غير هاللغز وإذا تبوني ارمع معكم وأحله ابشروا ..
:SnipeR (90): هالحين مانحتاجك ترمع معنا خلها اذا كلّت محافيرنا وكلً شفته زحف وراه
ذاك الساع ارمع :) :4: المخ مقفل له يومين لايكون من شيٍ أكلته بالدكه :1:



والله الظاهر ماحوله احد ياوجودكــــــــ

ياليت عطيتنا رمعة مع رمعة بيض الديك ،، يافكرتي كيف الديك باض :SnipeR (54):

[مهـرة مـطير]

"

اي وحده فيهم ي وجودك

[وجودك يكفي]

:sniper (90): هالحين مانحتاجك ترمع معنا خلها اذا كلّت محافيرنا وكلً شفته زحف وراه
ذاك الساع ارمع :) :4: المخ مقفل له يومين لايكون من شيٍ أكلته بالدكه :1:


هههههههههههه ابشر ابشر .. ولاتورطوني انا والأدميرال تراكم لحد الحين ما أكلتوا الطبخه اللذيذه

[البارق]

ياليت عطيتنا رمعة مع رمعة بيض الديك ،، يافكرتي كيف الديك باض :sniper (54):

هههههههه
هذا الديك الامريكي يقولون عندهم بيض يمكن جابه لنا وجودك

والله يالظاهر بيجي لبن للعصفور

ياخوى جيناها من كل جهه مالقينا درب

[وجودك يكفي]

"

اي وحده فيهم ي وجودك

ماني معلّمك :1:

[وجودك يكفي]

هههههههه
هذا الديك الامريكي يقولون عندهم بيض يمكن جابه لنا وجودك

والله يالظاهر بيجي لبن للعصفور

ياخوى جيناها من كل جهه مالقينا درب


هههههههههههههههههههه خطير هالديك الأمريكي .. ومالك لوا يالبارق في لبن العصفور البريطاني

[جااابر]

أعجبتني رمعة النقطه والصفر كبير يأخليجي حتى لو ماصابت اللغز أذعرته أنا صراحه احترت عندي سؤال ياولد ثابت مسار رمعاتنا سليم ؟طيب البنت والرجال لهم نفس المسمى بِــ???سّ الاختلاف في المضمون وتجمعهم عباره أو حكمه أو حادثه !

[الأدميرال]

من طول الغيبات جاب الغنايم؟؟؟؟؟؟؟؟؟>>>> صح عليك مهره فكري من هذي وجاي


وجاري التفكير

[وجودك يكفي]

أعجبتني رمعة النقطه والصفر كبير يأخليجي حتى لو ماصابت اللغز أذعرته أنا صراحه احترت عندي سؤال ياولد ثابت مسار رمعاتنا سليم ؟طيب البنت والرجال لهم نفس المسمى بِــ???سّ الاختلاف في المضمون وتجمعهم عباره أو حكمه أو حادثه !

بالنسبه للمسار والأتجاه فيصعب تحديد هل انتم في المسار الصحيح او لا لأن الرمعات كثيره والرمعات المذكوره لها عدة مسارات واتجاهات ..
وبالنسبه للاسماء فالرجل له اسم والبنت لها اسم ولايوجد تشابه بين اسمائهم ..
اما بخصوص الجمله فأنها تجمع بداخلها اسم الرجل واسم البنت وتنقال في معنى عظيم ..

[وجودك يكفي]

من طول الغيبات جاب الغنايم؟؟؟؟؟؟؟؟؟>>>> صح عليك مهره فكري من هذي وجاي


وجاري التفكير

بإنتظارك يالادميرال

[الأدميرال]

الله يهني سعيد بسعيده ؟؟؟
وش رايك

[وجودك يكفي]

الله يهني سعيد بسعيده ؟؟؟
وش رايك


هههههههههههههه مالك لوا :SnipeR (88):

[الأدميرال]

بالنسبه للمسار والأتجاه فيصعب تحديد هل انتم في المسار الصحيح او لا لأن الرمعات كثيره والرمعات المذكوره لها عدة مسارات واتجاهات ..
وبالنسبه للاسماء فالرجل له اسم والبنت لها اسم ولايوجد تشابه بين اسمائهم ..
اما بخصوص الجمله فأنها تجمع بداخلها اسم الرجل واسم البنت وتنقال في معنى عظيم ..

لاصار مهوب سعيد وسعيده
جاري التفكير بالجمله اللي فيها اسم ورجل واسم بنت

[شيطونه]

السلام عليكم وكيفكم ويارب تكونوا بخير وطيبين ووحشتوني وشدني اللغز وتنحت معكم:SnipeR (54):

ابي اشوف وش الرمعه الصح والله تعبت افكر معكم 13 صفحه:13:

[الطرف الحنون]

رمعه الله يستر من تاليها



وافق شن طبقه.

[مهـرة مـطير]

ياهلا ومرحبا والله عاش من شافج ي شيطونه

حياج فكري يمكن تجيبين الحل

[وجودك يكفي]

السلام عليكم وكيفكم ويارب تكونوا بخير وطيبين ووحشتوني وشدني اللغز وتنحت معكم:sniper (54):

ابي اشوف وش الرمعه الصح والله تعبت افكر معكم 13 صفحه:13:

عليكم السلام وحياك الله ياشيطونه وحنا بخير عساك بخير ..

وبإنتظار رمعتك إذا صحصحتي وراحت التتنيحه وان شاء الله تجيبين الجواب الصحيح

[مهـرة مـطير]

ي وجودك ودي اعرف نوع الجمله اي فئه الامثال والا الحكم والا شنو

يسر علينا ولاتعسر ****

[وجودك يكفي]

رمعه الله يستر من تاليها



وافق شن طبقه.


مالك لوا يالطرف الحنون

[وجودك يكفي]

ي وجودك ودي اعرف نوع الجمله اي فئه الامثال والا الحكم والا شنو

يسر علينا ولاتعسر ****

ههههههههه ابشري ابشري يامهرة ...

الجمله ماهي مثال ولا حكمه وتنقال في معنى عظيم وقد ورد ذكر هذه الجمله في عدة آيات من آيات القران الكريم ..



ترى ماراح يكون بعد كلامي هذا اي تقريب

[الأدميرال]

السلام عليكم وكيفكم ويارب تكونوا بخير وطيبين ووحشتوني وشدني اللغز وتنحت معكم:sniper (54):

ابي اشوف وش الرمعه الصح والله تعبت افكر معكم 13 صفحه:13:

وعليكم السلام ورحمة الله وبركاته

شيطونه بما انك درستي الطب علميهم وش فوائد الضب بس مو هينا فالدكه

[مهـرة مـطير]

شتقول

في الجزاء والابتلاء


او صبر ايوب
وانا قفلت خلاص تصبحون على خير

[وجودك يكفي]

شتقول

في الجزاء والابتلاء


او صبر ايوب
وانا قفلت خلاص تصبحون على خير

مالك لوا يامهرة

تصبحين على خير .. ومتى ماراحت التقفيله تعالي :1:

[الجوهرة]

كأني سمعتكم بالدكة تقولون مثل .. إذا مثل هو : وافق شن طبقة ..

[وجودك يكفي]

بصراحه ماكان ودي أقرب وأوضح .. وفي نفس الوقت ما اتمنى ان اللغز يعقدكم ... وأهم شي عندي ان اللغز إذا تم طرحه يجيه حقه .. وحق اللغز الرمعه المناسبه والنموذجيه .. وبما إنكم طلبتوا توضيح وتقريب فالأمر لكم واللغز ماطرح إلا من أجلكم ..

انتبهوا وركزوا معي زين .. راح احط كلمتين باللون الأزرق .. دققوا وركزوا في هالكلمتين .. وكرروها اكثر من مرّه لعل وعسى ان الإجابه الصحيحه تطري عليكم.. واذا ماتوصلتوا للجواب الصحيح صدقوني ماراح تحلون هاللغز ابد لأن مابعد هالتوضيح توضيح

لغز التناقض بين بنتٍ ورجال=مضمونهم معكوس طول السنيني
وصار التوافق وسط جمله على البال=تنقال في معنى عظيمٍ ثميني
الرجل ماينشاف في كل الاحوال=والبنت مشهوده ودايم تبيني
الرجل غاب وجيّته تعكس الحال=يصير مثل البنت في كل حيني


الرجل غاب والبنت مشهوده

ركزوا وانتبهوا ولاتستعجلون .. دققوا في الكلمتين اللي باللون الأزرق .. وصرفوا كل كلمه تصريف بسيط وراح تعرفون الجواب .. وكلمة غاب لها نصيب كبير من اسم الرجل الصريح ... وكلمة مشهوده لها نصيب كبير من اسم البنت الصريح ..

[وجودك يكفي]

كأني سمعتكم بالدكة تقولون مثل .. إذا مثل هو : وافق شن طبقة ..

حياك الله يالجوهرة ومالك لوا بالرمعه .. والجمله ماهي مثل .. وارجعي لردي على استفسار مهرة يمكن يفيدك .. واستفسارها موجود هنا في موضوع اللغز وليس في الدكه

[الجوهرة]

البنت أتوقع إنها الشهادة ..لأنها ذكرت بمواضع كثيرة من القرآن ..

[مهـرة مـطير]

شتقول في عالم الغيب والشهاده

قولي ي وجودك صح او لا عشان اكمل نومتي

[الجوهرة]

أنا جاء في بالي نفس حلك يا مهرة .. بس قلت مستحيل وجودك يقول عن الله جل جلاله رجل .. !

[وجودك يكفي]

البنت أتوقع إنها الشهادة ..لأنها ذكرت بمواضع كثيرة من القرآن ..

صح لسانك يالجوهرة البنت هي الشاهدة جبتي نصف الإجابه وباقي عندك الرجل اللي متناقض مع معها ويعكس معناها .. ومهرة مطير اكملت الجواب .. وانتظري ردي عليها

[مهـرة مـطير]

هلا بالجوهره بس الرجل هو الغيب

[وجودك يكفي]

شتقول في عالم الغيب والشهاده

قولي ي وجودم صح او لا عشان اكمل نومتي

صح لسانك يامهرة مطير .. وجبتي الجمله اللي فيها اسم الرجل والبنت المطلوبين والمتناقضين


الجواب الصحيح والرجل والبنت المتناقضين هم الغيب والشهادة
فالغيب : ما غاب عن الناس ، والشهادة : ما شهدوه وأبصروه وعاينوه

لغز التناقض بين بنتٍ ورجال>>اللغز يسأل عن شيئين متناقضين وهم الغيب والشهادة .. الشهادة مؤنث و الغيب مذكّر
مضمونهم معكوس طول السنيني>>الغيب هو كل ماغاب عن الناس والشهادة هي كل ماشهدوه وأبصروه بأعينهم
وصار التوافق وسط جمله على البال>>الغيب والشهادة تناقضوا في المضمون والمعنى بالنسبه للناس وتوافقوا واجتمعوا في وسط جمله واحده وهي عالم الغيب والشهادة .. وايضاً معناهم في هذه الجمله متوافق لأنهم في علم الله لافرق بينهم .. وهذه الجمله لاتخفى على احد وقد وردت في عدة آيات
تنقال في معنى عظيمٍ ثميني>>الجمله التي جمعت بينهم معناها عظيم وهو بيان تمام علم الله تعالى الذي يعلم كل شي مما يشاهده العباد ومما يغيب عنهم . ولايخفى عليه شي http://www.arabiyat.mobi/forums/images/smilies/kaal.gif (عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ) (الرعد:9) وغيرها من الآيات التي ورد فيها ذكر الغيب والشهادة
الرجل ماينشاف في كل الاحوال>>الغيب غايب عن الناس
والبنت مشهوده ودايم تبيني>>الشهادة كل ماشاهدوه وابصروه
الرجل غاب وجيّته تعكس الحال=يصير مثل البنت في كل حيني>>الغيب غاب عن الناس وإذا حضر امامهم وشاهدوه ينعكس حاله ويتحول من غيب الى شهادة .. على سبيل المثال تكوين الجنين في رحم أمه يعتبر غيب لأنه غايب عن الناس وإذا أتى وشهدوه وابصروه بأعينهم يتحول من غيب إلى شهاده .. مثال آخر حياة البرزخ بالنسبه للأحياء تعتبر غيب وبالنسبه للأموات تعتبر شهادة لأنهم عاشوها وشاهدوها وقس على ذلك ... كل غيب يحضر وينكشف يصبح شهادة


اشكر جميع من شارك والله يعطيكم العافيه

[الجوهرة]

يا خسارة .. أنا ربطت الغيب بعالم الغيب .. ما فكرت زين ..
بعد التوضيح منك وبحكم دراستي لعلوم القرآن على طول جاء في بالي عالم الغيب والشهادة .. بس ما استوعبت كيف يكون الحل عالم الغيب .. !

ما ركزت بتالي الليل ..


مبروك يا مهرة مطير .. والله يعطيك العافية وجودك ..

[وجودك يكفي]

يا خسارة .. أنا ربطت الغيب بعالم الغيب .. ما فكرت زين ..
بعد التوضيح منك وبحكم دراستي لعلوم القرآن على طول جاء في بالي عالم الغيب والشهادة .. بس ما استوعبت كيف يكون الحل عالم الغيب .. !

ما ركزت بتالي الليل ..


مبروك يا مهرة مطير .. والله يعطيك العافية وجودك ..

الله يعافيك يالجوهرة ولاهنتي على المشاركه .. وصح لسانك على نصف الإجابه وصح لسان مهرة على النصف الآخر والجمله الصحيحه ..

[مهـرة مـطير]

صح بدنك ي وجودك

وبعد توضيحك الأخير بانت الامور

يعطيك العافيه

[وجودك يكفي]

صح بدنك ي وجودك

وبعد توضيحك الأخير بانت الامور

يعطيك العافيه

الله يعافيك يامهرة مطير ولاهنتي

[مهـرة مـطير]

الله يبارك فيج يالجوهره ومثل ماقلتي لو ركزتي شوي كان جبتي الحل قبلي

بس الجايات أكثر ان شاء الله

[الأدميرال]

ولد ثابت لاهنت على طرحك للغز اللي حيرنا كثير
لولا انك وضحت وقلت انه بالقران الكريم كان راح يطول عمره شهر او سنه ويمكن محد يوصل للحل

وماهي غريبه على مهره او الجوهره انهم يحلونه لانهم حلو اللغاز قبل كذا

[وجودك يكفي]

ولد ثابت لاهنت على طرحك للغز اللي حيرنا كثير
لولا انك وضحت وقلت انه بالقران الكريم كان راح يطول عمره شهر او سنه ويمكن محد يوصل للحل

وماهي غريبه على مهره او الجوهره انهم يحلونه لانهم حلو اللغاز قبل كذا

لاهنت يالأدميرال والله يعطيك العافيه

[{ أبوفيصل }]

صحت السنتكم جميع وعزالله غاب عنا
ماقصرتو وصح لسانك ياولد ثابت على اللغز الرهيب

[الطرف الحنون]

الحمدلله وانحل اللغز

والله اشغلني لدرجة اني حفظته :SnipeR (65):

مهرة مطير والجوهره الله يبارك لكم بالعمر والفكر ماقصرتوا :SnipeR (69):

اخونا الكريم وجودك الله يعطيك العافيه ع التوضيح المفصل


وبارك الله في الجميع

[وجودك يكفي]

صحت السنتكم جميع وعزالله غاب عنا
ماقصرتو وصح لسانك ياولد ثابت على اللغز الرهيب

صح بدنك ياكابتن ولاهنت يالغالي

[وجودك يكفي]

الحمدلله وانحل اللغز

والله اشغلني لدرجة اني حفظته :sniper (65):

مهرة مطير والجوهره الله يبارك لكم بالعمر والفكر ماقصرتوا :sniper (69):

اخونا الكريم وجودك الله يعطيك العافيه ع التوضيح المفصل


وبارك الله في الجميع

الله يعافيك يالطرف الحنون ولاهنتي على تواجدك ومشاركاتك

[ليل وقصيّد]

لا اله الا الله :

جميل .. ما رأيت

[اصايل]

كفو ياصبايا:)

الله لايضركم ...

ولد ثابت صح لسانك لغز مطبوخ صح :)

[جااابر]

الصراحه صعب رغم إن الرمعات تحوي كثير من المتناقضات المرض والعافيه والموت والحياه لكن تدري فيه رابط بينها وبين الحل لأن كلها غيب وصارت شهاده «من غادي
أمتعتنا ياوجوذك بما قدمت وبيض الله وجهك
وبيض الله وجه الجوهره ومهرة أمطير تكانفنه وأذبحنه

[البارق]

ماقصرت ياوجودكــــ ويعطيك العافيه ماعليه خلاف مفصل اللغز على حله

عطنا غيره وحله عندى

[مهـرة مـطير]

صح بدنكم جميعا والله يعافيكم

وأبارك لأختي الجوهرة والله يعافيها

[عادل العصيمي]

صح لسانك ياولد ثابت


وصح لسان الجوهرة ومهرة


,

[وجودك يكفي]

لا اله الا الله :

جميل .. ما رأيت

حياك الله يافخاامه والأجمل تواجدك وحضورك

[وجودك يكفي]

كفو ياصبايا:)

الله لايضركم ...

ولد ثابت صح لسانك لغز مطبوخ صح :)

صح بدنك يا آصايل ولاهنتي

[وجودك يكفي]

الصراحه صعب رغم إن الرمعات تحوي كثير من المتناقضات المرض والعافيه والموت والحياه لكن تدري فيه رابط بينها وبين الحل لأن كلها غيب وصارت شهاده «من غادي
أمتعتنا ياوجوذك بما قدمت وبيض الله وجهك
وبيض الله وجه الجوهره ومهرة أمطير تكانفنه وأذبحنه

وجهك ابيض ياجاااابر ولاهنت يالغالي

[وجودك يكفي]

ماقصرت ياوجودكــــ ويعطيك العافيه ماعليه خلاف مفصل اللغز على حله

عطنا غيره وحله عندى

الله يعافيك يالبارق ولاهنت يالغالي على تواجدك وحضورك ..

[وجودك يكفي]

صح لسانك ياولد ثابت


وصح لسان الجوهرة ومهرة


,

حيالك الله يابودارين وصح بدنك ولاهنت يالغالي