مساجلة شعرية بين مشعل وسداح

[{ أبوفيصل }]

السلام عليكم ورحمة الله وبركاته

في الأيام السابقه اتصل الشاعر مشعل العطاوي
بـ الأستاذ نواف الغنامي مُعد دواوين الشاعر سداح العتيبي
وطلب مشعل نسخه من ديوان سداح الأخير "حي صوتك"
وقدم الغنامي لـ مشعل اربع نسخ هديه ,

وبهذه المناسبه يقول :



مشعل العطاوي





البدايـه جيـت ظـلـم ابـغـى الوصـيـه =
وانت من قوم"ن" يحفظون الامانه

ولا دريــــــت الا مـسـلـمـهــا هـــديــــه =
كـيــف لا بـيـنــي ولا بـيـنــك مـيـانــه

افرحتـنـي مــع فــرح عـيـد الضحـيـه =
وزادهـــا ســـداح صـــح الله لـسـانـه

شـاش راســي مــن معانـيـه القـويـه =
ومـن يـراهـن فـيـه مايخـسـر رهـانـه

مـــيــــر يـــانــــواف مـــداتــــك نـــديــــه =
والرجـل لامــد تـعـرف ويــش شـانـه

سـلــم وســلــم عــلــى ذوي عـطـيــه =
عقـب مــادارت سـيـور الاسطـوانـه




وجاء الرد من سداح :




الــبـــدايـــه والــنــهــايــه عــالــمــيــه =
بيض الله وجه مـن سجـل بيانـه

هاضني طرقه عسى ايامه مديه =
طرقه المضمون مايبغى ضمانـه

الـمــدوح الــلــي مفـصـلـهـا عـلـيّــه =
تشهـد انـه مـن رفيعـيـن المكـانـه

بـلـغــه مــنــي ســلامـــي والـتـحـيــه =
وعلمـه سـداح عـدك مــن خـوانـه

وبالنيابه عايديـه والشمـس حيـه =
ولا عليك ولا على مشعل مهانه

يـابـعـد قـــوم"ن" مذاهـبـهـم رديــــه =
يعلجـون احقـادهـم عـلـج اللبـانـه

كــل واحــد منتـفـخ كـبــر المـطـيـه =
معـك امـانـه تمسـطـه بالخيـزرانـه


منقول من الأخ سيف السليس وانقله لكم أيضاً من هنا مباشره

[وجودك يكفي]

صحت السنتهم ولاهنت على النقل ياخليجي والله يعطيك العافيه


الظاهر ياكابتن ان الموضوع مكرر وانا ماني متأكد والعلم الأكيد عند الأخ شواق


دمت كما تحب يالغالي

[{ أبوفيصل }]

صحت السنتهم ولاهنت على النقل ياخليجي والله يعطيك العافيه


الظاهر ياكابتن ان الموضوع مكرر وانا ماني متأكد والعلم الأكيد عند الأخ شواق


دمت كما تحب يالغالي
ولا انت ياوجودك ،، ماادري
لكن المساجله وشاعرها عندي ومن القرابه

[{ أبوفيصل }]

ياوجودك يمكن تقصد مساجلة عبدالعزيز الفرج مع سداح في التويتر

عموماً المساجله اعلاها اختصرت المشوار ونقلتها بدل مااكتبها

[وجودك يكفي]

ههههههههههههههه الظاهر اني شيّبت ياخليجي ومعاد اجمّع

[اصايل]

مساجله جميله ..

صحت السنتهم ..

سلمت خليجي ولاهنت

.......

[{ أبوفيصل }]

مساجله جميله ..

صحت السنتهم ..

سلمت خليجي ولاهنت

.......
هلابك يااصايل ولاهنتي