(قصيدة رائعة جداً) لنايف صقر

[الباسل العتيبي]

مرحبا ,,,

هذي من روائع الشاعر العملاق / نايف صقر
وقصيده مؤثره

يقول :-

سجد قلبي على رمل الضلوع وهزه التنهيد ...

.................. وأنا في قلبي خيام الندم والخوف منصوبه ...

يارب أفهق هلاكي والمنايا والدروب بعيد ...

.................. ما دام المودماني للتراب تقوده دروبه ...

يا غيّاث الظوامي والثمام وجرهدي البيد ...

.................. أعذني من جهنم والحشر والموت وكروبه ...

أنا ما نيب لا مشرك ولا فاسق ولا عربيد ...

.................. أنا اللي لا عصى وأخطأ تجهم وأقلقه ثوبه ...

أنا اللي يرتجف مثل ارتجاف الخايف الرعديد ...

.................. إذا شاف القبور الضيقات وحس بذنوبه ...

أنا عبدك ولد عبدك وجدّاني هل التوحيد ...

.................. خطاياي أخجلتني يالله الغفران والتوبه ...

أنا الإنسان حمّال النقايض والكمد والكيد ...

.................. غريق الطين واللذات من راسه لعرقوبه ...

أنا عبدك يا ربي وأنت تفعل ما تشاء وتريد ...

.................. سألتك يالله العفو العظيم وهيّن دروبه ...


وسلامتكم

[وجودك يكفي]

صح لسان الشاعر نايف صقر ولاهنت على النقل يالباسل

احترامي

[الباسل العتيبي]

شكرا لمرورك

[اصايل]

الله الله

تعجبني هذي القصيده

لاهنت ع الاختيار الراقي ..

[الباسل العتيبي]

شكرا لمرورك