::::.. لــــــــــغــــــز مــــلــــيــــان ..::::

[فهد العايضي]

السلام عليكم ورحمة الله وبركاته

مساكم الله بالخير جميعاً

هذا لغز وجدته في أحد المواقع وأعجبني وحبيت أشارككم به

وأتمنى ينال إعجابكم ...

اللغز يقول :


منشدي بني لهن دورٍ وكد=في زمانٍ فات جزلات العطا
في حشاهن حل من مقدم عهد=الكريم اللي حريبٍ للخطا
إن قطعت الذيل ماباقي صعد=وإنقطعت الراس فالباقي وطا

تـــحـــيـــاتـــي

[عبدالله المرشدي]

شخبارك
عندي رمعه يمكن تكون صح ويمكن تكون بعيده
(((((طيور القطا)

تقبل خالص تحياتي

[منصور الشيباني]

انا مع رمعة اخوي عبدالله

عبدالله الجايزه ففتي ففتي ;)

تحياتي

[فهد العايضي]

هــــــلا وألفين غــــــــلا

ابومرزوق

أخباري ساكنه بس فاقدك يالذيب طلاتك ذا اليومين قليله

وبالنسبه للرمعه لا والله وأنا أخوك بعيد

وبإنتظار الرمعه الثانيه

وياهلابك

[فهد العايضي]

هـــــــــلا بسلطان

للآسف رمعة ابومرزوق بعيد

وأبي رمعتك أنت

تحياتي

[ابن عاصي]

عندي رمعه ولاادري عنها


ماهي الرحى

[فهد العايضي]

هــــــلا يابن عاصي

للأسف يالغالي رمعتك خطأ

وبإنتظار الرمعه الأطيب

[بنت* عتيبة]

عساي احل لغز كلمة رمعة يا الغريب اول؟ هههههههههههه

[فهد العايضي]

هههههههههههههه

أجل مافيه أمل تذبحين اللغز .. هههههههه

الرمعه تقريباً هي بمعنى التخمين أو المحاوله ...

حتى لو ماحليتيه ياعتيبيه مرورك شرف لي ...

بس هذا مايعفيك من المحاوله ...

[طالع]

والرمعه تأتي ايضا بمعنى الضربه التي تكون على الطاير وفي اغلب الاحيان في منطقة العبا

[فهد العايضي]

أجل في منطقة العلبا

هههههههههههههههه

هلا بك مديرنا العزيز

بس وين الرمعه .. ترى ماني معفيك من المحاوله

وإسمح لي بتحداك تحله أنت ياطالع

تحياتي لك

[طالع]

عندي رمعه

السيف جعله مايجي ارقابنا

شف يالغريب ادري اني ماني بحول الدعوى بس حبيت اشارك لاتقولي خطأ قل دور غيرها

[فهد العايضي]

هههههههههههههههه

هـــــــلا بمديرنا العزيز

رمعة طيبه ياطالع

بس حاول في الأطيب

وتراني متحديك أنت بالذات تحله .. وتراه أسهل من ما تتصور

بس هالأيام مالومك مقفل مع هالإمتحانات وزادها عبدالله بكرسي الإعتراف

هههههههههههههههه

[سالم العتيبي]

عندي رمعه ولكن انشاالله طيبه
ما هو الحيوان الحصني : ههههههههههههههه
ههههههههههههههه

[فهد العايضي]

ههههههههههههههههه

قصدك أبا الحصين ههههههههههه

مالك لواء ياسالم .. وماهي حول اللغز

وبإنتظار رمعه أطيب

تحياتي لك

[إبن ثعلي]

اظن يااخ فهد ان اللغز هو النخل
تحياتي

[فهد العايضي]

هــــلا وغـــــلا يابن ثعلي

شرفت المشاركه وراعيها بمرورك الكريم

وبالنسبه لرمعتك مالك لوا .. وبإنتظار رمعه أطيب

تحياتي لك

[ابوفـرٍج]

السلام عليكم
الجواب
الصآروخ
ونشاء الله انه يكون صحيح
تحياآإآإآإآإإآإآإآإآإآإآتي

[فهد العايضي]

حياك الله يابوفرج


وآسف على التأخر في الرد


وبالنسبه لرمعتك مالك لوا يالغالي

وحاول برمعه اطيب


سلاااامي لك ..

[الحاتمي]

اخوي / فهد العايضي

فيه رمعة بس شكلها سماوية . مع العلم هذه اول مشاركة لي في هذا

المنتدى وان شاءلله مانتفشل وياكم ,

اتوقع انها ( النحلة ) والله اعلم

ودمت بود الرحمن,,

[فهد العايضي]

مرحباً مليون بالحاتمي أتشرف أخوي

بأن تكون اول مشاركاتك رد على مشاركه لي

وأعذرني أخي على تأخري في الرد


وأتمنى لو كانت إجابتك صحيحه ولكن للأسف


حاول برمعه أطيب وياهـــــــلا بك

[الطواش]

السلام عليكم

ممكن السماء

[فهد العايضي]

وعليكم السلام ورحمة الله


هـــــلا وغــــلا بالطواش


مالك لوا يالغالي


حاول برمعه أطيب

[ابن زعام]

ماهو رصاصة البندق


يالذيب لاتقول لا


وتقبل تحياتي

[فهد العايضي]

مرحباً مليون يابن زعام

ماني قايل لا يالذيب .. أقول مالك لوا

حاول برمعه اطيب وياهــلا بك

وتراه شئ قديم جداً جداً

كان يستخدم في العصور الأولى لحاجه ضروريه

اما في وقتنا الحاظر لانستخدمه نهائياً ولكن كلنا نعرفه


ونعرف انه كان يستخدم لهذه الحاجه ... هذا للتوضيح

[الزعيم ابوباسل]

هل هو الصعوط

[ابن مرشد]

صح لسانك ومدري ماهن كفتين الميزان

[سود العيون]

ان قطعت الذيل فالباقي صعد
وان قطعت الراس فالباقي وطا

يعني اوله رقا



الرقاع القديمه التي يكتب عليها اذا حذفت الرا اولها صارت قاع واذا حذفت العين اخرهااصبح رقا

[ناصر بن سعدي]

فهد العايضي


تسلم على النقل...


ورمعة...إختنا سود العيون....فيها إجتهاد وإستخدام العقل...



وأنا رمعتي....

إحتمال يكون....الحل النمل...أو الوزغ..أو الفويسقه.....



ودمتم...

[فهد العايضي]

الزعيم ابوالبواسل


بندر


ناصر بن سعدي



حياكم الله ومنورين


وبالنسبه لرمعاتكم مالكم لوا


وشاكر لكم المرور والمحاوله

[فهد العايضي]

سود العيون



صح لسانك مليون ومايكفون


نعم هذه هي الإجابه الصحيحه


هي الرقاع واللي كانت تستخدم في القديم للكتابه عليها


ويقول الكريم اللي حريبٍ للخطأ المقصود هنا القرآن الكريم


والمقصود بإن قطعت الذيل ماباقي صعد اي إذا حذفت حرف العين صات رقا


وإن قطعت الراس فالباقي وطا يعني إذا حذف حرف الرا صارت قاع يعني الأرض


مثل ماوضحت الأخت سود العيون ....




منشدي بني لهن دورٍ وكـد=في زمانٍ فات جزلات العطا
في حشاهن حل من مقدم عهد=الكريم اللي حريـبٍ للخطـا
إن قطعت الذيل ماباقي صعد=وإنقطعت الراس فالباقي وطا



وأخيراً

أشكركم إخواني على محاولاتكم وعلى مروركم