الملكي مطلوب أمنياً

[مامثلي أحد]

-


خلووووها :151:

تعجيني العناوين اللي زي تسذا اللي يرزونها شعار المحاورة في المنتديات
ثمن لا دخلت الموضوع تحمد ربك أنك مانت شاعر .. كل واحد يصفق الثاني
على خشته بكلام دزليل الحياء لين يطلعون نهاية الموضوع وهم متناتفين اللحى << يعني زعلانين مع بعض :151:
قلما نجد محاورة شريفة .. قوية وبنفس الوقت ملتزمة بأداب الحوار الشعري << أن صحت التسمية :SnipeR (9):
أما أن تسانهم يعرفون بعض وكل واحد يمجد في رفيقه طول المحاورة فهذي ما أعتبرها محاورة ..
تسنهم جالسين على قهوة وهاتك ياسواليف ..

و الله يا بعض شعراء المنتديات المحسوبين على الشعر أنهم يكرهونك بشيء اسمه شعر
المشكلة لاكتب أحدهم ( شيء ) يحسبه قصيدة و جوك خوياه مدرعمين وهاتك ياتمجيد
يحز بخاطرك الشعر و الشعراء من عصر الجاهلية إلى عصرنا اليوم :23:
ودك تعلمه بالصراحة و أنه بصوب والشعر بصوب ثاني و أن اللي يعتبرها قصيدة هي رص كلمات
عادية يقدر أصغر بزر يجلس على مقاعد الأبتدائية يسوّيها .. لكن زعله و ربما عدم تفهمه يحول بينك
وبين ذلك .. ودك تصرخ به :

إذا الشعر لم يهزك عند سماعه .. فـ حري أن لا يقال له شعر


^

^


اللي فوق فضفضة بتسبدي من زمان ودي أقولها و أرتحت الحين :151:



الملكي صبحت بالخير ياباشا
عندي مشيكلتن صغيرونه قلت مالي إلا الملكي .. البنات مايستفيدون منك وحنا لا اللي مواضيعهم ماليتن الأقسام << يناظر في أصايل :151:
أيه على طاري أصايل ما أدخل قسم إلا تعالوا جاي .. مساعدتكم .. ألحقوني << هذي توصية :biggrin:
بنتن عبثية ماغير تنغز بهالجوال وهالكمبيوتر لين حاست أبو مريرها
ربي لا تبلاني مابليتها << مزوح و قسم :151:



المهم نجي للجد :
جهازي ياطويل العمر له فترة شغال ع البركة بدون برنامج حماية
وله الحين تقريب أسبوعين إذا شغلته يكتب ويندوز ريكورد << مدري تسذا وإلا لا
بأعلى الشاشة .. والشاشة تقعد تقلب ألوان من الوردي إلى الأحمر إلى الأزرق
ثمن الأسود وتجي كتبات انجليزية مدري وش نوحها ؟
المهم إذا و صلت الصفحة السوداء اللي فيها كتابات ضغطت أنتر ثمن أشتغل
الجهاز .. أنا خايف المرات الجاية مايفتح معي عقب هاللي يصير

والله مدري فهمت على فلم الرعب اللي سردته لك وإلا لا :151:


ومن هالفلم اللي فوق يقفز كذا سؤال :
1- هل اللي قاعد يصير هو فيروس ضارب جهازي ؟ ولازم أفرمته ؟
2- إذا كان جواب اللي فوق نعم .. أنا ماودي أفرمته لأن بوه شغلاتن أبيها مالسواة في هذه الحالة ؟
3- إذا عندك برنامج حماية فري وزين << يعني يكفي عن البرامج اللي بدريمهمات عطنيه ؟


لا عدمناك :34:





-

[اصايل]

ياكثر دواديه الاجودي كثراه اعبر من وحده اعرفها ....ماتقصد نفسها :)

وماخلا حتى الشعار في حالهم ..


ياربي لاتبلاني بس

يقولون لاتضحك بالثرمان تصبح بلاسن ..

ولاتضحك الا بمصلي وصواااام ...

ابك وش نوحك :) شكلك ضحكت علي وبلاك الله خلك تستاهل يارب يخرب جهازك

ويصير اعبر من اجهزتي

اسمع انت جهازك ماله حل الا الجدار معاد فيه رجا

انا ع الاقل لون اسود بس اما انت الوان الطيف كلها ....تضحك بسكات متروعه من البلوى :)


/

لا عاد الصدز
رح لنفس موضوعي ويمكن تلقى اجابه ع الشاشه والتحديثات

لان ملكي شرحها بالصور هناك الله يجزاه خير ..

واللي اعرفه لبرنامج الحمايه انا مثلك طاف سنه على برنامج الكاسبر وحملت ( ابو مظله )

فتره تجريبه شهر يمكن وكمان من ملكي الله يحفظه ..

ويحملونه لك برا الاصلي حول التسعين او مئه لمدة سنه ..( الكاسبر اقصد )

وسلامتك ..

وانطر مهندسنا الملكي :)

[مامثلي أحد]

-


ياكثر دواديه الاجودي كثراه اعبر من وحده اعرفها ....ماتقصد نفسها :)




دوادية << كلمة موش ولابد ترى :biggrin:
كان قلتي كلامه .. علومه .. خنبدزته .. ومن هذا القبيل
الدوادي : الكلام الذي لا فائدة منه .. وكلامي كل أبوه فائدة بعون الله :151:

أجل لو تشوفين مواضيع أحد المنتديات المجاورة و ش تقولين ؟ :biggrin:
حاولت أختصر كثير .. أشوفكم هنا يدوب الواحد يهرج له كلمتين و يسكت
مدري وش نوحكم ياعتابة :151:





وماخلا حتى الشعار في حالهم ..



من تحدثت عنهم المحسوبين على الشعر و الشعراء و ليسوا شعراء في حقيقة الأمر :151:






ياربي لاتبلاني بس

يقولون لاتضحك بالثرمان تصبح بلاسن ..

ولاتضحك الا بمصلي وصواااام ...

ابك وش نوحك :) شكلك ضحكت علي وبلاك الله خلك تستاهل يارب يخرب جهازك

ويصير اعبر من اجهزتي



لاشك أني ضحكت عليك << صريح ..لكن مشكلة جهازي قبل مشكلتك فـ مو أنتِ السبب :biggrin:




اسمع انت جهازك ماله حل الا الجدار معاد فيه رجا



جهازي باهظ الثمن ياأخت العرب و لو أيش ماعمل لايمقن تطاوعني نفسي أمسكه فقط أمسكه
بطريقة فيها أي نوع من القسوة فما بالك باقتراحك الشنيع الذي لا أستطيع حتى إعادة كتابته
من زود الروعة على جهازي :151:





لا عاد الصدز
رح لنفس موضوعي ويمكن تلقى اجابه ع الشاشه والتحديثات

لان ملكي شرحها بالصور هناك الله يجزاه خير ..

واللي اعرفه لبرنامج الحمايه انا مثلك طاف سنه على برنامج الكاسبر وحملت ( ابو مظله )

فتره تجريبه شهر يمكن وكمان من ملكي الله يحفظه ..

ويحملونه لك برا الاصلي حول التسعين او مئه لمدة سنه ..( الكاسبر اقصد )

وسلامتك ..

وانطر مهندسنا الملكي :)



ماظنتي أنه تحديث وما تحديث .. وجه الشاشة يتقلب ألوان بصورة مخيفة
لدرجة أني أتردد أشغل الجهاز << من زود الروعة :151:
كنت قد أقتنيت برنامج أنتي فايروس اللي بدريهمات من محل قبل سنة يومني كنت
مطنوخ وعندي دريهمات وخلص مدته وكل شوي ناقز لي نافذة تحلف علي أشري نسخة جديدة
من البرنامج و أنا اللي أقول أها بس أها .. كلش إلا الدريهمات :151:


وننتظر الملكي لأحياء المحاورة :151:




-

[اصايل]

ودي اعلق تعليقاتن واجد بس ماسكه نفسي .....خابره عمري اخرب ابو الموضوع بالسوالييييف :)


بتابع من بعيد .. سي يو

[الـمـلـكـي]

اللي فوق فضفضة بتسبدي من زمان ودي أقولها و أرتحت الحين :151:



الملكي صبحت بالخير ياباشا
عندي مشيكلتن صغيرونه قلت مالي إلا الملكي .. البنات مايستفيدون منك وحنا لا اللي مواضيعهم ماليتن الأقسام << يناظر في أصايل :151:
أيه على طاري أصايل ما أدخل قسم إلا تعالوا جاي .. مساعدتكم .. ألحقوني << هذي توصية :biggrin:
بنتن عبثية ماغير تنغز بهالجوال وهالكمبيوتر لين حاست أبو مريرها
ربي لا تبلاني مابليتها << مزوح و قسم :151:



المهم نجي للجد :
جهازي ياطويل العمر له فترة شغال ع البركة بدون برنامج حماية
وله الحين تقريب أسبوعين إذا شغلته يكتب ويندوز ريكورد << مدري تسذا وإلا لا
بأعلى الشاشة .. والشاشة تقعد تقلب ألوان من الوردي إلى الأحمر إلى الأزرق
ثمن الأسود وتجي كتبات انجليزية مدري وش نوحها ؟
المهم إذا و صلت الصفحة السوداء اللي فيها كتابات ضغطت أنتر ثمن أشتغل
الجهاز .. أنا خايف المرات الجاية مايفتح معي عقب هاللي يصير

والله مدري فهمت على فلم الرعب اللي سردته لك وإلا لا :151:


ومن هالفلم اللي فوق يقفز كذا سؤال :
1- هل اللي قاعد يصير هو فيروس ضارب جهازي ؟ ولازم أفرمته ؟
2- إذا كان جواب اللي فوق نعم .. أنا ماودي أفرمته لأن بوه شغلاتن أبيها مالسواة في هذه الحالة ؟
3- إذا عندك برنامج حماية فري وزين << يعني يكفي عن البرامج اللي بدريمهمات عطنيه ؟


لا عدمناك :34:





-





ههههههههههههههههه أسأل الله جل في علآه أن يشرح صدرك وييسر أمرك أخي مآمثلي أحد

دمك خفيف الله يحفظك :151:

بمآ أنك تقول ريكورد ويندوز معنآته تسجيل ويندوز

وفي هذه آلحآلة ممكن آلنسخة مزيفة بس قولي بكم ركبتهآ..؟؟

أو يكون جهآزك ملغم بفآيروس وهذآ آلشي أستنتجته من كلآمك يوم تقول آلشآشة تتغير ألوآنهآ

وممكن تكون كل آلحآلتين مع بعض..يعني نسخة مزيفة وجهآزك فيه فآيروسآت

أنصحك تسوي له فورمآت وبآلنسبة للملفآت آللي مآودك تنحذف بسيطه أشتري فلآش ميموري وأنسخ ملفآتك عليهآ.. أو سيديهآت بمآ أنهآ أرخص وإذآ كنت طفرآن يآبعدي قول للمهندس ينسخ ملفآتك على قرص آلـD أو قرص آلـE ويفرمت الأقرآص آلبآقية

والله يعوض عليك يآخوي

أمآ برنآمج آلحمآية أزهله..رآح أنزل برنآمج أفيرآ آلمجآني قريباً وشرح كآمل لقوآئم الإعدآدآت إلخ..

وأي خدمة ثآنية أخي آلفآضل لآيردك إلآ آلكيبورد :03jdfny13:

لك آلتحيه,’,’,

[مامثلي أحد]

-


أصايل : فكينا من تعليقاتس اللي مامنها فود
أزين لتس تابعي من بعيد ههههه :151:





هلا مهندزنا الملكي :151:


Windows Error Recovery
- - - Windows did not shut down successfully if this was due to system not respon

هذي بداية الهرجة العنقليزية اللي قدرت أكتبها من الخنابيدز اللي تطلع لي
ترى الجملة الأولى هي اللي تطلع لي أول شيء والشاشة تقلب ألوان
ثمن تطلع بصفحة سوداء كلامن واجد يدوب نقشت هالكلمتين منهم :biggrin:
أختي حصة تقول سو عمرك فاهم وقل تراه يهرج عن الحماية وتسذا .. وأنا ماحب أتسذب وأسوي فاهم وأنا على عماها :151:


الويندوز الأصلي في يومن ما طار مدري وش طيره وقال لي أبو هنود بركب لك نسخة نفس
الأصلية لا يلعبون عليك ويقولون أصلي وما أصلي ويلهفون قريشاتك .. هي نفس الشركة
الفرق الوحيد هذي من الشركة الأم .. وهذي نفس النسخة لكن مهب مصرح فيها وبس
ركبها لي بـ 800 ياتسبدي تسبداه يوم أذكرها الحين .. ليتني قعدت بدون لاب أصرف لي
تسان هالحين راصن الـ 800 ريال على قليبي و لا أطالع في اللي حولي من زود النعمة :151:


هاه ياخوي تكفى لا تقول فيروس :biggrin:
وعجل بالبرنامج أنتظرك على أحر من الحطب :578:




-

[وضووح]

:








































ههههههههههههههههههـ’’ ياحلوو جوك زمان ماضحكت ها الضحك ربي يسسسعدك
محد قدر على أصايل غيرك :)

وبخصوص جهازك الذيــــب (الملكي)ماقصر ومن تجاربكم نستفيـــد

[مامثلي أحد]

-



وضحى لها من طامن الغيم طلّه .. تسقي الكبود بلطفها مثل الازهار
وضحى خذت من حارق القيظ كله .. مدري سحاب كفوفها مدري أنهار
وضحى لها زين المخاليق كله .. أيضا.. وفوق الزين حشمه و مقدار

الله عليك يالبدر :34:


هلابتس وضحى أقلطي
أيه على فكرة أنتِ وراتس إذا جيتي تردين تركتِ ثلاثة أرباع الصفحة فاضية
و أحنا نطامر نطامر لين نحصل ردتس .. خير وش تحسين به ع هالحركة << و أنت وش دخلك :151:



:
ههههههههههههههههههـ’’ ياحلوو جوك زمان ماضحكت ها الضحك ربي يسسسعدك



الله يسعدك ياخيّه دوم الدوم
أيه علمي أصايل اللي تقول لو تركب الواتس أب ليصكونك خوياك بلوك
ماتدري وين الله قاطها فيه :151:



:
محد قدر على أصايل غيرك :)



أيه أزهليها أصايل
شغلها عندي :151:


:
وبخصوص جهازك الذيــــب (الملكي)ماقصر ومن تجاربكم نستفيـــد



الملكي كنز بعتيبة الله لا يخلينا منه :34:

أشكرتس وضحى لحضورتس الداعم
أن شاء الله يخرب جهازتس و أجي أشد من أزرك في الموضوع اللي بتنزلينه بعدين << ألا يادزيل الحياء :151:



-

[الـمـلـكـي]

صرآحة كذبوآ عليك من نآحية آلنسخة..وآلمشكلة يقولك آلنسخة أصلية من آلشركة الأم ونسخة مكركه

الله يهديك أخوي أنآ بحثت عن نسخة ويندوز إكس بي أصلية بآلطآيف كله مآلقيت

وقآلوآ لي مآفي إلآ بجده وطبعاً يعطيك آلسي دي حق آلنسخة وقيمته بـ500 ريآل

مو يركب لك نسخة ومآيعطيك آلسي دي معهآ وبـ800 ريآل

الآن قآعد أستخدم نسخة مكركه..وشغآله تمآم نفسهآ نفس الأصلية

طيب قولي في كل مرة تشغل آلجهآز تظهر لك شآشة ألوآن آلطيف أو أحيآناً..؟

بعدين أنت تطفي آلجهآز من قآئمة ويندوز أو من آلزر آلخآص بالإطفآء..؟

[اصايل]

مامثلك احد انت ووضحى

لو اني ماقلت مانيب هارجتن هنيا كان وريتكم الشغل

بس فزعلكم ربي :) ................




صباحكم سعاده ..ياللي هنيا :)

[مامثلي أحد]

-


<< حامت تسبده وقامت الأرض تفتر به :SnipeR (10):
والله أنه أقشر علمن يطرق علي .. أجل لاعبن بي التسلب
وتسبدي تسبداه

الملكي النسخة شاريها من جدة من حول السنة وعليها .. ومو من أي أحد
من الوكيل حق شركة جهازي .. ومالاحظت على الجهاز أي مشاكل من يوم ركبتها ..
لاتخلين أركب موتري وأعلق به و أحط رجليني ببطنه :151:

ياحيي جهازي أطلدز جهاز بالعالم .. ما أخبر وديته وألا فرمته .. ولا أخلي أحدن ينوشه
ومن زود الحرص شايل البطارية وشابك الجهاز في الكهرباء على طول
وأطفية من أبدأ – إيقاف التشغيل إلا أحياناً تحكني رجلي وأمدها واتعرقش في السلك
ويطفي الجهاز << صدز والله :151:

من عقب خلصت مدة برنامج الحماية من حول الشهرين وعليها وقلبي ناغزني
و هالمشكلة ظهرت لي من حول السبوعين وعليها
إلا العبارة العنقليزية وش تقول ؟ :151:



أعجل علانا ياخي :SnipeR (2):



-

[مامثلي أحد]

-


أصايل قبل نص ساعة كتبت رد وش طوله أشرح للملكي مأساتي و طار الرد :SnipeR (26):
اليوم أنرحم .. ومالي في المحارش .. مدري من ناضلني في علومي :151:
أجل كل ماكتب لي رد طفى الجهاز و جدعني برا
رد الساعة 9 ورد الساعة 11 ورد الحين
ياربي رباه :biggrin:


الله يسعد صباحتس ياخيه


هالحين الزوار اللي تحت وش يحسون به ؟ يا سجلوا بمعرفاتكم وطبوا ساعدوني
يا عيني ماتشوف ولازول هنيّا << معصّب :SnipeR (55):





-

[نايف تراحيب]

^

الزوار حبايبي لا تقولهم شي :0012:

وبالنسبه لموضوعك اتوقع اني استفدت منه فلذالك اذا تم حل المشكله ،

اتمنى من الملكي تثبيته لكي تعم الفائده ولو بعد سنه :icon31:

فمآن الله + تمنيآتي لجهازك الصلآح :rolleyes:


/


،

[اصايل]

خلك جيد مثلي واول ماتكتب رد طويل انسخه

واعتمد الرد ولو طار لين النسخه فيدك ...... اوووم الافكار الخنفشاريه ههع

دايم تصير معي واموت غبن ... هاه تراني ساعدتك ..احفظها ..:)

[الـمـلـكـي]

مامثلك احد انت ووضحى

لو اني ماقلت مانيب هارجتن هنيا كان وريتكم الشغل

بس فزعلكم ربي :) ................




صباحكم سعاده ..ياللي هنيا :)

ههههههه

صبحك الله بآلرضآ وآلعآفية يآ أصآيل

[مامثلي أحد]

-


^
الزوار حبايبي لا تقولهم شي :0012:
وبالنسبه لموضوعك اتوقع اني استفدت منه فلذالك اذا تم حل المشكله ،
اتمنى من الملكي تثبيته لكي تعم الفائده ولو بعد سنه :icon31:
فمآن الله + تمنيآتي لجهازك الصلآح :rolleyes:

/

،


-


الزوار حبايبنا كلنا مير بغير مواضيع
مهب بمواضيع المآسي و المشاكل
هنا مانبي زوار .. نبي عربن شولقيه تشمر عن سواعدها وتطب تظهر الجهاز اللي غرز :03hbdsn13:
وشلون أستفدت ياحيي من الموضوع وأنا صاحب الشكلة للحين ما استفدت :151:
ههههههه تكفى علمني :biggrin:

الله مير يسلمك ويطول بعمرك ياحيي
أيه هذا العلم السنع .. سمعته يالملكي يقول ثبت الموضع سنة على الأقل
كودني أنشهر .. و الأهم يستفيدون الأجيال القادمة من هالمأساة الشنيعة :151:

بحفظ الباريء ياحيي
الله يصلح لك المال والأجهزة :151:



-

[الـمـلـكـي]

<< حامت تسبده وقامت الأرض تفتر به :SnipeR (10):
والله أنه أقشر علمن يطرق علي .. أجل لاعبن بي التسلب
وتسبدي تسبداه

الملكي النسخة شاريها من جدة من حول السنة وعليها .. ومو من أي أحد
من الوكيل حق شركة جهازي .. ومالاحظت على الجهاز أي مشاكل من يوم ركبتها ..
لاتخلين أركب موتري وأعلق به و أحط رجليني ببطنه :151:

الله يهديك..أنآ مآدخلت في قلوب آلعآلم وشفت وش فيهآ ووش مآفيهآ..أنآ أقصد أنه مبآلغ بآلقيمة مآ أقصد أنه ركب لك نسخة مكركه..:18:

وآلمصيبة الأكبر أنه مآعطآك آلسي دي حق آلويندوز..:151:

ياحيي جهازي أطلدز جهاز بالعالم .. ما أخبر وديته وألا فرمته .. ولا أخلي أحدن ينوشه
ومن زود الحرص شايل البطارية وشابك الجهاز في الكهرباء على طول
وأطفية من أبدأ – إيقاف التشغيل إلا أحياناً تحكني رجلي وأمدها واتعرقش في السلك
ويطفي الجهاز << صدز والله :151:

من عقب خلصت مدة برنامج الحماية من حول الشهرين وعليها وقلبي ناغزني
و هالمشكلة ظهرت لي من حول السبوعين وعليها
إلا العبارة العنقليزية وش تقول ؟ :151:


أعجل علانا ياخي :SnipeR (2):



-

طيب أنت آلحين مآجآوبتني على سؤآلي..آلمشكلة آللي تظهر لك..كل مرة تشغل فيهآ آلويندوز أو في موآضع معينة..؟

شوف أنت جآوب على سؤآلي هذآ وأبشر من ينزل لك برنآمج أفيرآ غداً بإذن الله..عشآن تفحص آلجهآز وإذآ فيه فآيروس يحذفه آلبرنآمج..

وإذآ آلمشكلة مستمرة بعد آلفحص أقولك من آلحين لآزم تسوي له فورمآت وفي أسرع وقت..

وبآلنسبة للعبآرة windows did قد مرت علي بجهآزي وظهرت لي شآشة زرقآ وقعد يطلع لي قيم كثيرة بعضهآ عرفته وبعضهآ لآ..ويظهر بآلشآشة أسمآء آلبرآمج آلموجودة عندي بقرص آلسي

بعدهآ دخل ع آلنظآم تلقآئياً وكأن شيئاً لم يكن

ومعنى آلكلمة ويندوز مآت ههههههههه

[نايف تراحيب]

استفدت من الموضوع ان هنآك مشكله وهناك شخص يحآول ان يحلها :)

اذا تم حلها سوف يثبت الموضوع :|

تقديراً لهذه الفائده !!


احترامي وتقديري يالوسيم جداً :)


/


،

[مامثلي أحد]

-

خلك جيد مثلي واول ماتكتب رد طويل انسخه
واعتمد الرد ولو طار لين النسخه فيدك ...... اوووم الافكار الخنفشاريه ههع
دايم تصير معي واموت غبن ...




الرد ماطار بعد ما أعتمدت الرد ياذهينة
وأنا قاعد أكتب بربرتي اللي وش طولها
وباقن باكتب أكثر من اللي كتبته .. طفى الجهاز المخيس << بغيت أفتح الشباك وأذب عمري :SnipeR (6):



هاه تراني ساعدتك ..احفظها ..:)



لا تقولين تبين تقييم
مشفوحة تقاييم خابرتس :151:



-

[الـمـلـكـي]

^

الزوار حبايبي لا تقولهم شي :0012:

وبالنسبه لموضوعك اتوقع اني استفدت منه فلذالك اذا تم حل المشكله ،

اتمنى من الملكي تثبيته لكي تعم الفائده ولو بعد سنه :icon31:

فمآن الله + تمنيآتي لجهازك الصلآح :rolleyes:


/


،

حيآك الله أخوي نآيف ويآهلآ بك في موضوع مآمثلي أحد :18:

وأبشر بعزك مآطلبت شي..وإن شآء الله تنحل آلمشكلة وتزين آلعلوم

لك آلتحيه,’,’,

[اصايل]

ومعنى آلكلمة ويندوز مآت ههههههههه

اشهد بالله اني عارفه معناها بس ماودي اروعه كود ان يصير عنده امل في الحياه

خخخخخ

الله يسعدك يالملكي ويخليك للناس الغلابا شروانا :)

[اصايل]

استفدت من الموضوع ان هنآك مشكله وهناك شخص يحآول ان يحلها :)

اذا تم حلها سوف يثبت الموضوع :|

تقديراً لهذه الفائده !!


هنا فيها قبايل ياسعادة المدير وبــــــــ ركبك حق


اجل انا مواضيعي حقت الفزعات خربوطيه ههههه

مااستفدتوا منها !!....

[مامثلي أحد]

-

طيب أنت آلحين مآجآوبتني على سؤآلي..آلمشكلة آللي تظهر لك..كل مرة تشغل فيهآ آلويندوز أو في موآضع معينة..؟

شوف أنت جآوب على سؤآلي هذآ وأبشر من ينزل لك برنآمج أفيرآ غداً بإذن الله..عشآن تفحص آلجهآز وإذآ فيه فآيروس يحذفه آلبرنآمج..

وإذآ آلمشكلة مستمرة بعد آلفحص أقولك من آلحين لآزم تسوي له فورمآت وفي أسرع وقت..

وبآلنسبة للعبآرة windows did قد مرت علي بجهآزي وظهرت لي شآشة زرقآ وقعد يطلع لي قيم كثيرة بعضهآ عرفته وبعضهآ لآ..ويظهر بآلشآشة أسمآء آلبرآمج آلموجودة عندي بقرص آلسي

بعدهآ دخل ع آلنظآم تلقآئياً وكأن شيئاً لم يكن

ومعنى آلكلمة ويندوز مآت ههههههههه


-
أبك أنت وش تقول ؟
ويندوز مااات ؟ ياويلي ويلاه .. والله ماعاد لي قدره حتى أرد علاك
أجل ويندوز اللي بجهازي مات .. العزاء ياريجيييل هههههه :151:

الملكي ياحيي أنا وين قلت لك ويندوز داي
اللي كتبته لك Windows Error Recovery
والسطر اللي بعده ديد نوت مافيه أي طاري للموت يابعدي.. لا تخرعني يا خوي :151:

المشكلة تظهر لي كل ماجيت أشغل جهازي :biggrin:


-

[مامثلي أحد]

-


أهلاً بعودتك مرة أخري يا موديرنا << مسوي أخلاق وهو من جنبها :151:


استفدت من الموضوع ان هنآك مشكله
وهناك شخص يحآول ان يحلها :)


والله ما تنترقع يابو تراحيب :151:




اذا تم حلها سوف يثبت الموضوع :|
تقديراً لهذه الفائده !!


أفا شمت فينا الحساد و الغيرانين << يناظر رد أصايل :151:




احترامي وتقديري يالوسيم جداً :)


تسنّك تدق بالهرج يابو تراحيب :SnipeR (2):



-

[الـمـلـكـي]

-




-
أبك أنت وش تقول ؟
ويندوز مااات ؟ ياويلي ويلاه .. والله ماعاد لي قدره حتى أرد علاك
أجل ويندوز اللي بجهازي مات .. العزاء ياريجيييل هههههه :151:

الملكي ياحيي أنا وين قلت لك ويندوز داي
اللي كتبته لك Windows Error Recovery
والسطر اللي بعده ديد نوت مافيه أي طاري للموت يابعدي.. لا تخرعني يا خوي :151:

المشكلة تظهر لي كل ماجيت أشغل جهازي :biggrin:



-

آهآ تصدق أني مآنتبهت للنوت..:18:

طيب الآن طبق معي آللي أقولك عليه بآلحرف وركز زين

طفي آلجهآز بعدين شغله وكرر آلضغط على f8 رآح تفتح معك شآشة آلسيف مود

http://store1.up-00.com/Dec11/YJT67945.gif

تنقل بين آلخيآرآت عن طريق الأسهم آلموجودة بآلكيبورد وأضغط أنتر ع آلخيآر آلرآبع Enable Boot Logging

ثم أضغط أنتر مرة أخرى ع آلنظآم..رآح يشتغل معك آلجهآز أنتظر خمس دقآيق وأرجع طفيه

وأنتظر خمس دقآئق وأرجع شغله إذآ ظهرت نفس آلمشكلة قولي..

أنآ في إنتظآرك

[مامثلي أحد]

-



اشهد بالله اني عارفه معناها بس ماودي اروعه كود ان يصير عنده امل في الحياه
خخخخخ
الله يسعدك يالملكي ويخليك للناس الغلابا شروانا :)


راجعي ردي عليتس اللي قبل ردي على وضحى
أقريه ولايشوفه أحد :151:




هنا فيها قبايل ياسعادة المدير وبــــــــ ركبك حق
اجل انا مواضيعي حقت الفزعات خربوطيه هههه
مااستفدتوا منها !!....


وش جاب مواضيعتس لمواضيعي
ياوجه الله :151:



الملكي روعتني ياخوك ههههه :151:
طيب الخطوات ذي حقت وش ؟
يعني وش تزين بالجهاز بالضبط ؟
علمني بارك الله فيك :biggrin:



-

[الـمـلـكـي]

-







راجعي ردي عليتس اللي قبل ردي على وضحى
أقريه ولايشوفه أحد :151:






وش جاب مواضيعتس لمواضيعي
ياوجه الله :151:



الملكي روعتني ياخوك ههههه :151:
طيب الخطوات ذي حقت وش ؟
يعني وش تزين بالجهاز بالضبط ؟
علمني بارك الله فيك :biggrin:




-

هذآ أحد الأوآمر آلمفيدة عند تعطل أو حدوث مشكلة في آلنظآم..زي مشكلتك الله يسلمك

يعني يسجل آلدخول للجهآز عند حدوث مشكلة في آلنظآم

فهمت يآبعدي..أعجل علينآ وسوي آللي قلتلك عليه

أنآ بإنتظآرك

[مامثلي أحد]

-

ضغطت على f8 ولا ظهر لي شيء

بعدين متى أضغطها والشاشة سوداء فيها كتابات
وإلا إذا ضغطت أنتر واشتغل معي الجهاز زين أضغط هالزر

لأني ضغطتهم بكلا الحالتين ولا ظهرت لي هالنافذة

-

[الـمـلـكـي]

ركز أول مآتضغط على زر آلتشغيل كرر آلضغط على f8 حتى تظهر لك آلشآشة آلسودآ

بعد ذآلك أختآر آللي قلت لك عليه

بإنتظآرك

[مامثلي أحد]

-


ضببببببببببط :03hbdsn13:
الملكي أنت تسذا :SnipeR (37):
عسى يمينك مايجيها العطب


طيب هالحين يقز سؤال وفائدة :

السؤال :
هل هـ الطريقة غير تصحيحية للخل الموجود وإنما يدخلنا على الجهاز على طول
ع الرغم من العلل اللي الموجوده فيه :151: << هالسؤال ينم عن مستوى الذكاء اللي عندي :biggrin:<< عسى ماتكلفت :151:
أو أنها تعدلل الخلل المذكور في الشاشة السوداء اللي كانت تطلع بالبداية ؟


الفائدة :
ثبت الموضوع الله لا يهينك عشان نكيد بعض العرب :151:


وفي الختام لا يسعني إلا أن أشكر جميع من حضر ووقف معي بهالمحنة العصيبة
الله لا يوريكم مكروه بأجهزتكم << هذا اللي هامّك :151:

لا عدمتكم ياحباني :34:



-

[سكون الليل]

الملكي
الله يعطيك العافيه ماقصرت وأنت راعيها
مامثلي أحد
الحمدلله على سلامة جهازك والف مبروك لكـ
دمتم بخير

[الـمـلـكـي]

-


ضببببببببببط :03hbdsn13:
الملكي أنت تسذا :sniper (37):
عسى يمينك مايجيها العطب

آللهم آمين..وآلحمد لله أنه أنحلت آلمشكلة :icon31:

طيب هالحين يقز سؤال وفائدة :

السؤال :
هل هـ الطريقة غير تصحيحية للخل الموجود وإنما يدخلنا على الجهاز على طول
ع الرغم من العلل اللي الموجوده فيه :151: << هالسؤال ينم عن مستوى الذكاء اللي عندي :biggrin:<< عسى ماتكلفت :151:
أو أنها تعدلل الخلل المذكور في الشاشة السوداء اللي كانت تطلع بالبداية ؟

سؤآل وجيه..وينم عن ذكآء فعلاً

للأسف هآلشي مآرآح يحل آلمشكلة جذرياً يعني لو كآن لآسمح الله عندك فآيروسآت أو شي رآح تكون موجودة إلآ إذآ حذفتهآ من آلجهآز

ومن هآلنآحية لآتقلق إن شآء الله بكرة بنزل آلبرنآمج وآلشرح

الفائدة :
ثبت الموضوع الله لا يهينك عشان نكيد بعض العرب :151:

أبشر ومآطلبت شي

وفي الختام لا يسعني إلا أن أشكر جميع من حضر ووقف معي بهالمحنة العصيبة
الله لا يوريكم مكروه بأجهزتكم << هذا اللي هامّك :151:

لا عدمتكم ياحباني :34:



-

لك آلتحيه,’,’,

[اصايل]

ثبت الموضوع الله لا يهينك عشان نكيد بعض العرب :151:


متقبله القبله وتدعي ...:)

[مامثلي أحد]

-



متقبله القبله وتدعي ...:)


خافي الله :151:

أصايل تراها مزوح يابنت الأجواد لاتزعلين من كلمة غير مقصودة
جدعتها هنا وألا هنا :151:

برب وقت الدلة :34:


-

[اصايل]

أصايل تراها مزوح يابنت الأجواد لاتزعلين من كلمة غير مقصودة
جدعتها هنا وألا هنا :151:


صاحي :151: وش يزعلني ؟؟ انا بعد امزح :)

[مامثلي أحد]

-


سكون الليل : ألف شكر على مشاعرك النبيلة ..ماقصرتِ

الملكي : يالبى قلبك ياذيبان .. ألف شكر ولا يسدن


أصايل : ردك الساعة 5 ودقيقة ومسوية تعديل 5 و تسع دقايق
أعترفي وش كنتِ كاتبه هههههه :151:
خلاص لا تعاد تردين و أجي أرد عليك ونوصّل الصفحات مية
ياكثر بربرة هالبنت :151:


-

[أميرة الورد]

مامثلك أحد
ربي يسعدك مثل ماأسعدتني ردودك المرحة
وإن شاء الله مايتعطل جهازك أبدن ...أبدن :biggrin:



الملكي
ماشاء الله عليك لاقوة إلا بالله
جزيت الجنة على مساعدتك للجميع لاهنت
تستاهل التقييم يالفاضل

[الـمـلـكـي]

الله يسعدك يالملكي ويخليك للناس الغلابا شروانا :)

آللهم آمين..وأنآ في خدمتكم إخوتي..

لك آلتحيه,’,’,

[الـمـلـكـي]

الملكي
الله يعطيك العافيه ماقصرت وأنت راعيها
مامثلي أحد
الحمدلله على سلامة جهازك والف مبروك لكـ
دمتم بخير

يعآفيك ربي ويسلمك أخت سكون

لك آلتحيه,’,’,

[الـمـلـكـي]

الملكي : يالبى قلبك ياذيبان .. ألف شكر ولا يسدن

-

ربي يسلمك ويعآفيك وآلشكر لله

وهذآ وآجبي تجآهكم أخي آلكريم

لك آلتحيه,’,’,

[الـمـلـكـي]

الملكي
ماشاء الله عليك لاقوة إلا بالله
جزيت الجنة على مساعدتك للجميع لاهنت
تستاهل التقييم يالفاضل

أهلاً ومرحباً أختي الأميرة

آللهم آمين ربي يتقبل دعوآتك أختي آلفآضلة

شآكر لك مرورك ودعوآتك آلطيبة..ولآ أنسى تقييمك

لك آلتحيه,’,’,

[مامثلي أحد]

-

مامثلك أحد
ربي يسعدك مثل ماأسعدتني ردودك المرحة
وإن شاء الله مايتعطل جهازك أبدن ...أبدن :biggrin:



-
هلا أميرة
مدري وش أقول عاجز عن شكركم ياحباني لدعمكم ووقفتكم .. لا خلينا يارب
ويسعدتس وجميع من حضر و ساعد حتى الزوار اللي غاثيني من بداية الموضوع هههه :151:


يتصفح الموضوع حالياً : 6 (1 عضو و 5 ضيف)
‏مامثلي أحد

^

قضينا الله يسعدكم بلاش فضايح هههه .. على هـ البربرة وأنا معتفس مع جهازي :151:



-

[وضووح]

ذيبان اذا ماعليك آمر بس حبيت اعرف اذا صارت الشاشه سودا فجئا وش السواه ..؟

وتراه ماهوب جهازي علشان مايضحكون علينا بعض العرب ههههههـ’’

[اصايل]

سبحان الله البلوى ماتبطي هههه

يارب انصرني يارب :)

/

يااختس انا اعلمتس من خبرتي البسيطه من استاذنا الملكي

ولاتعتمدين على ردي كليا ..:)

طفي الجهاز وارجعي شغليه واضغطي على اف 8

بيفتح معتس شاشه السيف مود .. تنقلي بين الخيارات واختاري الخيار الرابع

وسوي انتر ..انطري خمس دقايق وارجعي طفيه وبعدا شغليه وان شالله يضبط :)

:


:

تحت التدريب ...:151:

[وضووح]

آصايل هههههههههـ’’ والله العظيم ماهوب جهازي


عطيتها خطوات الملكي وصلحتها بــالحرف تقول ابد الجهاز ماتحرك والشاشه سودا مو راضيه تتغير

الله يجيبك يا ذيبان لاا تتغلاا علينا

[الـمـلـكـي]

طيب قولي لي يآوضوح

آلشآشة مكتوب فيهآ شي أو سوآد في سوآد..؟

ويآليت تعطيني آلمشكلة بآلتفصيل وهل هذآ حدث بعد تحميلهآ ملف من آلنت..؟

ويآليت لو كآن مكتوب فيهآ شي تصورين آلشآشة وتحطينهآ بموضوع مستقل..

[وضووح]

ابد تقول من قفلته البارح تو قبل ساعتين شغلته وماشتغل سواد في سواد مو مكتوب شي

لاا ما حملت ملف..

للأســــف الجهاز ماهوب جهازي ..

إذا في حل لمشكلتها سريع كان بِها وإذا مافيـــه يعطيك الف عافيــه وبكرا الأربعا توديه لأقرب محل تصلحه :)

[الـمـلـكـي]

صرآحة مآعندي خلفية عن آلموضوع..لكن خليهآ توديه أقرب محل تصليح كمبيوتر

كآن ودي أسآعدك..

لكن مآشآء الله ألآحظ أصآيل تعلمت :151:

شدي حيلك يآ أصآيل أتمنى لكِ آلتوفيق

لكم آلتحيه,’,’,

[وضووح]

مو مشكله.. يعطيك العافيــــه وماقصرت

تصبح على خيـــــــر